မေ ၂၅

မိုးမခ လူကြီးမင်းများ ဖြန့်ဝေတဲ့

မေ ၂၅ သောကြာနေ့ သတင်းများ

ဖယောင်းတိုင်နဲ့ လျှပ်စစ်(ပါဝါ) ကို အစားထိုးမယ်တဲ့လား ... ဟားဟားဟား

ကာတွန်း စောငို - မိုးမခ

လျှပ်စစ်မီးအပြည့်အ၀ရရှိရေး ကိုယ်တိုင်ဆန္ဒ̔ထုတ်ဖော်နေသူတဦး၏ ပန်ကြားလွှာ

နီနီမာ (ပေါင်းတည်)။ မေ ၂၅၊ ၂၀၁၂မိုးမခ

ပန်းသီး၏ ဖေ့စ်ဘွတ်ဟာသ

မေ ၂၅၊ ၂၀၁၂ မိုးမခ

ဟုမ္မလင်းလယ်ယာများ ကျူးကျော်ပြီးရွှေတူးခံရမှုမှ ကာကွယ်နိုင်ခဲ့

မိုးမခပေးစာ၊ မေ ၂၅၊ ၂၀၁၂မိုးမခ

မြန်မာ့ဆန်စပါး စိုက်ပျိုးရေးဆိုင်ရာဆွေးနွေးပွဲ ရန်ကုန်တွင်ကျင်းပ

တာရာဝေယံ။ ရန်ကုန်၊ မေ ၂၅၊ ၂၀၁၂မိုးမခ

အစာငတ်ခံ ဆန္ဒပြ အလုပ်သမားများ ကျန်းမာရေးထိခိုက်နေ

By featured, ကျော်ခ on May 25, ဧရာဝတီ

အိန္ဒိယ၀န်ကြီးချုပ်၏ ပထမဆုံး မြန်မာပြည်ခရီး စတင်တော့မည်

By featured, ဇာနည်မာန် on May 25,ဧရာဝတီ

ဒုက္ခသည်များ အိမ်ကို စပြန်နေ

By featured, သန်းထိုက်ဦး on May 25, ဧရာဝတီ

“လွမ်းစိမ့်” အင်္ဂါမစုံတော့ပါ

By featured, မစပ်စု on May 25, ဧရာဝတီ

မီးမရရင် ပင်လယ်စာတွေ ပုပ်ကုန်မယ်

By featured, ခင်ဦးသာ on May 25, ဧရာဝတီ

ကုမ္ပဏီ ၆ ခုကို ရွှေရှာခွင့် ပိတ်ပင်

By featured, ငြိမ်းငြိမ်း on May 25, ဧရာဝတီ

သမဂ္ဂအဆောက်အဦး ပြန်လည်ပေါ်ထွန်းရေး ဗကသ ကြိုးပမ်းနေ

နေမျိုး | သောကြာနေ့၊ မေလ ၂၅ မဇ္ဈိမ

ဒေါ်အောင်ဆန်းစုကြည် မယ်လဒုက္ခသည်စခန်း သွားဖို့အစီအစဉ်ရှိ

2012-05-25 RFA

လျှပ်စစ်မီးရရှိရေး ဆန္ဒဖော်ထုတ်မှု ဒေါ်အောင်ဆန်းစုကြည် ထောက်ခံ

2012-05-25 RFA

လျှပ်စစ်မီးရရေး ငြိမ်းချမ်းစွာ ဆန္ဒပြမှု ဒေါ်အောင်ဆန်းစုကြည် ထောက်ခံ

By VOA (မြန်မာပိုင်း)

အမေရိကန်လူ့အခွင့်အရေးအစီရင်ခံစာမှာ မြန်မာအခြေအနေ တိုးတက်လာ

By ကိုသားညွန့်ဦးVOA

=====================================

လျှပ်စစ်မီးအပြည့်အ၀ရရှိရေး ကိုယ်တိုင်ဆန္ဒ̔ထုတ်ဖော်နေသူတဦး၏ ပန်ကြားလွှာ

နီနီမာ (ပေါင်းတည်)။ မေ ၂၅၊ ၂၀၁၂မိုးမခ

ဒီနေ့  မြန်မာနိုင်ငံတနိင်ငံလုံးတွင် လျှပ်စစ်မီးအပြည့်အ၀ ရရှိရေး အတွက် ပြည်သူလူထုမှု ငြိမ်းချမ်းစွာ ဆန္ဒဖော်ထုတ်ပွဲများ ပြုလုပ်နေကြပါတယ်။ အမှတ်(၂)လျှပ်စစ်ဝန်ကြီးဌာနမှ ပြည်သူလူထုသို့ 

မေတ္တာရပ်ခံပန်ကြားလွှာထုတ်ပြီး ပြည်သူကို လျှပ်စစ်မီး အပြည့်အ၀ မပေးနိုင်ခြင်းကို နားလည်ပေးရန်၊ လျှပ်စစ်မီးကို ချွေတာသုံးစွဲခြင်း ဖြင့် ပူးပေါင်းပါဝင်ပါရန် တိုက်တွန်းခဲ့ပါတယ်။

အခုနောက်ဆုံးပြည်မြို့တွင် ငြိမ်းချမ်းစွာ လျှပ်စစ်မီးရရှိရေးအတွက် ဆန္ဒဖော်ထုတ်နေသူများကို ရိုက်နှက်ဖမ်းဆီးခြင်း၊ နောက်တနေ့တွင် ဆန္ဒမပြလျှင် လွှတ်ပေးမည်ဟု ညှိနှိုင်းကာ လူထု၏အခြေခံလူ့အခွင့်အရေးများကို ထပ်မံချိုးဖောက်ပြီး ဖြေရှင်းနေပြန်သည်ဟု ကြားသိရပါတယ်..။ အခုအခြေအနေဟာ တိုင်းပြည်ရှေ့ဆက်ရမယ့် ဒီမိုကရေစီခရီးစဉ်အတွက် များစွာစိုးရိမ်ဖွယ် ဖြစ်နေပါပြီ။

တဖန် နိုင်ငံတော် သမ္မတ၏အကြံပေးပုဂ္ဂိုလ်တဦးအနေဖြင့် တရားဝင် သတင်းစာ ရှင်းလင်းပွဲမှ ပြည်သူလူထုအား ကိုယ့်အိမ်မှာကိုယ်ဖယောင်းတိုင် မီးထွန်းပြီး မီးမှိတ်နေဖို့ မကြာမီ မိုးရွာပြီး မိုးရေရလျင် ဒီကိစ္စပြေလည်သွားပါမယ် လို့ လက်လွတ်စပယ် ပြောဆိုလိုက်ခြင်းသည် နှစ်ပေါင်းများစွာ သီးခံ နားလည်ပေးလာခဲ့ရသော ပြည်သူလူထုကို မစာမနာ စော်ကားလိုက်သလို ဖြစ်နေပါတယ်။

အခုလက်ရှိဖြစ်ပေါ်နေသော လျှပ်စစ်မီးရရှိရေး လူထု ဆန္ဒဖော်ထုပ်ပွဲများမှာ အနှစ်နှစ်အလလက မတရားဖိနှပ်ခဲ့ သဖြင့်  ခေါင်းငုံ့ လည်စင်းသည်းခံလာသော ပြည်သူလူထုကို ပမာမခန့် စော်ကားစွာ “လျှပ်စစ်မီးတွေ ပိုနေလို့ ထုတ်ရောင်းစားတာပါ” လို့  တာဝန်မဲ့စွာ ပြောကြားခဲ့သော လျှပ်စစ်ဝန်ကြီး ဦးဇော်မင်း၏ စကားတခွန်းမှ စတင်ပေါက်ကွဲလာခဲ့တာလို့ ယူဆမိပါတယ်။ ပိုလျှံတယ် လို့ ပြောပြီး တိုင်းပြည်ရဲ့ သယံဇာတတွေကို ထင်သလို ထုတ်ရောင်းစားကာ တိုင်းပြည် တွင်းမှ ပြည်သူများကို နားလည် ပေးခိုင်းခြင်းမှာ မတရားပါ..။

ယခု ပြည်သူလူထု၏ လျှပ်စစ်မီးရရှိရေးဆန္ဒဖော်ထုတ်ပွဲများကို နိုင်ငံတော်၏ တာဝန်ရှိသူများမှ အကြမ်းဖက် ဖြိုခွဲကာ ဖိနှိပ်ဖမ်းဆီးမှုများ ပြုလုပ်ဖြေရှင်းခြင်းများ၊ အကျိုးအကြောင်း ဆင်ခြင်မဲ့ ရှက်စရာ စကားလုံးများကို ထပ်မံသုံးစွဲကာ ပြည်သူလူထုအားစော်ကားသလိုပြုမူခြင်းများဖြင့် လက်ရှိပြသနာကို ဖြေရှင်းနိုင်မည်မထင်ပါ။

ကိုယ်တိုင်ခံစား ဆန္ဒဖော်ထုတ်နေသော ပြည်သူတယောက်အနေဖြင့်

ပြသနာ၏ အဖြေကို ချဉ်းကပ်ဆင်ခြင်ကြည့်မိရာ …

(၁) နိုင်ငံတော်အနေဖြင့် တိုင်းပြည်တွင်းရှိ ပြည်သူလူထုကို လျှပ်စစ်မီး လုံလောက်အောင် မပေးနိုင်ရိုးမှန်လျင် တိုင်းတပါးသို့ ထုတ်ရောင်းနေသော လျှပ်စစ်စွမ်းအားရင်းမြစ် သယံဇာတများကို ဆက်လက်ရောင်းချမှု လုံးဝမပြုလုပ်တော့ပါဟု လူထုသို့ တရားဝင်အသိပေး ကြေညာလိုက်ပါ။

(၂) လူထု ကို စော်ကားပြောဆို ခဲ့ သော လျှပ်စစ်စွမ်းအင်ဝန်ကြီး ဦးဇော်မင်းကဲ့သို့သော ပုဂ္ဂိုလ်များကို တာဝန်မှရပ်စဲ အပြစ်ပေးလိုက်ပါ။

ထိုသို့ဆိုလျင် မိမိတိုင်းပြည်မှ လျှပ်စစ်စွမ်းအင် သယံဇာတ အလျှံအပယ်ရနေပါလျှက် အမှောင်ထုအတွင်းမှာ ငရဲကျနေရသဖြင့် ခံပြင်းဒေါသထွက်နေသော ပြည်သူ လူထုအနေဖြင့် နိုင်ငံတော်အစိုးရအပေါ် နားလည်ပေးကောင်း ပေးနိုင်မည်ဟု မျှော်လင့်မိပါတယ်။ ထိုသို့  အပြန်အလှန် နားလည်မှုများဖြင့် တည်ဆောက်မှသာ တိုင်းပြည်ရှေ့ဆက်ရမယ့် ဒီမိုကရေစီခရီးကို ချောချောမွေ့မွေ့လျှောက် လှမ်းနိုင်ပါလိမ့်မယ်။

ဒီထင်မြင်ယူဆချက်များမှာ သာမန်ပြည်သူတယောက်၏ တိုင်းပြည်အကျပ်အတည်းဖြေရှင်းရေး အပေါ် ချဉ်းကပ်ဆင်ခြင်ချက်များဖြစ်ပါတယ်။ တိုင်းပြည်အတွင်းမှ ပညာရှင်များ၊ နိုင်ငံရေးပါတီကြီးများ၊ နိုင်ငံရေးအစုအဖွဲ့များမှ ပိုမိုကောင်းမွန်သော ချဉ်းကပ်ညှိနှိုင်း ဖြေရှင်းချက်များ အမြန်ထွက်ပေါ်လာပါစေ။ နိုင်ငံတော်မှ တာဝန်ရှိသူများကလည်း ပြည်သူ့အသံကို စေတနာမှန်မှန်နဲ့ နားလည်ဖြေရှင်းပေးနိုင်ပါစေ လို့ ဆန္ဒပြုမိပါတယ်။ ။

ပန်းသီး၏ ဖေ့စ်ဘွတ်ဟာသ

မေ ၂၅၊ ၂၀၁၂ မိုးမခ

သမ္မတနှင့် ပန်းသီး

သမ္မတ ။ ။ မင်းကလူရွင်တော်ဆိုတော့ မင်းကိုဥာဏ်စမ်းရမယ်။ မင်း ငါ့ကိုအရီရဆုံးနဲ့ အငိုရဆုံးပြောပြစမ်းကွာ...

ပန်းသီး။ ။ ကချင်ပြည်နယ်ဘက်မှာဗုံးခဏခဏပေါက်တော့ အပြစ်မဲ့ပြည်သူတွေသေရတယ်ဗျာ။

သမ္မတ။ ။ ဟင့်..ဟင့် ငါလဲစိတ်မကောင်းပါဘူး..မင်းပြောတာငါငိုရတယ် အရီရဆုံးပြောပါဦး

ပန်းသီး ။ ။သမ္မတကြီးခင်ဗျာ မြန်မာပြည်တပြည်လုံး ၂၄ နာရီမီးမှန်နေပြီတဲ့....

သမ္မတ ။ ။ ဟားးးး ဟား....ဟား.....ဟိုက် … သေးထွက်ကုန်ပြီ။

မီးစိတ္တဇ

စိတ္တဇဆေးရုံတွင် ဒေါက်တာပန်းသီးမှ လူနာများအခြေအနေများသိလို၍ စိတ်တ္တဇလူနာများကို

TV မပါဘဲ remote တခုစီပေးထားပြီး ဂိမ်းကစားခိုင်းလေသည်။

လူနာအကုန်လုံးက remote ကိုင်၍ ဂိမ်းကစားနေသော်လဲ လူနာတယောက်မှာ ဂိမ်းမကစားဘဲ ထိုင်နေသည်ကိုတွေ့၍ ဒေါက်တာပန်းသီးမှ ထိုလူနာအားမေးကြည့်ရာ

ပန်းသီး ။ ။ မင်းကဘာဖြစ်လို့ သူများလို ဂိမ်းမကစားတာလဲ

လူနာ ။ ။ ဟာ … ဆရာကလဲ မြန်မာပြည်မှာ မီးမှမလာတာ၊ ဆရာရူးနေလား။

မောင်ပန်းသီး (သီးလေးသီး) -

ဟုမ္မလင်းလယ်ယာများ ကျူးကျော်ပြီးရွှေတူးခံရမှုမှ ကာကွယ်နိုင်ခဲ့

မိုးမခပေးစာ၊ မေ ၂၅၊ ၂၀၁၂မိုးမခ

"ဟုမ္မလင်းလယ်ယာရွှေတူးခံရ၊ သဘာဝပတ်ဝန်းကျင်ထိန်းသိမ်းရေး လယ်သမားတွေတရားစွဲ၊ ကုမ္ပဏီတွေက ရွှေတူးတာရပ်ဆိုင်း …"

လွန်ခဲ့တဲ့ (၆) လလောက်က ရွှေသတ္တုတူးဖော်ရေးကုမ္မဏီတွေက လယ်ယာတွေအနီးမှာ ရွှေတွေတူးဖော်ခဲ့ပါတယ်။ လယ်ယာ တွေပါပျက်စီးပြီး ရွှေမျောမီး စွန့်ပစ်ရေများနှင့် သဲများ၊ကျောက်စာခဲများ လယ်တွေမှာဖုံးလွှမ်းသွားပါတယ်။ ဧက(၃၀၀)ကျော်ခန့် အနည်းဆုံး ပျက်စီးသွားပါတယ်။

ဥပဒေနဲ့မညီညွှတ်တဲ့သတ္တုတူးဖော်တဲ့လုပ်ငန်းဖြစ်ကြောင်း လယ်သမားတွေကိုယ်စား ဥပဒေအတိုင်ပင်ခံ ဦးဖိုးဖြူက တရားမမှုကြီးစွဲဆိုခဲ့တာဖြစ်ပါတယ်။ ၂၀၁၂ခုနှစ်၊ မေလ (၁၁)ရက်နေ့

နံနက်(၁၁း၀၀) နာရီအချိန်မှာ လယ်သမားပေါင်း(၅၀)ဦးခန့်နှင့်အတူ ဦးဖိုးဖြူတို့ရှေ့နေအဖွဲ့က တရားစွဲဆိုပေးခဲ့တာဖြစ်ပါတယ်။ အဲဒီနေပ့မှာပဲ ဥပဒေမဲ့သတ္တုတူးဖော်ရေးကြောင့် ပျက်စီးရသော သဘာဝ

ပတ်ဝန်းကျင်ထိန်းသိမ်းရေးကို တည်ဆောက်ရန်အတွက် ယာယီတားဝရမ်းထုတ်ပေးပါရန် ဦးဖိုးဖြူက ဟုမ္မလင်းမြို့နယ်တရားရုံးမှာ လျှောက် ထားတောင်းဆိုခဲ့ပါတယ်။ အဲဒီိလိုတရားစွဲဆိုလျှောက်ထားပြီးနောက်ပိုင်း

တိုင်းဒေသကြီးဝန်ကြီးချုပ်နှင့်သတ္တုတွင်းဝန်ကြီးဌာန ပြည်ထောင်စု ၀န်ကြီးတို့၏အစီအစဉ်အရ (၂၂.၅.၂၀၁၂)ရက်နေ့မှာပဲ ရွှေသတ္တုတူးဖော်ရေးကုမ္ပဏီတွေအားလုံး ရပ်ဆိုင်းရုတ်သိမ်းသွားပြီဖြစ်ပါတယ်။

ဇွန်လဆန်းမှာ ဟုမ္မလင်းစစ်တမ်းစာတမ်းဖတ်ပွဲကို ဥပဒေရေးရာရှင်းလင်းချက်အဖြစ် ဖော်ထုတ်ကျင်းပသွားမှာဖြစ်ပါတယ်။

ဆက်သွယ်ရန် - ဦးဖိုးဖြူ

ဥပဒေအတိုင်ပင်ခံ

Purple Equity Law Firm

ဥပဒေရုံး-တိုက်အမှတ်-၁၈၅၊၃လွှာ၊ယာဘက်၊အတွင်းခန်း

အမှတ်(၁)၊၃၈လမ်း၊ကျောက်တံတားမြို့နယ်။

ဖုန်း-၀၉၇၃၀၀၀၄၄၁၊ ၀၉၄၃၀၄၀၇၆၉၊ ၀၁-၃၈၉၂၉၆

မြန်မာ့ဆန်စပါး စိုက်ပျိုးရေးဆိုင်ရာဆွေးနွေးပွဲ ရန်ကုန်တွင်ကျင်းပ

တာရာဝေယံ။ ရန်ကုန်၊ မေ ၂၅၊ ၂၀၁၂မိုးမခ

၂၀၁၂ ခုနှစ် မိုးရာသီတွင် မြန်မာ့ဆန်စပါးစိုက်ပျိုးရေး၌ ကြုံတွေ့ရနိုင်မည့် အခက်အခဲများဆိုင်ရာ ဆွေးနွေးပွဲကို ဒီနေ့နေ့လည် ၂း၀၀ နာရီက ရန်ကုန်မြို့၊ ဗဟန်းမြို့နယ်မှာရှိတဲ့ တော်ဝင်နှင်းဆီ၊ သီရိခန်းမမှာ ကျင်းပခဲ့ပါတယ်။ ဒီဆွေးနွေးပွဲကို ဧရာဝတီအင်စတီကျုနဲ့ ဦးထွန်းလွင်ဖောင်ဒေးရှင်းတို့မှ ပူးပေါင်းကျင်းပခဲ့တာဖြစ်ပါတယ်။

ဦးထွန်းလွင်နဲ့ ဧည့်ပရိသတ်များ ဆွေးနွေးပွဲမှာ ဒေါက်တာထွန်းလွင်(မိုးလေ၀သ ပညာရှင်)က ဒီနှစ်မိုးရာသီမှာ ကြုံတွေ့ရနိုင်တဲ့ ရာသီဥတု အခြေအနေများအကြောင်း ရှင်းလင်းဆွေးနွေးပြီး ပရိဿတ်မေးမြန်းတဲ့မေးခွန်းတွေကို ဖြေကြားခဲ့ပါတယ်။

ဒီနောက်မှာ ဒေါက်တာစိုးထွန်း (သုတေသနတာဝန်ခံ၊ မြန်မာနိုင်ငံ ဆန်စပါးလုပ်ငန်းအသင်း) နဲ့ ဒေါက်တာထွန်းဝင်း (စိုက်ပျိုးရေးပညာရှင်၊ အမေရိကန် စိုက်ပျိုးရေးဝန်ကြီးဌာန)တို့က မြန်မာ့ဆန်စပါး စိုက်ပျိုး ရေးနဲ့ပတ်သက်ပြီး သုတေသနပြုရာ မှာ တွေ့ရှိရတဲ့ အချက်အလက်တွေ၊ ကြုံတွေ့ရနိုင် မယ့် အခက်အခဲတွေနဲ့ ဖြေရှင်းနိုင်မယ့် နည်းလမ်းတွေ၊ အကြံပြုချက်တွေကို ဆွေးနွေးပြီး မေးမြန်းချက်များကို ရှင်းလင်းဖြေကြားခဲ့ကြပါတယ်။

အခမ်းအနားကို ညနေ ၆း ၀၀ နာရီ မှာ အောင်မြင်စွာပြီးဆုံးကြောင်း သတင်း ရရှိပါတယ်။

အစာငတ်ခံ ဆန္ဒပြ အလုပ်သမားများ ကျန်းမာရေးထိခိုက်နေ

By featured, ကျော်ခ on May 25, ဧရာဝတီ

ရန်ကုန်တိုင်း လှိုင်သာယာ စက်မှုဇုန်ရှိ Hi-Mo နှင့် Hight-Art ဆံပင်တု စက်ရုံ နှစ်ရုံတွင် ယမန်နေ့ နံနက်ပိုင်းက စတင် အစာငတ်ခံ ဆန္ဒပြ နေကြသော အလုပ်သမား ၂၀၀၀ နီးပါးအနက် အလုပ်သမ ၂၅၀ ကျော်မှာ ကျန်းမာရေးထိခိုက်မှု ရှိနေကြောင်း သတင်းရရှိသည်။

ယခု လဆန်းမှ စတင်၍ ဆန္ဒပြနေသည့် လှိုင်သာယာ ဆံပင်တု စက်ရုံမှ အလုပ်သမားများ (ဓာတ်ပုံ - ဧရာဝတီ)

၎င်းတို့စက်ရုံမှ ထမင်းဟင်း ချက်မကျွေးတော့သဖြင့် အစာငတ်ခံ ဆန္ဒပြလျက်ရှိရာ အမျိုးသမီးငယ်၂၅၀ ကျော်မှာ အဟာရဓာတ်ချို့တဲ့ခြင်းကြောင့် ကျန်းမာရေးထိခိုက်ခြင်းဖြစ်ကြောင်း စက်ရုံ အလုပ်သမား ခေါင်းဆောင် မသီတာထွန်း က ဧရာဝတီသို့ ပြောသည်။

“ကျမတို့ကို ဆန္ဒပြလို့ဆိုပြီး မနေ့မနက်ကစပြီး သူတို့က ဘာမှ ချက်မကျွေးတော့ဘူး။ အဲဒီကနေ အလုပ်သမားအကုန်လုံးက အစာ မစားဘဲ ဆက်ပြီးဆန္ဒပြတာ ဒီနေ့ညနေအထိပဲ။ ဒီအဆောင်မှာ နေတဲ့လူတွေအားလုံး ရေ၊ မီး ဘာမှမပေးတော့ဘူး။ အခု အစာ မစားရလို့ အားပြတ်ပြီး နေမကောင်းဖြစ်နေတဲ့ လူ ၂၀၀ ကျော်ကိုလည်း ဆေးကုမပေးဘူး။ ပစ်ထားတယ်”ဟု မသီတာထွန်း က ပြောပြသည်။

Hi-Mo နှင့် Hight-Art ဆံပင်တု စက်ရုံ နှစ်ရုံမှ အလုပ်သမများကလည်း အခြေခံ လစာ တိုးပေးရေးနှင့် တင်းကျပ်သော စည်းမျဉ်းများ နှင့် အလုပ်သမား အခွင့်အရေးများ တောင်းဆိုထားမှုကို ယခုလ ၉ ရက်နေ့က စတင်တောင်းဆိုခဲ့ကြခြင်းဖြစ်ပြီး ဒုတိယမြောက် နေ့က လှိုင်သာယာ စက်မှုဇုန် ရှေ့တန်းကြီးကြပ်ရေးရုံးတွင် အလုပ်သမား ခေါင်းဆောင် ၇ ဦးနှင့် အလုပ်ရှင် ကိုယ်စားလှယ်၊ အလုပ်ရုံနှင့် အလုပ်သမားဥပဒေ စစ်ဆေးရေး ဦးစီးဌာနမှ ညွှန်ကြားရေးမှူးချုပ် ဦးဝင်းရှိန်တို့ သုံးပွင့်ဆိုင် တွေ့ဆုံဆွေး နွေးခဲ့ပြီး တောင်းဆိုချက်များကို သဘောတူခဲ့ပြီးဖြစ်သည်။

သို့သော်လည်း အလုပ်ပြန်ဆင်းချိန်တွင် အလုပ်ရှင်က တောင်းဆိုမှု သဘောတူညီချက်များကို လိုက်လျော မပေးနိုင်ဟု ဆိုကာ ယခုလ ၁၆ ရက်နေ့တွင် အလုပ်ရုံနှင့် အလုပ်သမားဥပဒေ စစ်ဆေးရေး ဦးစီးဌာနမှ ညွှန်ကြားရေးမှူးချုပ် ဦးဝင်းရှိန် ကိုယ်တိုင် လာ ရောက် ဖြေရှင်းကာ ထပ်မံ၍ သဘောတူ လက်မှတ်ရေးထိုးခဲ့သည်။ ထိုသဘောတူညီချက်ကိုလည်း အလုပ်ရှင်ဘက်မှ ထပ်မံ ဖျက် သိမ်းခဲ့ပြန်သဖြင့် အလုပ်သမားများကမကျေနပ်ဘဲ ဆက်တိုက်ဆန္ဒပြလာခဲ့ကြခြင်းဖြစ်သည်။

“ကိုရီးယား လူမျိုးတွေက ညီမတို့ အလုပ်သမားတွေကို ညတုန်းက ကိုယ်ထိလက်ရောက် ဆောင့်တွန်းတယ်။ ကိုရီးယားလို ဆဲ တယ်။ ရိုက်တယ်။ အဲဒီလိုလုပ်တော့ ကလေးတွေအကုန်လုံးက စိတ်တွေဆိုးပြီးတော့ လုံးဝ မခံနိုင်ဘူးဖြစ်နေကြတယ်”ဟု မသီတာထွန်း က ဆက်ပြောသည်။

ထိုသို့ဖြစ်ပွားပြီးနောက် စက်ရုံပိုင်ရှင် ကိုးရီးယားလူမျိုးအား အလုပ်သမားများက ဝိုင်းဝန်း ဆန္ဒပြခဲ့ကြသည်။ အလုပ်သမားများ အကြား ပိတ်မိနေသည့် ကိုရီးယားနိုင်ငံသားအား ရန်ကုန်အခြေစိုက် ကိုရီးယား သံရုံးတာဝန်ရှိသူများနှင့် မြန်မာအစိုးရ အာဏာပိုင်များက နှစ်နိုင်ငံဆက်ဆံရေး ထိခိုက်မှုမရှိစေရန်ဟုဆိုကာ ယနေ့မနက် ၅ နာရီက စက်ရုံတွင်း ဝင်ရောက် ခေါ်ထုတ်သွားခဲ့သည်။

ကိုးရီးယားလူမျိုးအား ခေါ်ဆောင်သွားစဉ်က အလုပ်သမားရုံးအဖွဲ့တာဝန်ရှိသူများနှင့် ကိုးရီးယားသံရုံးတာဝန်ရှိသူများက ယနေ့ မွန်းလွဲ ၃ နာရီတွင် အလုပ်သမားများ၏ တောင်းဆိုချက်ကို လာရောက်ဖြေရှင်းပေးမည်ဟု ပြောဆိုခဲ့သော်လည်း ညနေ ၅ နာရီခွဲထိ ရောက်ရှိမလာခဲ့သဖြင့် အလုပ်သမားများမှာ ဆက်လက်ဆန္ဒပြလျက်ပင် ရှိနေသည်။

“ကိုရီးယားသံရုံးကလူတွေကလည်း သူတို့လူမျိုးကို သေချာအာမ ခံသွားတယ်။ လေဘာရုံးကလည်း အာမခံသွားတယ်။ အဲဒီအချိန် မလာတော့ ဖုန်းဆက်တော့ မကိုင်ဘူး။ လေဘာရုံးကို ဖုန်းဆက်တော့လည်း လေဘာရုံးကလူတွေက ဖုန်းပိတ်ထားတယ်။ ညီမတို့ ကိုလည်း ပြန်လွှတ်လိုက်ပြီ”ဟု မသီတာထွန်း က ပြောဆိုသည်။

လတ်တလောတွင် ကျန်းမာရေးမကောင်းသူများကို ဆေးကုသပေးမည့်သူများလည်း မရှိသေးကြောင်းနှင့် အစိုးရဘက်မှလည်း ထိရောက်သော အကူအညီများလုပ်ဆောင်ပေးမှု မရှိသေးကြောင်း အလုပ်သမားများက ပြောသည်။

အလားတူ အစာငတ်ခံဆန္ဒပြမှုမျိုး ရန်ကုန်တိုင်းအတွင်းရှိ မှော်ဘီမြို့နယ် မြောင်းတကာ စက်မှုဇုန် Crown သမဏိစက်ရုံရှိ အလုပ် သမား ၂၀ ကျော်ကလည်း ပြုလုပ်နေသည်။

ထိုစက်ရုံအလုပ်သမားများမှာ လုပ်အားခ တရက်လျင် ၁၆၀ ကျပ် ရရှိနေမှုကို ၅၀၀ ကျပ် ထိ တိုးမြှင့်ပေးရန် တောင်းဆိုနေပြီး ပြေလည်မှုမရသဖြင့် ယနေ့ ၇ ရက်မြောက်နေ့တွင် အစာငတ်ခံ ဆန္ဒပြ နေခြင်းဖြစ်ကြောင်း သိရ သည်။

“ကျနော်တို့က စက်ရုံရှေ့မှာပဲ အစာငတ်ခံပြီး အေးအေးဆေးဆေးထိုင် ဆန္ဒပြတယ်”ဟု Crown သမဏိစက်ရုံ ဆန္ဒပြ အလုပ် သမား တဦးဖြစ်သူ ကိုဇော်ထက် က ဧရာဝတီသို့ ပြောသည်။

ရန်ကုန်တိုင်းအတွင်း စက်မှုဇုန်များတွင် ဧပြီလ ၂၈ ရက်နေ့မှစတင်ကာ ရွှေပြည်သာ၊ လှိုင်သာယာနှင့် မှော်ဘီမြို့နယ်တို့မှ စက်ရုံ ၉ ခု တွင် အခြေခံ လစာ တိုးပေးရေးနှင့် အလုပ်သမားအခွင့်အရေး တောင်းဆိုခြင်းများကို ပြုလုပ်နေကြပြီး ပြေလည်မှုမရရှိသေးပေ။

အလုပ်သမားများမှာလည်း အလုပ်မဆင်းဘဲဆန္ဒပြနေခြင်းဖြစ်သဖြင့် ဝင်ငွေထိခိုက်မှု၊ စားဝတ်နေရေးပိုမိုကြပ်တည်းမှုနှင့် အလုပ် ဆက်မဆင်းလျှင် အလုပ်ထုတ်မည်ဟု အလုပ်ရှင်၏ ခြိမ်းခြောက်မှုများနှင့် ကြုံတွေ့နေကြရကြောင်း အလုပ်သမားများထံမှ စုံစမ်း သိရှိရသည်။

အိန္ဒိယ၀န်ကြီးချုပ်၏ ပထမဆုံး မြန်မာပြည်ခရီး စတင်တော့မည်

By featured, ဇာနည်မာန် on May 25,ဧရာဝတီ

အိန္ဒိယ ၀န်ကြီးချုပ် မာမိုဟမ်ဆင်း၏ ပထမဆုံး မြန်မာနိုင်ငံ ခရီးစဉ်ကို တနင်္ဂနွေနေ့တွင် စတင်မည် ဖြစ်သည်။

မာမိုဟမ်ဆင်း၏ အဆိုပါ ၃ ရက်ကြာ ခရီးစဉ်သည် အိန္ဒိယ ၀န်ကြီးချုပ်များ၏ ၂၅ နှစ်တာ ကာလအတွင်း ပထမဆုံး မြန်မာနိုင်ငံ ခရီးစဉ် ဖြစ်ပြီး ၎င်းနှင့် အတူ အိန္ဒိယနိုင်ငံခြားရေး ၀န်ကြီး အက်စ်အမ် ခရစ်ရှနား၊ အစိုးရအဖွဲ့ဝင် ၀န်ကြီးများနှင့် အိန္ဒိယ စီးပွားရေး လုပ်ငန်း အဖွဲ့အစည်းများမှ စီးပွားရေး လုပ်ငန်းရှင်များလည်း ပါဝင်မည်ဟု သိရသည်။

အိန္ဒိယ ဝန်ကြီးချုပ် မာမိုဟမ်ဆင်း (ဓာတ်ပုံ - fdrnepal.wordpress.com)

မာမိုဟမ်ဆင်းနှင့် အဖွဲ့သည် နေပြည်တော်တွင် သမ္မတ ဦးသိန်းစိန်နှင့် တွေ့ဆုံမည်ဖြစ်ပြီး နှစ်နိုင်ငံ ကူးသန်းရောင်းဝယ်ရေး ကိစ္စများ၊ နယ်စပ်ကုန်သွယ်ရေး၊ နယ်စပ်ကုန်သွယ်ဂိတ်များ အသစ်ထပ်မံ သတ်မှတ်ရေး၊ နယ်စပ်ဒေသ လုံခြုံရေး၊ ကားလမ်း၊ ရထားလမ်းများ ပြုပြင်ဖောက်လုပ်ရေးများ အပြင် သမ္မတ ဦးသိန်းစိန်၏ အိန္ဒိယ ခရီးစဉ်အတွင်း နှစ်နိုင်ငံ သဘော တူညီထားသည်များကို ပြန်လည်သုံးသပ်မှုများ ပြုဖွယ်ရှိကြောင်း အိန္ဒိယ နိုင်ငံခြားရေး ၀န်ကြီးဌာနမှ အရာရှိတဦးက ဆိုသည်။

အဆိုပါ သဘောတူညီမှုများတွင် ထမံသီရေကာတာနှင့် ရေအားလျှပ်စစ် စီမံကိန်းကိစ္စ၊ ကုလားတန် စီမံကိန်း ကိစ္စများလည်း ပါဝင်ပြီး အိန္ဒိယ နိုင်ငံမှ ပေးအပ်မည့် နည်းပညာဆိုင်ရာ ထောက်ပံ့မှုများ၊ ကျန်းမာရေး ပညာရေးဆိုင်ရာ ထောက်ပံ့ကူညီမှုများ ပါဝင်သည်။

ထို့အပြင် အိန္ဒိယတောင်ပိုင်း ချန်နိုင်းနှင့် ကာလကတ္တားမှ ရန်ကုန်သို့ ခရီးသည်တင် သင်္ဘော ပြေးဆွဲရေး၊ အိန္ဒိယ မြန်မာ နှစ်နိုင်ငံ လေကြောင်းလိုင်းများ တိုးချဲ့ ပျံသန်းရေး၊ အိန္ဒိယမြန်မာနယ်စပ် မဏိပူရ်ပြည်နယ် အင်ဖားလ်မြို့မှ မန္တလေးသို့ ခရီးသည်တင် ယာဉ်လိုင်းများပြေးဆွဲရေး ကိစ္စရပ်များကိုလည်း ဆွေးနွေးရန် ရှိသည်ဟု အိန္ဒိယ နိုင်ငံခြားရေးဝန်ကြီးဌာနက ဆိုသည်။

အဆိုပါ နယ်စပ်ဖြတ်ကျော် ခရီးသည်တင် ယာဉ်လိုင်းပြေးဆွဲရေးအတွက် ဆွေးနွေးမှုများ ပြုလုပ်နေသည်မှာ ကြာမြင့် လှပြီဖြစ်ပြီး ယမန်နေ့ကမူ မာမိုဟမ်ဆင်းက အစိုးရအဖွဲ့ အစည်းအဝေးတွင် အဆိုပါ ယာဉ်လိုင်းပြေးဆွဲမှု အတွက် သဘောတူ လက်မှတ် ရေးထိုးလိုက်ပြီ ဖြစ်ကြောင်း၊ မြန်မာဘက်ကမူ မာမိုဟမ်ဆင်းနှင့် သမ္မတ ဦးသိန်းစိန် တွေ့ဆုံဆွေးနွေးပြီးသည့်အခါ သဘောတူ လက်မှတ် ရေးထိုးဖွယ်ရှိကြောင်း ဆိုသည်။

မာမိုဟမ်ဆင်းနှင့် အဖွဲ့သည် ရန်ကုန်သို့လည်း သွားရောက်မည်ဖြစ်ပြီး အမျိုးသားဒီမိုကရေစီအဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်နှင့်လည်း မေ ၂၉ ရက်နေ့တွင် ဆီဒိုးနား ဟိုတယ်၌ တွေ့ဆုံမည်ဟု သိရသည်။

ထို့အတူ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) နှင့် မြန်မာ့ဖွံ့ဖြိုးတိုးတက်မှု အရင်းအမြစ်ဌာန (Myanmar Development Resource Institute) တို့ ပူးပေါင်းစီစဉ်သော ဆွေးနွေးပွဲတွင် ၀န်ကြီးချုပ် မာမိုဟမ်ဆင်းက “အိန္ဒိယနှင့် မြန်မာ၊ ဒေသတွင်း ဖွံ့ဖြိုး တိုးတက်ရေးလုပ်ငန်းများအတွက် မိတ်ဆွေများ” ဆိုသည့် ခေါင်းစဉ်ဖြင့် စာတမ်းကို ဖတ်ကြားရန် ရှိသည်ဟု သိရသည်။

ဒုက္ခသည်များ အိမ်ကို စပြန်နေ

By featured, သန်းထိုက်ဦး on May 25, ဧရာဝတီ

ထိုင်း-မြန်မာ နယ်စပ် တာ့ခ် ခရိုင် မယ်လ ဒုက္ခသည်စခန်းရှိ ဒုက္ခသည်များထဲမှ မြန်မာနိုင်ငံသို့ ပြန်လည်အခြေချ နေထိုင်သူများ ရှိနေ ကြောင်း တာဝန်ရှိသူ တဦးက ပြောသည်။

မယ်လ ဒုက္ခသည် စခန်းအတွင်းက နံနက်ပိုင်း မြင်ကွင်း (ဓာတ်ပုံ - ဧရာဝတီ)

“ပြန်တဲ့ လူတွေက အထူးသဖြင့် မြို့မှာ နေတဲ့လူတွေက ပြန်နေကြတယ်၊ ဒီနယ်စပ်ဒေသကနေ ထွက်ပြေးလာတဲ့ စစ်ပြေး ဒုက္ခ သည် တွေကတော့ ပြန်တာ မတွေ့သေးဘူး”ဟု မယ်လ ဒုက္ခသည်စခန်း ဥက္ကဌ စောထွန်းထွန်း က ဧရာဝတီသို့ ပြောသည်။

ပြီးခဲ့သည့် မတ်လမှ စတင်၍ တလတွင် အနည်းဆုံး ၁၀ အိမ်ထောင်စုခန့် တဖြည်းဖြည်း ပြန်နေကြပြီး အများစုမှာ ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး(UNHCR) တရားဝင် အသိအမှတ် မပြုခံရသေးသူများ ဖြစ်ကြောင်း ၎င်းက ဆိုသည်။

ပြည်ပရောက်များ ပြည်တွင်းသို့ ပြန်လာရန် ဖိတ်ခေါ်လိုကြောင်း ယခုလ ၁၂ ရက်နေ့က သမ္မတရုံးတွင် ကျင်းပသည့် နိုင်ငံတော် ဖွံ့ဖြိုးတိုးတက်ရေး၊ ဒေသဖွံ့ဖြိုးတိုးတက်ရေးဆိုင်ရာ ညှိနှိုင်းစည်းဝေးပွဲ၌ သမ္မတ ဦးသိန်းစိန် က ပြောဆိုသည့် အချိန်နှင့်လည်း တိုက် ဆိုင်နေသည်။

တိုင်းပြည် ပြုပြင်ပြောင်းလဲ တိုးတက်ရေး အတွက် ပြည်ပတွင် အကြောင်း အမျိုးမျိုးဖြင့် ရောက်ရှိနေသည့် မြန်မာပညာရှင်များ၊ ဘာ သာရပ် ကျွမ်းကျင်သူများ၊ စီးပွားရေးလုပ်ငန်းရှင်များနှင့် အလုပ်မျိုးစုံလုပ်ကိုင်နေသူများ ပြန်လာကြရန် ဖိတ်ခေါ်လိုကြောင်း ဦးသိန်း စ်ိန်က ပြောကြားခဲ့ခြင်း ဖြစ်သည်။

စောထွန်းထွန်းကမူ သမ္မတ ဦးသိန်းစိန်၏ ပြောဆိုချက်နှင့် ဆက်စပ်မှု မရှိကြောင်း၊ မြို့ပေါ်ရှိ ဒုက္ခသည်များနှင့် နီးစပ်သည့် ဆွေမျိုး များက ပြန်ခေါ်ခြင်းသာ ဖြစ်နိုင်ကြောင်း ပြောသည်။

“ကျနော့် အမြင်ကတော့ ဒီမှာပဲ ဆက်နေသင့်ပါတယ်၊ ပြန်ဖို့ အချိန်မတန်သေးပါဘူး၊ အမျိုးသား ပြန်လည်သင့်မြတ်ရေး ဆိုတာက လည်း အခုမှ ဆွေးနွေးစ ကာလပဲ ရှိသေးတယ်၊ အများကြီး ဆက်ဆွေးနွေးစရာ ရှိသေးတယ်၊ လက်ရှိ အစိုးရကို လူထုက ရွေးကောက်တင်မြှောက်ပြီး စစ်မှန်တဲ့ အစိုးရလို့ လက်ခံလို့ မရနိုင်သေးဘူး၊ အဲဒါကြောင့် ကျနော်တို့ စစ်မှန်တဲ့ ထာဝရ ငြိမ်းချမ်းရေး ရရှိမှသာ ဒုက္ခသည် အနေနဲ့ ပြန်မယ်ဆိုရင် ပိုပြီးတော့ လုံခြုံမှုရော၊ စိတ်ချမှုနဲ့ ဂုဏ်သိက္ခာရှိရှိ ပြန်နိုင်မယ်လို့ ယုံကြည်တယ်”ဟု စော ထွန်းထွန်းက ဆက်ပြောသည်။

ထိုင်း-မြန်မာ နယ်စပ်တွင် ဒုက္ခသည်စခန်း ၉ ခုရှိသည့် အနက် မယ်လဒုက္ခစခန်းသည် ဒုက္ခသည် ၅ သောင်းခန့် နေထိုင်သော စခန်း တခု ဖြစ်သည်။

ဒေါ်အောင်ဆန်းစုကြည်ကလည်း ဘန်ကောက်မြို့တွင် ကျင်းပမည့် ကမ္ဘာ့ စီးပွားရေး ဖိုရမ်သို့ တက်ရောက်မည့် ခရီးစဉ်အတွင်း ထိုင်းဝန်ကြီးချုပ် ယင့်လတ် ရှင်နာဝပ်နှင့် အတူ နယ်စပ်ရှိ မယ်လ ဒုက္ခသည် စခန်းသို့ မေလ ၃၁ ရက်တွင် လာမည် ဖြစ်ကြောင်း သိရသည်။

မယ်လ ဒုက္ခသည် စခန်း အပါအ၀င် အုန်းဖျန်၊ နို့ဖိုး၊ မယ်လဦး၊ မယ်ရာမို၊ ထန်ဟင်း၊ ဘန့်ဒုံယမ်း စသည့် ဒုက္ခသည် စခန်း ၇ ခုနှင့် ကရင်နီ စခန်း အမှတ် (၁)၊ အမှတ် (၂) စခန်းတို့ ဖြစ်ပြီး ၎င်း စခန်းများတွင် ဒုက္ခသည် တသိန်း ခြောက်သောင်း ခန့် ရှိကြောင်း ကူ ညီကယ်ဆယ်ရေးနှင့် အထောက်အပံ့ပေးရေး အဖွဲ့များ၏ စာရင်းအရ သိရသည်။ ဒုက္ခသည်များသည် ၁၉၈၃ ခုနှစ်မှ စတင်၍ မြန်မာ အစိုးရတပ်များ၏ ထိုးစစ်ဆင်မှုကြောင့် ထွက်ပြေးလာကြသူများ ဖြစ်သည်။

မြန်မာ အစိုးရက တိုင်းရင်းသား လက်နက်ကိုင်အဖွဲ့များနှင့် ငြိမ်းချမ်းရေး ဆွေးနွေးရန် ကြိုးပမ်းနေစဉ် ဒုက္ခသည်များ၊ ပြည်တွင်း ရွှေ့ ပြောင်း ဒုက္ခသည်(IDPs)များ ပြန်လည် နေရာချထားရေးနှင့် အမျိုးသားပြန်လည်သင့်မြတ်ရေးကို အဓိက ကိစ္စတရပ် အနေဖြင့် ထည့်သွင်း လုပ်ဆောင်နေကြောင်းလည်း သိရသည်။

ထို့အပြင် ထိုင်းအာဏာပိုင်များကလည်း ဒုက္ခသည်များ မြန်မာပြည် ပြန်ပို့ရေးနှင့် ပတ်သက်၍ ဒုက္ခသည်များ၏ အနာဂတ် အရေးသ ဘောထား အမြင်များ စုဆောင်းခြင်း အပါအဝင် ပြီးခဲ့သည့် မတ်လက ထိုင်း-မြန်မာ နယ်စပ်ရှိ ဒုက္ခသည် စခန်းတချို့တွင် အလွတ် သဘော စစ်တမ်း ကောက်ယူခဲ့ကြောင်း ဒုက္ခသည်အရေး ဆောင်ရွက်နေသူများက ပြောသည်။

မြန်မာအစိုးရနှင့် တိုင်းရင်းသားလက်နက်ကိုင် အဖွဲ့များ ငြိမ်းချမ်းရေး သဘောတူညီချက်ရလျှင် ထိုင်း မြေပေါ်မှ ဒုက္ခသည်စခန်းများ ကိုပိတ်မည်ဖြစ်၍ ဒုက္ခသည်များ အနေဖြင့် မည်သို့လုပ်ဆောင်မည်ကို ထိုင်းအာဏာပိုင်များက သိလိုခြင်းသာ ဖြစ်သည်ဟု ဆို သည်။

ထိုင်းတာဝန်ရှိသူများ အနေနှင့် စစ်တမ်း ကောက်ယူမှုများ ရှိနေသော်လည်း ဒုက္ခသည် စခန်းများကို ပိတ်၍ ဒုက္ခသည်များကို နေ ရပ်ပြန်ပို့မည့် ဆုံးဖြတ်ချက် မရှိသေးကြောင်း ကြားသိရသည်။

လာမည့် ဇွန်လဆန်းပိုင်း၌ မယ်လဒုက္ခသည် စခန်းတွင် ဒုက္ခသည်များ နေရပ်ပြန်နိုင်ရေးနှင့် ပတ်သက်၍ ကရင် ဒုက္ခသည် ကော် မတီ(KRC)က ဦးဆောင်၍ အစည်းအဝေးတခု ကျင်းပရန်အတွက် ဒုက္ခသည် စခန်း ၇ ခုမှ တာဝန်ရှိသူများနှင့် UNHCR မှ တာဝန် ရှိသူများကို ဖိတ်ခေါ်ရန် စီစဉ်ထားကြောင်း တာဝန်ရှိသူ တဦးက ပြောဆိုသည်။

“လွမ်းစိမ့်” အင်္ဂါမစုံတော့ပါ

By featured, မစပ်စု on May 25, ဧရာဝတီ

၁၉၈၈ အရေးတော်ပုံကာလကို အခြေခံတဲ့ “လွမ်းစိမ့်” ဇာတ်ကားကို ပြင်ဆက်ချက် ၂၅ ချက်နဲ့ ဖြတ်တောက်ပြီးမှ ပြသခွင့်ပြုလိုက်တာဟာ ပြန်ကြားရေးဝန်ကြီး ဌာနက လူပုဂ္ဂိုလ်တွေ သူရဲဘောကြောင်ပြီး အမှန်တရားကို ရင်ဆိုင်ဖို့ သတ္တိနည်းနေသေးတယ်ဆိုတာ ပြသလိုက်တာဖြစ်တယ်လို့ ဒီဇာတ်ကားရဲ့ ဇာတ်ညွှန်း၊ ဒါရိုက်တာ ချိုတူးဇော်က ဝေဖန်လိုက်ပါတယ်။

“ဒီလူတွေမှာ ကြောက်စိတ် အရမ်းကြီးနေတုန်းပဲ။ သူတို့တွေဟာ အမှန်တရားကိုလည်း မဖော်ထုတ်ရဲဘူး။ အမှန် တရားကိုလည်း ရင်မဆိုင်ရဲဘူးသေးဘူး။ သူရဲဘော ကြောင်နေသေးတုန်းပဲလို့ ကျနော်မြင်တယ်” လို့ ဒါရိုက်တာ ချိုတူးဇော်က ဧရာဝတီကို ပြောပါတယ်။

၁၉၈၇ ခုနှစ် ငွေစက္ကူအသိမ်းခံရတဲ့ အကြောင်းအရာ၊ ၁၉၈၈ ခုနှစ် ကျောင်းသား အရေးတော်ပုံ၊ အဲဒီကာလတွေမှာ

ဖြတ်သန်းခဲ့ရတဲ့ ကျောင်းသားတွေရဲ့ဘ၀ စတာတွေကို ရိုက်ကူးထားတဲ့ “လွမ်းစိမ့်” ဇာတ်ကားဟာ “၈၈ အရေးအခင်းကို ပြန်လည်ဖြစ်ပွားအောင် သွေးထိုးလှုံ့ဆော်၊ နည်းပေးလမ်းပြထားသော နိုင်ငံရေး ဇာတ်ကားဖြစ်သည်” ဆိုတဲ့ မှတ်ချက်နဲ့ ၂၀၁၀ ပြည့်နှစ်မှာ ဆင်ဆာပိတ် ခံထားရတာပါ။

ဒီဇာတ်ကားဟာ ပြန်ကြားရေးဝန်ကြီးက ၂၀၀၀-၂၀၁၂ ခုနှစ်အတွင်း ဆင်ဆာခွင့်ပြုချက် ရမထားတဲ့ ဇာတ်ကားတွေကို ပြန်လည်ပြင်ဆင်ပြီး ခွင့်ပြုမယ်လို့ ညွှန်ကြားလိုက်တဲ့ ၄၁ ကားထဲမှာ ပြန်လည်ပြသခွင့် ရလာတဲ့ ဇာတ်ကားပါ။

ဒါပေမယ့် နာရီဝက်စာလောက် ဖြတ်တောက်ခံရပြီးမှ ဆင်ဆာခွင့်ပြုချက် ရခဲ့တယ်လို့ သိရပါတယ်။

၈၈ ကျောင်းသား အရေးတော်ပုံဖြစ်လာရခြင်းရဲ့ အဓိက အခြေခံအကြောင်းအရာ ဖြစ်တဲ့ ၁၉၈၇ ခုနှစ် ငွေစက္ကူ အသိမ်းခံရတဲ့ ကိစ္စတခုလုံးကို ဖြတ်တောက်လိုက်ပြီးမှ ပြန်လည်ပြသခွင့်ပြုလိုက်တာဖြစ်ပြီး ၈ လေးလုံးအရေးတော်ပုံဟာ လမ်းဘေး လက်ဘက်ရည်ဆိုင်မှာ ဆိုးသွမ်းတဲ့ ကျောင်းသားတွေက အခြေအမြစ်မရှိ ရန်ဖြစ်ရာကနေ ဖြစ်ပေါ်လာတဲ့ပုံစံ လမ်းကြောင်းပေါ်ကို ရောက်အောင် ဆွဲသွင်းလိုက်ခြင်းဖြစ်တယ်လို့ ဒါရိုက်တာ ချိုတူးဇော်က ဆိုပါတယ်။

“၁၉၈၇ ခုနှစ် စက်တင်ဘာ ငွေစက္ကူကိစ္စ ကြေညာတာဟာ ၈၈ အာဏာ မသိမ်းခင်က ဖြစ်ရပ်ပါ။ အရင် အစိုးရရဲ့ လုပ်ရပ်ပါ။ လက်ရှိအစိုးရကိုရော ဒီအစိုးရရဲ့ ဇစ်မြစ်ဖြစ်တဲ့ ပြီးခဲ့တဲ့ စစ်အစိုးရကိုရော ဘာမှ မထိခိုက်ပါဘူး။ ဒီအတွက် လွှတ်ပေးသင့် ပါတယ်လို့ ဆင်ဆာက လူကြီးတွေကို အကြိမ်ကြိမ် သွားဆွေးနွေးတယ်။ ဒါပေမယ့် သူတို့က ခါးခါးသီးသီးကိုမပေးဘူး” လို့ သူက ပြောပါတယ်။

ဒါ့အပြင် “လွမ်းစိမ့်” ဇာတ်ကားဟာ ပြည်ပရောက်မြန်မာတွေရဲ့ ၀ိုင်းဝန်း ကန့်ကွက်ခြင်းကို ခံခဲ့ရတဲ့ ကွယ်လွန်သူ ဒါရိုက်တာ တင်သန်းဦး ရိုက်ကူးခဲ့တဲ့ “အာရုဏ်ဦးမှာဖူးသည့်ကြာ” ဇာတ်ကားနဲ့လည်း ခေတ်ပြိုင်ဖြစ်တယ်လို့ သိရပါတယ်။

“သူတို့ကတော့ ဆင်ဆာ တင်စရာမလိုဘူးပေ့ါဗျာ။ သူ့ ဒါရိုက်တာနဲ့ သူ့တီဗီမှာ လွှင့်တာဆိုတော့ ဒီကားပြပြီးတော့ ကျနော့်ကားလည်း ဆင်ဆာတင်တယ်။ သူတို့က တော်တော်ကြောက်တယ်ဗျ။ ကျနော့်ကားမှာ အစိုးရကို ပုတ်ခတ်ထားတာ ဘာမှမပါဘူး။ အမှန်အတိုင်း တင်ပြထားတယ်။ အပြုသဘော တင်ပြထားတယ်။ အဲဒါကို ရင်မဆိုင်ရဲတာဗျ” လို့ ဒါရိုက်တာက ပြောပါတယ်။

ဒီဇာတ်ကားကို စက်မှုတက္ကသိုလ်ကျောင်းပုံစံ တည်နေရာများနဲ့ အနီးစပ်ဆုံး တူညီမယ့် နေရာတွေကို ရွေးချယ်ပြီး ကြည့်မြင်တိုင် မျက်မမြင်ကျောင်း၊ အင်းစိန် ကျမ်းစာကျောင်း စတဲ့ နေရာတွေမှာ အဓိက ရိုက်ကူးခဲ့တဲ့အပြင် အဲဒီခေတ် ကျောင်းသားတွေရဲ့ ၀တ်စားနေထိုင်ပုံတွေကအစ အနီးစပ်ဆုံး တူအောင် ရိုက်ကူးထားတာလို့ သိရပါတယ်။

ဒီဇာတ်ကားရဲ့ ဇာတ်ကောင်နာမည်တွေ ဟာလည်း အပြင်မှာ တကယ်ရှိခဲ့တဲ့ ကျောင်းသားတွေရဲ့ နာမည်တွေကို သုံးစွဲထားတာပါ။ သရုပ်ဆောင် ရဲတိုက်၊ ပြေဇင်၊ အေးမြတ်သူ၊ နိုဘယ်လ်ကျော်ကျော်တို့ ပါဝင်ထားပါတယ်။

ရုပ်ရှင် အစည်းအရုံးဥက္ကဋ္ဌ ဦးဇင်ဝိုင်းကလည်း တက္ကသိုလ်ကျောင်း နောက်ခံပြုတဲ့ ဇာတ်ကားတွေ ပြန်လည်ပေါ်ထွက်လာတဲ့အပေါ် ၀မ်းသာတယ်လို့ ဆိုပါတယ်။

“ကျနော်တို့လည်းကျောင်းသားဘ၀က လာခဲ့တာလေ။ အခုအချိန်အထိလည်း ကျောင်းဘ၀ကို လွမ်းဆွတ်နေတုန်းပါပဲ။ အခုလိုမျိုး ကျောင်းနောက်ခံပြုတဲ့ ရန်ကုန်တက္ကသိုလ်ပဲ ဖြစ်ဖြစ်၊ မန္တလေး တက္ကသိုလ်ပဲ ဖြစ်ဖြစ် တက္ကသိုလ် နောက်ခံပြု ဇာတ်လမ်းတွေ ပေါ်ထွက် စေချင်ပါတယ်” လို့ သူက ပြောပါတယ်။

ဆင်ဆာအဖွဲ့ အနေနဲ့ကတော့ လတ်တလောမှာ အရင်ပြသခွင့် ပိတ်ပင်ထားတဲ့ ဇာတ်ကားတွေ မရှိတော့ သလောက်အထိ ဖြစ်အောင် ဖြတ်တောက် ပြန်လည်ပြင်ဆင်ပြီးမှ ခွင့်ပြုနေတာပါ။

ဒီလို ဆင်ဆာထိ ဇာတ်ကားတွေ ပြန်ပြခွင့်ရနေပြီဆိုတော့ နောက်နောင်မှာလည်း အရင် စစ်အစိုးရ လက်ထက်က ဖြစ်ပျက်ခဲ့တဲ့ အကြောင်းအရာ၊ ဇာတ်ကားမျိုးတွေ ရိုက်ကူး ပြသမယ်ဆိုရင် ဆင်ဆာခွင့်ပြုချက် အားဖြင့် ပြသပုံပေါ် မူတည်ပြီးမှသာ လွတ်လပ်ခွင့် ရနိုင်မယ်လို့ ဦးဇင်ဝိုင်းက ပြောပါတယ်။

“ပြတဲ့ပုံစံပေါ် မူတည်လိမ့်မယ်လို့ ထင်တယ်။ ဒီအတိုင်း ပြမယ်ဆိုရင်တော့ အခုအခြေအနေမှာ ခွင့်ပြုပေးချေ ဘယ်လိုမှ မရှိဘူးလို့ ယူဆပါတယ်။ ထုတ်လုပ်သူတွေ အနေနဲ့ကတော့ ငွေကြေးရင်းနှီးရမှာဆိုတော့ မစွန့်စားရဲတာတော့ အမှန်ပဲ။ ဒါပေမယ့် ကျနော်တို့ အနုပညာသမားတွေ အနေနဲ့က ဖြစ်ပျက်ခဲ့တာတွေကို ဘယ်သူ့ကိုမှ အပြစ်ပုံချမနေဘဲနဲ့ သမိုင်းမှာဒါတွေ ဖြစ်ခဲ့တယ် ဆိုတာလေး ကိုတော့ ဖော်ကျူးနိုင်မှသာ အနုပညာသမားတွေ တာဝန်ကျေမယ်လို့ ထင်ပါတယ်။ ဒီလို လွတ်နိုင်မယ့် နည်းလေးတွေနဲ့ ဖော်ကျုးနိုင်မယ် ဆိုရင်တော့ လွတ်မြောက်ကောင်း လွတ်မြောက်ပါလိမ့်မယ်” လို့ သူက ရှင်းပြပါတယ်။

မကြာခင်မှာ လွမ်းစိမ့်ဗီဒီယို ဇာတ်ကားအပြည့်အစုံကို မြန်မာပရိသတ်များ ကြည်ရှုနိုင်အောင် youtube ဝက်ဘ်ဆိုက်မှာ တင်ပြီးပြသပေးသွားမယ်လို့လည်း ဒါရိုက်တာ ချိုတူးဇော်က ပြောပါတယ်။

မီးမရရင် ပင်လယ်စာတွေ ပုပ်ကုန်မယ်

By featured, ခင်ဦးသာ on May 25, ဧရာဝတီ

စက်ရုံ၊ အလုပ်ရုံများအား လျှပ်စစ်မီး လုံးဝဖြတ်တောက်လိုက်ခြင်းကြောင့် ပြည်ပတင်ပို့ရန် သိုလှောင်ထား သည့် အမေရိ ကန်ဒေါ်လာ သန်း ၂၀၀ ၀န်း ကျင် တန်ဖိုး ရှိသည့် ငါး၊ ပုစွန် များ ဆုံးရှုံးသွားနိုင်ဖွယ် ရှိကြောင်း သိရသည်။

ငါး၊ ပုစွန် စသည့်ရေထွက်များ အအေးဓာတ် မလုံလောက် ပါက ပုပ်သိုးသွား နိုင်သည့်အပြင် လျှပ်စစ်မီး မရရှိသည့် အတွက် ကုန်ကြမ်း ပစ္စည်းများ လည်း ၀ယ်ယူ သိုလှောင်ရန် အ ခက် အခဲများရှိ (ဓာတ်ပုံ- Getty Images)

ရန်ကုန်မြို့ရှိ အအေးခန်း စက်ရုံ ၂၃ ရုံ၌ သိုလှောင်ထားသည့် ငါး၊ ပုစွန် စသည့်ရေထွက်များ အအေးဓာတ် မလုံလောက် ပါက ပုပ်သိုးသွား နိုင်သည့်အပြင် လျှပ်စစ်မီး မရရှိသည့် အတွက် ကုန်ကြမ်း ပစ္စည်းများ လည်း ၀ယ်ယူ သိုလှောင်ရန် အခက်အခဲများရှိနေကြောင်း မြန်မာနိုင်ငံ ငါးလုပ်ငန်း အဖွဲ့ချုပ် အထွေထွေအတွင်းရေးမှူး ဦးဝင်းကြိုင် က ဧရာဝတီ ကိုပြော သည်။

“လည်ပတ်နေတဲ့ ၂၃ ရုံမှာ အလုပ်သမားက အဆိုင်းလိုက် ဆိုရင် ၁၀၀၀ လောက် ရှိတယ်၊ မီး မရတော့ ကုန်ကြမ်းတွေ ထပ်ပြီး ၀ယ်မလှောင်ကြ တော့ဘူး၊ ဒီတော့ အလုပ်သမားတွေ အတွက် လည်း အခက်အခဲတွေ ဖြစ်လာနိုင်သေးတယ်” ဟု ဦးဝင်းကြိုင် က ဆို သည်။

ရန်ကုန်မြို့၌ အအေးခန်း စက်ရုံ ၇၀ ကျော်ရှိသော်လည်း ၂၃ ရုံသာ ပုံမှန်လည်ပတ်နိုင်ပြီး၊ ကျန်စက်ရုံများမှာ အကြောင်းအမျိုး မျိုးကြောင့် ရပ်နားထားရကြောင်း၊ လျှပ်စစ်မီး မလုံလောက်ပါက လက်ရှိ ၂၃ ရုံ နှင့် အလုပ်သမားများ ရေရှည်လည်ပတ်နိုင်ရေး ၊ ပင်လယ်ပြင်ရှိ ငါးဖမ်းလှေများနှင့် ရေလုပ်သားထောင်ပေါင်းများစွာ တို့လည်း အခက်အခဲများ ရှိလာနိုင် သည် ဟု ၎င်း က ဆက်ပြော သည်။

နိုင်ငံပိုင် စက်ရုံ တချို့နှင့် ပုဂ္ဂလိက စက်ရုံ၊ အလုပ်ရုံများ ၌ ကိုယ်ပိုင် မီးစက်များရှိသည်ဟုဆိုကာ လျှပ်စစ်မီးပေးဝေမှုကို မေလ ၁၉ ရက်နေ့မှ စ၍ လုံးဝ ဖြတ်တောက်ထားမည်ဖြစ်ကြောင်း၊ ပြည်သူများ ကိုမူ တရက် ၆ နာရီနှုန်း၊ အလှည့်ကျ စနစ်ဖြင့်မီးပေး သွား မည် ဟု မေလ ၂၂ ရက်နေ့ထုတ် အစိုးရ သတင်းစာများ က ကြေညာခဲ့ သည်။

“အရင်က တနေ့ကို လျှပ်စစ်မီး ၅ နာရီဝန်းကျင်ရတော့ ကျန်တဲ့ အချိန်မှာ ကိုယ်ပိုင် မီးစက်တွေနဲ့ အအေးဓာတ်ပေးလို့ရတယ်၊ အခုက လုံးဝ မီးမရ တဲ့အတွက် ကိုယ်ပိုင် မီးစက် အချိန်ပြည့် သုံးနေရတော့ စက်တွေက ရေရှည်မခံနိုင်ရင် ဒေါ်လာ သန်း ၂၀၀ ဖိုး ငါး၊ ပုစွန်တွေ ဆုံးရှုံးသွားနိုင်တာပေါ့” ဟု ဦးဝင်းကြိုင် က ဆိုသည်။

အအေးခန်းများ၌ သိုလှောင်ထားသည့် ငါး၊ ပုစွန်များ အတွက် အအေးဓာတ်ကို အနှုတ် ၁၈ ၊ ၂၀ ဒီဂရီ စင်တီ ဂရိတ်အထိ လျော့ ချနေရကြောင်း၊ ထိုကြောင့် ကိုယ်ပိုင် မီးစက်များရှိသော်လည်း ရေရှည်တွင် ခံနိုင်ရည်အား လျော့ကျ၍ စက်ချွတ် ယွင်း မှုများ ဖြစ် လာနိုင်ကြောင်း သိရသည်။

အအေးခန်းလုပ်ငန်းများသည် လျှပ်စစ်ကို အဓိကထားရသည် လုပ်ငန်းများဖြစ်၍ အချိန်ပြည့်မရသည့်တိုင် ညသန်းခေါင် အချိန် ၌ လျှပ်စစ်မီးရရှိရေး အတွက် ရေလုပ်ငန်းရှင်များ သက်ဆိုင်ရာ ၀န်ကြီးဌာနများ၊ တိုင်းဒေသအစိုးများနှင့်ရန်ကုန်မြို့တော် လျှပ်စစ်ဓာတ်အားပေးဝေရေးအဖွဲ့တို့ထံ အကူအညီတောင်းခံထား ကြောင်း သိရ သည်။

လျှပ်စစ်မီး အခက်အခဲကြောင့် ရေထွက်ကုန်ကြမ်းပစ္စည်းများ ၀ယ်ယူသိုလှောင်မှု ရပ်ဆိုင်းသွားပါက ပြည်ပပို့နေသည့် ရေထွက်ကုန်ပစ္စည်းတင်ပို့မှု ခေတ္တရပ်ဆိုင်းသွားနိုင်သည်။ အလားတူ ငါးမွေးကန်များ၏ ထုတ်လုပ်မှု လုပ်ငန်းများလည်း လျော့ကျလာပြီး ဈေးကွက်၌ ရေထွက်ကုန် ပစ္စည်းများ ပြတ်လပ်မှု ဖြစ်ပေါ်လာနိုင်သည်။

မြန်မာနိုင်ငံ၏ ရေထွက်ပစ္စည်းများ အား အရှေ့အလယ်ပိုင်းဒေသ နိုင်ငံများ၊ တောင်ကိုရီးယား၊ တရုတ်၊ ဂျပန်၊ ဥရောပ နိုင်ငံ တချို့သို့ တင်ပို့လျက် ရှိ ကြောင်း သိရသည်။

ပြည်ပတင်ပို့သည့် ရေထွက်ကုန် ပစ္စည်းများမှ နှစ်စဉ်ဝင်ငွေ ဒေါ်လာ သန်း ၄၀၀၊ ၅၀၀ ၀န်းကျင် ရှိခဲ့ ပြီး၊ ၂၀၁၁-၂၀၁၂ ဘဏ္ဍာရေးနှစ်တွင် ဒေါ်လာ သန်း ၆၀၀ အထိ ပိုမိုရရှိခဲ့ ကြောင်း၊ ၂၀၁၂-၁၃ ဘဏ္ဍာရေးနှစ်တွင် အမေရိကန်ဒေါ်လာ သန်း ၇၀၀ အထိမျှော် မှန်းထားကြောင်း ငါးလုပ်ငန်းဦးစီးဌာန ၏ ထုတ်ပြန် ချက်အရ သိရသည်။

လက်ရှိဖြတ်တောက်ထားသည့် လျှပ်စစ်မီးသည် ရက်ပိုင်းခန့်သာ ဖြတ်တောက်ထားခြင်း ဖြစ်ပါက ပြည်ပပို့ ရေထွက် ပစ္စည်းမှ ရရှိသည့် ၀င်ငွေ လျော့ကျသွားဖွယ် မရှိကြောင်း၊ လက်ရှိ သိုလှောင်ထားသည့် ရေထွက်ပစ္စည်း ပမာဏတန် ဖိုးကြီး မား၍ တာဝန်ရှိသူများ အနေဖြင့်လည်း အမြန်ဆုံး ဖြေရှင်းပေး မည်ဟု ယူဆ ကြောင်း ဦးဝင်းကြိုင် က ပြောသည်။

လျှပ်စစ်မီး ဖြတ်တောက်ခံထားရမှုကြောင့် ရေထွက်ကုန် ပစ္စည်းများကဲ့သို့ တခြားသော စက်ရုံ၊ အလုပ်ရုံများ သည်လည်း လည် ပတ်ရန် ခက်ခဲနေပြီး၊ ကုန်ထုတ်လုပ်မှု လုပ်ငန်းများ ကျဆင်းလာကာ ထုတ်ကုန်ပစ္စည်းများ ဈေးကြီးမြင့်လာနိုင်ကြောင်း၊ လှိုင် သာယာ စက်မှုဇုန်များ ၌ အလုပ်သမားဦးရေ ၅၀၀၀၀ ၀န်းကျင်ရှိကြောင်း၊ လှိုင်သာယာ စက်မှုဇုန်များ ကြီးကြပ်ရေး ကော်မတီ ဥက္ကဋ္ဌ ဦးမြတ်သင်းအောင် က လည်း ဧရာဝတီ ကို ပြောသည်။

စက်ရုံ၊ အလုပ်ရုံများသည် အစိုးရ ဌာနမှ လျှပ်စစ်မီးဖြင့် လည်ပတ်ပါက တယူနစ်လျှင် ကျပ် ၅၀ သာကုန်ကျပြီး၊ ကိုယ်ပိုင် မီး စက်အသုံးပြု ပါက တယူနစ်လျှင် ကျပ် ၃၀၀ ကုန်ကျကြောင်း လုပ်ငန်းရှင်များ ကပြောသည်။

ကုမ္ပဏီ ၆ ခုကို ရွှေရှာခွင့် ပိတ်ပင်

By featured, ငြိမ်းငြိမ်း on May 25, ဧရာဝတီ

စစ်ကိုင်းတိုင်း ခန္တီးခရိုင် ဟုမ္မလင်းဒေသရှိ ကျေးရွာများတွင် ရွှေတူးဖော်ရေးလုပ်ကိုင်နေသော ကုမ္ပဏီ ၆ ခုသည် တိုင်းဒေသကြီး ဝန်ကြီးချုပ်နှင့် သတ္တုတွင်း ဝန်ကြီးဌာနတို့မှ ကြားဝင်ဆောင်ရွက် တားမြစ်မှုကြောင့် ရွှေလုပ်ကွက်များမှ ထွက်ခွာသွားရပြီ ဖြစ်ကြောင်း သိရသည်။

ပြီးခဲ့သည့် မေလ ၁၁ ရက်တွင် ဟုမ္မလင်းမြို့နယ်တွင်းရှိ တုန်ခံကျေးရွာမှ ရှမ်းတိုင်းရင်းသား လယ်သမား ၁၂ ဦးက တရားစွဲဆိုခဲ့သည့်အမှုကို တရားရုံးက လက်ခံ ဆောင်ရွက်နေစဉ် ရသတ္တပတ် အတွင်းတွင်ပင် အထက်ပါအတိုင်း ကြားဝင်ဆောင်ရွက် ပေးမှုကြောင့် ကုမ္ပဏီများ ထွက်ခွာသွားရခြင်း ဖြစ်ကြောင်း သိရသည်။

ဟုမ္မလင်းမြို့နယ် နောင်တောရှိ ရွှေတူးလုပ်ငန်းခွင်တခု (ဓာတ်ပုံ - ရွှေမှော်သား/myanmarreferral.com)

ရွှေတူးလုပ်ငန်းမှ စွန့်ထုတ်လိုက်သော ပြဒါးသင့်ရေများ၊ သဲများနှင့် ကျောက်စရစ်များက လယ်မြေဧက ၃၀၀ ကျော်ကို ဖုံးလွှမ်းသွားခဲ့ပြီး သီးနှံများ ပျက်စီးဆုံးရှုံးခဲ့ရသည့်အတွက် လယ်သမားများက အမှုဖွင့် တိုင်တန်းခဲ့ခြင်းဖြစ်သည်။

“ရွှေတူးတဲ့ကိစ္စကို တားပေးပါဆိုပြီးရွှေမျှောစာတွေနဲ့ သဲတွေ၊ ကျောက်တွေ စုပုံနေတဲ့ကိစ္စကိုပေါ့။ သဘာဝပတ်ဝန်းကျင် ထိန်းသိမ်းပေးဖို့ ဆောင်ရွက်ပေးပါဆိုပြီး လျှောက်တယ်။ ဟုမ္မလင်းတရားရုံးက အမှုကို ၁၁ ရက်မှာ လက်ခံလိုက်တယ်။ မြို့နယ် တရားရုံးက ယာယီတားဝရမ်း အတွက် ကြားနာနေတုန်းမှာပဲ တိုင်းဒေသကြီး ဝန်ကြီးချုပ်နဲ့ သတ္ထုတွင်း ဝန်ကြီးဌာနက ဝင်ဆောင်ရွက်ပေးလို့ ၂၃ ရက်နေ့မှာ ရွှေလုပ်ကွက် ကုမ္ပဏီ ၆ ခု အပြီးသိမ်းသွားရတယ်” ဟု ဥပဒေအတိုင်ပင်ခံ ကိုဖိုးဖြူက ဧရာဝတီသို့ ပြောသည်။

သဘာဝအခွင့်အရေးများကို ခံစားရန် ကာကွယ်ရေးအတွက် ပြဌာန်းထားသော သီးခြားသက်သာခွင့် ဥပဒေ ပုဒ်မ ၅၅ အရ တိုင်ကြားခဲ့ခြင်းဖြစ်ကြောင်း၊ တရားစွဲဆိုခြင်း၏ သီးခြားရလဒ်တခုအဖြစ် တရားရုံးသို့ လျှောက်ထားစဉ်တွင်ပင် စီမံခန့်ခွဲရေးက ဆောင်ရွက်ပေးသဖြင့် ယခုကဲ့သို့ ကုမ္ပဏီများ သိမ်းသွားခြင်း ဖြစ်ကြောင်း ကိုဖိုးဖြူက ရှင်းပြသည်။

လယ်သမားများ၊ အလုပ်သမားများ၏ ဥပဒေရေးရာကိစ္စများအား ကူညီလုပ်ဆောင်ပေးနေသော ကိုဖိုးဖြူကို ရှမ်းတိုင်းရင်းသား လယ်သမားများက ဆက်သွယ် အကူညီတောင်းခံလာသည့်အတွက် ဟုမ္မလင်း တရားရုံးသို့ အမှုတိုင်ကြားနိုင်ရန် ကိုယ်တိုင် သွားရောက်ကူညီပေးခဲ့ခြင်းဖြစ်ကြောင်း၊ ဤဥပဒေအရ တရားစွဲဆိုခြင်းမှာ ပထမဦးဆုံးဖြစ်ကြောင်း သိရသည်။

“သဘာဝပတ်ဝန်းကျင် ဥပဒေကို အသုံးပြုတာမျိုး မရှိခဲ့ဖူးဘူး။ အခုမှ စသုံးတာဖြစ်တဲ့အတွက် တာဝန်အရမ်းကြီးပါတယ်။ ဥပဒေနဲ့ အညီ မြေယာဖော်ထုတ်ဖို့၊ ဥပဒေနဲ့ အညီ ကြီးကြပ်ဖို့က တိုင်းဒေသကြီး ဝန်ကြီးချုပ်နဲ့ သတ္ထုတွင်း ဝန်ကြီးမှာပဲ တာဝန်ရှိတာပါ။ လယ်သမားတွေ ၆ လကြာ ဆောင်ရွက်ခဲ့ပေမယ့် တိုးတက်မှု မရှိခဲ့ဘူး။ အခုတော့ တရားရုံးကို စတင်ပြီး တပတ်အတွင်းမှာပဲ အခြေအနေ ပြောင်းလဲသွားတယ်” ဟု ကိုဖိုးဖြူက ဆိုသည်။

မြို့နယ်အာဏာပိုင်များထံမှ လုပ်ငန်းလုပ်ခွင့်ရထားသော သတ္တုတူးဖော်ရေး ကုမ္ပဏီ ၆ ခု ဖြစ်သည့် စွမ်းထက်ဝင်း၊ ရွှေဝတီ၊ ငုဝါ၀င်းရွှေ၊ ဌေးဝင်းထွန်း၊ အောင်တိုင်းစံနှင့် ရွှေတောင်ကြား ကုမ္ပဏီတို့က ခန္တီးခရိုင် ဟုမ္မလင်းမြို့နယ် နောင်တောကျေးရွာအုပ်စုတွင်းရှိ တုန်ခံကျေးရွာ အပါအ၀င် မြန်မာပြည် အနောက်မြောက်ဘက်ဒေသ ချင်းတွင်းမြစ်၊ ဥရုချောင်းရိုး တလျှောက်တွင် ရွှေတူးဖော်လုပ်ငန်း လုပ်ကိုင်နေခြင်း ဖြစ်သည်။ ယင်းကုမ္ပဏီ ၆ ခုအနက် စွမ်းထက်ဝင်း၊ ရွှေဝတီနှင့် ရွှေတောင်ကြား ကုမ္ပဏီများသည် အစိုးရအား ရွှေပေးသွင်းရန် ပျက်ကွက်ခဲ့သည့်အတွက် မေ ၃၀ ရက်နေ့တွင် နောက်ဆုံး ပေးသွင်းရန် ယနေ့ထုတ် နိုင်ငံပိုင်သတင်းစာ များမှတဆင့် သတိပေး ကြေညာထားသည်။

ရွှေတူးဖော်ရေးအတွက် တုန်ခံကျေးရွာရှိ ဟွေ့ဖလာအင်းနှင့် ဥရုချောင်းတို့မှ ရေကို ရေစုပ်စက်ဖြင့် စုပ်တင်ယူသည့်အတွက်လည်း ရွာသူရွာသားများ ရေအခက်အခဲ ကြုံနေရကြသကဲ့သို့ ပြန်လည်စွန့်ထုတ်လိုက်သော ပြဒါးအဆိပ်သင့်ရေများနှင့် ရွှေမျှောစာ စွန့်ပစ်ပစ္စည်းများက ဟွေ့ဖလာအင်း အနိမ့်ပိုင်းဒေသများရှိ လယ်မြေများတွင်း စီးဆင်းသွားကာ လယ်ယာ သီးနှံများ ဆုံးရှုံးရခြင်း ဖြစ်သည်။

ယခု ကုမ္ပဏီများ ထွက်ခွာသွားပြီးနောက် တောင်သူများ စိုက်ခင်းများ ပြန်လည် စိုက်ပျိုးနိုင်တော့မည် ဖြစ်သည်။

“စိုက်ပျိုးတဲ့အဆင့်ထိ ရောက်အောင် တချို့လယ်တွေက လုပ်လို့ရပေမယ့်တချို့လယ်တွေက လုပ်လို့မရဘူးပေါ့။ လုပ်လို့ရတဲ့လယ်တွေအတွက်ပြန်စိုက်ပျိုးထွန်ယက်တာကို လုပ်ပြီး လုပ်လို့မရတဲ့ လယ်တွေအတွက်က တရားရုံးကိုဆက်လက်ပြီး သီးနှံပျက်စီးသွားတဲ့အတွက် လျော်ကြေး ဆက်တောင်းရဦးမှာပါ” ဟု ကိုဖိုးဖြူက ဆိုသည်။

သမဂ္ဂအဆောက်အဦး ပြန်လည်ပေါ်ထွန်းရေး ဗကသ ကြိုးပမ်းနေ

နေမျိုး | သောကြာနေ့၊ မေလ ၂၅ မဇ္ဈိမ

နယူးဒေလီ (မဇ္ဈိမ) ။ ။ ရန်ကုန်တက္ကသိုလ်ဝင်းအတွင်း တကသ အဆောက်အဦး နေရာဟောင်းတွင်ကျောင်းသားသမဂ္ဂ အဆောက်အဦး ပြန်လည် တည်ဆောက်ခွင့်ရရန် ဗမာနိုင်ငံလုံးဆိုင်ရာ ကျောင်းသားသမဂ္ဂ (ဗကသ) က တောင်းဆိုလှုပ်ရှားနေသည်ဟု ဆိုသည်။

သမိုင်းဝင် အဆောက်အဦးဖြစ်၍ ပြည်သူအားလုံး ပါဝင်လာနိုင်ရေး လှုပ်ရှားဆောင်ရွက်သွားမည်ဖြစ်ကြောင်း ဗမာနိုင်ငံလုံးဆိုင်ရာကျောင်းသား သမဂ္ဂများ အဖွဲ့ချုပ် ဥက္ကဋ္ဌ ကိုကျော်ကိုကိုမှ ပြောသည်။

“တကသ အဆောက်အအုံ ပြန်လည်ရရှိရေးအတွက် ခေတ်အဆက်ဆက်၊ မျိုးဆက်ပေါင်း အဆက်ဆက် တိုက်ပွဲ ဝင်ရင်းနဲ့ အသက်ပေးသွားရတဲ့သူတွေ အများကြီးပါ။ ဒီလူတွေရဲ့မျှော်လင့်ချက်၊ ရည်မှန်းချက်ကို ပြည့်ဝအောင်လို့ ကျနော်တို့ဒီခေတ်မှာ အကောင်အထည်ဖော်ဖို့ အင်မတန်အရေးကြီးပါတယ်။ သမိုင်းနဲ့ချီပြီး အရေးပါသလို တမျိုးသားလုံးနဲ့ချီပြီး အရေးပါတယ်လို့ ပြောလို့ရတယ်” ဟု မဇ္ဈိမကို ပြောသည်။

ဆဲဗင်း ဇူလိုင် နှစ် ၅၀ ပြည့် အခမ်းအနား ကျင်းပသည့်နေ့တွင် ကျောင်းသားသမဂ္ဂ ပြန်လည်ပေါ်ထွန်းရေး စေတနာရှိရှိ၊ လိုလိုလားလား ပါဝင်လာသူများ၏ အမည်စာရင်းနှင့် လက်မှတ်များအား ဇူလိုင် ၈ ရက်နေ့တွင် သမ္မတကြီး ဦးသိန်းစိန် ထံ ပေးပို့သွားမည်ဟု ဆိုသည်။

“အခုလောလောဆယ် ကျနော်တို့က လက်မှတ်တွေ ကောက်ယူ စုဆောင်းမယ်။ တိုင်းပြည်က လေးစားတဲ့ ဆရာဒဂုန်တာရာတို့လို၊ ဒေါ်အောင်ဆန်းစုကြည်တို့လို ပုဂ္ဂိုလ်တွေကို ပါဝင်လက်မှတ်ရေးထိုးစေလိုပါတယ်။ အဓိကကတော့ သမိုင်းတန်ဖိုးရှိတဲ့ တကသ အဆောက်အဦးကို ပြန်လည် တည်ဆောက်ပေးချင်တဲ့ စိတ်ဆန္ဒရှိတဲ့ ဘယ်သူမဆို အားလုံးပါဝင်နိုင်ရေး ကျနော်တို့ လှုံ့ဆော်တာပါ” ဟု ဗကသ ဥက္ကဋ္ဌ ကျော်ကိုကို က တိုက်တွန်းသည်။

နေရာဒေသအသီးသီးမှ စေတနာရှိရှိ လိုလိုလားလား လှုဒါန်းပေးပို့လာသည့် ဘဏ္ဍာငွေများကို စနစ်တကျ စီမံဆောင်ရွက်မည့် ကော်မတီတရပ် ဖွဲ့စည်းကာ နောင်တော် ကျောင်းသားမျိုးဆက်များနှင့်အတူ သမဂ္ဂ အဆောက်အဦး ပြန်လည်တည်ဆောက်ရေး အတူတကွ လက်တွဲလုပ်ဆောင် သွားမည်ဟုပြောသည်။

လွှတ်တော်တွင်းရှိ နိုင်ငံရေးပါတီကိုယ်စားလှယ်များပါ ထောက်ခံလိမ့်မည်ဟု မျှော်လင့်ထားပြီး လူထု ခေါင်းဆောင်ဒေါ်အောင်ဆန်းစုကြည် ကလည်း ထောက်ခံကြောင်း ကိုကျော်ကိုကိုမှ ဆက်ပြောသည်။

“ဒေါ်အောင်ဆန်းစုကြည်နဲ့ ကျနော်တို့ တွေ့ခဲ့တုန်းက သူက ကျောင်းသားသမဂ္ဂ အဆောက်အအုံ ပြန်လည်ပေါ်ထွန်းရေးကို အပြည့်အဝကူညီ မယ် လို့ပြောခဲ့ဖူးပါတယ်။ ဒေါ်အောင်ဆန်းစုကြည်နဲ့ NLD ပါတီက ထောက်ခံ တယ်လို့ သိရပါတယ်” ဟု ဆိုသည်။

ဒီမိုကရေစီစနစ်ဆီသို့ လျှောက်လှမ်းနေသည့် လက်ရှိသမ္မတဦးသိန်းစိန် အစိုးရမှလည်း ခွင့်ပြုလိမ့်မည်ဟု မျှော်လင့်ထားကြောင်းလည်း “ကျောင်းသားသမဂ္ဂ ဆိုတာ ဒီမိုကရက်တစ်နိုင်ငံတိုင်းမှာ ရှိသင့်တဲ့ အဖွဲ့အစည်းဖြစ်သလို ကျနော်တို့

နိုင်ငံမှာဆို ပိုပြီးတော့တောင် လိုအပ်တယ်။ ဘာဖြစ်လို့လဲဆိုတော့ သမဂ္ဂ ရဲ့သမိုင်းနဲ့ အစဉ်အလာကို မတရားသော နည်းလမ်းနဲ့ ဖျက်သိမ်းခံရတယ်လို့ ကျနော်တို့ ခံစားရပါတယ်။ ဒီနေရာမှာ အဆောက်အဦး ပြန်ဆောက်ဖို့အတွက် ကျနော်တို့ မျှော်လင့်တယ်။ ခွင့်မပြုခဲ့ဘူးဆိုရင်လည်း ကျနော်တို့က ခွင့်ပြုတဲ့ အဆင့်တခုခု ရောက်ရှိလာအောင်၊ အခြေအနေတခုခု ရောက်လာအောင်၊ ဆက်လက် ဖန်တီးသွားမှာပါ။ ဒီအတိုင်းကျနော်တို့ရပ်နေမှာ မဟုတ်ပါဘူး” ဟု ဆိုသည်။

နိုင်ငံတော်သမ္မတ အကြံပေး ဒေါက်တာဦးမြင့်၏ ကျောင်းသား သမဂ္ဂ အဆောက်အဦး ရန်ကုန်တက္ကသိုလ် ပရဝုဏ် အတွင်း ခေတ်နှင့်အညီ ပြန်လည်တည်ဆောက်ရန် “ပြည်သူသို့ အိတ်ဖွင့်ပေးစာ”အား ဗကသ များအဖွဲ့ချုပ်အနေဖြင့် ကြိုဆိုကြောင်း ပြောသည်။

တနှစ်အတွင်း ကျောင်းသားထု ညီလာခံကို ခေါ်ယူသွားရန် စီစဉ်ထားရှိပြီး ကျောင်းသားသမဂ္ဂ ပြန်လည် တည်ဆောက်ရေးအတွက် ထောက်ခံမှု ပိုမိုရရှိအောင် ဆောင်ရွက်သွားမည်ဟုသည်။

ယခင် တကသ အဆောက်အဦးမှာ ဗိုလ်ချုပ်ကြီးနေဝင်းလက်ထက် ၁၉၆၂ ခုနှစ်၊ ဇူလှိုင် ၈ ရက်နေ့ နံနက်ပိုင်းတွင်း ဒိုင်းနမိုက်ဖြင့် ဖြိုခွဲဖျက်ဆီးခြင်း ခံခဲ့ရသည်။

ဒေါ်အောင်ဆန်းစုကြည် မယ်လဒုက္ခသည်စခန်း သွားဖို့အစီအစဉ်ရှိ

2012-05-25 RFA

ထိုင်းနိုင်ငံ ဘန်ကောက်မြို့မှာ ကျင်းပမယ့် ကမ္ဘာ့စီးပွားရေး ညီလာခံကို တက်ရောက်မယ့် NLD အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ သူ့ရဲ့ ခရီးစဉ်အတွင်း ထိုင်း ဝန်ကြီးချုပ် ယင့်လတ် ရှင်နာဝပ်နဲ့အတူ နယ်စပ်က မယ်လ ဒုက္ခသည် စခန်းကို သွားရောက်မယ်လို့ ထိုင်း-မြန်မာနယ်စပ် အခြေစိုက် အဖွဲ့အစည်းတွေက လာတဲ့သတင်းတွေအရ သိရပါတယ်။

ဒုက္ခသည် စခန်းကို သွားရောက်မယ့် အစီအစဉ်ဟာ ထိုင်းအစိုးရဘက်က စီစဉ်တာ ဖြစ်တဲ့အတွက် ဒီသတင်းကို အတည်ပြု ပြောဆိုနိုင်ခြင်း မရှိဘူးလို့ NLD ပါတီ ဗဟိုကော်မတီဝင် ဦးဟန်သာမြင့်က ပြောပါတယ်။

ဒေါ်အောင်ဆန်းစုကြည်ရဲ့ ထိုင်းနိုင်ငံခရီးစဉ်ဟာ ၁၉၈၈ ခုနှစ် မြန်မာနိုင်ငံကို ပြန်လည်ရောက်ရှိခဲ့ပြီးတဲ့ နောက်ပိုင်း ပထမဆုံးသော နိုင်ငံခြားခရီးစဉ် ဖြစ်ပါတယ်။

အခုနောက်ဆုံးရရှိတဲ့ သတင်းအရ NLD ပါတီ ဥက္ကဋ္ဌ ဒေါ်အောင်ဆန်းစုကြည်ဟာ ဘန်ကောက်မြို့က ကမ္ဘာ့စီးပွားရေး ညီလာခံကို မေလ ၂၈ ရက်နေ့ တက်ရောက်ဖို့ အစောပိုင်းမှာ စီစဉ်ထားခဲ့ပေမဲ့ မေလ ၂၉ ရက်နေ့မှာ ရန်ကုန်မြို့မှာ အိန္ဒိယ ၀န်ကြီးချုပ် မန်မိုဟန်ဆင်းနဲ့ တွေ့ဆုံဖို့ ရှိတာကြောင့် ကမ္ဘာ့စီးပွားရေး ညီလာခံကို မေလ ၂၈ ရက်နေ့ တက်ရောက်နိုင်မှာ မဟုတ်ဘဲ တခြားတရက်ရက်မှာ တက်ရောက်ဖို့ စီစဉ်နေကြောင်း NLD အတွင်းရေးမှူး ဦးဥာဏ်ဝင်းက RFA ကိုပြောပါတယ်။

လျှပ်စစ်မီးရရှိရေး ဆန္ဒဖော်ထုတ်မှု ဒေါ်အောင်ဆန်းစုကြည် ထောက်ခံ

2012-05-25 RFA

မြန်မာနိုင်ငံမှာ လတ်တလောဖြစ်ပေါ်နေတဲ့ အချိန်ပြည့် လျှပ်စစ်မီးရရှိရေး ငြိမ်းချမ်းစွာ ဆန္ဒပြ တောင်းဆိုနေတာတွေကို ထောက်ခံကြောင်း အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောကြားလိုက်ပြီး တစ်နိုင်ငံလုံး နေ့ချင်းညချင်း လျပ်စစ်မီး ရရှိဖို့ ဆိုတာ ကတော့ မဖြစ်နိုင်ဘူးလို့ ဒီကနေ့ ပြောဆိုပါတယ်။

ရန်ကုန် အလုံမြို့နယ်မှာ ကျင်းပတဲ့ NLD ရုံးခန်းဖွင့်ပွဲ အခမ်းအနားမှာ အဲဒီလို ပြောကြားခဲ့တာပါ။

" ကျွန်မတို့ တတွေ ဒီဓာတ်မီးကိစ္စနဲ့ စကြစို့၊ ဘာဖြစ်လို့လဲဆိုတော့ ဓာတ်မီးကိစ္စဆိုတာ ကျွန်မတို့ တစ်နိုင်ငံလုံးနဲ့ ဆိုင်တဲ့ကိစ္စဖြစ်တယ်။ ဒါပေမဲ့ ကျွန်မတို့ ဒီကိစ္စကိုတော့ လက်တွေ့ကျကျ ပြည်သူတွေကို ရှု့မြင်ချင်၊ မြင်ချင်တယ်။ တစ်နိုင်ငံလုံး ဓာတ်မီးရရှိရေးဆိုတာ နေ့ချင်းညချင်းနဲ့ ဘယ်လိုမှ မဖြစ်နိုင်ဘူး။ ဘာဖြစ်လို့လဲ ဆိုတော့ ဆယ်စုနှစ်နဲ့ ချီပြီးတော့ ကျွန်မတို့စနစ်က မမှန်ခဲ့လို့ အခုဓာတ်မီး မှန်မှန်မရတာ ဖြစ်တယ်။ ဆယ်စုနှစ်နဲ့ ချီပြီးတော့ မမှန်ခဲ့တဲ့ ကိစ္စတွေကို ပြန်ပြင်ဖို့ ဆိုတာဟာ နေ့ချင်း ညချင်းတော့ မဖြစ်နိုင်ဘူးဆိုတာ ကျွန်မတို့သိတယ်။ ဒါပေမဲ့လည်း ဖြစ်အောင်လုပ်၊ ကျွန်မတို့ လုပ်ရမှာပါ။ ပြည်သူတိုင်းရဲ့ တာဝန်ပါပဲ။ ဒါကြောင့် ငြိမ်းငြိမ်းချမ်းချမ်းနဲ့ လုပ်တာကို ကျွန်မတို့ အနေနဲ့ ထောက်ခံပါတယ်။ ဒါပေမဲ့ ဥပဒေနဲ့ ကိုက်ညီအောင်လည်းလုပ်ပါ"

ဆက်လက်ပြီး ဒေါ်အောင်ဆန်းစုကြည်က ဥပဒေမဲ့လုပ်ရပ်တွေကို ကန့်ကွက်ကြောင်းနဲ့ ဥပဒေမဲ့ ဖမ်းဆီးခံနေရတာတွေကိုလည်း ကန့်ကွက်ကြောင်း ပြောပါတယ်။

တရားဥပဒေ စိုးမိုးရေးဟာ အဓိက ကျတာကြောင့် အခုလို တိုက်တွန်းပြောဆိုရတာ ဖြစ်ကြောင်း ဒေါ်အောင်ဆန်းစုကြည်က ပြောကြားသွားပါတယ်။

သောကြာ, 25 မေ 2012

လျှပ်စစ်မီးရရေး ငြိမ်းချမ်းစွာ ဆန္ဒပြမှု ဒေါ်အောင်ဆန်းစုကြည် ထောက်ခံ

By VOA (မြန်မာပိုင်း)

လျှပ်စစ်မီး မရရှိတဲ့အတွက် လူထုဆန္ဒပြနေတာနဲ့ ပတ်သက်ပြီ အမျိုးသားဒီမိုကရေစီအဖွဲ့ ချုပ်ခေါင်းဆောင် ဒေါ်အောင်ဆန်းစုကြည်က ဒီကိစ္စဟာ ချက်ချင်း လက်ငင်း ဖြေရှင်းနိုင်တဲ့ကိစ္စမဟုတ်ဘူး ဆိုတာ နားလည်ဖို့လိုတယ်၊ လူထုအနေနဲ့ ငြိမ်းချမ်းစွာ ဆန္ဒပြတာကို ထောက်ခံပေမယ့် ဥပဒေနဲ့အညီဖြစ်ဖို့ လိုအပ်တယ်ဆိုပြီး အလုံမြို့နယ် NLD ပါတီရုံး ဖွင့်ပွဲ အခမ်းအနားမှာ ဒေါ်အောင်ဆန်းစုကြည်က အခုလို ပြောကြားသွားပါတယ်။

ဒေါ်အောင်ဆန်းစုကြည် ။ ။ ဘာဖြစ်လို့လဲဆိုတော့၊ ဆယ်စုနှစ်နဲ့ချီပြီး ကျမတို့ရဲ့ စနစ်က မမှန်ခဲ့လို့။ ဓါတ်မီးမှန်မှန် မရတာ ဖြစ်တယ်။ အခုမှ ဆယ်စုနှစ်တွေနဲ့ချီပြီး မမှန်ခဲ့တဲ့ကိစ္စတွေကို ပြန်ပြင်ဖို့ဆိုတာ က၊ နေ့ချင်းညချင်းတော့ မဖြစ် နိုင်ဘူးဆိုတာ၊ ကျမတို့ သိတယ်။ ဒါပေမယ့်လည်း ဖြစ်အောင် ကျမတို့ လုပ်ရ မှာက ပြည်သူတွေရဲ့တာဝန်ပဲ။ ဒါကြောင့် ငြိမ်းငြိမ်းချမ်းချမ်းနဲ့ လုပ်တာကို ကျမတို့အနေနဲ့ ထောက်ခံပါတယ်။ ဒါပေမယ့် ဥပဒေနဲ့ကိုက်ညီအောင်လည်း လုပ်ပါ။ ဒါကတော့ ဒေါ်အောင်ဆန်းစုကြည် ပြောကြားသွားတာ ဖြစ် ပါတယ်။

အခုတဆက်ထဲ အဲဒီ လျှပ်စစ်မီးရရှိရေး ဆန္ဒပြ တောင်းဆိုကြတဲ့သတင်းတွေကို တင်ပြရမယ်ဆိုရင်တော့၊ သာယာဝ တီခရိုင် သုံးဆယ်မြို့မှာ မေလ ၂၄ ရက် ကြာသပတေးနေ့ညက လျှပ်စစ်မီးရရှိရေး ဆန္ဒပြဖို့ ကြိုး စားကြတဲ့ မြို့ခံလူငယ် တချို့ကို ရဲတပ်ဖွဲ့က ရိုက်နှက် ထိုးကြိတ် ကန်ကျောက်ပြီးတော့ ဖမ်းဆီးခေါ်ဆောင်သွား ခဲ့ပါတယ်။ နောက်ပိုင်းမှာတော့ ရပ်မိရပ်ဖတွေက ၀င်ရောက်စွက်ဖက်ပြောဆိုတဲ့အတွက် ပြန်လွှတ်ပေးလိုက် ပါတယ်။

ဆန္ဒပြပွဲတွေဆက်တိုက်ဖြစ်ခဲ့တဲ့ မြို့ကြီးတွေမှာ အခြေအနေတွေ အတန်ငယ် ငြိမ်သက်နေခဲ့ပြီးတဲ့နောက်မှာမှ အခု သုံးဆယ်မြို့ဖြစ်ရပ် ထပ်ဖြစ်လာတာ ဖြစ်ပါတယ်။ မေလ ၂၄ ရက်နေ့ မနက်ပိုင်းက ပြည်မြို့မှာ ဆန္ဒပြ သူတွေကို အဓိကရုဏ်းနှိမ်နင်းရေးရဲတပ်ဖွဲ့က အတင်း ၀င်ရောက် ရိုက်နှက်ဖမ်းဆီးတဲ့ဖြစ်ရပ် ဖြစ်ခဲ့ပြီး တဲ့နောက်မှာ ညပိုင်းမှာ သုံးဆယ်မြို့မှာလည်း အလားတူပုံစံမျိုးဖြစ်ခဲ့တာ ဖြစ်ပါတယ်။

ခံခဲ့ရတဲ့လူငယ်တွေက ရဲတပ်ဖွဲ့ရဲ့ ဥပဒေမဲ့ လုပ်ရပ်အပေါ် တရားဥပဒေကြောင်းအရ ပြန်ပြီး တုန့်ပြန်လုပ်ဆောင် ဖို့ ပြင် ဆင်နေတယ်လို့ ပြောကြပါတယ်။ ဒါ့အပြင် နဂိုမူလ စီစဉ်ထားတဲ့ ဆန္ဒထုတ်ဖော်ပွဲကိုလည်း ဆက်လုပ် သွားမယ်လို့ ဦးဆောင်စီစဉ်နေသူတဦးက ဗီအိုအေကို ပြောပါတယ်။ သုံးဆယ်မြို့မှာ အဲဒီလိုဖြစ်ခဲ့ပေမဲ့လည်း ပြီးခဲ့တဲ့ရက်ပိုင်းတွေ က ဆန္ဒထုတ် ဖော်ပွဲတွေ ဆက်တိုက်ဖြစ်ခဲ့တဲ့ ရန်ကုန်၊ ပြည်၊ မုံရွာ စတဲ့မြို့ကြီးတွေမှာ အခြေအနေက ငြိမ်သက်နေပါ တယ်။

နှစ်ရက်ဆက်တိုက် ဆန္ဒပြပွဲတွေဖြစ်ခဲ့ပြီး ရဲအထူးသတင်းတပ်ဖွဲ့ကခေါ်ယူ စစ်ဆေးမေးမြန်းတာတွေရှိခဲ့တဲ့ မန္တလေးမြို့ မှာတော့ မေလ ၂၄ ရက်နေ့ထိ ခေါ်ယူ မေးမြန်းတာတွေ ရှိနေဆဲဖြစ်သလို လျှပ်စစ်မီးကိစ္စနဲ့ မဆိုင်တဲ့ သရုပ်ဖော် အနုပညာပြပွဲ လုပ်နေသူ နှစ်ဦးကိုပါ ရဲကခေါ်သွားတဲ့ဖြစ်ရပ်လည်း ရှိခဲ့ပါတယ်။

ကြာသပတေး, 24 မေ 2012

အမေရိကန်လူ့အခွင့်အရေးအစီရင်ခံစာမှာ မြန်မာအခြေအနေ တိုးတက်လာ

By ကိုသားညွန့်ဦးVOA

ပြီးခဲ့တဲ့တနှစ်အတွင်း ကမ္ဘာအ၀ှမ်းမှာ လူ့အခွင့်အရေးအခြေအနေတွေ သိသိသာသာ တိုးတက်ပြောင်းလဲ လာတဲ့အထဲမှာ မြန်မာနိုင်ငံလည်း ပါဝင်တယ်လို့ အမေရိကန် နိုင်ငံခြားရေးဝန်ကြီး ကလင်တန်က ပြောပါ တယ်။ နှစ်စဉ်ထုတ်ပြန်နေကျ အမေရိကန်နိုင်ငံခြားရေးဌာန အခုနှစ် လူ့အခွင့်အရေး အစီရင်ခံစာထဲမှာ မြန်မာနိုင်ငံအတွင်း လူ့အခွင့်အရေးအခြေအနေ တိုးတက်မှုရှိတယ်ဆိုတာကိုဖော်ပြပေမဲ့ စိုးရိမ်စရာ အခြေအနေတွေ ရှိနေတုန်းပဲဆိုတာကိုလည်း ထောက်ပြထားပါတယ်။ အမေရိကန် နိုင်ငံခြားရေး ဌာနရဲ့ နှစ်စဉ်ထုတ် လူ့အခွင့်အရေး အစီရင်ခံစာပါ မြန်မာနိုင်ငံအကြောင်း ဖော်ပြချက်ကိုတော့ ကိုသားညွန့်ဦးက တင်ဆက်ပေးပါမယ်။

မြန်မာနိုင်ငံဟာ နှစ်ပေါင်းများစွာ ဖိနှိပ်ချုပ်ခြယ်မှုတွေရှိလာရာကနေ အခု သမ္မတဦးသိန်းစိန်ဦးဆောင်တဲ့ အစိုးရသစ်တတ်လာပြီးတဲ့နောက် ပြုပြင်ပြောင်းလဲရေးတွေ အစပျိုးလာတာနဲ့အတူ လူ့အခွင့်အရေး အခြေအနေတွေလည်း ပြောင်းလဲတိုးတက်မှု ရှိလာတယ်လို့ အမေရိကန်နိုင်ငံခြားရေးဌာန လူ့အခွင့်အရေး အစီရင်ခံစာမှာ ချီးကျုးထားပါတယ်။ ပြီးခဲ့တဲ့နှစ်ဟာ မြန်မာအပါအ၀င် ကမ္ဘာနေရာအတော်များများမှာ လူ့အခွင့်အရေးလှုပ်ရှားသူတွေအတွက် လှုပ်လှုပ်ရှားရှားဖြစ်စေတဲ့ နှစ်တနှစ် ဖြစ်တယ်လို့ နိုင်ငံခြားရေး ၀န်ကြီးကလင်တန်က မနေ့က အစီရင်ခံစာထုတ်ပြန်တဲ့ သတင်းစာရှင်းလင်းပွဲမှာ ပြောသွားပါတယ်။

“အခုသိကြတဲ့အတိုင်းပါပဲ။ ဒီနှစ်ဟာ လူ့အခွင့်အရေး ရုန်းကန်ခဲ့ကြရသူတိုင်းအတွက် အုတ်အော်သောင်းနင်းနိုင်လှတဲ့နှစ်ဖြစ်သလို အမှတ်ရစရာ ထူးခြားလှတဲ့နှစ်လည်း ဖြစ်ပါတယ်။ အရှေ့အလယ်ပိုင်းက တော်လှန်ရေးလှုပ်ရှားမှုတွေ ကအစ မြန်မာနိုင်ငံမှာ ပြုပြင်ပြောင်းလဲမှုတွေအဆုံး မကြာသေးမီက သတင်းမီဒီယာ ခေါင်းကြီးတွေမှာ ပါဝင်ခဲ့တဲ့ဖြစ်ရပ်တွေမှာ အမျိုးသားတွေရော၊ အမျိုးသမီးတွေပါ လူတိုင်း တန်းတူအခွင့်အရေး ရပိုင်ခွင့်ကို ပြတ်ပြတ်သားသား တောင်းဆိုခဲ့ကြတာ ဖြစ်ပါတယ်။”

မြန်မာနိုင်ငံထဲမှာ အခုနှစ်အတွင်း သိသာထင်ရှားတဲ့ တိုးတက်မှုတွေကတော့ လွှတ်တော်ပေါ်လာပြီး လွှတ်တော်ထဲ အတိုက်အခံ နိုင်ငံရေးပါတီတွေ ၀င်ရောက်ခွင့်ပြုလာတာ၊ ဒေါ်အောင်ဆန်းစုကြည် အပါအ၀င် နိုင်ငံရေးပါတီတွေ မှတ်ပုံတင်နိုင်အောင် ဥပဒေပြင်ဆင်မှုတွေ ဆောင်ရွက်ခဲ့တာ၊ ရာနဲ့ချီ တဲ့ နိုင်ငံရေးအကျဉ်းသားတွေကို ပြန်လွှတ်ပေးတာ၊ စာပေဆင်ဆာ ဖြတ်တောက်မှုတွေကို လျှော့ပေါ့ပေး လာတာ၊ အတိုက်အခံ အမြင်ကွဲပြားသူတွေရဲ့ သဘောထားအမြင်ဖော်ပြနိုင်အောင် လွတ်လပ်ခွင့် အချို့ ပေးတာ၊ နိုင်ငံသားတွေ ပြည်တွင်းပြည်ပသွားလာနိုင်အောင် ကန့်သတ်မှု အချို့ ဖြေလျှော့ပေး တာ တွေ ဖြစ်တယ်လို့ ဒီ လူ့အခွင့်အရေးအစီရင်ခံစာမှာ ဖော်ပြပါတယ်။

ဒါပေမဲ့လည်း လူ့အခွင့်အရေးဆိုင်ရာ ပြဿနာရပ်တွေ စိုးရိမ်စရာတွေတော့ ကျန်နေဆဲပဲလို့ အစီရင်ခံစာမှာ ထောက်ပြထားပါတယ်။ ၂၀၁၁ ခုနှစ်အတွင်း အခုလို အားတတ်စရာ တိုးတက်မှု အတော်များများ တွေ့ရပေမဲ့လည်း လုပ်ဆောင်စရာတွေလည်း အတော်များများ ကျန်နေသေးတယ်လို့ ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ အမေရိကန်လက်ထောက်နိုင်ငံခြားရေးဝန်ကြီး Michale Posner က မနေ့က သတင်းစာရှင်းလင်းပွဲမှာ ပြောခဲ့ပါတယ်။

“နိုင်ငံခြားရေးဝန်ကြီး ပြောခဲ့သလိုပဲ ၂၀၁၁ ခုနှစ်အတွင်းမှာ အားတက်စရာ တိုးတက်ပြောင်းလဲမှု အတော် များများရှိခဲ့ပါတယ်။ ဒါပေမဲ့လည်း လုပ်ဆောင်စရာတွေ အတော်လည်း ကျန်ပါသေးတယ်။ ဒီအထဲမှာတော့ ကျန်နေတဲ့ နိုင်ငံရေးအကျဉ်းသားတွေကို လွှတ်ဖို့ တိုင်းရင်းသား လူနည်းစုဒေသတွေက အကြမ်းဖက်မှုတွေ အဆုံးသတ်ဖို့ကိစ္စတွေ ရှိပါတယ်။ လာမယ့်နှစ်အတွင်း ဒီကိစ္စရပ်တွေမှာ အစိုးရအနေနဲ့ တိုးတက် ပြောင်းလဲ မှုတွေ လုပ်သွားနိုင်ဖို့ ကျနော်တို့ ဆက်ပြီး အားပေးသွားမှာပါ။”

တိုင်းရင်းသား လူနည်းစုဒေသတွေမှာ စစ်ဆင်တိုက်ခိုက်မှုတွေကြောင့် အရပ်သားပြည်သူတွေ အသက် ဆုံးရှုံးရတာ၊ ကျေးရွာတွေ အတင်း အဓမ္မ ပြောင်းရွှေ့ခံရတာ၊ လိင်ပိုင်းဆိုင်ရာ စော်ကားခံရတာ အစရှိတဲ့ လူအခွင့်အရေးချိုးဖောက်မှုတွေ ဖြစ်စေခဲ့တယ်လို့ အစီရင်ခံစာက ထောက်ပြပါတယ်။ အကျဉ်းသားတွေကို စစ်ဆင်ရေးမှာ အသုံးပြုတာတွေကိုလည်း ဝေဖန်ထားပါတယ်။ ဒီလို သတ်ဖြတ်မှုတွေ ညှင်းပမ်း နှိပ်စက်မှုတွေနဲ့ အမျိုးသမီးတွေအပေါ် လိင်စော်ကားမှုတွေမှာ အစိုးရရဲ့ လုံခြုံရေးတပ်က ပါဝင် ပတ်သက်မှုရှိနေတယ်လို့ အပြစ်တင်ပါတယ်။

အရပ်ဘက် လှုပ်ရှားသူတွေကို ဖမ်းဆီးမှုတွေ၊ နိုင်ငံရေးအကျဉ်းသားတွေ အကျဉ်းထောင်ထဲ ဆက်ရှိနေ တာတွေအပြင် ထောင်တွေအတွင်း အခြေအနေတွေဟာလည်း ဆိုးဝါးနေတယ်လို့ နိုင်ငံခြားရေးဌာန အစီရင်ခံစာမှာ ဖော်ပြထားပါတယ်။ ဒါပေမဲ့လည်း နိုင်ငံရေးအကျဉ်းသား တွေနဲ့ ပတ်သက်လို့ အရင်လိုတော့မဟုတ်ဘဲနဲ့ အစိုးရအနေနဲ့ လုံခြုံရေးအရထိမ်းသိမ်းထားသူများဆိုတဲ့ ခေါင်းစဉ်အောက်မှာ အမေရိကန် ပြည်ထောင်စုအပါအ၀င် နိုင်ငံတကာနဲ့ လက်ခံဆွေးနွေးစကားပြောတာမျိုးတွေတော့ ရှိလာပြီ လို့ မှတ်ချက်ပြုပါတယ်။

အခုလို လူ့အခွင့်အရေးချိုးဖောက်နေသူတွေအပေါ် အစိုးရအာဏာပိုင်တွေဘက်က အပြစ်ပေး အရေးယူ တာမျိုး မရှိတာကြောင့် လူ့အခွင့်အရေး ချိုးဖောက်မှုတွေဟာ အပြစ်ကနေ ကင်းလွတ်ခွင့် ရနေတယ် လို့ ဝေဖန်ပါတယ်။ တိုင်းရင်းသားဒေသက အခြေအနေတွေ အတင်းအဓမ္မ လုပ်အားပေးခိုင်းစေမှုနဲ့ ကလေးစစ်သားအသုံးပြုမှုလို လူ့အခွင့်အရေးချိုးဖောက်မှုတွေမှာတော့ တိုင်းရင်းသား လက်နက်ကိုင် တပ်တွေဘက်က ကျူးလွန်တာမျိုးလည်း ရှိတယ်လို့ ဖော်ပြပါတယ်။

အမေရိကန်နိုင်ငံခြားရေးဌာနရဲ့ ပုံမှန်နှစ်စဉ်ထုတ်ဝေနေကျ လူ့အခွင့်အရေးအစီရင်ခံစာတွေမှာ မြန်မာနိုင်ငံ အပါအ၀င် အာဏာရှင်နိုင်ငံတွေ အပေါ် နှစ်စဉ် ပြင်းပြင်းထန်ထန်ဝေဖန် ရေးသားလေ့ ရှိပါတယ်။ မြန်မာနိုင်ငံ အဖို့တော့ ဒီနှစ်မှာ ထူးထူးခြားခြား ချီးကျူးခံရတဲ့အချက်တွေ ပါဝင် လာတယ်လို့ ပြောရမှာပါ။ အမေရိကန်ပြည်ထောင်စုအနေနဲ့ မြန်မာနိုင်ငံအပေါ် အရေးယူပိတ်ဆို့မှုတွေ ဖယ်ရှားနေသလို၊ တဘက်မှာ လူ့အခွင့်အရေး စိုးရိမ်မှုတွေကိုလည်း ထုတ်ပြောနေဆဲရှိပါတယ်။

=====================================

မိုးမခ