မေ ၂၃ သတင်းများ

 မိုးမခက စုစည်းသည်

ကာတွန်းစောငို - သမ္မတကြီး မရှက်ဘူးလား၊ မေ ၂၃၊ ၂၀၁၂ မိုးမခ

အပျော့ဆွဲနဲ့ ဒုက္ခပေး ..ဖယောင်းတိုင်က ထပ်ကုန်သေး

ကာတွန်း - ကူမိုးကြိုး မိုးမခ

ကျန်းမာရေး အထူးစိုးရိမ်ရတဲ့ နိုင်ငံရေးအကျဉ်းသား အမြန်ဆုံးလွှတ်ပေးဖို့ AAPP တောင်းဆို

2012-05-23 RFA

အရည်အချင်းပြည့် ကိုယ်စားလှယ်ဖြစ်ရေး ဒေါ်အောင်ဆန်းစုကြည် တိုက်တွန်း

2012-05-23 RFA

ပြည်မြို့မှာလည်း လျှပ်စစ်မီးရရှိရေး ဆန္ဒပြ

2012-05-22RFA

လျှပ်စစ်မီး အချိန်ပြည့်ရရှိရေး ဆန္ဒထုတ်ဖော်ပွဲများ ပျံ့နှံ့လာ

2012-05-22 RFA

ဝတ္တရားနှောက်ယှက်မှုဖြင့် ဦးအေးလွင် ထောင်ဒဏ် ၂ လ အမိန့်ချခံရ

ဖနိဒါ | အင်္ဂါနေ့၊ မေလ ၂၂ မဇ္စျိမ

မြန်မာစစ်တပ် လူ့အခွင့်အရေးချိုးဖောက်မှုများ ကျူးလွန်ဆဲ၊ AI ဝေဖန်

By ဗွီအိုအေ (မြန်မာဌာန)

ရန်ကုန်၊ မန္တလေး လူစုလူဝေး ဟန့်တားခံရ

By မနန္ဒာချမ်း ဗွီအိုအေ

အင်္ဂါ, 22 မေ 2012

လျှပ်စစ်မီးကိစ္စ ဆန္ဒပြမှုနဲ့ ကိုကိုကြီးရဲ့ သဘောထား

By ဦးသန်းလွင်ထွန်း ဗွီအိုအေ

လျှပ်စစ်မီးရရေး ဖယောင်းတိုင်ထွန်းဆန္ဒထုတ်ဖော်မှု ပေါင်းတည်သို့ ရောက်ရှိ

အိမ့်ခိုင်ဦး (YPI) မေ ၂၃၊ ၂၀၁၂ မိုးမခ

မီးလုံလောက်စွာ မပေးနိုင်တော့ကြောင်း အစိုးရထုတ်ပြန်

By featured, ခင်ဦးသာ on May 22, ဧရာဝတီ

ဒေသခံများပါ မြေမြှုပ်မိုင်း သုံးစွဲနေ

By featured, ကျော်ခ on May 23, ဧရာဝတီ

စွမ်းအင်သုံးစွဲ ရောင်းချမှု အစိုးရ ပွင့်လင်းရန် လို

By featured, ရန်ပိုင် on May 23, ဧရာဝတီ

ကချင်စစ်ပြေး ဒုက္ခသည်များကို ပစ်မှတ်ထား လူကုန်ကူးနေ

By featured, နန်းဆိုင်နွမ် on May 23 ဧရာဝတီ

အမည်ခံ ရင်းနှီးမြှုပ်နှံမှုများ တရားဝင် အသွင်ပြောင်းရန် ထပ်မံသတိပေး

By featured, ကျော်ခ on May 23, ဧရာဝတီ

နေပြည်တော်လို မီးလင်းရမယ်

By featured, အောင်သက်ဝိုင်း on May 23 ဧရာဝတီ

ကျန်းမာရေး အထူးစိုးရိမ်ရတဲ့ နိုင်ငံရေးအကျဉ်းသား အမြန်ဆုံးလွှတ်ပေးဖို့ AAPP တောင်းဆို

2012-05-23 RFA

ကျန်းမာရေး အထူးစိုးရိမ်စရာ ဖြစ်နေတဲ့ နိုင်ငံရေးအကျဉ်းသား ၃ ယောက်ကို အမြန်ဆုံးလွှတ်ပေးဖို့ ထိုင်း မြန်မာနယ်စပ်အခြေစိုက် AAPP ခေါ် နိုင်ငံရေးအကျဉ်းသားများ ကူညီစောင့်ရှောက်ရေးအသင်းက တောင်းဆိုလိုက်ပါတယ်။

အဲဒီ ၃ ယောက်ကတော့ အင်းစိန်ထောင်မှာ သေဒဏ်ချမှတ်ခံထားရတဲ့ ကိုဖြိုးဝေအောင်၊ တသက်တကျွန်း ချမှတ်ခံထားရတဲ့ ကိုဆန်နီ ခေါ် ကိုစံရှားနဲ့ ဘူးသီးတောင်ထောင်မှာ ထောင်ဒဏ် ၃ နှစ် ချမှတ်ခံထားရတဲ့ ဦးမရ (ဦးမြ) တို့ ဖြစ်ပါတယ်။

အကျဉ်းထောင်ထဲ ကျန်းမာရေးချို့တဲ့နေသူကို အချိန်မီ ပြန်မလွှတ်ပေးတဲ့အတွက် ထောင်တွင်း အသက်ဆုံးရှုံးရတဲ့သူတွေ ရှိခဲ့သလို၊ ထောင်ကလွတ်ပြီး မကြာခင် သေဆုံးရသူတွေလည်း ရှိခဲ့တဲ့အတွက် အခုလိုတောင်းဆိုရတာ ဖြစ်တယ်လို့ AAPP တွဲဘက်အတွင်းရေးမှူး ကိုဘိုကြည်က ပြောပါတယ်။

" သူ့မိသားစုရဲ့ပြောပြချက်တွေအရ ကိုဖြိုးဝေအောင်ရဲ့ ကျန်းမာရေးအခြေအနေအရ အတော်ဆိုးဝါးတယ်။ လပိုင်းအတွင်း အသက်ဆုံးရှူံးသွားနိုင်တယ်။ နောက်အဲဒီလိုပဲ ကျွန်တော်တို့ တချက်တွေ့ရတာ ဆန်နီ ခေါ် စံရှားတို့၊ တခြားရခိုင်က အသက် ၆၉ နှစ်ရှိပြီဖြစ်တဲ့ ဦးမရတို့ ဒီနှစ်ယောက်ကလည်း ကျန်းမာရေး အခြေအနေ တော်တော်ဆိုးနေတာကို တွေ့ရတယ်။ အရင်တုန်းကလည်း ထောင်ထဲမှာ အဲဒီလိုပဲ ကင်ဆာဝေဒနာ ခံစားရတာတွေရှိတယ်။ ရှိပြီးတော့ခါကျတော့ ထောင်ကထွက်ပြီး တော့ ၁ လလောက်အတွင်းမှာ၊ ဒါမှမဟုတ် ၂ ပတ်လောက်အတွင်းမှာ၊ ၂ လလောက်အတွင်းမှာ သေသွားရတဲ့ နိုင်ငံရေး အကျဉ်းသားတွေလည်းရှိပါတယ်။ ဒါကြောင့်မို့လို့ ကျွန်တော်တို့ကလည်း ဒီလူတွေရဲ့ ကျန်းမာရေး အခြေအနေတွေကို အတော်လေးတော့ စိုးရိမ်တယ်။ အဲဒီလိုမျိုးကြောင့် ဒီလူတွေကို အမြန်ဆုံးလွှတ်ပေးဖို့ မေတ္တာရပ်ခံ တောင်းဆိုတာ ဖြစ်ပါတယ်"

ဒီစာကို မြန်မာနိုင်ငံ လူ့အခွင့်အရေး ကော်မရှင်အပါအဝင်၊ ကုလသမဂ္ဂ လူ့အခွင့်အရေးကော်မရှင်၊ အမေရိကန်နဲ့ ဥရောပသမဂ္ဂအဖွဲ့ဝင် အစိုးရတွေဆီကို ပေးပို့လိုက်တယ်လို့ ပြောပါတယ်။

ထောင်ထဲမှာ အသည်းကင်ဆာ ရောဂါခံစားနေရတဲ့ ကိုဖြိုးဝေအောင်ကို အမြန်ဆုံး ပြန်လွှတ်ပေးဖို့ကို AHRC ခေါ် အာရှလူ့အခွင့်အရေး ကော်မရှင်ကလည်း ဒီနေ့ တိုက်တွန်းတောင်းဆို လိုက်ပါတယ်။

မြန်မာနိုင်ငံမှာ နိုင်ငံရေးနဲ့ ဆက်နွယ်ပြီး အကျဉ်းချခံထားရတဲ့ နိုင်ငံရေးအကျဉ်းသား အနည်းဆုံး ၄၀၀ ကျော် ကျန်နေသေးတယ်လို့ ပြည်တွင်း၊ ပြည်ပနိုင်ငံရေး အကျဉ်းသားဆိုင်ရာအဖွဲ့တွေက ပြောဆိုကြပါတယ်။

၂၀၁၀ သင်္ကြန်တွင်းမှာ X2O မဏ္ဍပ်ဗုံးခွဲမှုနဲ့ စွပ်စွဲခံရပြီး သေဒဏ်ချမှတ်ခံလိုက်ရတဲ့ ကိုဖြိုးဝေအောင်ဟာ အသည်းကင်ဆာရောဂါနဲ့ နောက်ဆုံးအဆင့် ရောက်နေပြီလို့ မိသားစုကနေ တဆင့်သိရပါတယ်။

ဒါနဲ့ ပတ်သက်လို့ ကိုဖြိုးဝေအောင်ရဲ့ ဇနီး မဌေးဌေးကို RFA ဝိုင်းတော်သား ကိုနေရိန်ကျော် ဆက်သွယ် မေးမြန်းထားပါတယ်။

ဆက်သွယ်မေးမြန်းချက်။ အသံဖိုင်ယူရန်။

အရည်အချင်းပြည့် ကိုယ်စားလှယ်ဖြစ်ရေး ဒေါ်အောင်ဆန်းစုကြည် တိုက်တွန်း

2012-05-23 RFA

ဒီကနေ့ နေ့လည်ပိုင်းက NLD ပါတီ ဥက္ကဋ္ဌ ဒေါ်အောင်ဆန်းစုကြည်နဲ့ NLD ပြည်သူ့လွှတ်တော် ကိုယ်စားလှယ်တွေ သီးသန့် တွေ့ဆုံပွဲမှာ NLD ကိုယ်စားလှယ်တွေအနေနဲ့ အရည်အချင်း ပြည့်ဝပြီး ပြည်သူတွေ အားကိုးရလောက်တဲ့ ကိုယ်စားလှယ်တွေ ဖြစ်အောင် ပြင်ဆင်ကြိုးစားကြဖို့ ဒေါ်အောင်ဆန်းစုကြည်က တိုက်တွန်းကြောင်း သိရပါတယ်။

ဒေါ်အောင်ဆန်းစုကြည်ဟာ ဒီကနေ့ ညနေ (၄) နာရီလောက်မှာ သာကေတမြို့နယ် NLD ပါတီရုံး ဖွင့်ပွဲကို တက်ရောက် ဟောပြောခဲ့ပါတယ်။

ဒီအတွင်း NLD ပါတီတွင်း ရပ်ကွက်၊ ကျေးရွာအဆင့်ကနေ ဗဟိုအဆင့်ထိ ခေါင်းဆောင်ရွေးချယ်ပွဲတွေကို လာမယ့် ဇွန်လလယ်လောက်မှာ စတင်နိုင်ရေး အမြန်လုပ်ဆောင်ဖို့ ဒီကနေ့ကျင်းပတဲ့ NLD ပါတီ ဗဟိုအလုပ်အမှုဆောင် အစည်းဝေးက ဆုံးဖြတ်လိုက်ပါတယ်။

NLD ပါတီညီလာခံ ကျင်းပရေးအတွက် ဗဟိုကနေ ကျေးရွာအထိ ကော်မရှင်အဆင့်ဆင့် အမြန်ဆုံး ဖွဲ့စည်းရေးကို ဒီကနေ့ကစပြီး လုပ်ဆောင်သွားမှာ ဖြစ်ကြောင်း NLD ပါတီ ပြန်ကြားရေးတာဝန်ခံ ဦးအုန်းကြိုင်က RFA ကို ပြောပါတယ်။

NLD ပါတီ ဗဟိုအလုပ်အမှုဆောင် ရွေးချယ်ပွဲကိုတော့ လာမယ့် ၂၀၁၃ ခု နှစ်ဆန်းပိုင်းမှာ ကျင်းပနိုင်ဖို့ ကြိုးပမ်းနေကြောင်းလည်း ပြောပါတယ်။

ပြည်မြို့မှာလည်း လျှပ်စစ်မီးရရှိရေး ဆန္ဒပြ

2012-05-22 RFA

ပဲခူးတိုင်း ပြည်မြို့ မှာ မနေ့ ည ရှစ်နာရီခွဲခန့် က ပြည်သူလူထု ၁၀၀ ခန့် က လျှပ်စစ်မီးရရှိရေးအတွက် ဖယောင်းတိုင်များ ထွန်းညှိကာ ချီတက် ဆန္ဒပြကြတယ်လို့ သိရပါတယ်။

မြို့နယ်လျှပ်စစ်ရုံးကနေ ဗိုလ်ချုပ်ကြေးရုပ်အထိ ဗိုလ်ချုပ်လမ်းအတိုင်း ဆန္ဒပြကြပုံကို ပါဝင်ခဲ့တဲ့ မြို့ခံတစ်ဦးက အခုလို ပြောပြပါတယ်။

" ညတုန်းက ရှစ်နာရီခွဲ ကိုးနာရီခန့်မှာ မီးရုံးရှေ့ကနေ ဗိုလ်ချုပ်လမ်းအတိုင်း လာပြီးတော့ မြင်းစီးကျောက်ရုပ်ကို ပတ်ပြီးတော့ မြင်းစီးကျောက်ရုပ်မှာ မီးတိုင်တွေ ကိုင်ပြီးတော့ လျှပ်စစ်မီးရရှိရေး ဒို့အရေး ဆိုပြီးတော့ နည်းနည်းကြွေးကြော်တယ်။ လူကတော့ ၁၀၀ လောက်ရှိပါတယ်။ မြို့လူထုက ဘေးနားကနေ အများကြီးလိုက်လာတယ်။ အုပ်လိုက်ကြီး လိုက်လာတယ်။ လက်ခုပ်လက်ဝါးတီးပြီး ဘေးကနေ အားပေးပြီး လိုက်လာတယ်။ တလျှောက်လုံး လိုက်လာပါတယ်။ ဘေးကနေပြီးတော့ ရဲတွေ အများကြီး ကားနဲ့လိုက်လာပါတယ်။ ဘာမှတော့ အနှောင့်အယှက် မပေးဘူး။ အခုချိန်အထိတော့ ဖမ်းတာ ဆီးတာ မရှိသေးပါဘူး"

ဆန္ဒပြသူတွေဟာ ဖယောင်းတိုင်မီးတွေကို ဗိုလ်ချုပ် မြင်းစီးကျောက်ရုပ် ပတ်ပတ်လည်မှာ စိုက်ထူထွန်းညှိပြီး ဆယ်နာရီခန့်မှာ လူစုခွဲခဲ့တယ်လို့ သိရပါတယ်။

နဂိုစီစဉ် ထားခြင်းမရှိဘဲ မိမိတို့ သဘောအလျောက် ရုတ်တရက် အခုလို ဆန္ဒပြပွဲ ဖြစ်လာတဲ့အကြောင်း စောစောက မြို့ခံကပဲ အခုလို ရှင်းပြပါတယ်။

" မီးရုံးရှေ့မှာ ဆန္ဒပြမယ်၊ ဆန္ဒပြမယ်ဆိုပြီးတော့ ဒီအတိုင်း အသံတွေထွက်နေကြတယ်ပေါ့။ အဲတာကလည်း မန္တလေးမှာ ဖြစ်တာရယ်၊ ရန်ကုန်မှာ ဖြစ်တာရယ်ကိုကြည့်ပြီး ဒီကလူတွေက လုပ်ဖို့စချင်တယ်။ ဘယ်သူကစရမှန်း မသိဘူးဖြစ်နေတယ်။ အဲလိုဖြစ်နေပြီးတော့ မီးရုံးရှေ့ကို သွားသွားပြီးတော့ ကြည့်နေကြတာ၊ လူတွေက၊ သွားကြည့်ပြီးတော့ ညက မီးရုံးပတ်ဝန်းကျင်မှာ မလိုအပ်ပဲ တအားစည်ကားနေတာ၊ ဆိုင်ကယ်တွေ၊ ကားတွေ၊ စက်ဘီးတွေနဲ့ စည်ကားနေတော့ ရဲတွေ အများကြီး ရောက်လာတယ်။ ရောက်လာတော့ လူတွေက ထိုင်ရင်း၊ ထိုင်ရင်းနဲ့ စဖြစ်သွားကြတာတဲ့"

ပြည်မြို့ခံ သီးခြားအဖွဲ့တဖွဲ့ကလည်း မီးရရှိရေး ဆန္ဒပြပွဲ ပြုလုပ်ဖို့ စီစဉ်နေပေမဲ့ အခုထိ ခွင့်ပြုမိန့်  မရသေးဘူးလို့ သိရပါတယ်။

လျှပ်စစ်မီး အချိန်ပြည့်ရရှိရေး ဆန္ဒထုတ်ဖော်ပွဲများ ပျံ့နှံ့လာ

2012-05-22 RFA

လျှပ်စစ်မီး (၂၄) နာရီ ရရှိရေးအတွက် ဒီကနေ့ ရန်ကုန်နဲ့ ပဲခူးမြို့တွေမှာလည်း ဆန္ဒထုတ်ဖော်ဖို့ ပြင်ဆင်နေကြပါတယ်။ ရန်ကုန်မြို့က ဆန္ဒထုတ်ဖော်ပွဲကို နိုင်ငံရေးအကျဉ်းသား မိသားစုတွေ၊ ကွန်ယက်အဖွဲ့ဝင်တွေ၊ လူ့အခွင့်အရေးနဲ့ အလုပ်သမား အခွင့်အရေး ကာကွယ်စောင့်ရှောက်သူ အဖွဲ့ဝင်တွေ ပါဝင်မှာဖြစ်သလို အဖွဲ့အစည်းဝင် မဟုတ်သူတွေလည်း ပါဝင်ဖွယ်ရှိတယ်လို့ ဆော်သြသူတွေက ပြောပါတယ်။

ဆန္ဒထုတ်ဖော်ပွဲကို ရန်ကုန်မြို့ ဆူလေဘုရားအနီး ညပိုင်း (၇) နာရီလောက်မှာ စတင်မယ်လို့ သိရပါတယ်။ နိုင်ငံရေး အကျဉ်းသားမိသားစု ကွန်ယက်အဖွဲ့ဝင် ကိုအောင်ဇော်ထွန်းက အစီအစဉ်ကို ပြောပြပါတယ်။

" ဆူးလေဘုရားလမ်းမကြီးမှာရှိတဲ့ ဆူးလေဘုရား မှတ်တိုင်ပေါ့နော်၊ အဲနားလေးမှာ ကျွန်တော်တို့ လူစုကြမယ်။ ညနေ ၆ နာရီခွဲလောက်မှာ။ ပြီးတဲ့အခါမှာ ၇ နာရီထိုးတဲ့အခါမှာ ကျွန်တော်တို့ ဝေငှထားတဲ့ ဖယောင်းတိုင်တွေကို ထွန်းညှိပြီးတော့ ငြိမ်းငြိမ်းချမ်းချမ်းနဲ့ စီတန်းပြီးပတ်မယ်။ ပတ်ပြီးတော့ ဘုရားပေါ်မှာ တက်မယ်။ ပြီးရင် ကျွန်တော်တို့ လူစုခွဲပါမယ်"

အလားတူ ပဲခူးမြို့ မြို့နယ်လျှပ်စစ်ရုံးရှေ့မှာလည်း ည ( ၇) နာရီခွဲမှာ လူစုကြမယ်လို့ ပဲခူးမြို့ခံတွေက ပြောပါတယ်။ မြန်မာစံတော်ချိန် ညနေ (၅) နာရီလောက်ကတော့ ပဲခူးမြို့လူစည်ကားတဲ့နေရာ (၃) နေရာမှာ ရဲတပ်ဖွဲ့ တွေ နေရာယူထားတာ တွေ့ရတယ်လို့ မြို့ခံတွေက ပြောပါတယ်။ မြို့နယ်လျှပ်စစ်ရုံးရှေ့က အခြေအနေကိုတော့ မြို့ခံတစ်ယောက်က အခုလိုပြောပါတယ်။

" ကျွန်တော်မြင်နေရတာကတော့ အကုန်လုံး ယူနီဖောင်းတွေဝတ်တဲ့ ရဲတွေအကုန်လုံး အဆင်သင့်ရှိနေကြတယ်။ သုံးနေရာလုံးမှာလေ။ လူတွေကလည်း စောင့်ကြည့်နေတယ်ဗျ။ ဆန္ဒပြဖို့လို့ထင်ရတဲ့ ပုဂ္ဂိုလ်များကလည်း အဲဒီမှာ အယောက် ၄၀၊ ၅၀ လောက် စောင့်နေကြတယ်။ ဈေးထဲပေါ့။ ကျွန်တော်တို့ ပဲခူးဈေးကြီး သွန်းဘုရားအနီးပေါ့ဗျာ။ မြို့နယ်လျှပ်စစ်ရုံးဆိုတာရှိတယ်။ အဲဒီမှာ ဒေါ်ရီစားသောက်ဆိုင်ဆိုတာရှိတယ်။ အဲဒီမှာ အယောက် ၂၀ လောက်ရှိတယ်။ ဒီဘက်မှာ သွန်းဘုရားထဲမှာလည်း ရှိကြတယ်ဗျ။ အဲဒီမှာ သူတို့ ဖယောင်းတိုင်လေးတွေ ကိုင်ထားတာ ကျွန်တော်တွေ့နေရတယ်"

အလားတူ ဒီကနေ့ ညပိုင်းမှာ ပြည်မြို့မှာလည်း ဆန္ဒဖော်ထုတ်ပွဲကျင်းပကြဖို့ ပြင်ဆင်နေကြောင်း သိရပါတယ်။

လျှပ်စစ်မီး ပုံမှန်မရတာနဲ့ပတ်သက်ပြီး ပြီးခဲ့တဲ့အပတ်အတွင်းက ရခိုင်ပြည်နယ် ကျောက်တော်မြို့မှာ အိမ်ရှင်မတွေက ဆန္ဒထုတ်ဖော်ခဲ့ကြပြီးတဲ့နောက် မန္တလေးနဲ့ မုံရွာမြို့တွေမှာ ဆန္ဒထုတ်ဖော် ပြသခဲ့ကြသလို အောက်မြန်မာပြည်မြို့တွေမှာ ဆက်တိုက် လုပ်ဆောင်လာကြတာ ဖြစ်ပါတယ်။

နောက်ဆုံးရရှိတဲ့ သတင်းအရ ပဲခူးမြို့မှာ လုံခြုံရေး အထူးတင်းကြပ်ထားတာကြောင့် ဆန္ဒထုတ်ဖော်ပွဲ မကျင်းပဖြစ်ခဲ့ဘူးလို့ သိရပါတယ်။

ဝတ္တရားနှောက်ယှက်မှုဖြင့် ဦးအေးလွင် ထောင်ဒဏ် ၂ လ အမိန့်ချခံရ

ဖနိဒါ | အင်္ဂါနေ့၊ မေလ ၂၂ မဇ္စျိမ

ချင်းမိုင်(မဇ္စျိမ) ။ ။ ပြည်ထောင်စု မြန်မာနိုင်ငံ အမျိုးသား နိုင်ငံရေးအဖွဲ့ချုပ် ဥက္ကဋ္ဌ ဦးအေးလွင်သည် ဝန်ထမ်းအား ဝတ္တရားနှောက်ယှက်မှုဖြင့် လှည်းကူးမြို့နယ် တရားရုံးက ထောင်ဒဏ် ၂ လ ချမှတ်လိုက်သည်ဟု ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ပါတီမှ ဒုဥက္ကဋ္ဌ ဦသန်းဦးက ပြောသည်။

အစိုးရ ဆောက်လုပ်ရေးဝန်ကြီးဌာနမှ လမ်းတံတား အင်ဂျင်နီယာမှူး တရားလို ဦးဝဏ္ဏဇော်မှ ၁၀ လခန့်ကြာ တရားစွဲဆိုခဲ့ပြီးနောက် ယနေ့ အင်္ဂါနေ့မှာ အမိန့်ချလိုက်ခြင်း ဖြစ်သည်။

“ဒီနေ့ ပုဒ်မ ၁၈၆နဲ့ နှစ်လ အမိန့်ချလိုက်တယ်။ တရားသူကြီးက တရားလိုဘက်က ဝတ္တရားနှောက်ယှက်မှုနဲ့ ပတ်သက် လို့ တိုင်ကြားချက်တွေ ဖတ်ပြတယ်။ ဒီဘက် တရားခံဘက်ကလည်း ဥပဒေအရ စောဒက တက်တယ်ဆိုပြီးတော့ တရားခံရှေ့နေဘက်က ပြောတယ်ပေါ့နော်။ အဲဒီအပေါ်မှာ အမိန့်ချလိုက်တယ်”ဟု သူက မဇ္စျိမကို ပြောသည်။

ယနေ့ လှည်းကူးမြို့နယ် တရားရုံးသို့ နှစ်ပါတီလုံးမှ အဖွဲ့ဝင်များ ၂၀၀ ကျော် တက်ရောက်ခဲ့သည်ဟု ပြောသည်။

ဦးအေးလွင်သည် လက်ရှိ အင်းစိန်အကျဉ်း ထောင်တွင် ချုပ်နှောင်ခံနေရသည်ဟု ဆိုသည်။

ပြီးခဲ့သည့်နှစ် ဇူလိုင်လ ၂၇ ရက်နေ့က ဆောက်လုပ်ရေး ဝန်ကြီးဌာနမှ ဆောင်ရွက်နေသော ရန်ကုန်-မန္တလေး ကားလမ်းပေါ်ရှိ အမှတ် ၃ လမ်းဆုံ တိုးဂိတ်တွင် ဂိတ်ကြေးငါးထောင်ကျပ် ပေးဆောင်ရန် ငြင်းဆန်ပြီး ဝန်ထမ်းများနှင့် အချင်းများရာမှ ဦးအေးလွင်ကို ပြည်ထောင်စု ဆောက်လုပ်ရေးဝန်ကြီး ဦးခင်မောင်မြင့် ကိုယ်တိုင် ဝန်ထမ်းဝတ္တရား နှောက်ယှက်မှုဖြင့် ရန်ကုန်တိုင်း လှည်းကူးမြို့နယ် တရားရုံးတွင် တရားစွဲဆိုခဲ့ခြင်း ဖြစ်သည်။

ယခင်က မြန်မာအစိုးရနှင့် အလွမ်းသင့်သည်ဟု စွပ်စွဲခံထားရသော ညီနောင်နှစ်ပါတီသည် စစ်ကိုင်း၊ မကွေး၊ မန္တလေး၊ ရန်ကုန်၊ ပဲခူး၊ ဧရာဝတီတိုင်းနှင့် ချင်းပြည်နယ်တို့တွင် ၈၅ နေရာ ဝင်ပြိုင်ခဲ့သော်လည်း ဦးရဲထွန်း ဦးဆောင်သော ၈၈မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ပါတီတခုတည်းသာ ရန်ကုန်တိုင်းဒေသကြီး လှိုင်သာယာမြို့နယ် တနေရာတွင်သာ အနိုင်ရခဲ့သည်။

ဦးအေးလွင်သည် အမျိုးသားဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်ကို လူသိရှင်ကြား ဝေဖန်လေ့ ရှိပြီး အနောက်နိုင်ငံများက မြန်မာနိုင်ငံအပေါ် ချမှတ်ထားသော ပိတ်ဆို့ အရေးယူမှုများကို ကန့်ကွက်ခဲ့သူ ဖြစ်သည်။

ဗုဒ္ဓဟူး, 23 မေ 2012

မြန်မာစစ်တပ် လူ့အခွင့်အရေးချိုးဖောက်မှုများ ကျူးလွန်ဆဲ၊ AI ဝေဖန်

By ဗွီအိုအေ (မြန်မာဌာန)

လန်ဒန်အခြေစိုက် Amnesty International လူ့အခွင့်အရေး အဖွဲ့ကြီးရဲ့ ၂၀၁၂ ခုနှစ် နှစ်ပတ်လည် လူ့အခွင့်အရေး အစီရင်ခံစာထဲမှာတော့ မြန်မာနိုင်ငံ အတွင်း မြန်မာစစ်တပ်ဟာ တိုင်းရင်းသားဒေသတွေမှာ လူသားမျိုးနွယ်အပေါ်ဆန့်ကျင်တဲ့ ရာဇ၀တ်မှုတွေ ကျူးလွန်နေတယ်လို့ ဝေဖန်လိုက်ပါတယ်။

စစ်ပွဲတွေဖြစ်နေတဲ့ဒေသက ထောင်နဲ့ချီတဲ့ဒုက္ခသည်တွေကို လူသားချင်းစာနာမှု အကူအညီတွေပေးဖို့ လည်း အာဏာပိုင်တွေ ဘက်က ပိတ်ပင်ထားပြီး မြန်မာစစ်တပ်က စစ်သားတွေဟာ အရပ်သားတွေပေါ် လိင်ပိုင်းဆိုင်ရာ စော်ကားမှုတွေလည်း ကျူးလွန်ကြတယ်လို့ ဆိုပါတယ်။ မြန်မာအစိုးရဟာ နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေ အကန့်အသတ်နဲ့ လုပ်ဆောင်နေပေမဲ့ အခုနှစ်အတွင်းမှာပဲ တိုင်းရင်းသား လူနည်းစုဒေသတွေမှာ နိုင်ငံတကာဥပဒေတွေနဲ့ လူ့အခွင့်အရေးတွေကို ချိုးဖောက်မှုတွေ ရှိနေတယ်လို့ Amnesty International လူ့အခွင့်အရေးအဖွဲ့က ဝေဖန်ထားပါတယ်။

အဲဒီအထဲ အချို့အမှုတွေဟာ စစ်ရာဇ၀တ်မှုတွေနဲ့ လူသားမျိုးနွယ်အပေါ် ဆန့်ကျင်တဲ့ ရာဇ၀တ် မှုတွေ ဖြစ်တယ်လို့ ဆိုပါတယ်။ အထူးသဖြင့် ကချင်ပြည်နယ် အတွင်းက အခြေအနေတွေ ကို ထောက်ပြဝေဖန်ထားရာမှာ ဖြစ်ရပ်တွေကိုပါ အသေးစိတ်ရေးသားထားပါတယ်။ ရှမ်းပြည်နယ်အတွင်း မှာ အရပ်သားတွေကို ညှင်းပမ်းနှိပ်စက်မှု မတရားဖမ်းဆီး ချုပ်နှောင်မှုတွေရှိတဲအ့ပြင် ကျေးရွာတွေကို အတင်းအကျပ် ရွှေ့ပြောင်းမှုတွေပါ ရှိခဲ့တယ်လို့ ဆိုပါတယ်။

ခိုင်မာတဲ့ အထောက်အထားတွေအရ စစ်တပ်ဟာ အကျဉ်းသားတွေကို ပေါ်တာအဖြစ် အသုံးပြုတာ၊ မိုင်းရှင်းတဲ့နေရာ လူသားဒိုင်းလို အသုံးပြုတာမျိုးတွေ ရှိတယ်လို့လည်း ဝေဖန်ပါတယ်။ ပြီးခဲ့တဲ့နှစ် အတွင်း နိုင်ငံရေးအကျဉ်းသားတွေ လွတ်မြောက်လာတာရှိပေမယ့်လည်း နိုင်ငံရေးအရလှုပ်ရှားသူတွေကို အပြစ်ပေးထောင်ချတာတွေ ဆက်ရှိနေသလို နိုင်ငံရေးအကျဉ်းသားတွေ လူမဆန်စွာ ညှင်းပမ်းနှိပ်စက် မှုတွေလည်း ရှိနေတယ်လို့ ဆိုပါတယ်။ အကျဉ်းထောင်တွင်း အခြေအနေဟာလည်း အတော်လေး ဆိုးဝါးနေဆဲပဲလို့ ထောက်ပြပါတယ်။

မြန်မာနိုင်ငံဟာ လက်ရှိမှာ နိုင်ငံရေးအရ ပြုပြင်ပြောင်းလဲမှုတွေရှိပေမဲ့ လူ့အခွင့်အရေးအရ တိုးတက်ဖို့ လုပ်ဆောင်စရာတွေ ကျန်နေသေးတယ်လို့ နိုင်ငံတကာက ဝေဖန်တာခံနေရဆဲပါ။ ဒီနေ့ဆိုရင်တော့ အမေရိကန်နိုင်ငံခြားရေးဌာနရဲ့ နှစ်စဉ် လူ့အခွင့်အရေး အစီရင်ခံစာ ထုတ်ပြန်ဖို့ရှိပါတယ်။ အဲဒီအထဲ မြန်မာနိုင်ငံအခြေအနေကိုလည်း ထည့်သွင်းဖော်ပြမယ်လို့ မျှော်လင့်ရပါတယ်။

ဗုဒ္ဓဟူး, 23 မေ 2012

ရန်ကုန်၊ မန္တလေး လူစုလူဝေး ဟန့်တားခံရ

By မနန္ဒာချမ်း ဗွီအိုအေ

၂၄ နာရီ လျှပ်စစ်မီးရရှိရေး ဆန္ဒပြ တောင်းဆိုလှုပ်ရှားမှုတွေကို ဒီကနေ့ သက်ဆိုင်ရာရဲ့ တားမြစ် မှုတွေကြားက ရန်ကုန်မြို့မှာ ဒုတိယမြောက်နေ့အဖြစ် ဆက်ပြီး ဆန္ဒထုတ်ဖော်ခဲ့ကြပါတယ်။ မန္တလေးမြို့ မှာလည်း လုံခြုံရေးတွေ တင်းတင်းကျပ်ကျပ် ချထားတယ်လို့ မြို့ခံတွေက ပြောပါတယ်။ အခုလို အခြေအနေတွေကိုတော့ ဆက်သွယ်စုံစမ်းထားတဲ့ မနန္ဒာချမ်း က တင်ပြပေးထားပါတယ်။

၂၄ နာရီ လျှပ်စစ်မီး ရရှိရေး ဒုတိယမြောက်နေ့မှာ ဆက်လက် ဆန္ဒထုတ်ဖော်ဖို့အတွက် ထောင်နဲ့ချီတဲ့ ရန်ကုန်မြို့ခံတွေဟာ မြို့လယ်မှာရှိတဲ့ ဆူးလေဘုရားအနီးမှာ ညနေ ၆ နာရီဝန်းကျင်က စုဝေးခဲ့ကြတာပါ။ ဒါပေမဲ့ အာဏာပိုင်တွေ ရောက်ရှိလာပြီး - ဦးဆောင်သူတချို့နဲ့တွေ့ဆုံပြီး - ဆန္ဒပြတောင်းဆိုမှုတွေ ဆက် မလုပ်ဖို့နဲ့ ရဲချုပ်ရဲ့ စာကို ပေးအပ်ခဲ့တယ်လို့ ဆန္ဒပြပွဲမှာ ပါဝင်သူ နိုင်ငံရေးအကျဉ်းသား ဟောင်းများအဖွဲ့မှ ကိုခင်ဇော် က ပြောပြပါတယ်။

“ဖယောင်းတိုင်မီးထွန်းပြီး ချီတက်ပွဲလုပ်မယ့်အချိန်မှာပဲ အနောက်ပိုင်းခရိုင်၊ ဒု-ရဲမှူးကြီး ဦးမျိုးအောင် ကနေပြီးတော့ စာတစောင်ထုတ်ပြတယ်ဗျ။ စာတစောင်လာပေးတယ်ပေါ့နော်၊ ဒီ ဆန္ဒပြအဖွဲ့ခေါင်းဆောင် ကိုဟန်ဝင်းအောင်ကိုလေ- လျှပ်စစ်မီးပြတ်တဲ့ ကိစ္စနဲ့ပတ်သက်ပြီးတော့ သူတို့ကနေပြီးတော့ သတင်းစာမှာ အတိအလင်းကြေညာထားပြီးတော့ ပြည်သူလူထုကို မေတ္တာရပ်ခံထားပြီးလည်း ဖြစ်တယ်ဆိုတဲ့အကြောင်း၊ နောက်ပြီးတော့ တည်ဆဲဥပဒေတွေအရ ၅ ယောက်ထက်ပိုပြီးတော့ စီတန်းလမ်းလျှောက်မယ်ဆိုလို့ရှိရင် ဥပဒေ အရ ဆောင်ရွက်ရမယ်ဆိုတဲ့အကြောင်းကို ပြောတယ်ခင်ဗျ။ အဲဒီစာကို လာပေးသွားတဲ့အချိန်မှာ ကိုဟန်ဝင်းအောင်က အဲဒီစာကို ဖတ်ပြလိုက်တယ်။ ဖတ်ပြပြီးသွားတော့ လုပ်မယ်ဆိုတဲ့အတိုင်းပဲ ဆက်ပြီးတော့ ကျနော်တို့လုပ်တယ်ခင်ဗျ။ အဲလိုလုပ်တဲ့အခါမှာ ကျနော်တို့ ဘယ်ကနေ စသွားသလဲ ဆိုတော့- လက်ရွေးစင်ရှေ့ကနေပြီး ဖရေဇာလမ်းဘက်ကို ပြန်ထွက်လာပြီးတော့ ဖရေဇာလမ်းဘက်မှာ ဂုံးကျော်တံတားရှိတယ်။ အဲဒီ ဂုံးကျော်တံတားကနေ ပတ်ပြီးတော့ ဆူးလေးဘုရားပေါ်ကိုတက်လာတယ်။ ဆူးလေဘုရားကို သုံးပတ်ပတ်ပြီးတော့ ကျနော်တို့ အခု အဆုံးသတ်ပွဲကို လုပ်နေတယ်ခင်ဗျ။”

အရင်က သတ်မှတ်ထားတဲ့ ဗန္ဓုလပန်းခြံရှေ့ စုဝေးပြီး ဖယောင်းတိုင် ထွန်းညှိ ဆန္ဒပြမယ့် အစီအစဉ်တော့ ပျက်သွားခဲ့ရတယ်လို့ ကိုခင်ဇော်က ပြောပါတယ်။ လုံခြုံရေးတွေကတော့ အနှောင့်အယှက်ပေးတာမျိုး မရှိဘဲ - ဆန္ဒပြသူအရေအတွက်ဟာ အင်္ဂါနေ့ကထက် ပိုများခဲ့တာကြောင့် ယာဉ်ကျောပိတ်ဆို့မှု အခြေအနေကို ရှင်းပေးတာမျိုး၊ အဝေးကနေ စောင့်ကြည့်တာမျိုးလောက်သာ လုပ်ခဲ့တယ်လို့လည်း ဆိုပါတယ်။ ပြည်သူ တွေဘက်ကလည်း အော်ဟစ်တောင်းဆိုမှုမလုပ်ဘဲ တိတ်တိတ်ဆိတ်ဆိတ်နဲ့ ဖယောင်းတိုင်မီးကိုင်ဆောင်ပြီး စီတန်းလမ်းလျှောက်ကြသလို တချို့ကလည်း ပိုစတာတွေကို ကိုင်ဆောင် ထားကြတယ်လို့လည်း ကိုခင်ဇော် က ဆက်ပြောပြပါတယ်။

“ ‘ဘက်ထရီလည်းမဝယ်နိုင်၊ အင်ဗာတာလည်း ငါမပိုင်၊ ဖယောင်းတိုင်မီးနဲ့မှိုင်’ - ဆိုတာလည်း ပါတယ်ဗျာ- နောက်တခုက ‘ရန်ကုန်မြို့ကြီး နေပြည်တော်လို မီးလင်းပါစေ၊ မြန်မာပြည်တဝှမ်း မီးလင်းပါစေ’ တရုတ်နဲ့ပတ်သက်တဲ့ဟာလည်း ပါတယ်ဗျ။ တရုတ်ပြည်ကြီးကျတော့ ဗမာပြည်က gas တွေနဲ့ မီးလင်းနေတယ်ဗျာ။ ဗမာပြည်မှာကတော မီးမှောင်နေတယ်ဆိုတဲ့ အကြောင်းကို ရေးထားတာ ဗျ။ နောက်တခု ကျနော် ဖတ်ပြမယ်ဗျ။ ‘ဘယ်ဝန်ကြီးအိမ် မီးပျက်နေပါသနည်း’- တဲ့။”

အလားတူပဲ ရန်ကုန် - တောင်ဒဂုံမြို့နယ်ဘက်မှာလည်း လျှပ်စစ်မီးရရှိရေး ဆန္ဒထုတ်ဖော်တောင်းဆို မှုတွေ ဖြစ်ခဲ့တယ်လို့ ရန်ကုန်မြို့ခံတွေက ပြောပြပါတယ်။ မန္တလေးမှာတော့ ပြီးခဲ့တဲ့ ရက်ပိုင်းက လုပ်ခဲ့တဲ့ လျှပ်စစ်မီးရရှိရေး ဆန္ဒထုတ်ဖော်သူတွေထဲက တချို့ ခေါ်ယူမေးမြန်းခံခဲ့ရပြီး နောက် ဗုဒ္ဓဟူးနေ့မှာတော့ ဒီလို ဆန္ဒထုတ်ဖော်မှုတွေကို ဆက်လုပ်မယ် မလုပ်ဘူးဆိုတာ မသိရသေးပါဘူး။ အင်္ဂါနေ့ည ၁၀ နာရီလောက်ကတော့ ဆိုင်ကယ်လ်တွေနဲ့ ဖယောင်းတိုင်မီးအစား မီးဒုတ်တွေကို ကိုင်ဆောင်ပြီး လှည့် လည်ခဲ့ကြတယ်လို့ မန္တလေးမြို့ခံတဦးက ပြောပြခဲ့ပါတယ်။ ဒီလို ဆန္ဒထုတ်ဖော်မှုတွေဖြစ်ခဲ့တဲ့ အခုရက်ပိုင်း အတွင်း မန္တလေးမြို့က လုံခြုံရေးအခြေအနေနဲ့ပတ်သက်ပြီးတော့ - သတင်းထောက်တဦးက အခုလို ပြောပြပါတယ်။

“လျှပ်စစ်မီးကိစ္စနဲ့ပတ်သက်ပြီးတော့ အဲဒီ ကျုံးဘေးမှာ ဆန္ဒဖော်ထုတ်တဲ့နေ့တွေတုန်းကတော့ ရဲတွေ၊ အချုပ်ကားတွေ အများကြီး သိသိသာသာ ချထားတယ်။ ဒီနေ့အခြေအနေမှာတော့ သိပ်ပြီးတော့ အဲဒီလို မမြင်မတွေ့ရပါဘူးဗျ။ သိသိသာသာ အချုပ်ကားတွေနဲ့ မတွေ့ရတော့ပါဘူး။ ဒါပေမဲ့ ကျုံးဘေးမှာ ရဲတွေ ကိုတော့ တယောက်စ၊ နှစ်ယောက်စတော့ မြင်တွေ့နေရပါတယ်။ ဒါပေမဲ့ လူတွေလည်း ဆန္ဒဖော်ထုတ်ဖို့ သိပ်ပြီး များများစားစား လာကြတာ မရှိတော့ အရင်ရက်တွေလောက် ရဲတွေကို ကျုံးဘေးမှာ ချထားတာ မတွေ့ရတော့ပါဘူး။”

မြန်မာအစိုးရက လျှပ်စစ်မီး အလုံအလောက် မရှိတဲ့အတွက် ဖြန့်ဝေမှုတွေကို ဖြတ်တောက်မယ် လို့ ကြေညာခဲ့ရာက မန္တလေးမြို့ကစလို့ ဆန္ဒပြပွဲတွေ ပေါ်ပေါက်ခဲ့တာပါ။ ရေနံ၊ သဘာဝဓာတ်ငွေ့ သာမက ရေအားလျှပ်စစ် ထုတ်လုပ်မှုတွေ အကြီးအကျယ် ရှိနေပေမဲ့လည်း အများစုကိုတော့ အိမ်နီးချင်း ထိုင်း၊ တရုတ် စတဲ့ နိုင်ငံတွေကို တင်ပို့ရောင်းချနေတာလည်း ဖြစ်ပါတယ်။

လူဦးရေ သန်း ၆၀ ရှိတဲ့ မြန်မာနိုင်ငံမှာ လူ ၄ ယောက်မှာ ၁ ယောက်နှုန်းသာ လျှပ်စစ်မီးကို သုံးစွဲနိုင်တဲ့ အဆင့်မှာသာ ရှိနေတာလည်း ဖြစ်ပါတယ်။ ဒီအတွက်လည်း ၂၄ နာရီ မီးရရှိရေး မန္တလေးမြို့မှာ ဆန္ဒပြ ပွဲတွေ ၂ ရက်ဆက်တိုက်ဆိုသလို ဖြစ်ပွားခဲ့တာမို့ လူတချို့ကို ခေါ်ယူစစ်ဆေး မေးမြန်း ခံရတာတွေလည်း ရှိခဲ့တာပါ။ မြန်မာနိုင်ငံမှာ အစိုးရသစ် တက်လာပြီးနောက်မှာတော့ အစိုးရက လွတ်လပ်စွာ စုဝေး ဆန္ဒပြ ခွင့်တွေ ပြုခဲ့တာ ဖြစ်ပေမဲ့ ကြိုတင်ခွင့်ပြုချက် ရယူဖို့လည်း သတ်မှတ်ထားတာ ဖြစ်ပါတယ်။ လိုက်နာဖို့ ပျက်ကွက်တယ်ဆိုရင် ဖမ်းဆီး ခွင့်လည်း ရှိနေတာဖြစ်ပါတယ်ရှင်။

အင်္ဂါ, 22 မေ 2012

လျှပ်စစ်မီးကိစ္စ ဆန္ဒပြမှုနဲ့ ကိုကိုကြီးရဲ့ သဘောထား

By ဦးသန်းလွင်ထွန်း ဗွီအိုအေ

မြန်မာနိုင်ငံမှာ ကြုံတွေ့နေရတဲ့ လျှပ်စစ်ဓါတ်အား ပြတ်တောက်မှုပြဿနာဟာ အချိန်တိုအတွင်း ပြေလည် သွားနိုင်မယ့် အရေးမဟုတ်ဘူးဆိုတာ သိနားလည်ပေမဲ့ လက်တွေ့ခံစားနေရတဲ့နစ်နာမှုနဲ့ လိုလားချက်တွေကို အစိုးရက ကူညီ ဖြေရှင်းပေးနိုင်လိမ့်မယ်လို့ မျှော်လင်ချက်နဲ့ ဆန္ဒပြနေသူတွေရဲ့ ယုံကြည်ချက်ကို ချိုးနှိမ် မပစ်ဘဲ ထိထိရောက်ရောက် စီမံဆောင်ရွက်ပေးသင့်တယ်လို့ ၈၈ မျိုးဆက်ကျောင်းသားခေါင်းဆောင် ကိုကိုကြီး က မြန်မာအစိုးရကို တိုက်တွန်း လိုက်ပါတယ်။ ဦးသန်းလွင်ထွန်းက ဆက်သွယ်မေးမြန်းထား ပါတယ်။

ကိုကိုကြီး။ အခု ဒီမီးပျက်တဲ့ကိစ္စတွေကတော့ အထူးသဖြင့်တော့မြို့ ကြီးတွေမှာပေါ့လေ။ ဒီဒုက္ခ ခံနေရ တာတော့ တော်တော် ကြာပြီပေါ့၊ အဲဒီတော့ တိုင်းပြည်က နည်းနည်း အထိုက်အလျောက်လေး ပွင့်လင်း လာတော့ လူထုကလည်း သူတို့ နစ်နာချက်တွေ သူတို့ လိုအပ်ချက်တွေကို တင်ပြတောင်းဆိုတာတွေ ဆန္ဒ ထုတ်ဖေါ်တာတွေလုပ်လာတော့ ဒါဟာ ပွင့်လင်းတဲ့လူ့ အဖွဲ့ အစည်းမှာ ဒါ ကြိုဆိုရမယ့် ကိစ္စပေါ့။ နောက် တချိန်တည်းမှာပဲ သတင်းစာထဲမှာ ၀န်ကြီးက လျှပ်စစ်နဲ့  ပတ်သက်လို့ လူထုရဲ့ တင်ပြမှုတွေ ဆန္ဒပြမှုတွေ အပေါ်မှာ တုံ့ပြန်တဲ့ ကြေညာချက်လည်း ပေးတယ်ပေါ့ ။ ဘာပဲဖြစ်ဖြစ် ဒါ လူထုရဲ့ လိုအပ်ချက်ကို အလေး ထားလာတယ် ဂရုတစိုက်နဲ့ ပြန်ပြီး တုံ့ပြန်လာတယ်ဆိုတော့ ဒါလည်း ကြိုဆိုရမယ့် အချက် ပါ၊

ဦးသန်းလွင်ထွန်း။ ဟုတ်ကဲ့။ လွန်ခဲ့တဲ့ ငါးနှစ်ကျော်ကျော်လောက်ကပေါ့နော်၊ ၂၀၀၇ နှစ်လောက်က ဆိုရင် လည်း ကုန်ဈေးနှုန်းကြီးတဲ့ကိတ်စ ဓါတ်ဆီဈေးတက်တဲ့ကိစ္စနဲ့ ပတ်သက်ပြီးတော့ ကိုထင်ကျော်တို့ ဆန္ဒပြတဲ့ ကိစ္စတွေ အလားတူပဲ၊ ကိုကိုကြီးတို့  ခင်ဗျားတို့ပေါ့နော်၊ မင်းကိုနိုင်တို့ အပါအ၀င် ကျောင်သားထုလည်း ထွက်ပြီးတော့ စီတန်း ဆန္ဒပြတဲ့ ကိစ္စလေးတွေဖြစ်ခဲ့တယ်။ ဖြစ်တဲ့အချိန်တုန်းကတော့ အစိုးရအနေ နဲ့က အားလုံးကို ထိန်းသိမ်းခဲ့၊ ဖမ်းဆီးခဲ့တဲ့ ကိစ္စမျိုးတွေ ဖြစ်လာတယ်လေ။ အဲတော့ ဒီလိုဖြစ်လာနိုင်မယ့် အလားအလာတွေရော ရှိမယ်လို့ ယူဆပါသလား။

ကိုကိုကြီး။ အခြေအနေချင်း နည်းနည်းတော့ ကွာသွားတယ်၊ ကွာသွားတယ်ဆိုတာက ကျွန်တော်တို့ အဲဒီ ကာလတုန်းက စစ်အစိုးရပေါ့။ အခုကတော့ ဖွဲ့ စည်းပုံအခြေခံဥပဒေအရ လွှတ်တော်တွေ ပေါ်လာတယ်။ လွှတ်တော်ကနေ ရွေးကောက် တင်မြှောက်တဲ့ အစိုးရအဖွဲ့ ပေါ်လာတယ်ဆိုတော့၊ ဒီလို ပြဿနာတွေကို ကိုင်တွယ်တဲ့ ပုံစံလည်း ပြောင်းလာလိမ့်မယ်လို့ ကျွန်တော်တို့ မျှော်လင့်ပါတယ်။ တဘက်ကလည်းပဲ အခု သူက လူထုကို သည်းခံဖို့ပေါ့လေ။ မေတ္တာရပ်ခံတဲ့ ကြေညာ ချက်လည်း ထွက်လာတော့ သည်းခံဖို့ ဆိုတာ ကတော့ ကျွန်တော်တို့က သည်းခံလာခဲ့တာ တလျှောက်လုံးပဲ အဲတော့ အခုလည်းပဲ ညတွင်းချင်း နေ့ချင်း ညချင်း ဒီပြဿနာတွေကို မဖြေရှင်းနိုင်ဘူးဆိုတာတော့ ကျွန်တော်တို့လည်း ဒါ နားလည်ပါတယ်။ အဲ ဒါပေမဲ့ လို့ သာမန်လူထုရဲ့ အမြင်မှာကတော့ ကျွန်တော်တို့ နိုင်ငံမှာ သဘာဝဓါတ်ငွေ့တွေ အပြင် ထုတ်ရောင်းနေ တယ်။ ရေအားလျှပ်စစ်တွေ အရင်းအမြစ်တွေ အများကြီးရှိနေတယ်။ ပြည်ပကို ထုတ်ရောင်းနေတဲ့ အခြေ အနေမှာ ပြည်တွင်းမှာ မှောင်ထဲငုတ်တုတ်ထိုင်နေရမယ်ဆိုတာကတော့ မကျေနပ် တာအမှန်ပဲ၊ အဲတော့ နိုင်ငံတော် အနေနဲ့က ဒီ Good Governance ပေါ့၊ ကောင်းမွန်တဲ့ အုပ်ချုပ်ရေးစနစ် ဒါ သမ္မတ ကလည်း အကြိမ်ကြိမ် ပြောထားတော့ အဓိက နိုင်ငံသားတွေရဲ့ လိုအပ်ချက်ကို အထူးပြုပြီးတော့ ဆောင်ရွက် တဲ့ စီမံချက်တွေ၊ အဲဒါ ရှေ့ဆက် ပြီးတော့ ဒီလိုမျိုး လျှပ်စစ်မီးတင် မဟုတ်ဘဲ နေ့စဉ် ကြုံတွေ့နေရ တဲ့ ပြဿနာ တွေ ကို ဘယ်လို ဘယ်ပုံ ဖြေရှင်းမယ် ဆိုတာကို ဒါ လူထု နားလည် လက်ခံလာအောင် ရှင်းပြတာမျိုးတွေပါ။ ကောင်းမွန်တဲ့ စီမံအုပ်ချုပ်ရေးကို ကျင့်သုံးတာတွေပါ ဆက်ပြီးတော့ လုပ်သင့်တယ် လို့ ကျွန်တော်တော့မြင်ပါတယ်။

ဦးသန်းလွင်ထွန်း။ ဟုတ်ကဲ့ ခင်ဗျ။ ကျွန်တော်တို့ ကြားရသလောက်တော့ ဥပမာအားဖြင့် မန္တလေးမှာ ဆိုလို့ရှိရင် ဆန္ဒပြတဲ့ လူတချို့ ကို ရဲကနေပြီးတော့ စစ်ဆေး မေးမြန်းခဲ့တာလေးတွေ ရှိပါတယ်။ အဲဒီအခါမှာ သူတို့သိချင်တဲ့ ကိစ္စကတော့ ဒီ ကိစ္စတွေ၊ ဆန္ဒပြမှူတွေ၊ လှုပ်ရှားမှူတွေရဲ့ နောက်ကွယ်မှာ ဘယ်သူရှိသလဲ ဆိုတဲ့အချက်ကို မေးတယ်ဆိုတဲ့၊ စုံစမ်းတယ် ဆိုတဲ့ဟာလေးတွေ ကျွန်တော်တို့ ကြားရပါတယ်၊ သဘော ကတော့ ဒီသက်ဆိုင်ရာ အာဏာပိုင်တွေအနေနဲ့ အခုလို ကိစ္စတွေအပေါ်မှာ ဒီအာဏာပိုင်တွေရဲ့ အခု လက်ရှိ ဖြစ်နေတဲ့ အားနည်းချက်ပေါ့နော်။ ဒါကိုထောက်ပြီးတော့ နိုင်ငံရေး အမြတ် ထုတ်လိုတဲ့ သူအချို့  ရှိနေတယ်လို့များ အာဏာပိုင်တွေက ယူဆလာတာများ ဖြစ်လာနိုင်သလားခင်ဗျ။

ကိုကိုကြီး။ ကျွန်တော့်အနေနဲ့ကတော့ နိုင်ငံတော်အကြီးအကဲတွေရဲ့ မိန့်ခွန်းမှာ ထပ်ခါတလဲလဲ ပြောနေတဲ့ အချက်က အမူအကျင့် အဟောင်းတွေ အတွေးအခေါ် အဟောင်းတွေကို ပြင်ဆင်ဖို့ဆိုတာက ကျွန်တော်လည်း သတိထားမိပါတယ်၊ အဲတော့ ဒီလိုမျိုးနိုင်ငံသားတွေ ပြည်သူတွေရဲ့ လိုအပ်ချက်ကို ထုတ်ဖော်တဲ့ နေရာမှာ တဘက်က တာဝန်ရှိသူတွေ ကိုယ်၌ကလည်း ရှုမြင်တဲ့ပုံစံတွေ ပြောင်းသင့်တယ်လို့ ကျွန်တော်တော့ မြင် တယ်။ သူက တခုခု ဖြစ်တိုင်းဖြစ်တိုင်း မှာ နောက်ကွယ်ကနေ ပြီးတော့ ဘယ်သူ လှုံ့ဆော် သလဲ၊ ဘယ်သူ ကနေပြီးတော့ စီမံ ဖန်တီး သလဲဆိုတာကို သဘောက အပြစ်ရှာတဲ့ ပုံစံ၊ တရားခံရှာတဲ့ ပုံစံ ချဉ်းကပ်တာ ထက်ကို ဒီပြဿနာတွေဟာ တိုင်းပြည်မှာ တကယ်ဖြစ်ပျက်နေတဲ့ ပြဿနာဆိုတာတွေကို အရှိအတိုင်း လက်ခံ ဖို့  လိုတယ်၊ အဲဒါကို ဖြေရှင်းမယ့် နည်းလမ်းတွေကို စနစ်တကျနဲ့ ထိထိ ရောက်ရောက် ကြိုးပမ်းသင့် တယ်၊ ပြင် ဆင် သင့်တယ်လို့ မြင်တယ်၊ အဲသလိုမှမဟုတ်ဘဲနဲ့ ဒါ လူထုဟာ တခါမှ ဆန္ဒ ထုတ်ဖော်ခွင့် မရခဲ့ဘူး။ အခု အစိုးရသစ်ပေါ်မှာ ယုံကြည်မျှော်လင့်ပြီးတော့ သူတို့ ဒီလိုမျိုး ဆန္ဒ ထုတ်ဖော် ပြသ လိုက် ရင်တော့ ထိထိရောက်ရောက် ကိုင်တွယ် ဖြေရှင်းပေးမှာပဲဆိုတဲ့ မျှော်လင့်ချက်ကို ချိုးနှိမ်ပစ်တဲ့ ချဉ်းကပ်မှု မျိုး ဖြေရှင်းမှု မျိုးတော့ မလုပ်သင့်ဘူးလို့လည်း ကျွန်တော် မြင်ပါတယ်။

ဦးသန်းလွင်ထွန်း။ ဟုတ်ကဲ့၊ ဒါဆိုလို့ ရှိရင် ဆန္ဒပြတဲ့ လူထုဘက်ကရော၊ ဒီဆန္ဒပြတဲ့ ကိစ္စတွေမှာ ငြိမ်းငြိမ်း ချမ်းချမ်းနဲ့ ဆန္ဒ ထုတ်ဖော်ဖို့ပဲ ပြင်ဆင်ထားကြသလား၊ တခြား ဘာတွေများ ထပ်ပိုပြီးတော့ နိုင်ငံရေး အရ တောင်းဆိုမှုတွေ တိုးတက်လာဖို့ ရှိလာနိုင်သလား ခင်ဗျ။

ကိုကိုကြီး။ အဲဒါကတော့ ဒီကျွန်တော်တို့ ဆန္ဒ ထုတ်ဖော်တဲ့ သူတွေ အပိုင်းကလည်း သတိထားရမှာက ကျွန်တော်တို့က ကျွန်တော်တို့ တကယ် လိုအပ်တဲ့ တကယ်နစ်နာတဲ့ ဟာကို အထက်အဖွဲ့အစည်း အဆင့်ဆင့် ကနေ အရေးတယူ ဆောင်ရွက်ပေးအောင် ဆန္ဒထုတ်ဖော်တာပဲ ဖြစ်သင့်တယ်၊ အဲဒီကနေပြီးတော့ မလိုလား အပ်တဲ့ အကြမ်းဖက်မှုတွေ ဒါက ကိုယ် ကိုယ်တိုင်က မလုပ်ရုံ တင်မကဘူး။ အဲလို အခြေအနေ ရောက်အောင် တွန်းပို့နိုင်တဲ့ ဖန်တီးမှုမျိုးတွေဟာ ဘက် အသီးသီးက ဖြစ်လာနိုင်တယ်၊ အဲဒါမျိုးတွေကိုလည်း သတိကြီးစွာ ထားပြီးတော့ ရှောင်ရှားသင့်တယ်လို့ ကျွန်တော်တော့ မြင်ပါတယ်။

လျှပ်စစ်မီးရရေး ဖယောင်းတိုင်ထွန်းဆန္ဒထုတ်ဖော်မှု ပေါင်းတည်သို့ ရောက်ရှိ

အိမ့်ခိုင်ဦး (YPI)

မေ ၂၃၊ ၂၀၁၂ မိုးမခ

ရန်ကုန်တွင် ယနေ့ည တွေ့ရသော ဆန္ဒပြမှု မြင်ကွင်းများ ဖြစ်သည်။ YPI Facebook တွင် ဖော်ပြထားသော ဓာတ်ပုံများကို ကူးယူ ဖော်ပြခြင်း ဖြစ်သည်။

လျှပ်စစ်မီး ပိုမိုရရှိဖို့ ဖယောင်းတိုင်ထွန်းညှိ၍ ဆန္ဒထုတ်ဖေါ်ပွဲများ မြန်မာနိုင်ငံမြို့ကြီး အချို့တွင် ပြုလုပ်လျက်ရှိရာ ပေါင်းတည်မြို့တွင်လည်း ယနေ့ညဦးပိုင်းက လူဦးရေ ၃၀၀ ၀န်းကျင်က ဖယောင်းတိုင်များဖြင့် ဆန္ဒထုတ်ဖေါ်လိုက်ကြသည်။

ဖယောင်းတိုင်ဖြင့် ဆန္ဒထုတ်ဖေါ်သည့် လှုပ်ရှားမှုကို ပေါင်းတည်မြို့ အန်အယ်လ်ဒီပါတီဝင် အချို့က ဦးဆောင်ကြသည်ဟုလည်း မြို့ခံတဦးက ပြောသည်။

ပေါင်းတည်မြို့ခံ ဦးဝင်းနိုင်က “ ည ၇နာရီလောက်မှာ ရန်ကုန် ပြည် ကားလမ်းမကြီးနံဘေး၊ မြို့ရဲ့ ဈေးရုံထိပ်မှာ လူစုပြီး ဖယောင်းတိုင်နဲ့ ဆန္ဒပြခဲ့ကြတာ” ဟု YPI သို့ ပြောသည်။

တနာရီခန့်အကြာ ဆန္ဒထုတ်ဖေါ်ပြီးနောက် လျှပ်စစ်မီး ပြန်လာသည့်အတွက် ရုပ်သိမ်းလိုက်ကြသည်ဟုလည်း ၎င်းကပြောသည်။ အာဏာပိုင်များက ထိန်းထိန်းသိမ်းသိမ်း ဆောင်ရွက်သည်ကို တွေ့ရကြောင်း၊ မှတ်တမ်းတင် ဓါတ်ပုံများ ရိုက်ယူမှုတော့ ရှိခဲ့သည်ဟုလည်း မြို့ခံ ဦးဝင်းနိုင်က ပြောပြသည်။

လောလောဆယ် ပေါင်းတည်မြို့တွင် လျှပ်စစ်ဓါတ်အား ရရှိမှု အခြေအနေမှာ တရက်လျှင် စုစုပေါင်း ၄/၅ နာရီ ၀န်းကျင်သာ ရှိသည်ဟုလည်း ၎င်းက ဆိုသည်။

လျှပ်စစ်မီးရရှိရေး ဖယောင်းတိုင်ဖြင့် ဆန္ဒထုတ်ဖေါ်ခြင်းကို မေလ ၂၀ ရက်နေ့တွင် မန္တလေးမြို့မှ စတင်လိုက်ခြင်းဖြစ်ပြီး ရက်အနည်းငယ်အကြာတွင် ရန်ကုန်မြို့တွင်လည်း စတင်ခဲ့ကြသည်။

ယနေ့ညဦးပိုင်းက ရန်ကုန်မြို့ မြို့တော်ခန်းမ အနီးနှင့် တောင်ဒဂုံမြို့နယ်တို့တွင် ဖယောင်းတိုင် ဆန္ဒထုတ်ဖေါ်ပွဲ ဒုတိယနေ့ကို ပြုလုပ်ခဲ့ကြသည်။ အစိုးရက လျှပ်စစ်မီး ပေးဝေနိုင်မှု အခြေအနေနှင့်ပတ်သက်၍ ပြည်သူလူထုသို့ ပန်ကြားချက် တစောင်ကို တမြန်နေ့က ထုတ်ပြန်ခဲ့သည်။ ။

YPI = Yangon Press International http://www.facebook.com/ygnpress

မီးလုံလောက်စွာ မပေးနိုင်တော့ကြောင်း အစိုးရထုတ်ပြန်

By featured, ခင်ဦးသာ on May 22, ဧရာဝတီ

လျှပ်စစ်မီး ၂၄ နာရီ ရရှိရေး ဆန္ဒပြမှုများ ဆက်တိုက် ဖြစ်ပေါ်ပြီးနောက် မီးပျက်ရခြင်းနှင့်ပတ်သက်၍ အစိုးရက ပြည်သူလူထုထံ မေတ္တာရပ်ခံ ပန်ကြားကြောင်း ယနေ့ထုတ် သတင်းစာများတွင် ယနေ့ ထုတ်ပြန်လိုက်သည်။

ဖရောင်းတိုင်မီးဖြင့် ညဘက် ဈေးရောင်းနေရသည့် ရန်ကုန်လမ်းဘေးဈေးသည် (ဓာတ်ပုံ - Reuters)

နွေရာသီကာလ ဖြစ်၍ ဆည်ရေများနည်း ပါးနေသည့် အတွက် ဓာတ်အား ထုတ်လုပ်မှု ပမာဏလျော့ကျနေခြင်းကြောင့် ပြည်သူ လူထုထုထံ အုပ်စုခွဲ၍ အလှည့်ကျ လျှပ်စစ်မီး ခွဲဝေပေးနေရကြောင်း၊ ထို့အတူ ရွှေလီ-မန်စီ ကေဗီ ဓာတ်အားလိုင်း၏ တာဝါတိုင် ၄ ခု အား မိုင်းခွဲခံလိုက်ရသဖြင့် ဓာတ်အား ထုတ်လုပ်မှု ပမာဏ လျော့ကျသွားကြောင်း အစိုးရ သတင်းစာများက ရေးသားထားသည်။

လျှပ်စစ်ဓာတ်အား ထုတ်လုပ်မှု နည်းပါးသွား၍ နိုင်ငံပိုင် စက်ရုံ၊ အလုပ်ရုံ တချို့နှင့် ရန်ကုန်တိုင်း အတွင်းရှိ စက်ရုံ အလုပ်ရုံများ ကို လျှပ်စစ်ဓာတ်အား လုံးဝဖြတ်တောက်ထားမည် ဖြစ်ကြောင်း၊ လူနေ ရပ်ကွက်များကိုမူ တနေ့ ၆ နာရီ အလှည့်ကျ ပေးသွား မည် ဖြစ်ကြောင်း ရန်ကုန် မြို့တော် လျှပ်စစ်ဓာတ်အား ပေးဝေရေး အဖွဲ့က အတည်ပြု ပြောဆိုလိုက်ကြောင်း သိရသည်။

“စက်ရုံ၊ အလုပ်ရုံတွေက ကိုယ်ပိုင်မီးစက်တွေရှိလို့ ဒီလ ၁၉ ရက်နေ့ကစပြီး လုံးဝ ဖြတ်တောက်လိုက်တာပါ။ လူနေအိမ်တွေ ကိုတော့ မြို့နယ်တခုကို ၃ ပိုင်းခွဲပြီး တနေ့ ၆ နာရီမီးပေးနေပါတယ်” ဟု ရန်ကုန်တိုင်း လျှပ်စစ်ဓာတ်အားပေးဝေရေး အဖွဲ့ ဥက္ကဋ္ဌ ဦးအောင်ခိုင်က ဘီဘီစီ မြန်မာပိုင်း အစီအစဉ်ကို ပြောသည်။

ထိုသို့ ပေးဝေမှုသည် သီတင်းပတ် ၂ ပတ်၊ ၃ ပတ် ခန့်သာကြာမြင့်မည် ဖြစ်ကြောင်း၊ မကြာမီ မိုးရာသီ ၀င်ရောက်တော့ မည်ဖြစ်၍ ရေအားလျှပ်စစ် ပြန်လည် ရရှိနိုင်မည်ဖြစ်ကြောင်း ဦးအောင်ခိုင်က ဆိုသည်။

စက်ရုံ၊ အလုပ်ရုံများ၌ လျှပ်စစ်မီး မကြာခဏ ပြတ်တောက်မှုမှာ ယခင်ကလည်း ရှိခဲ့ကြောင်း၊ သို့သော် ယခုကဲ့သို့ လုံးဝ မီးဖြတ်မည်ဆိုပါက ရေရှည်တွင် လုပ်ငန်းလည်ပတ်မှု လျော့ကျ၍ ကုန်ထုတ်လုပ်မှု ကျဆင်း လာမည်ဖြစ်ကြောင်း လှိုင်သာယာ စက်မှုဇုန်များ ကြီးကြပ်ရေး ကော်မတီ ဥက္ကဋ္ဌ ဦးမြတ်သင်းအောင်က ဧရာဝတီကို ပြောသည်။

“အစိုးရမီးက တယူနစ်ကို ကျပ် ၅၀ ပေးရတယ်၊ မီးစက် နဲ့ဆိုရင် တယူနစ်ကို ၃၀၀ ကျပ်ကုန်တယ်၊ ဒီတော့ ထုတ်လုပ်မှု လုပ်ငန်းတွေ လျော့ချရတော့မယ်။ အလုပ်သမားတွေကို လခ ပေးပြီး ဒီအတိုင်း ထိုင်ခိုင်းထားရတာပေါ့” ဟု ၎င်းက ရှင်းပြသည်။

မြန်မာနိုင်ငံတွင် ထုတ်လုပ်ရောင်းချနေသည့် သဘာဝဓာတ်ငွေ့များကို ပြည်တွင်း လိုအပ်ချက်များ၌ အဓိကထား သုံးစွဲပြီး ပိုလျှံသည့် ဓာတ်ငွေ့ကိုသာ နိုင်ငံခြားသို့ ရောင်းချသင့်ကြောင်း၊ စက်ရုံ၊ အလုပ်ရုံများ သည် သဘာဝဓာတ်ငွေ့ဖြင့် လည်ပတ် ပါက ကုန်ထုတ်လုပ်မှု စရိတ်များစွာ သက်သာကြောင်း ဦးမြတ်သင်းအောင်က ပြောသည်။

ရန်ကုန်မြို့၏ လူနေရပ်ကွက်များ၌ သင်္ကြန်ပြီးချိန်မှ စ၍ လျှပ်စစ်မီး ပြတ်တောက်မှု မကြာခဏ ဖြစ်ပေါ်ခဲ့ပြီး ယခု တနေ့ ၆ နာရီသာပေးသည့် လျှပ်စစ်မီးသည်လည်း ပုံမှန်မရသည့်အပြင် ဗို့အား မပြည့်ဝ၍ သုံးမရဟု ရန်ကုန် မြို့ခံ တချို့က ဆိုသည်။

“အလှည့်ကျပေးတော့ မီးလာတာနဲ့ ၀ိုင်းပြီး ရေတွေတင်ကြ၊ မီးတွေ ဆွဲကြတယ်၊ လာတဲ့ မီးအားက လုံးဝ မပြည့်တော့ မီးအား မြှင့်စက် မရှိရင် သုံးမရဘူး။ လာတဲ့မီးကလည်းပဲ ၁၀ မိနစ်နေ တကြိမ် ပျက်နေတယ်” ဟု ကမာရွတ် မြို့နယ်တွင် နေထိုင်သူတဦးက ပြောသည်။

လျှပ်စစ်ဓာတ်အား ၂၄ နာရီရရှိရေး အတွက် မန္တလေးမြို့ခံ ထောင်ချီကာ ဖယောင်းတိုင်မီးများ ကိုယ်စီကိုင်ဆောင်၍ လမ်း လျောက်ဆန္ဒပြမှု တခုကို မေလ ၂၀၊ ၂၁ ရက်နေ့တို့ တွင် လုပ်ဆောင်ခဲ့ကြသည်။ မုံရွာ မြို့၌လည်း လူဦးရေ ရာချီ၍ ၂၄ နာရီမီးရရှိရေးအတွက် ယမန်နေ့ ညနေ က ဆန္ဒပြခဲ့ကြသည်။

ရန်ကုန်မြို့၌ ၂၄ နာရီ လျှပ်စစ်မီး ရရှိရေး လှုပ်ရှားမှုကို ယနေ့ညနေတွင် စတင် လုပ်ဆောင်မည်ဟု မြို့ခံများက ပြောပြီး ဧရာဝတီတိုင်း ပုသိမ်မြို့၊ ရခိုင်ပြည်နယ် ကျောက်ဖြူ စသည့်ဒေသများ၌ လည်း ၂၄ နာရီ မီးရရှိရေး အတွက် တောင်းဆို သွားကြမည်ဟု ဒေသခံများထံမှ သိရသည်။

ထို ဆန္ဒပြမှုများ ပတ်သက်၍ အမှတ် ၂ လျှပ်စစ်ဌာန ဒု ၀န်ကြီး ဦးအောင်သန်းဦးက မန္တလေးမြို့၌ ယမန်နေ့က သတင်းစာ ရှင်းလင်းပွဲတရပ် ပြုလုပ်ကာ တောင်ကိုရီးယားနိုင်ငံမှ ရင်းနှီးမြှုပ်နှံသည့် ဓာတ်ငွေ့သုံး စက်ရုံကို ရန်ကုန်တွင် တည်ဆောက် နေပြီ ဖြစ်ကြောင်း၊ အလားတူ ကျောက်မီးသွေးသုံးစက်ရုံ တရုံကိုလည်း ဂျပန်နိုင်ငံက ရင်းနှီးမြှုပ်နှံ တည်ဆောက်နေပြီဖြစ်၍ အဆိုပါ စက်ရုံများ ပြီးစီးပါက တနိုင်ငံလုံး ၂၄ နာရီ လျှပ်စစ်မီး ရရှိမည်ဖြစ်ကြောင်း ပြောဆိုခဲ့သည်။

ရန်ကုန်တွင် တည်ဆောက်နေသည့် သဘာဝဓာတ်ငွေ့သုံး စက်ရုံသည် ၃ နှစ်အတွင်းပြီးစီးမည်ဟု သိရပြီး ကျောက်မီးသွေးသုံး စက်ရုံသည် တနှစ်အတွင်း ပြီးစီး ဖွယ်ရှိကြောင်း မန္တလေးတိုင်း အစိုးရအဖွဲ့ ၀န်ကြီးတဦးက ပြောသည်။

တနိုင်ငံလုံး၌ သုံးစွဲနေသည့် လျှပ်စစ်ဓာတ်အား အများစုသည် ရေအားမှ ထုတ်လုပ်ခြင်းဖြစ်ပြီး ရခိုင်ကမ်းလွန်ဒေသနှင့် မုတ္တမ ပင်လယ်ကွေ့မှ ထွက်ရှိသည့် သဘာဝဓာတ်ငွေ့ကို တရုတ်နိုင်ငံနှင့် ထိုင်းနိုင်ငံသို့ တင်ပို့ရောင်းချလျက်ရှိသည်။ အစိုးရ၏ အဆို အရ လျှပ်စစ်ဓာတ်အား သုံးစွဲမှု ပမာဏာ များပြား လာ၍ တရုတ်နိုင်ငံသို့ ရောင်းချထားသည့်အထဲမှ မဂ္ဂါဝပ် ၁၀၀ ပြန်လည် ၀ယ်ယူမည်ဟုလည်း သိရသည်။

“ကျနော်တို့နိုင်ငံမှာ အခု မဂ္ဂါဝပ် ၁၅၀၀ ပေးတာတောင် ကုန်အောင်မသုံးနိုင်ဘူး၊ ဒီတော့ ပိုနေတာတွေကို ဈေးကွက် သဘောအရ ရောင်းစားရတယ်၊ လျှပ်စစ်ဆိုတာ ထုတ်ပြီးရင် သိမ်းထားလို့ မရဘူး” ဟု အမှတ် ၁ လျှပ်စစ်ဝန်ကြီး ဦးဇော်မင်း က ဧရာဝတီ မြစ်ဆုံစီမံကိန်းနှင့်ပတ်သက်၍ မီဒီယာများနှင့် တွေ့ဆုံစဉ် ပြောဆိုခဲ့သည်။

ရေအားလျှပ်စစ် စီမံကိန်းများသည် မြန်မာနိုင်ငံ မြောက်ဖျား ဒေသများ၊ မြို့ပြနှင့် ဝေးလံသော ဒေသများ၌သာ ရှိကြောင်း၊ တောထဲရှိ ဆည်များမှ ရေအားလျှပ်စစ်ကို မြို့ပြဒေသများသို့ သွယ်တန်းဖြန့်ဖြူးမည် ဆိုပါက ကုန်ကျစရိတ် ကြီးမားကြောင်း၊ ထိုကြောင့် ကုန်ကျစရိတ် တတ်နိုင်သည့် တရုတ်၊ ထိုင်းနိုင်ငံ တို့က ၀ယ်ယူရရှိ သွားခြင်းဖြစ်ကြောင်း လျှပ်စစ် အင်ဂျင်နီယာ တဦးဖြစ်သူ အမျိုးသား လွှတ်တော် ကိုယ်စားလှယ် ဦးဖုန်းမြင့်အောင်က ဧရာဝတီကို ပြောသည်။

“တောထဲက လျှပ်စစ် မြို့ပေါ်ရောက်ဖို့ နည်းပညာတွေ၊ ငွေတွေ အများကြီး သုံးစွဲရမယ်၊ ဒါကို အရင် စစ်တပ် အစိုးရကလည်း မလုပ်ခဲ့ဘူး၊ အခု အစိုးရ ကလည်း မလုပ်နိုင်သေးဘူး။ ဒီတော့ တရုတ်ကပဲ ရသွားတယ်” ဟု ဦးဖုန်းမြင့်အောင်က ဆိုသည်။

တနိုင်ငံလုံးရှိ လျှပ်စစ်ဓာတ်အား ထုတ်လုပ်မှု ပမာဏ၏ ၇၀ ရာခိုင်နှုန်းသည် ရေအားမှ ထုတ်လုပ်ခြင်းဖြစ်ပြီး ၂၀ ရာခိုင်နှုန်းမှာ သဘာဝဓာတ်ငွေ့မှ ထုတ်လုပ်၍ ၉ ရာခိုင်နှုန်းမှာ ကျောက်မီးသွေးမှ ထုတ်လုပ်ခြင်း ဖြစ်ကြောင်း သိရသည်။

အစိုးရ ရုံးစိုက်ရာ နေပြည်တော်မှအပ မြန်မာတနိုင်ငံလုံး၌ လျှပ်စစ်ဓာတ်အား အပြည့်အ၀ မရရှိပေ။ ရန်ကုန်မြို့အား ပြီးခဲ့သည့် လ အနည်းငယ်မှစ၍ ၂၄ နာရီ မီးပေးမည်ဆိုကာ နယ်မြို့များ၏ လျှပ်စစ်ဓာတ်အား ပေးဝေမှု ကိုလျှော့ချ ခဲ့ပြီးနောက် ဆန္ဒပြ မှုများ ပေါ်ပေါက် လာခဲ့သည်။

ဒေသခံများပါ မြေမြှုပ်မိုင်း သုံးစွဲနေ

By featured, ကျော်ခ on May 23, ဧရာဝတီ

မြန်မာနိုင်ငံ အရှေ့ပိုင်း အစိုးရစစ်တပ်နှင့် တိုင်းရင်းသား လက်နက်ကိုင်တပ်များ စစ်ရေးပဋိပက္ခဖြစ်ပွားခဲ့သော ဒေသ ၇ ခုတွင် မြေမြှုပ်မိုင်း များကို တိုက်ခိုက်ရေးအတွက် လက်နက်ကိုင် အဖွဲ့များက အသုံးပြုနေသကဲ့သို့ ဒေသခံ ရွာသားများကလည်း ၎င်းတို့ ကာကွယ်ရေးအတွက် အသုံးပြုနေကြောင်း ကရင်လူ့အခွင့် အရေးအဖွဲ့(KHRG) ပြောသည်။

ဘားအံ၊ ဒူးပလယာ၊ ဖာပွန်၊ ညောင်လေးပင်၊ တနင်္သာရီ၊ တောင်ငူနှင့် သထုံ ခရိုင်များရှိ တိုက်ပွဲအဖြစ်များခဲ့သော နေရာများတွင်ဒေ သခံရွာသားများက အစိုးရတပ်များ ဝင်ရောက်လာလျှင် အချက်ပေး ကိရိယာအဖြစ် ရွာအနီးနှင့် တောလမ်းတချို့တွင် မြှုပ်နှံ အသုံးပြုခြင်းဖြစ်ကြောင်း မေလ ၂၁ ရက်က ထုတ်ပြန်သော KHRG ၏ “စိတ်ချသေချာမှု မရှိသော မြေ” အစီရင်ခံစာတွင် တွေ့ရှိရသည်။

“အစိုးရတပ်တွေ သူတို့ရွာတွေလာပြီး လူ့အခွင့်ရေးချိုးဖောက်မှုတွေလုပ်တော့ တချို့ရွာတွေက ရွှေ့ပြေးကြတယ်။ နေရာရွှေ့မသွား ချင်တဲ့ ရွာတွေက သူတို့ကိုယ်သူတို့ ကာကွယ်ဖို့အနေနဲ့ ရွာအပြင်လယ်ကွင်းတွေနဲ့ လမ်းအချို့မှာ လက်လုပ်မိုင်းတွေထောင်ကြ တယ်။ ခုချိန်အထိ ဖော်လိုက်၊ ပြန်မြှုပ်လိုက် လုပ်နေတုန်းပဲ။ အစိုးရတပ်လာလို့ မိုင်းကွဲသံကြားရင် ကြိုပြီးပြေးလို့ရအောင်ပေါ့”ဟု KHRG ပြောရေးဆိုခွင့်ရှိသူ စောဖိုးဇော် က ဧရာဝတီကို ပြောပြသည်။

ထိုသို့အသုံးပြုနေခြင်းကို KHRG က ၂၀၁၁ ခုနှစ် ဇန်နဝါရီလမှစ၍ ယခုနှစ် မေလထိ အဆိုပါခရိုင် ၇ ခု၌ ကွင်းဆင်း သုတေသန ပြု လုပ်ခဲ့ရာတွင် တွေ့ရှိချက်များအရ ထိုဒေသအတွင်း လှုပ်ရှားနေသော အစိုးရတပ်နှင့် တိုင်းရင်းသား လက်နက်ကိုင် တပ်များသည် ငြိမ်းချမ်းရေး သဘောတူညီချက်များ ရရှိထားပြီးနောက် မြေမြှုပ်မိုင်းများကို ဆက်လက်အသုံးပြုနေသည်ဟု ဆိုသည်။

ယင်းခရိုင်များသည် ကရင်အမျိုးသားအစည်းအရုံး(KNU) ထိန်းချုပ်နယ်မြေများဖြစ်ပြီး နယ်မြေတွင်း စစ်ဆင်ရေးများ ပြုလုပ်ရာတွင် အစိုးရတပ်များ၊ KNU ၊ တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA) နှင့် ကရင်ငြိမ်းချမ်းရေးကောင်စီ အဖွဲ့များအသုံးပြုခဲ့သော မြေမြှုပ်မိုင်းများကိုလည်း ယခုထိ ဖော်ထုတ်ခြင်းမရှိသေးဘဲ၊ နောက်ထပ် မိုင်းမြှုပ်နှံမှုများ ရှိလာခြင်းကြောင့် ဒေသ ခံ လုထုမှာ မိုင်းအန္တရာယ်များ ကြားတွင် နေထိုင်နေရဆဲ ဖြစ်သည်ဟုလည်း သိရသည်။

KHRG က သုတေသန ပြုလုပ်ခဲ့သော ၁၄ လအတွင်း မြေမြှုပ်မိုင်းတွေ့ရှိမှုနှင့် မိုင်းကြောင့် ထိခိုက်ပျက်စီးမှုပေါင်း ၁၁၉ ခု ကိုမှတ် တမ်း ယူနိုင်ခဲ့ကြောင်း အစီရင်ခံစာက ဖော်ပြသည်။ သက်ဆိုင်ရာ အစိုးရတပ်များနှင့် လက်နက်ကိုင် အဖွဲ့များအနေဖြင့် မိုင်း အဟောင်းများကို အမြန်ဖော်ထုတ်ပြီး မိုင်းအသစ် မြှုပ်နှံမှုများကိုလည်း ချက်ချင်းရပ်တန့်ပေးရန် KHRG က တိုက်တွန်း ထားသည်။

“ငြိမ်းချမ်းရေးလုပ်နေတဲ့တချိန်တည်းမှာပဲ အစိုးရဘက်ကရော တိုင်းရင်းသားလက်နက်ကိုင်တွေဘက်ကရော အသစ်တွေ ထပ် ထောင် ထားတာ ကျနော်တို့ တွေ့လာရတယ်ခင်ဗျ။ အရင် ငြိမ်းချမ်းရေးမရခင်တုန်းက မသုံးခဲ့တဲ့ နေရာတွေမှာပါ အခု ထောင် လာ တယ်။ ဒါတွေက ဒေသခံရွာသားတွေအတွက် အန္တရာယ်တွေပါ”ဟု စောဖိုးဇော် က ပြောသည်။မြန်မာအစိုးရနှင့် တိုင်းရင်းသားတပ်များအကြား ယုံကြည်မှုတည်ဆောက်ရေးနှင့် အပစ်အခတ် ရပ်စဲရေးခိုင်မာမှုရရှိသွားပါက နယ် မြေ အတွင်းရှိ မြေမြှုပ်မိုင်းများကို ဖော်ထုတ်သွားရန် အစီစဉ်များပြုလုပ်ထားပြီးဖြစ်ကြောင်းနှင့် ငြိမ်းချမ်းရေး ခိုင်မာမှု မရရှိသေး သော ကာလတွင် ထပ်တိုးမိုင်းအချို့နှင့် ယခင် တိုက်ပွဲများအကြား နှစ်ဘက် အသုံးပြုခဲ့သောမိုင်းများ ရှိနေဦးမည်ဖြစ်ကြောင်း KNU က ပြောဆိုသည်။

“နယ်မြေက တထပ်တည်းမှာ သူတို့က ကျနော်တို့ကို စိုးမိုးတယ်။ ကျနော်တို့က ပြောက်ကျားအဖြစ်နဲ့ ကိုယ့်နယ်မြေကို ထိန်း သိမ်းပြီး ခုခံကာကွယ်တယ်ဆိုတဲ့ အခါကြတော့ သူတို့ စခန်းချထားတဲ့နေရာနဲ့ ကျနော်တို့ လှုပ်ရှားနေတဲ့ နေရာရဲ့ကြားထဲမှာ ဟိုဘက်က ရောဒီဘက်ကရော လုံခြုံမှုအတွက် ထောင်တာတွေ ရှိနိုင်ပါတယ်”ဟု KNU တွဲ့ဖက်အတွင်းရေးမှူး ဗိုလ်မှူး စောလှငွေ က ဧရာဝတီ သို့ ပြောသည်။

၎င်းက ဆက်၍“အပစ်ရပ်ရေးနဲ့ ပတ်သက်ပြီးတော့ တိတိကျကျ ခိုင်ခိုင်မာမာ ဘာမှ မလုပ်နိုင်သေးတဲ့အပေါ်မှာ ဟိုဘက်ကလည်း ဗုံးထောင်၊ ဒီဘက်ကလည်း ဗုံးထောင်တာတွေ၊ ဗုံးတွေပြန်မထုတ်တာတွေ ရှိနေဦးမှာပဲ။ ငြိမ်းချမ်းရေးကိစ္စ အောင်မြင်သွားမှပဲ နှစ် ဖက် ပူးပေါင်းပြီး အောင်မြင်အောင် ဆောင်ရွက်သွားရမှာပဲ”ဟု ပြောဆိုသည်။

မြေမြှုပ်မိုင်းအသုံးပြုနယ်မြေများအတွင်း တိုက်ပွဲများတွင် ပါဝင်ခဲ့သည့် DKBA ကလည်း ၎င်းတို့အနေဖြင့် ငြိမ်းချမ်းရေးယူပြီးနောက် ပိုင်းတွင် မြေမြှုပ်မိုင်းအသုံးမပြုတော့ဘဲ ယခင်အသုံးပြုခဲ့သော မိုင်းများကို ဖော်ထုတ်နိုင်ရန်အတွက် သင်တန်းများ ပေးနေသည်ဟု ဆိုသည်။

“ဒီနောက်ပိုင်းမှာ ထောင်တယ်လို့တော့ မကြားမိဘူး။ ဒါပေမယ့် ကျနော်တို့ ထိန်းချုပ်ဒေသတွေမှာတော့ အရင်မြှုပ်ခဲ့တဲ့ မိုင်းတွေ ကို ကိုယ့်နည်းကိုယ့်ဟန်နဲ့ ဖော်နေတာတွေလုပ်တယ်။ မြှုပ်ထားတဲ့ဟာတွေ ပြန်ဖော်နိုင်အောင်လည်း လူရွေးပြီး သင်တန်းတွေ ပေးနေ တယ်”ဟု DKBA ကလို့ထူးဘော ကရင် အစည်းအရုံး(KKO) တွဲဖက်အတွင်းရေးမှူး (၂) စောလုံ့လုံ က ဧရာဝတီသို့ ပြော သည်။

KHRG က ၎င်းတို့ သုတေသန ပြုလုပ်ခဲ့သည့်“စိတ်ချသေချာမှု မရှိသောမြေ-မြန်မာနိုင်ငံ အရှေ့ပိုင်းတွင် မြေမြှုပ်မိုင်း အသုံးပြုခြင်း” အစီရင်ခံစာကို ကုလသမဂ္ဂ ၏ မြန်မာနိုင်ငံဆိုင်ရာ လူ့အခွင့်အရေး အထူးစုံစမ်း စစ်ဆေးရေးမှူး မစ္စတာ သောမတ်စ် အိုဟေး ကင်တာနာ အပါအဝင် အမေရိကန်၊ အင်္ဂလန်နှင့် ဥရောပသံရုံးတချို့ကို ပေးပို့ထားသည်ဟု ဆိုသည်။

နိုင်ငံတကာ မြေမြှုပ်မိုင်း တားဆီးကာကွယ်ရေး အဖွဲ့(ICBL)က မိုင်းအသုံးပြုမှုကြောင့် လူအသေအပျောက် အဆိုးဆုံးနိုင်ငံထဲ တွင် အာဖဂန် နစ္စတန် နှင့် ကိုလံဘီယာ နိုင်ငံများပြီးလျှင် မြန်မာနိုင်ငံမှာ တတိယမြောက်ဖြစ်ကြောင်း ယခင်နှစ် နိုဝင်္ဘာလက ထုတ်ပြန် ခဲ့သည်။

မိုင်း အသုံးမပြုရေး စာချုပ်ကို နိုင်ငံပေါင်း ၁၅၆ နိုင်ငံက လက်မှတ်ထိုး သဘောတူထားသော်လည်း ၃၉ နိုင်ငံက လက်မှတ် မထိုးကြောင်း၊ လက်မှတ် မထိုးသည့် နိုင်ငံများတွင် တရုတ်၊ အမေရိကန်၊ ရုရှား စသည့်နိုင်ငံများနှင့်အတူ မြန်မာနိုင်ငံလည်း ပါဝင်ကြောင်း သိရသည်။

စွမ်းအင်သုံးစွဲ ရောင်းချမှု အစိုးရ ပွင့်လင်းရန် လို

By featured, ရန်ပိုင် on May 23, ဧရာဝတီ

အစိုးရအနေဖြင့် စွမ်းအင်နှင့် လျှပ်စစ်ကဏ္ဍတွင် ထုတ်လုပ်ရောင်းချမှု၊ ခွဲဝေသုံးစွဲမှုစသည်တို့နှင့် ပတ်သက်ပြီး ပွင့်လင်းမြင်သာစွာ ထုတ်ပြန်သင့်ကြောင်း ၈၈ မျိုးဆက်ကျောင်းသားများ အဖွဲ့က ပြောသည်။

သဘာဝစွမ်းအင်အရင်းအမြစ်များမှ လျှပ်စစ်ဓာတ်အား ထုတ်လုပ်ပြီး ပြည်ပနိုင်ငံများသို့ ရောင်းချနေသည်ဆိုသော်လည်း နိုင်ငံအတွင်း လျှပ်စစ်ဓာတ်အား မလုံလောက်သည့်အတွက် ဆန္ဒပြမှုများ ဖြစ်ပေါ်နေကြောင်း၊ ပြည်ပသို့ လျှပ်စစ်နှင့် တခြားသော စွမ်းအင်ရင်းမြစ် မည်မျှရောင်းချသည်၊ မည်သို့သုံးစွဲသည်ကို ပွင့်လင်းမြင်သာစွာ ထုတ်ပြန်သင့်ကြောင်း ၈၈မျိုးဆက် ကျောင်းသားခေါင်းဆောင် ဦးကိုကိုကြီးက ပြောဆိုသည်။

“ဒီမိုကရေစီအစိုးရတရပ်မှာ အရေးပါဆုံးက ပွင့်လင်းမြင်သာမှု ရှိခြင်းပဲ၊ စွမ်းအင်ဘယ်လောက်ထွက်တယ်၊ ပိုက်ဆံ ဘယ်လောက်ရတယ်၊ ဘယ်လိုသုံးနေတယ်ဆိုတာကို ပြည်သူကို အသိပေးရမယ်၊ သိအောင် တောင်းဆိုခွင့်ရှိသလို သိခွင့်လည်းရှိတယ်” ဟု ၎င်းက ဆိုသည်။

ယခုအခါ မြန်မာ့စွမ်းအင် အရင်းအမြစ်များကို မည်သို့သုံးစွဲသည်၊ မည်မျှရောင်းချသည်ကို ပြည်သူများမသိရှိရကြောင်း၊ ပြီးခဲ့သည့်နှစ် မြစ်ဆုံစီမံကိန်းကို အများဝေဖန်စဉ်က အမှတ် (၁) လျှပ်စစ်ဝန်ကြီး ဦးဇော်မင်း ကိုယ်တိုင် မြန်မာနိုင်ငံတွင် လျှပ်စစ်ဓာတ်အား များပိုလျံနေသည့်အတွက် ပြည်သို့ရောင်းချနေရသည်ဟု ပြောဆိုခဲ့ကြောင်း၊ သို့သော် ယနေ့အချိန်အခါတွင် ပြည်သူများ လျှပ်စစ်မီးပြည့်ပြည့်၀၀ မရကြောင်း ဦးကိုကိုကြီးက ထောက်ပြသည်။

စစ်အစိုးရလက်ထက် ၂၀၁၀ ခုနှစ် ဇန်နဝါရီလထုတ် အစိုးရသတင်းစာတွင် အမှတ် (၂) လျှပ်စစ်ဝန်ကြီးဌာန ထုတ်ပြန်ချက်များအရ ရွှေကျင်၊ ဖြူး၊ ရဲရွာ၊ နန်ချို၊ အမ်း၊ တာပိန် (၁)၊ ချီဖွေငယ်၊ ကြီးအုံကြီးဝ၊ ကွန်း၊ အထက်ပေါင်းလောင်း၊ သောက်ရေခပ်(၂)၊ ဘီလူးချောင်း(၃)၊ သူဌေး၊ ထမံသီ၊ မဏိပူ၊ အထက်ကျိုင်းတောင်း စသည့် လျှပ်စစ်ထုတ်လုပ်သည့် ရေအားလျှပ်စစ်စီမံကိန်း ၁၆ ခုကို ၂၀၁၀ ခုနှစ်မှ စတင်အကောင်အထည် ဖော်နေကြောင်း၊ ၂၀၁၀/၂၁၁ ခုနှစ်တွင် စီမံကိန်း ၉ ခုပြီးလျှင် တနိုင်ငံလုံးလျှပ်စစ်ဓာတ်အား လုံလောက် မည်ဖြစ်ပြီး ၂၀၁၅ ခုနှစ်တွင် ပိုလျှံသည့်အထိပင် ဖြစ်လာနိုင်ကြောင်း ရေးသားထားသည်။

ထို့အပြင် ၂၀၁၁ ဇန်န၀ါရီလ ၂ ရက်နေ့ထုတ် အစိုးရသတင်းစာတွင်လည်း ၁၉၈၈ ခုနှစ်မတိုင်မီက လျှပ်စစ်ဓာတ်အား ထုတ်လုပ်နိုင်မှုသည် ၅၂၉.၁ မဂ္ဂါဝပ် ရှိခဲ့သော်လည်း ယခု ၃၀၄၅.၄ မဂ္ဂါဝပ်အထိ တိုးတက်ခဲ့ပြီး တည်ဆောက်ဆဲ ဓာတ်အားပေးစက်ရုံ ၆၀ ကျော်မှ ၄၁၂၀၆.၅ မဂ္ဂါဝပ်နှင့် နောက်တွင် တည်ဆောက်မည့် ဓာတ်အားပေး စက်ရုံ ၁ ရုံမှ ၂၆ မဂ္ဂါဝပ် ရရှိမည်ဖြစ်ပြီး စီမံကိန်းအားလုံး ပြီးစီးပါက ၄၄၂၇၆.၉ မဂ္ဂါဝပ်အထိ တိုးတက် လာမည်ဟု ဖော်ပြထားသည်။

ပြီးခဲ့သည့်ရက်ပိုင်းမှ စတင်ကာ လျှပ်စစ်မီး ပုံမှန်ရရှိရေးအတွက် ဆန္ဒပြ လှုပ်ရှားမှုများ မြန်မာနိုင်ငံမြို့ကြီးများတွင် ဖြစ်ပွားနေသည်။

ယမန့်နေ့ကလည်း ရန်ကုန်၊ မန္တလေး၊ မုံရွာ၊ ပြည် တို့တွင် လျှပ်စစ်မီး ပုံမှန်ရရှိရေး ဖယောင်းတိုင်ဖြင့် ဆန္ဒပြ လှုပ်ရှားမှုများ ဖြစ်ပွားခဲ့ပြီး ယနေ့တွင် မြို့ကြီးတချို့၌ ဆက်လက်ဆန္ဒပြမည်ဟု သိရှိရသည်။

အစိုးရရုံးစိုက်ရာ နေပြည်တော်မှလွဲ၍ မြို့ကြီးများတွင် ယခုအခါ လျှပ်စစ်မီးကို အစိုးရက တနေ့လျှင် ၆ နာရ်ီခန့်သာ ပေးနိုင်တော့ရာ အဆိုပါ လျှပ်စစ်မီးပြဿနာနှင့် ပတ်သက်၍ ယမန်နေ့ထုတ် အစိုးရသတင်းစာတွင် နွေရာသီ လျှပ်စစ်ဓာတ်အား ထုတ်လုပ်နိုင်မှု လျော့နည်းခြင်းကြောင့် အလှည့်ကျ မီးပေးနေရခြင်းကို နားလည်ပေးပါရန်၊ လျှပ်စစ်ဓာတ်အား ချွေတာသုံးစွဲရေးတွင် ပူးပေါင်းပါဝင်ပေးပါရန် မေတ္တာရပ်ခံထားသည်။

မြန်မာနိုင်ငံတွင် ရေအားလျှပ်စစ်ဓာတ်အားပေးစက်ရုံ၊ ၁၈ ရုံ၊ ကျောက်မီးသွေးသုံး ဓာတ်အားပေးစက်ရုံ ၁ ရုံ၊ သဘာဝဓာတ်ငွေ့သုံး လျှပ်စစ်ဓာတ်အားပေးစက်ရုံ ၁၀ ရုံရှိပြီး ဒေသအသီးသီးသို့ လျှပ်စစ်ဓာတ်အား ဖြန့်ဖြူးပေးနေကြောင်း အဆိုပါ မေတ္တာ ရပ်ခံချက်တွင် ဖော်ပြထားသည်။

ကချင်စစ်ပြေး ဒုက္ခသည်များကို ပစ်မှတ်ထား လူကုန်ကူးနေ

By featured, နန်းဆိုင်နွမ် on May 23 ဧရာဝတီ

ကချင်စစ်ပြေး ဒုက္ခသည် စခန်းများကို ပစ်မှတ်ထားကာ လူကုန်ကူးမှုများ ဆက်တိုက် ဖြစ်ပေါ်နေကြောင်း တရုတ် – မြန်မာ နယ်စပ်တွင် လူကုန်ကူးမှု တိုက်ဖျက်ရေး ဆောင်ရွက်နေသည့် ဒေါ်မိုင်းဂျာက ဧရာဝတီကို ပြောသည်။

ကချင်ပြည်နယ်သည် မူလကတည်းက တရုတ်နယ်စပ်မှ တဆင့် လူကုန်ကူးမှုများရှိခဲ့သော်လည်း ယခုအခါ ပြည်တွင်း စစ်ကြောင့် ပြေးရှောင်နေရသည့် ဒုက္ခသည်စခန်းများကို အဓိကပစ်မှတ်ထားပြီး ပိုမို ဖြစ်ပေါ်လာကြောင်း ထိုင်းနိုင်ငံ အခြေစိုက် ကချင် အမျိုးသမီးအစည်းအရုံး (KWAT) အဖွဲ့၏ တာဝန်ရှိသူတဦးဖြစ်သည့် ဒေါ်မိုင်းဂျာက ရှင်းပြသည်။

ကချင်ပြည်နယ် တိုက်ပွဲများကြောင့် နေရပ်စွန့်ခွာ ထွက်ပြေးရသူများ (ဓာတ်ပုံ - Jinghpaw Kasa Blog)

“စစ်ဖြစ်နေတဲ့ ကာလအတွင်း ဒုက္ခသည်စခန်းတစ်ခုတည်းမှာ တလကို လေး၊ ငါးယောက် လောက်တော့ ပျောက်ပျောက် နေတယ်။ တချို့ မိဘတွေကလည်း တရုတ်ပြည်ကနေ မိန်းကလေး လိုချင်တယ်ဆိုရင် ပေးစားလိုက်တာမျိုးရှိတယ်။ မိဘတွေမသိဘဲ ပျောက်သွားတာတွေ၊ တရုတ်ပြည်ကို ရောင်းစားခံလိုက် ရတာတွေလည်း ရှိတယ်” ဟု သူက ဆိုသည်။

တရုတ် – မြန်မာ နယ်စပ်တွင် ကချင် စစ်ဘေး ဒုက္ခသည်စခန်း ၂၀ ကျော်ရှိပြီး ဒုက္ခသည် ၄ သောင်းကျော် ရှိနေကြောင်း၊ အသက် ၁၅ နှစ်၊ ၁၆ နှစ်ဝန်းကျင် အိမ်ထောင်မကျသေးသူ မိန်းကလေးငယ် များအား အဓိကပစ်မှတ်ထား၍ လူကုန်ကူး နေကြောင်း၊ ပြည်တွင်း စစ်ဖြစ်နေသည့် ၁ နှစ်နီးပါး ကာလအတွင်း ဒုက္ခသည် စခန်းများမှ လူ ၂၀၀ ခန့် ပျောက်ဆုံးနေကြောင်း သိရသည်။

စစ်ဖြစ်ပွားမှုကို အကြောင်းပြကာ ဒုက္ခသည် စခန်းများရှိ မိန်းကလေးငယ်များအား အိမ်နီးချင်းနိုင်ငံသားနှင့် လက်ထပ်ပါက ကောင်းမွန်စွာ နေထိုင်ရမည်ဟု ပြောဆို စည်းရုံးမှုများ ရှိနေကြောင်း၊ မိဘများ မသိဘဲ ပျောက်ဆုံးမှုများလည်း ရှိနေသဖြင့် ထိုကဲ့သို့ မဖြစ်စေရန် ပညာပေးသွားမည်ဖြစ်ကြောင်း၊ တရုတ်ပြည်ထဲသို့ အလုပ်သွားရောက် လုပ်ကိုင်မည်ဆိုပါက KWATကိုလာရောက် အကြောင်းကြားရန် မှာကြားထားကြောင်း၊ သို့မှသာ အလုပ်လုပ်သည့်နေရာနှင့် အလုပ်ရှင်ကိုသိကာ ပျောက်ဆုံးပါက ရှာဖွေရ လွယ်ကူမည်ဖြစ်ကြောင်း ဒေါ်မိုင်းဂျာက ဆိုသည်။

ကမ္ဘာ့ ကုလသမဂ္ဂ အာရှနှင့်ပစိဖိတ်ဒေသဆိုင်ရာ လူကုန်ကူးမှုတိုက်ဖျက်ရေးအဖွဲ့ (UNIAP) မှ တာဝန်ရှိသူ တဦး၏ အဆိုအရ ဒုက္ခသည်စခန်းများတွင် နေထိုင်သူများအား အိမ်နီးချင်း တရုတ်နိုင်ငံမှ လက်နက်ကိုင် ခြိမ်းခြောက် ခေါ်ဆောင်၍ ရောင်းစားမှု များ ယခုလအတွင်းတွင်ပင် ဖြစ်ပေါ်ခဲ့ကြောင်း သိရသည်။

သဘာဝဘေးအန္တရာယ်၊ စစ်ဘေးဒဏ်၊ ဆင်းရဲ နွမ်းပါးသူများနှင့် အယုံလွယ်သူများကို အဓိကပစ်မှတ်ထားကာ လူကုန်ကူးမှုများ ပြုလုပ်လေ့ရှိသဖြင့် ကချင်ပြည်နယ်အတွင်း ဖြစ်ပွားနေသည့် စစ်ပွဲများကြောင့် ပြေးရှောင်နေရသည့် ပြည်သူများ လူကုန်ကူးခံရမှုမှ ကာကွယ်ပေးနိုင်ရန် သက်ဆိုင်ရာက စောင့်ကြည့်ပေးစေချင်ကြောင်း UNIAP မှ တာဝန်ရှိသူက ဆိုသည်။

အမည်ခံ ရင်းနှီးမြှုပ်နှံမှုများ တရားဝင် အသွင်ပြောင်းရန် ထပ်မံသတိပေး

By featured, ကျော်ခ on May 23, ဧရာဝတီ

နိုင်ငံခြားသား ရင်းနှီးမြှုပ်နှံသူများက မြန်မာနိုင်ငံသားများကို အမည်ခံစေကာ လုပ်ကိုင်နေသည့် လုပ်ငန်းများကို တရားဝင် နိုင်ငံခြား ရင်းနှီးမြှုပ်နှံမှုများ အဖြစ် ပြောင်းလဲလုပ်ကိုင်ရန် အသိပေးထားသော်လည်း အသွင်ပြောင်းလုပ်ကိုင်သူ နည်းပါးနေသဖြင့် မြန်မာ အစိုးရက ထပ်မံသတိပေး ပြောဆိုလိုက်သည်။

ပြည်ပမှ ပါဝင် ရင်းနှီးမြှုပ်နှံမှုဖြင့် လုပ်ကိုင်နေသော တနင်္သာရီတိုင်း ထားဝယ် အထူးစီးပွားရေးဇုန် စီမံကိန်းတနေရာကို တွေ့ရစဉ် (ဓာတ်ပုံ - sawkyawoo.com)

အမည်ခံကုမ္ပဏီများအနေဖြင့် တရားဝင် တိုက်ရိုက်ရင်းနှီးမြှုပ်နှံကြရန် ယခုနှစ် မတ်လမှ မေလအထိ ရက် ၉၀ အတွင်း လုပ်ဆောင် ရန် သတိပေးထားသော်လည်း မေလ၂၂ ရက်နေ့အထိ ကုမ္ပဏီ ၁၀ ခုကျော်သာ ရှိသေးကြောင်း အမျိုးသား စီမံကိန်းနှင့် စီးပွားရေး ဖွံ့ဖြိုး တိုးတက်မှု ဝန်ကြီးဌာန ဒုတိယ ညွန်ကြားရေးမှူး ဦးအောင်နိုင်ဦး က ပြောသည်။

“နာမည်ခံထားတဲ့နိုင်ငံခြားသားအားလုံးကို ကျနော်တို့က မြန်မာနိုင်ငံသား ရင်းနှီးမြှုပ်နှံမှု ဥပဒေနဲ့အညီ ပေးထားတဲ့ Permit (ခွင့်ပြုချက်) ကို ပြန်သိမ်းပြီးတော့မှ Foreign Investment Law နဲ့အညီ ကျနော်တို့ လုပ်ပေးနေပါတယ်။ အခုလာပြီးလုပ်နေတဲ့ အရေ အတွက်တော့ ၁၂ ခုလောက်ပဲ ရှိနေသေးတယ်”ဟု ဦးအောင်နိုင်ဦး က ဧရာဝတီသို့ ပြောသည်။

မြန်မာနိုင်ငံတွင် စက်ရုံပေါင်း၂၀၀ ကျော်ရှိသော အထည်ချုပ်လုပ်ငန်း အမျိုးအစား တခုတည်းတွင်ပင် မြန်မာနိုင်ငံသားများကို အမည်ခံ၍ရင်းနှီးမြှုပ်နှံနေသော နိုင်ငံခြား ကုမ္ပဏီ ထက်ဝက်ကျော်ရှိနေပြီး တရားဝင် အသွင်ပြောင်း လုပ်ဆောင်ရန် ရာခိုင်နှုန်း နည်းပါးနေခြင်းကို ထောက်ပြ၍ ထပ်မံသတိပေး ပြောဆိုခြင်းဖြစ်ကြောင်း သိရသည်။

နိုင်ငံသားအမည်ခံ ရင်းနှီးမြှုပ်နှံမှုများသည် အနာဂတ်ကာလတွင် မြန်မာနိုင်ငံ၏ ရင်းနှီးမြှုပ်နှံမှု စီမံကိန်းကို ထိခိုက်ရုံ မက နိုင်ငံ၏ အကျိုးစီးပွားကိုလည်း ထိခိုက်စေနိုင်သဖြင့် ယခုလို ပြောင်းလဲရန် ပြင်ဆင်ရခြင်း ဖြစ်ကြောင်း၊ အကြောင်းကြောင်းကြောင့် အသွင် ပြောင်းလုပ်ကိုင်ရန်နှောင့်နှေးနေရသော ကုမ္ပဏီများအတွက် လိုအပ်ပါက ရက်တိုးပေးဖွယ်ရှိကြောင်း ဦးအောင်နိုင်ဦး က ပြော သည်။

မြန်မာနိုင်ငံသားအမည်ခံလုပ်ကိုင်ကြသော ကုမ္ပဏီများကလည်း ရေခ၊ မီး ခ များကစ၍ နိုင်ငံခြားငွေဖြင့် အခွန်ဆောင်စရာမလိုဘဲ ဆယ်စုနှစ်ကြာ အထိုင်ကျလာခဲ့သဖြင့် လက်ရှိအခြေအနေအရ ပြောင်းလဲလိုခြင်း မရှိကြသေးဘဲ ဥပဒေသစ် ထွက်လာမည်အချိန် ကို စောင့်မျှော်နေကြသည်ဟု လုပ်ငန်းရှင်များကလည်း ပြောသည်။ သို့သော်လည်း အနာဂတ်တွင် အရေးယူဆောင်ရွက်ခံရမည် ကို စိုးရိမ်နေကြသည်။

“သူတို့ကတော့ လုပ်ပါ၊ မလုပ်ရင် အရေးယူမယ်ဆိုတဲ့ အတင်းအကျပ်ကြီး ပြောတာမျိုးတော့ မဟုတ်ဘူးဗျ။ ရင်းနှီးမြှုပ်နှံမှု ဥပဒေ ထွက်လာပြီးတဲ့အခါ၊ နိုင်ငံတကာကုမ္ပဏီတွေ ပစ်ဝင်လာတဲ့အခါ ကြလို့ရှိရင်တော့ မလုပ်တဲ့ကုမ္ပဏီတွေကို အရေးယူတဲ့ အဆင့်ထိ လုပ်လာနိုင်တယ်”ဟု လှိုင်သာယာ စက်မှုဇုန် အထည်ချုပ်လုပ်ငန်းရှင်တဦး က ဧရာတီသို့ ပြောသည်။

နိုင်ငံခြားရင်းနှီးမြှုပ်နှံမှု ဥပဒေကို ယခုအချိန်တွင် လွှတ်တော် သုံးခုအနက် ပြည်သူ့လွှတ်တော်နှင့် အမျိုးသား လွှတ်တော်တို့တွင် အတည်ပြုထားပြီးဖြစ်ကာ ပြည်ထောင်စုလွှတ်တော် က အတည်ပြုပြီးလျင် သမ္မတ က ခွင့်ပြုချက်ရရှိပါက တရားဝင် ပြဌာန်း နိုင်တော့မည် ဖြစ်သည်။ စတုတ္ထအကြိမ် လွှတ်တော်ကို ဇွန်လတွင် ကျင်းပမည်ဖြစ်သည်။

အဆိုပါ နိုင်ငံခြား ရင်းနှီးမြှုပ်နှံမှု ဥပဒေတွင် ရင်းနှီးမြှုပ်နှံလိုသူများအတွက် ဆွဲဆောင်မှုအဖြစ် ၅ နှစ်အခွန် ကင်းလွတ်ခွင့် ပြုထားကြောင်း၊ ထို့ပြင် ပြည်ပမှ လုပ်ငန်းရှင်များအတွက် ပြည်တွင်းမှ မြေနေရာများ ငှားရမ်း ခွင့်၊ ပထမ ငှားရမ်းမှုကို နှစ် ၅၀ ခွင့်ပြုထားပြီး ထပ်မံ သက်တမ်းတိုး ငှားရမ်းမှု ကို ၁၀ နှစ် ၂ ကြိမ် ခွင့်ပြုကြောင်း ဦးအောင်နိုင်ဦး က ပြောသည်။

၁၉၉၈ ခုနှစ်က ပြဌာန်းခဲ့သော ဥပဒေဟောင်းကြောင့် နိုင်ငံခြားကုမ္ပဏီများအနေဖြင့် မြန်မာနိုင်ငံတွင် ရင်းနှီးမြှုပ်နှံမှု အားနည်း ခြင်းနှင့် အမည်ခံ ရင်းနှီးမြှုပ်နှံမှုများ ပြုလုပ်ခြင်းမှာ အမေရိကန် ၁ ဒေါ်လာလျင် မြန်မာငွေ ၆ ကျပ်ဖြင့် လဲလှယ်ရခြင်း၊ အလုပ် သမားခန့်ထားရေးနှင့် လုပ်ငန်းပိုင်ဆိုင်မှု၊ အငြင်းပွားဖွယ်ရာများကို တိတိကျကျ ပြဌာန်းမှုမရှိခြင်းနှင့် လွတ်လပ်စွာလုပ်ပိုင်ခွင့်များကို ကန့်သတ် ခဲ့ခြင်းကြောင့်လည်း ဖြစ်သည်ဟု သိရသည်။

“အရင်ပြဌာန်းခဲ့တဲ့ဥပဒေက မြန်မာနိုင်ငံမှာလာပြီး လုပ်မယ်ဆိုရင် ပုဂ္ဂလိကတွေပိုင်တဲ့ မြေမှာ လုပ်ခွင့်မရှိဘူး။ အစိုးရမြေ ငှားလုပ်မှ ရမယ်။ တချို့လုပ်ငန်းရှင်တွေက မြန်မာနိုင်ငံမှာ လာလုပ်ချင်ပေမယ့်လဲ အစိုးရမြေငှားဖို့ကလည်း သူတို့မှာ အခက်အခဲတွေရှိတယ်။ ပုဂ္ဂလိကမြေငှားဖို့ကလည်း ခွင့်မပြုတော့ သူ့နည်းသူ့ဟန်နဲ့ သူတို့က ယုံကြည်စိတ်ချရတဲ့ မြန်မာနိုင်ငံသားကို Back Up (ကျောထောက် နောက်ခံ)ပေးပြီးတော့မှ ဒီမှာလာပြီး ထူထောင်ခဲ့ကြတာပဲ”ဟု သူက ဆက်ပြောသည်။

ထွက်ရှိလာမည် ဥပဒေသစ်တွင် ဥပဒေဟောင်းတွင်ပါသော အားနည်းချက်များ ပါဝင်တော့မှာမဟုတ်ကြောင်း၊ ပြည်ပမှ လာရောက် ရင်းနှီးမြှုပ်နှံလိုသော နိုင်ငံတကာကုမ္ပဏီများကလည်း စောင့်ကြည့်လျက်ရှိပြီး ဥပဒေသစ်ပြဌာန်းပြီးပါက ရင်းနှီးမြှုပ်နှံမှုများ အလုံး အရင်းနှင့် ဝင်ရောက်လာဖွယ်ရှိကြောင်း မြန်မာအစိုးရဘက်က မျှော်မှန်းထားသည်။

“အခုနောက်ပိုင်း ၆ လအတွင်းမှာ အရင်ကနဲ့ မတူဘဲ လာစုံစမ်းနေတဲ့နိုင်ငံခြား ကုမ္ပဏီတွေများတယ်။ အရင်တုန်းက တလလုံးနေမှ ၂ ခုလောက်လာတာ။ အခုဆို တရက်ကို ၁၅ ခုလောက်လာစုံစမ်းနေတာ” ဟု ဦးအောင်နိုင်ဦး ကပြောသည်။

မြန်မာနိုင်ငံတွင် တိုက်ရိုက် နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ ဘီလီယံ ၄၀ ကျော်ရှိခဲ့ပြီး အမေရိကန်က မြန်မာနိုင်ငံအပေါ်စီးပွားရေးပိတ်ဆို့မှုများ ဖွင့်လှစ်ပေးပြီးနောက် ဆက်လက်မလုပ်နိုင်တော့ဘဲ ၁၀ ဘီလီယံခန့် ပြန်ရုပ်သိမ်း သွားကြသဖြင့် လက်ရှိတွင် ဘီလီယံ ၃၀ ကျော် ရင်းနှီးမြှုပ်နှံနေကြောင်း ဦးအောင်နိုင်ဦးက ပြောသည်။

မြန်မာနိုင်ငံတွင် အမည်ခံနှင့် တိုက်ရိုက်ရင်းနှီမြှုပ်နှံလုပ်ကိုင်နေမှုတွင် တရုတ်နိုင်ငံက အများဆုံး လုပ်ကိုင်လျက်ရှိပြီး ထိုင်း၊ ဟောင်ကောင်နှင့် တောင်ကိုရီးယားနိုင်ငံများ ပါဝင်ကြောင်း သိရသည်။

မြန်မာနိုင်ငံသည် စီးပွားရေး ရင်းနှီးမြှုပ်နှံမှုဆိုင်ရာ ကဏ္ဍများ၌ ဥပဒေအရ အကာအကွယ်ပေးမှု အားနည်းသည့် နိုင်ငံတနိုင် ဖြစ် ကြောင်း ဗြိန်တိန်နိုင်ငံ အခြေစိုက် Maplecroft အဖွဲ့ ၏ ၂၀၁၂ ခုနှစ် ဖေဖော်ဝါရီလအတွင်းက ထုတ်ပြန်သည့် ဥပဒေစိုးမိုးမှုဆိုင်ရာ အစီရင်ခံစာ တစောင်၌ ဖော်ပြထားသည်။

ထိုအစီရင်ခံစာသည် ကမ္ဘာ့နိုင်ငံပေါင်း ၁၉၇ နိုင်ငံအား လေ့လာထားသည့် အစီရင်ခံစာဖြစ်ပြီး ရင်းနှီးမြှုပ်နှံမှုတွင် ဥပဒေအရ ကာကွယ်ပေးမှု အနည်းဆုံး ၁၀ နိုင်ငံတွင် မြန်မာနိုင်ငံသည် ထိပ်ဆုံးမှ ပါဝင်နေသည်ဟု ဆိုသည်။

နေပြည်တော်လို မီးလင်းရမယ်

By featured, အောင်သက်ဝိုင်း on May 23 ဧရာဝတီ

ရန်ကုန်မြို့တော်ရဲ့ အချက်အချာကျ မြို့တော်ခန်းမကြီးရှေ့မှာ မေလ ၂၂ ရက်နေ့ညနေက ရဲကားတွေ၊ လက်နက်ကိုင်ဆောင်ထားတဲ့ ရဲတွေ အသင့်အနေအထားရှိနေကြပြီး သူတို့ရဲ့သွင်ပြင်လက္ခဏာတွေက အရေးအခင်းကြီးတခုကို နှိမ်နင်းတော့မည့်အလား။

လျှပ်စစ်မီး ပုံမှန်ရရှိရေးအတွက် ရန်ကုန်မြို့ မြို့တော်ခန်းမရှေ့တွင် ဆန္ဒပြလှုပ်ရှားသူများ (ဓာတ်ပုံ - ခင်သြ / ဧရာဝတီ)

ရဲတွေအနီးမှာတော့ ကျောပိုးအိတ်ကိုယ်စီလွယ်လို့ ကင်မရာတွေ ကိုင်ဆောင်ထားကြတဲ့ သတင်းထောက်တွေ မြောက်မြားစွာ ရှိနေကြတယ်။ ညနေ ခြောက်နာရီ၊ ရုံးဆင်းချိန် လူအသွားအလာတွေ ရှုပ်ထွေးနေပြီး အိမ်ပြန်ဖို့ သွားလာလှုပ်ရှားနေကြတဲ့ ခရီးသွားပြည်သူတွေက ရဲတွေနဲ့ သတင်းထောက်တွေကို ကြည့်ပြီး အံ့သြငေးမောနေကြတယ်။

တချို့ပြည်သူတွေက သတင်းထောက်တွေနဲ့ ရဲတွေရဲ့ မလှမ်းမကမ်းမှာရပ်လို့ စူးစမ်းနေကြတယ်။ ဒီနေ့ ညနေ ၇ နာရီ ရန်ကုန်မြို့ မြို့တော်ခန်းမအနီးမှာ လျှပ်စစ်မီးရရှိရေး ဖယောင်းတိုင်ထွန်းဆန္ဒပြပွဲ ပြုလုပ်ဖို့ ရှိတယ်လို့ Facebook လူမှုကွန်ရက်မှာ ကျယ်ကျယ်ပြန့်ပြန့် သတင်းထွက်ရှိနေတာကြောင့် ရဲတွေ၊ သတင်းထောက်တွေက အသင့်အနေအထား လာရောက်စောင့်ဆိုင်းနေကြတာပါ။

ညနေ ၆ နာရီ ၄၀ မိနစ်ရှိလာပြီ ဖြစ်ပေမယ့် ပတ်ဝန်းကျင်တခုလုံးက လင်းလင်းထင်းထင်း ရှိနေသေးတယ်။ ပုံမှန်ဆိုရင် မီးမလင်းတဲ့ လမ်းဓာတ်မီးတိုင်တွေက ဒီကနေ့မှ ထူးထူးခြားခြား မီးတွေထိန်ထိန်ညီး ထွန်းလင်းနေတယ်။ လမ်းတွေပေါ်မှာတော့ ရဲကားတချို့ လှည့်ပတ်သွားလာလှုပ်ရှားနေတယ်။

ည ၇ နာရီ၊ မှောင်ရီသန်းလာချိန်မှာတော့ မြို့တော်ခန်းမအနီး လက်ရွေးစင် လက်ဖက်ရည်ဆိုင်ရှေ့မှာ အ၀ါရောင် မီးလျှံလေးတွေ မြောက်မြားစွာ ပေါ်ထွက်လာတယ်။ ကျောင်းသားခေါင်းဆောင် ကိုဟန်ဝင်းအောင်၊ အင်္ဂါဝတ်ပြုဆုတောင်းအဖွဲ့က ဒေါ်နော်အုန်းလှအပါအ၀င် လူသုံးဆယ်ကျော်က မီးထွန်းညှိထားတဲ့ ဖယောင်းတိုင်လေးတွေ ကိုယ်စီကိုင်လို့ တန်းစီလမ်းလျှောက်လာကြတယ်။

ဖယောင်းတိုင်လေးတွေ ကိုင်ဆောင်လမ်းလျှောက်လာတဲ့ ဆန္ဒပြသူတွေ သတင်းထောက် မြောက်မြားစွာက ၀ိုင်းအုံ ဓာတ်ပုံရိုက်ကူးကြပြီး တဖျတ်ဖျတ်လင်းနေတဲ့ ကင်မရာအလင်းရောင်တွေကြောင့် လူတွေပိုဝိုင်းအုံ လာကြတယ်။

မြို့တော်ခန်းမဘေးကနေ မဟာဗန္ဓုလလမ်းမဘေး၊ လမ်း ၃၀ ထိပ်ရောက်တယ်ဆိုရင်ပဲ ဆန္ဒပြသူတွေရှေ့က ဒုတိယ ရဲမှူးကြီးတဦးနဲ့ လုံထိန်းရဲတွေပိတ်ရပ်လိုက်တယ်။

“ဖယောင်းတိုင်တွေ မှုတ်လိုက်ပါ။ ဖယောင်းတွေထွန်းပြီး လမ်းမလျှောက်ပါနဲ့” လို့ ရဲအရာရှိက ဖျောင်းဖျတဲ့ လေသံနဲ့ စတင်ပြောတော့ ဆန္ဒပြပွဲဦးဆောင်သူ ဒေါ်နော်အုန်းလှက “ကျမတို့ကို အတင်းမလုပ်နဲ့။ ကျမတို့ရဲ့ ဆန္ဒကို ကျမတို့ ထုတ်ဖော်တာ။ ဒီမိုကရေစီနိုင်ငံမှာ ကိုယ့်ဆန္ဒကိုယ် ထုတ်ဖော်ခွင့်ရှိရမယ်” လို့ ပြန်ပြောတယ်။

ရဲအရာရှိတွေကတော့ မတင်းမမာ အနေအထားမျိုးနဲ့ ဆန္ဒပြသူတွေကို ဆက်ဆံပြီး လမ်းဆက်မလျှောက်ဖို့ တားမြစ်တယ်။

ဆန္ဒပြသူတွေက လမ်းလျှောက်ခွင့် မရရင်လည်း ဆူးလေစေတီပေါ်မှာ မီးပူဇော်မယ်ဆိုတဲ့ ရည်ရွယ်ချက်နဲ့ နောက်ကြောင်းပြန်လှည့် ဆူးလေဘုရားရင်ပြင်တော်ဆီ ဦးတည်လှမ်းလျှောက်သွားကြတယ်။ ရဲတွေကတော့ ဆန္ဒပြသူတွေနဲ့ ထပ်ကြပ်မကွာ လိုက်ပါနေပြီး ဆူးလေစေတီပေါ်ဆီကို တက်နိုင်ဖို့ လမ်းရှင်းပေးတယ်။

လူတွေ ရာပေါင်းများစွာကတော့ ဆူးလေစေတီပေါ်နဲ့ စေတီပတ်ပတ်လည်လည် ကားလမ်းမတွေပေါ်မှာ စုပြုံနေကြပြီ။

“ဒီည ပုံမှန် မဟုတ်ဘဲ မီးတွေထိန်လင်းနေတာ ဆန္ဒပြကြလို့ထင်တယ်။ ဒီပုံစံအတိုင်း မီးရဖို့ဆိုရင်တော့ နေ့တိုင်းဆန္ဒပြရမလိုပဲ” လို့ အသက် ၃၀ ကျော်အရွယ် ရန်ကုန်မြို့ခံတဦးက မှတ်ချက်ပြုတယ်။ သူ့အိတ်ကပ်ထဲမှာတော့ မီးထွန်းညှိမထားတဲ့ အတော်ကြီးမားတဲ့ ဖယောင်းတိုင်ကြီးတခု ရှိနေတယ်။

ည ၇ နာရီ ၃၅ မိနစ်မှာတော့ ဆန္ဒပြကြသူတွေ သူတို့ကိုင်ဆောင်ထားတဲ့ ဖယောင်းတိုင်တွေကို ဘုရားမှာ မီးပူဇော်ပြီး ၀တ်ပြုဆုတောင်းလူစုခွဲလိုက်ကြတယ်။

ဆူးလေစေတီ ပတ်ဝန်းကျင်တခုလုံးမှာ လူစုမကွဲသေးဘဲ လူတွေ ပိုတောင် များပြားလာပါတယ်။

ည ၈ နာရီကျော်မှာ မြို့တော်ခန်းမနဲ့ မျက်နှာချင်းဆိုင် ဆူးလေစေတီမုခ်ဦးရှေ့မှာ အ၀ါရောင် မီးလျှံလေးတွေ ထွက်ပေါ်လာပြန်တယ်။ ဒီတခါ ဖယောင်းထွန်းညှိဆန္ဒပြတာကတော့ သာမန်အရပ်သား ပြည်သူတဦး၊ တိတိကျကျဆိုရင်တော့ အိမ်ရှင်မတဦးဖြစ်ပြီး သူ့ရဲ့ညာဘက်လက်က အ၀ါရောင် တောက်နေတဲ့ မီးလျှံလေးကိုင်၊ ဘယ်ဘယ်လက်မှာတော့ ကလေးငယ်တဦးကို ပွေ့ချီထားတယ်။

အသက် ၅၀ ကျော်အရွယ် မျက်မှန်တပ်ဆင်ထားတဲ့ လူကြီးပိုင်း အမျိုးသားတဦးကလည်း လက်ထဲမှာ ဖယောင်းငယ်လေးကိုင်ပြီး သူ့တို့အနေနဲ့ မီးရဖို့ ငြိမ်းချမ်းစွာ ဆန္ဒပြတဲ့အကြောင်း ထုတ်ဖော်ပြောဆိုနေ ကြတယ်။

ည ၈ နာရီ ၁၀ မိနစ်မှာတော့ လက်ခုပ်သံတွေ တဖြောင်းဖြောင်းရုတ်တရက်ပေါ်ထွက်လာပြီး မြို့တော်ခန်းမနဲ့ ရန်ကုန်မြို့လယ်ခေါင်တခွင်မှာ လက်ခုပ်သံတွေ မြည်ဟည်းသွားတယ်။ လက်ခုပ်သံတွေနဲ့အတူ အ၀ါရောင်မီးလျှံပေါင်း မြောက်မြားစွာ ထွက်ပေါ်လာတယ်။

အ၀ါရောင်မီးလျှံလေးတွေ တောက်ပနေတဲ့ ဖယောင်းတိုင်တွေ ကိုင်ဆောင်ထားကြတဲ့သူတွေ မြောက်မြားစွာ ရှိနေပြီး ကလေးငယ်တွေ၊ လူငယ်လူရွယ်တွေ၊ အမယ်အို၊ အဘိုးအိုတွေ၊ မြန်မာပြည်ဖွား အစ္စလာမ်ဘာသာဝင်တွေ၊ လူထုလူတန်းလွှာ အလွှာပေါင်းစုံက ဖယောင်းတိုင်ငယ်လေးတွေ ကိုင်ဆောင်ထားကြတယ်။

“ပြောတော့ ဂတ်စ်တွေ၊ ဓာတ်ငွေ့တွေ အများကြီးထွက်တယ်ဆို၊ ကျနော်တို့ကို မီးလေးတောင် မှန်မှန်မပေးနိုင်ဘူးလား။ အဲဒါတွေကို တရုတ်ကို ရောင်းတယ်၊ ထိုင်းကိုရောင်းတယ်။ ကျနော်တို့ မြန်မာပြည်သူတွေကတော့ အမှောင်ထဲမှာ တသက်လုံးနေသွားရမလား” လို့ ဆိုလိုက်သူက အသက် ၆၀ ကျော်အရွယ် အမျိုးသားတဦး။

အဲဒီအမျိုးသားက သူက ကျူရှင်ဆရာတဦးဖြစ်ကြောင်း ပြောဆိုပြီး လျှပ်စစ်မီးမရတဲ့အတွက် ကလေးတွေ စာသင်၊ စာကျက် အရမ်းအခက်အခဲ ဖြစ်ရတယ်လို့ ဆိုပါတယ်။

ည ၈ နာရီ ၂၀ မိနစ်မှာ လက်ခုပ်သံတွေနဲ့အတူ “ မီးလာရမယ်” ဆိုတဲ့ ဟစ်ကြွေးသံတွေ လူအုပ်ကြီး ကြားထဲက ထွက်ပေါ်လာတယ်။

“နေပြည်တော်လို မီးလင်းရမယ်” … “ရန်ကုန်မြို့မှာ မီးလာရမယ်” … “၂၄ နာရီ မီးလင်းရမယ်” … “မြန်မာပြည်မှာ မီးရရမယ်” ဆိုတဲ့ အသံတွေက ဆက်တိုက်ဆိုသလို ထွက်ပေါ်လာတယ်။

ဒီကြွေးကြော်သံတွေက ကြိုတင်ပြင်ဆင်ခဲ့တဲ့ အသံတွေမဟုတ်ဘဲ လူတွေရဲ့ ရင်တွင်းကနေ ခံစားချက်တူစွာ ထွက်ပေါ်လာတယ်ဆိုတာ အားလုံးက နားလည်ကြတယ်။

ည ၈ နာရီခွဲမှာတော့ ဖယောင်းတိုင်ထွန်း ဆန္ဒပြပွဲ အောင်မြင်စွာ ပြီးဆုံးကြောင်း လူငယ်အချို့က ကြညာလိုက်ချိန်မှာတော့ လက်ခုပ်သံတွေ သောသောညံ ထွက်ပေါ်လာတယ်။

ဆူးလေစေတီအနီးမှာ စုဝေးနေကြတဲ့ လူစုကြီးက တဖြည်းဖြည်း လူစုခွဲသွားကြပြီ။

ရန်ကုန်မြို့တခွင် လမ်းမကြီးတွေ၊ ရပ်ကွက်တွေမှာ တော့ ပုံမှန်မဟုတ်ဘဲ လျှပ်စစ်မီးတွေ ထိန်ထိန်ညီးနေတယ်။မိုးမခ