မေ ၁၇ ကြာသပတေးနေ့

မိုးမခက စုစည်းပေးတဲ့ သတင်းများ

လိင်တူချစ်သူများ မုန်းတီးမှု ဆန့်ကျင်ရေးနေ့ ကျင်းပ

By featured, ခင်ဦးသာ on May 17, ဧရာဝတီ

စာနယ်ဇင်းကောင်စီဖွဲ့ရေး ဂျာနယ်လစ်အဖွဲ့များ သဘောမတူသေး

By featured, ငြိမ်းငြိမ်း on May 17, ဧရာဝတီ

နိုင်ငံခြားရင်းနှီးမြှုပ်နှံမှု စွမ်းအင်နှင့် သယံဇာတ တူးဖော်ရေးတွင်သာ များလာ

By featured, ဖိုးသိုက် on May 17, ဧရာဝတီ

မြန်မာ အလုပ်သမားများ ဘဏ်မှတဆင့် အိမ်ကို ငွေလွှဲနိုင်တော့မည်

By featured, သန်းထိုက်ဦး on May 17, 2ဧရာဝတီ

ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ခရီးစဉ် ဒေသခံအာဏာပိုင်တွေ တားမြစ်မှုရှိ

2012-05-17 RFA

လစာတိုးပေးဖို့ တောင်းဆိုတဲ့ အလုပ်သမား အလုပ်ပြန်ဆင်းခွင့်မပြု

2012-05-17 – RFA

စစ်ပြေးဒုက္ခသည်များ ဆွမ်ပရာဘွမ် အသင်းတော်သို့ ထွက်ပြေးရောက်ရှိ

ကြာသပတေးနေ့၊ မေလ 17 ကချင်သတင်းဌာန

ပိတ်ပင်ခံခဲ့ရသည့် ရုပ်ရှင်ကားများ ပြန်ပြခွင့် အစည်းအရုံးတောင်းဆို

မျိုးသန့် | ကြာသပတေးနေ့၊ မေလ ၁၇ မဇ္ဈိမ

အစိုးရ ငြိမ်းအဖွဲ့သစ် SSA-S နှင့် ပထမဆုံး တွေ့ဆုံဆွေးနွေးမည်

ဖနိဒါ | ကြာသပတေးနေ့၊ မေလ ၁၇ မဇ္ဈိမ

ကနီမြို့နယ် ဒေသခံများ သောက်သုံးရေ ပြတ်လပ်မှုကြုံနေရ

ဖနိဒါ | ကြာသပတေးနေ့၊ မေလ ၁၇ မဇ္ဈိမ

လယ်မြေအဓမ္မ သိမ်းယူမှု မှတ်တမ်းတင်ရုပ်ရှင် ရိုက်ကူးမည်

မျိုးသန့် | အင်္ဂါနေ့၊ မေလ ၁၅ မဇ္ဈိမ

=========================

လိင်တူချစ်သူများ မုန်းတီးမှု ဆန့်ကျင်ရေးနေ့ ကျင်းပ

By featured, ခင်ဦးသာ on May 17, ဧရာဝတီ

ယနေ့ ကျရောက်သည့် အပြည်ပြည်ဆိုင်ရာ လိင်တူချစ်သူများအား မုန်းတီးမှု ဆန့်ကျင်သောနေ့ အခမ်းအနားကို မြန်မာနိုင်ငံ၌ ပထမဆုံးအကြိမ်ကျင်းပရာ လိင်တူချစ်သူများအပေါ် ခွဲခြား ဆက်ဆံခံနေရသည့် အခြေအနေများကို ဆွေးနွေးခဲ့ကြကြောင်း သိရသည်။

ထိုအခမ်းအနားအား လိင်တူချစ်သူအရေးဆောင်ရွက်နေသူများနှင့် လူမှုရေးအဖွဲ့များမှ ကြီးမှူး၍ ရန်ကုန်မြို့ ရွှေဂုံတိုင်ရှိ Excel Tower ၌့ ပြုလုပ်ခဲ့ရာ လိင်တူချစ်သူများ၊ လူမှုရေးအဖွဲ့အစည်းများ၊ ကုလသမဂ္ဂ လက်အောက်ခံ အဖွဲ့စည်းများမှ ဧည့်သည်များ၊ လွှတ်တော် ကိုယ်စားလှယ်များ၊ အာဏာပိုင်များ တက်ရောက်ခဲ့ကြကြောင်း အခမ်းအနားစီစဉ်သူ မမြတ်နိုးက ဧရာဝတီကိုပြော သည်။

နာမည်ကျော်အလှဖန်တီးရှင်များလည်း တက်ရောက်ကြပြီး မိတ်ကပ် ကိုမာက လိင်တူချစ်သူများနှင့်ပတ်သက်သည့်အကြောင်း အရာများကို ပြောဆိုကာ၊ ပညာပေး အစီအဉ်များ၊ တေးဂီတ ဖျော်ဖြေမှုများ၊ တခန်းရပ် ပြဇာတ်များဖြင့် လိင်တူချစ်သူတို့ ၏ ဘ၀ ပုံရိပ်များကို တင်ဆက်ပြသခဲ့ကြောင်း သိရသည်။

လိင်တူချစ်သူ ဖြစ်သွားသည့် သားသမီးအား ဖခင်ဖြစ်သူ၏ လမ်းညွှန်ဆုံးမမှု လွှဲမှားခြင်းနှင့် ပတ်ဝန်းကျင်၏ ခွဲခြားဆက်ဆံမှု ခံရသည့်အတွက် ရေစုံမျှောကာ ဘ၀ပျက်သွားသည့်အကြောင်း ရေးဖွဲ့ထားသော“အမိုး မရှိတဲ့ ကမ္ဘာ”ဟူ သည့် ပြဇာတ်တို တပုဒ်ကို အထူးအစီအစဉ်ဖြင့် တင်ဆက်ပေးခဲ့ကြောင်း မမြတ်နိုး က ရှင်းပြသည်။

မြန်မာနိုင်ငံ၌ ပထမဆုံး အကြိမ်ကျင်းပနိုင်ခဲ့၍ ၀မ်းမြောက်မိကြောင်း၊ အခမ်းအနားဖြစ်မြောက်ရေးအတွက် ဒေသဆိုင်ရာ အာ ဏာပိုင်များနှင့် ညှိနှိုင်းဆောင်ရွက်ခဲ့ရကြောင်း ထိုင်းနိုင်ငံ ရနောင်းမြို့အခမ်းအနားကို ဦးဆောင်စီစဉ်သူတဦးဖြစ်သည့် လူ့အခွင့် အရေး ပညာပေးဌာန(HREIB)၏ ညွန်ကြားရေးမှူးနှင့် လိင်တူချစ်သူတဦး ဖြစ်သူ ဦးအောင်မျိုးမင်း ကလည်း ဧရာဝတီကို ပြော သည်။

“နိုင်ငံရေး လုပ်မှာလည်း မဟုတ်ဘူး၊ တန်းစီလမ်းလျှောက်မှာလည်း မဟုတ်ဘူး၊ ခန်းမထဲမှာပဲ ဆွေးနွေးဟောပြောတာတွေလုပ်မှာပါ ဆိုပြီး တင်ပြခဲ့ရပါတယ်”ဟု ၎င်းက ဆိုသည်။

လိင်တူ ချစ်သူများအား အကြောင်းမဲ့ မုန်းတီးမှုများ ပပျောက်ရေးနှင့် ကမ္ဘာ့ကျန်းမာရေး အဖွဲ့ကြီး(WHO)က ၁၉၉၁ ခုနှစ် မေလ ၁၇ ရက်နေ့တွင် လိင်တူချစ်သူများအား စိတ်မနှံ့သူ၊ မူမှန်စိတ် မရှိသူများအဖြစ်မှ ပယ်ဖျက်ခဲ့ခြင်းကို ဂုဏ်ပြုသည့် အနေဖြင့်ကျင်း ပရခြင်းဟု ဦးအောင်မျိုးမင်း က ပြောသည်။ လိင်တူချစ်သူများသည် သာမန်လူများသာ ဖြစ်သည်ဟုလည်း ဆိုသည်။

လိင်တူချစ်သူများနေ့အား နိုင်ငံတကာ၌ လွတ်လပ်စွာ ကျင်းပခွင့် ရရှိပြီး လမ်းမပေါ်၌ စီတန်းလမ်းလျှောက်ခြင်း၊ ဆန္ဒပြတောင်း ဆိုခြင်းတို့အား လွတ်လပ်စွာ လုပ်ဆောင်ခွင့်ရသော်လည်း မြန်မာနိုင်ငံ၌ ကန့်သတ် တားမြစ်ခြင်းနှင့် ခွဲခြား ဆက်ဆံခြင်းများ ရှိနေဆဲဟု လိင်တူ ချစ်သူများက ပြောသည်။

“လိင်တူချစ်သူတွေကို အကြောင်းမဲ့ မုန်းတီးနေတာကို ပပျောက်ဖို့၊ လူလိုသူလို မြင်ပြီးတော့ အသိအမှတ်ပြုပေးဖို့၊ ဒီကိစ္စတွေ ကို ကိုယ့်အချင်းချင်းကြားမှာ မသိသေးတဲ့သူတွေကို ပညာပေးဖို့ဆိုတဲ့ ကိစ္စတွေကို လုပ်ဆောင်သွားမှာပါ”ဟု ဦးအောင်မျိုးမင်း က ဆိုသည်။

လိင်တူချစ်သူများနေ့ကို မြန်မာနိုင်ငံ ရန်ကုန်မြို့၊ ကျောက်ပန်းတောင်း၊ မော်လမြိုင်၊ မုံရွာမြို့များနှင့် ထိုင်းနိုင်ငံ၊ ရနောင်းမြို့တို့၌ ယနေ့ ကျင်းပပြီး မန္တလေး မြို့၌ မနက်ဖြန်တွင် ပြုလုပ်သွားမည်ဖြစ်ကြောင်း၊ ရန်ကုန်မြို့ အခမ်းအနားသို့ ဧည့်သည် ၄၀၀ ၀န်းကျင် တက်ရောက်ခဲ့ကြောင်း သိရသည်။

ရန်ကုန်၊ မန္တလေး မြို့ကြီးများမှအပ ကျန်သည့် ကျေးလက် မြို့နယ်များ၌ လိင်တူ ချစ်သူများနှင့်ပတ်သက်၍ ခွဲခြား ဆက်ဆံမှု၊စိတ်ပိုင်း ဆိုင်ရာ၊ လိင်ပိုင်းဆိုင်ရာ စော်ကားမှု၊ အထင်သေးမှု တို့ရှိနေဆဲဖြစ်ကြောင်း၊ ခေတ်ပညာ၊ အတတ်ပညာ တတ်မြောက်ထားသည့် လိင်တူ ချစ်သူများသည် ပတ်ဝန်းကျင်၏ ခွဲခြားဆက်ဆံမှုကို ခံနိုင်ရည် ရှိသော်လည်း အခြေခံပညာ နည်းပါးသူများသည် ဘ၀ပျက်စီးသွားကြကြောင်း ချင်းမိုင်၌ နေထိုင်သူ မြန်မာနိုင်ငံသား လိင်တူချစ်သူ တဦးက ပြောပြသည်။

“ပတ်ဝန်းကျင်အပြင် မိဘဆွေမျိုးတွေက ပါ ခွဲခြားဆက်ဆံတာ ခံရဖန်များလာတော့ အားငယ်လာတယ်၊ မိမိကိုယ်ကို ယုံကြည် မှု နည်းလာပြီး မထူးတော့ဘူး ဆိုပြီး ဘ၀ပျက်၊ အဆုံးစီရင်သွာတဲ့ သူတွေအများကြီး ကြုံဖူးပါတယ်”ဟု ၎င်းက ပြောသည်။

လိင်တူချစ်သူများနှင့်ပတ်သက်၍ မြန်မာနိုင်ငံ၌ မှောင်ရိပ်ခိုမှု နှင့် ပုဒ်မ ၃၇၇ စသည့် ဥပဒေနှစ်မျိုး ကျင့်သုံးကာ အာဏာပိုင်များက အနိုင်ကျင့်စော်ကားမှု ပြုလုပ်နေကြောင်း၊ လိင်တူချစ်သူ တဦးဦးအား ညဘက်တွင်တွေ့ပါက မှောင်ရိပ်ခိုမှုနှင့် ကနဦး ဖမ်း ဆီးပြီး မှောင်ရိပ်ခိုမှု မမြောက်ပါက ပုဒ်မ ၃၇၇ ဖြင့် စွဲဆိုကာ ငွေညှစ်ခြင်း၊ အနိုင်ကျင့်စော်ကားခြင်းတို့ လုပ်ဆောင်လေ့ရှိကြောင်း လိင်တူ ချစ်သူများက ပြောသည်။

ရန်ကုန်မြို့အတွင်းရှိ မြေအောက် သန့်စင်ခန်းများ၌ လိင်တူချစ်သူများနှင့်ပတ်သက်၍ လိင်မှုဆိုင်ရာ ပြဿနာများ၊ မူးယစ်ဆေး ၀ါး ပြဿနာများ မကြခဏဖြစ်ပွားနေသည်ဟု ဆိုကာ မြေအောက် သန့်စင်ခန်းများအား ပိတ်သိမ်းကြောင်း မြို့တော်စည်ပင် က ပြီးခဲ့သည့်လတွင် ကြေညာခဲ့သေးသည်။

ထိုသို့ တလွဲကျင့်သုံးနေသည့် ပုဒ်မ ၃၇၇ အား ပယ်ဖျက်ပေးရေး ကိစ္စကို လှုပ်ရှားဆောင်ရွက်သွားမည်ဟု လိင်တူချစ်သူများက ဧရာဝတီ ကိုပြောသည်။

ပုဒ်မ ၃၇၇ သည် လိင်တူအချင်းချင်း ဆက်ဆံသည်ကို လက်တွေ့ဖမ်းမိပါက အရေးယူသော ဥပဒေပုဒ်မ တခု ဖြစ်သည်။

“ဒီပုဒ်မက ထောင်ဒဏ် ၁၀ နှစ်ကနေ ထောင်ဒဏ် တသက်အထိ လိုရင်လိုသလို အပြစ်ပေနိုင်တဲ့ ပုဒ်မတခုပါ၊ ဒီဟာကို မတ ရားတဲ့၊ လူ့အခွင့်အရေး ချိုးဖောက်ခံရတဲ့ ဥပဒေ ပုဒ်မ တခုပါလို့ သိသူနည်းပါးနေပါတယ်”ဟု ဦးအောင်မျိုးမင်း က ဆိုသည်။

မြန်မာနိုင်ငံ၌ “လိင်တူချစ်သူများ”ဟု သုံးနှုန်းခေါ်ဝေါ်ခြင်းမရှိသေးဘဲ မိန်းမလျာ၊ အခြောက်၊ ရှောက်သီးဆေးပြားသည်၊ ဂန်ဒူး၊ အပုန်း၊ အပွင့် စသည်ဖြင့် ခေါ်ဝေါ်နေကြဆဲ အခြေအနေဖြစ်သော်လည်း လိင်တူအချင်းချင်း ချစ်သူစုံတွဲများကို တွေ့မြင်လာရ သည်ဟု ရန်ကုန်မြို့ခံ လူငယ်တချို့က ပြောဆိုကြသည်။

လက်ရှိသတ်မှတ်ထားသော လိင်တူချစ်သူ အမျိုးအစားများမှာ အမျိုးသားချင်း ချစ်သူ(Gay)၊ အမျိုးသမီးချင်း ချစ်သူ (Lesbian)၊ ကျားမ လိင် နှစ်မျိုစလုံးကို စိတ်ဝင်စားသူ(Bisexual )၊ လိင်ပြောင်းထားသူ(Transgender ) စသည်တို့ ဖြစ် ကြောင်း သိရသည်။

စာနယ်ဇင်းကောင်စီဖွဲ့ရေး ဂျာနယ်လစ်အဖွဲ့များ သဘောမတူသေး

By featured, ငြိမ်းငြိမ်း on May 17, ဧရာဝတီ

ပြန်ကြားရေးဝန်ကြီးဌာနက ဦးစီးလုပ်ဆောင်နေသော မြန်မာစာနယ်ဇင်းကောင်စီ (Press Council) ဖွဲ့စည်းရေးအတွက် လွတ်လပ်သော စာနယ်ဇင်းအဖွဲ့များ ပူးပေါင်းပါဝင်ရေးတွင် စာနယ်ဇင်းကောင်စီ လုပ်ငန်းများနှင့် ပတ်သက်ပြီး လက်မခံနိုင်စရာအချက်များ ရှိနေသည့်အတွက် မြန်မာစာနယ်ဇင်းအဖွဲ့များက ပြန်ကြားရေးဝန်ကြီးဌာနထံ တင်ပြဆွေးနွေးသွားရန်ရှိကြောင်း သတင်းရရှိသည်။

၂၀၁၁ ခုနှစ် သြဂုတ်လ ၁၁ ရက်နေ့က နေပြည်တော် သတင်းစာရှင်းလင်းပွဲတွင် တွေ့ရသော ပြန်ကြားရေးဝန်ကြီး ဦးကျော်ဆန်းနှင့် သတင်းထောက်များ (ဓာတ်ပုံ - Reuters)

ပြန်ကြားရေးဝန်ကြီး ဦးကျော်ဆန်းနှင့် ပြီးခဲ့သည့် ရက်ပိုင်းက တွေ့ဆုံခဲ့သော စာနယ်ဇင်းအဖွဲ့ ၆ ဖွဲ့အနက် မြန်မာနိုင်ငံ သတင်းစာဆရာအသင်း (MJA) ဖြစ်မြောက်ရေးကော်မတီ၊ မြန်မာစာနယ်ဇင်း သမဂ္ဂ (MJU) နှင့် မြန်မာဂျာနယ်လစ် ကွန်ရက် (MJN) တို့သည် စာနယ်ဇင်းကောင်စီတွင် ပါဝင်ရေး မပါဝင်ရေး၊ ကောင်စီသို့ ကိုယ်စားလှယ် လွှတ်ရေး မလွှတ်ရေး ဆွေးနွေးနေကြကြောင်း သိရသည်။

ဝန်ကြီး ဦးကျော်ဆန်းက စာပေစိစစ်ရေးဌာနကို ဖျက်သိမ်းမည်ဖြစ်ပြီး သမ္မတ ဦးသိန်းစိန်အမိန့်ဖြင့် စာနယ်ဇင်းကောင်စီကို ဖွဲ့ပေးမည်ဖြစ်ကြောင်း၊ မကြာခင် လပိုင်းအတွင်း စာနယ်ဇင်းကောင်စီက စတုတ္ထမဏ္ဍိုင် မီဒီယာတိုးတက်မှုအတွက် ထိန်းကြောင်း ကြပ်မတ်သွားမည် ဖြစ်ကြောင်းနှင့် ကောင်စီအတွက် လွတ်လပ်သော စာနယ်ဇင်းအဖွဲ့ တဖွဲ့ချင်းစီမှ ကိုယ်စားလှယ် ၆ ဦးကျစီ ယခုလ မေလအတွင်း စာရင်းပေးရန် သတင်းထောက်များနှင့် တွေ့စဉ်က ပြောဆိုခဲ့သည်။

MJA ဖြစ်မြောက်ရေးကော်မတီ အထွေထွေအတွင်းရေးမှူး ဦးကိုကို (စက်မှု) က ၄င်းတို့အဖွဲ့တွင်း ဆွေးနွေးချက်များအရ လက်မခံနိုင်သော အချက်များကို ပြင်ဆင်ပေးရန် တင်ပြမည်ဟု ဧရာဝတီသို့ ပြောသည်။

“Press Council ဖွဲ့စည်းမှုကို မူအားဖြင့်တော့ သဘောတူပါတယ်။ အဲဒီမှာပါတဲ့ တချို့သော အချက်တွေကို သဘောမတူဘူး။ တချို့ဟာတွေက စာပေစိစစ်ရေး မှတ်ပုံတင်ဌာနက လုပ်ရမယ့်ဟာတွေ ဖြစ်နေတယ်။ ဆိုတော့ အဲဒီအလုပ်တွေ ကျနော်တို့က မလုပ်နိုင်ဘူး။ ကျနော်တို့အနေနဲ့ မသင့်လျော်ဘူးလို့ ရှာတွေ့ထားတဲ့ အချက်တွေပေါ့။ တချို့အချက်တွေကို ပြင်ပေးဖို့ တချို့အချက်တွေကို ဖြုတ်ပေးဖို့ အဲဒါ ပြန်ပြီးပြောမယ်လို့ စဉ်းစားထားတယ်။ လောလောဆယ် အမည်စာရင်း တင်သွင်းနိုင်ခြင်းတော့ မရှိသေးဘူး” ဟု ဦးကိုကို (စက်မှု) က ပြောသည်

MJA ဖြစ်မြောက်ရေး ကော်မတီအနေဖြင့် ၄င်းတို့လိုလားချက်များကို ပြန်ကြားရေးဝန်ကြီးဌာနသို့ စာရေးသား ပေးပို့ပြီး ညှိနှိုင်းဆောင်ရွက်သွားမည်ဟု သိရသည်။ ဤသို့ပြုလုပ်ခြင်းသည် စာနယ်ဇင်းကောင်စီကို လွတ်လပ်သော အဖွဲ့အစည်း ဖြစ်စေလိုပြီး အားလုံးလက်ခံသော အဖွဲ့ဖြစ်လာစေရန် ကွဲလွဲချက်တချို့ကို ထောက်ပြခြင်းသာ ဖြစ်ကြောင်း ဦးကိုကို (စက်မှု) က ပြောသည်။

စာနယ်ဇင်းကောင်စီအနေဖြင့် ဖြေရှင်းဆောင်ရွက်ပေးရမည့် လုပ်ငန်းများထဲတွင် စာနယ်ဇင်းလွတ်လပ်ခွင့်ကို တည်ဆဲ ဥပဒေနှင့်အညီ ထိန်းသိမ်းကာကွယ်ရန်နှင့် ၁၉၆၂ ခုနှစ် ပုံနှိပ်မီဒီယာ ဥပဒေ၊ စာပေစိစစ်ရေး မူဝါဒများနှင့်အညီ စာနယ်ဇင်းများအား ကြီးကြပ်ထိန်းသိမ်း ဆောင်ရွက်ရန် စသည့်အချက်များ ပါဝင်သည်။

မြန်မာစာနယ်ဇင်း သမဂ္ဂ (MJU) ဖြစ်မြောက်ရေး လှုပ်ရှားနေသော ကိုဇော်သက်ထွေးက “ကျနော်တို့ရဲ့အဖွဲ့ ရည်ရွယ်ချက်က လွတ်လပ်စွာ စာပေရေးသားခွင့်ကို ကာကွယ်ဖို့နဲ့ သတင်းထောက်တွေရဲ့ အခွင့်အရေး ကာကွယ်ဖို့ ဖြစ်ပါတယ်။ အဲဒီတော့ တကယ်လို့ ၀န်ကြီးပြောသလို စာပေစိစစ်ရေးဆိုတာကို ဖျက်သိမ်းပြီးတော့ ဒီမီဒီယာကို ကြီးကြပ်ဖို့ Press Council ဆိုတာ ပေါ်လာမယ်ဆိုရင် ကျနော်တို့အဖွဲ့အနေနဲ့ ပူးပေါင်း ပါဝင်ဆောင်ရွက်ဖို့က နည်းနည်း ခဲယဉ်းပါတယ်။ အကြမ်းဖျဉ်း စည်းဝေးထားချက်အရ ကျနော်တို့ Press Council မှာ ပါဝင်ဖို့ စဉ်းစားထားခြင်း မရှိသေးပါဘူး” ဟု ဧရာဝတီသို့ ပြောသည်။

အသစ်ဖွဲ့စည်းမည့် စာနယ်ဇင်းကောင်စီတွင် မီဒီယာလောကသားများနှင့် အများပြည်သူက လေးစားသော လူပုဂ္ဂိုလ် အဖွဲ့အစည်းများဖြင့် ပါဝင်ဖွဲ့စည်းသင့်ကြောင်း ကိုဇော်သက်ထွေးက ပြောသည်။

ပြန်ကြားရေးဝန်ကြီး ဦးကျော်ဆန်းက သတင်းထောက်များနှင့် တွေ့ဆုံစဉ် စာနယ်ဇင်းကောင်စီ၌ မည်သို့သော ပုဂ္ဂိုလ်များ ပါဝင်မည်ကို ရှင်းရှင်းလင်းလင်း ပြောကြားခဲ့ခြင်း မရှိကြောင်း သိရသည်။

“သူတို့ဘက်က Nomination တင်သွင်းတဲ့ပုဂ္ဂိုလ်တွေ ပါလာမယ်။ စာပေစိစစ်က စာပေသမားတွေကို ထိန်းချုပ်တဲ့ အလုပ်တွေ ပါဝင်လာမယ် ဆိုရင်တော့ Press Council က မီဒီယာလောကသားတွေအတွက် ထူးထူးခြားခြား အကျိုးဖြစ်ထွန်းမယ်လို့တော့ မယူဆပါဘူး” ဟု ကိုဇော်သက်ထွေးက ဆိုသည်။

လေ့လာသူများကမူ ပြန်ကြားရေးဝန်ကြီးဌာနက တင်ပြလာသော စာနယ်ဇင်းကောင်စီ လုပ်ငန်းတာဝန်များကို ကြည့်ခြင်းအားဖြင့် ယင်းကောင်စီသည် စာပေစိစစ်ရေးဌာနကို အစားထိုးဖွဲ့စည်းခြင်းသာ ဖြစ်ကြောင်း သုံးသပ်ကြသည်။

စာနယ်ဇင်းကောင်စီကို နိုင်ငံတကာ Press Council များနည်းတူ လွတ်လပ်သောအဖွဲ့ ဖြစ်စေချင်ကြောင်း စာနယ်ဇင်းသမားများက ပြောဆိုသည်။

MJA ဖြစ်မြောက်ရေးကော်မတီ ဒုဥက္ကဋ္ဌ ဦးသီဟစောက “တကယ်တမ်း စာနယ်ဇင်းကောင်စီဆိုတာ ဆရာတို့ ယူဆတာက သတင်းစာ ဂျာနယ်လစ်တွေရဲ့ ကျင့်ဝတ်ကိစ္စတွေ ရေးမယ်၊ ပြောမယ်။ ဒါတွေကို ကျင့်ကြံအောင် ကာကွယ်မယ်။ ဂျာနယ်လစ် အခွင့်အရေးအတွက် ကာကွယ်မယ်။ ပြဿနာတွေမှာ ကြားဝင်ဖြေရှင်းပေးမယ်။ အဲဒီလောက်ပဲ လုပ်ရမှာ” ဟု ပြောသည်။

MJA ဖြစ်မြောက်ရေးကော်မတီ၊ MJU, MJN တို့အနေဖြင့် အမြင်သဘောထားများ ဖလှယ်နိုင်ရေးအတွက် သုံးပွင့်ဆိုင် ဆွေးနွေးသွားရန် ရှိကြောင်းလည်း သိရသည်။

နိုင်ငံခြားရင်းနှီးမြှုပ်နှံမှု စွမ်းအင်နှင့် သယံဇာတ တူးဖော်ရေးတွင်သာ များလာ

By featured, ဖိုးသိုက် on May 17, ဧရာဝတီ

နိုင်ငံခြား ရင်းနှီးမြှုပ်နှံမှု ပမာဏမှာ ၂၀၁၁-၁၂ ဘဏ္ဍာရေးနှစ်တွင် အမေရိကန်ဒေါ်လာ ၂၀ ဘီလီယံ ကျော် သိသာစွာ တိုးတက်မှု ရှိခဲ့သော်လည်း သဘာဝ အရင်းအမြစ်များ အပေါ် အခြေခံသည့် ရင်းနှီးမြှုပ်နှံမှုများသာ ရာခိုင်နှုန်း အများဆုံးဖြစ်ကြောင်း သိရှိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီး၏ အကြံပေး ဒေါက်တာမောင်အောင် အဆိုအရ နိုင်ငံခြား တိုက်ရိုက်ရင်းနှီးမြှုပ်နှံမှု ပမာဏ တိုးတက်လာရေး အတွက် စီးပွားရေးဆိုင်ရာ ပြုပြင်ပြောင်းလဲမှုများကို အစိုးရက ပြုလုပ်ခဲ့ပြီးနောက် နိုင်ငံခြား ရင်းနှီးမြှုပ်နှံမှုမှာ အမေရိ ကန်ဒေါ်လာ ၄၀ ဘီလီယံကျော်ဖြစ်လာခဲ့သည့် အတွက် ပြီးခဲ့သည့် ၂၀၁၀-၁၁ ဘဏ္ဍာရေးနှစ်နှင့် နှိုင်းယှဉ်လျှင် ဒေါ်လာ ၂၀ ဘီလီယံကျော် “သိသာစွာတိုးတက်” မှုရှိခဲ့ကြောင်း သိရသည်။

“သဘာဝ အရင်းအမြစ်တွေ အပေါ်မှာဘဲ ရင်းနှီးမြှုပ်နှံမှု တိုးတက်ရတဲ့ အကြောင်းအရင်းက နိုင်ငံခြားသား စီးပွားရေး လုပ်ငန်းရှင်တွေ အနေနဲ့ သူတို့မှာ ဒီလုပ်ငန်းနဲ့ ဆိုင်တဲ့ နည်းပညာ ပိုင်း ဆိုင်ရာ အားသာချက် တွေရှိတဲ့အပြင် သူတို့အတွက် အကျိုးအမြတ် ရရှိမှုကလည်း သေချာမှု ရှိတာကြောင့်ပါ။ ကျန်တဲ့အခြားလုပ်ငန်းတွေက သူတို့အနေနဲ့ စွန့်စားပြီး လုပ်ရမယ့် အခြေ အနေတွေကြောင့် အကျိုးအမြတ်က သေချာမှုမရှိလို့ ဒီလုပ်ငန်းတွေ အပေါ်မှာ ရင်းနှီးမြှုပ်နှံမှုက သိသာစွာ တိုးတက်ပြောင်းလဲမှု မရှိဘူး” ဟု ဒေါက်တာမောင်အောင်က ပြောသည်။

မြန်မာ့ရင်းနှီးမြှုပ်နှံမှုေ က်ာမရှင်က ထုတ်ပြန်သည့် စာရင်းများအရ နိုင်ငံခြား တိုက်ရိုက် ရင်းနှီးမြှုပ်နှံမှုပမာဏမှာ ၂၀၁၁-၁၂ ဘဏ္ဍာရေးနှစ်တွင် ဒေါ်လာသန်းပေါင်း ၄၀၆၉၉ ရှိသည့်အနက် သဘာဝ အရင်းအမြစ်များ ဖြစ်သည့် စွမ်းအင်၊ ရေနံနှင့် သဘာဝ ဓာတ်ငွေ့ကဏ္ဍတွင် ဒေါ်လာ သန်းပေါင်း ၃၂၉၃၆ ရှိသောကြောင့် နိုင်ငံခြားရင်းနှီးမြှုပ်နှံမှု ပမာဏစုစုပေါင်း၏ ၈၀ ရာခိုင်နှုန်းခန့်ရှိပြီး ကုန်ထုတ်လုပ်မှု ကဏ္ဍတွင် ဒေါ်လာသန်းပေါင်း ၁၇၆၀ ရှိသည့်အတွက် စုစုပေါင်း ရင်းနှီးမြှုပ်နှံမှု ပမာဏ၏ ၄ ရာခိုင်နှုန်းသာရှိသည်။

နိုင်ငံအလိုက် ရင်းနှီးမြှုပ်နှံမှုမှာ ၂၀၁၁-၁၂ ဘဏ္ဍာရေးနှစ်တွင် တရုတ်နိုင်ငံ၏ ရင်းနှီးမြှုပ်နှံမှုမှာ ဒေါ်လာ ၁၃ ဘီလီယံကျော်ရှိကာ စုစုပေါင်း ရင်းနှီးမြှုပ်နှံမှု ပမာဏ၏ ၃၄ ရာခိုင်နှုန်းကျော်ဖြင့် ပထမအဆင့်တွင် ရှိနေပြီး ထိုင်းနိုင်ငံ၏ ရင်းနှီးမြှုပ်နှံမှုက ဒေါ်လာ ၉ ဘီလီယံကျော်ရှိကာ ၂၃ ရာခိုင်နှုန်းကျော်ဖြင့် ဒုတိယ အဆင့်တွင်ရှိနေသည်။

ပြီးခဲ့သည့် ၂၀၁၀-၁၁ ဘဏ္ဍာရေးနှစ်တွ င် တရုတ်နိုင်ငံ၏ ရင်းနှီးမြှုပ်နှံမှုမှာ ဒေါ်လာ ၈ ဘီလီယံကျော်နှင့် ထိုင်းနိုင်ငံ၏ ရင်းနှီးမြှုပ်နှံမှုမှာ ဒေါ်လာ ၂ ဘီလီယံကျော်သာ ရှိခဲ့သည်။

“နိုင်ငံခြား ရင်းနှီးမြှုပ်နှံမှုတွေက သဘာဝ အရင်းအမြစ်တွေ အပေါ်မှာဘဲ အခြေခံပြီးတော့ ရင်းနှီးမြှုပ်နှံမှုရှိနေတာ တိုင်းပြည် စီးပွားရေး ရေရှည်ဖွံ့ဖြိုးတိုးတက်မှု မရှိနိုင်ဘူး။ဒါကြောင့် တိုင်းပြည်၏စီးပွားရေး ရေရှည်ဖွံ့ဖြိုး တိုးတက်ဖို့အတွက် ဒို့လိုချင်တာက ကုန်ထုတ်လုပ်မှု ကဏ္ဍတွေ မှာ ရင်းနှီးမြှုပ်နှံမှု တိုးတက်လာဖို့ပါ။ ဘာကြောင့်လဲဆိုတော့ ကုန်ထုတ်လုပ်မှု ကဏ္ဍတိုးတက်လာမှ တိုင်းပြည်ရဲ့ စီးပွားရေး တိုးတက်လာပြီး အလုပ်အကိုင် ရရှိမှုအ ခွင့်အလမ်းတွေ ပိုများလာမှာဖြစ်တယ်။ ဒါကြောင့် ကုန်ထုတ်လုပ်မှု ကဏ္ဍအပေါ်မှာ ၀င်ရောက် ရင်းနှီးမြှုပ်နှံလာဖို့ ပိုပြီးတော့ ဖိတ်ခေါ်ရမှာဖြစ်တယ်” ဟု ဒေါက်တာမောင်အောင်က ဆိုသည်။

နိုင်ငံခြား ရင်းနှီးမြှုပ်နှံမှုများ စက်မှုဇုန် ကဏ္ဍတွေ အပေါ်မှာ ၀င်ရောက် ရင်းနှီးလာဖို့ မြန်မာနိုင်ငံက အလိုရှိကြောင်း၊ အလုပ်အကိုင် အခွင့်အလမ်းတွေ ပိုမိုဖန်တီးပေးနိုင်ရန် စိုက်ပျိုးရေးနှင့် ကုန်ထုတ်လုပ်မှု ကဏ္ဍတွေအပေါ် ပိုပြီး ရင်းနှီးမြှုပ်နှံစေချင်ကြောင်း မြန်မာ့ရင်းနှီးမြှုပ်နှံမှုကော်မရှင် ဥက္ကဌ ဦးစိုးသိန်းက ဖေဖော်ဝါရီလ တစ်ရက်နေ့က အစိုးရရိပ်သာတွင်ပြုလုပ်ခဲ့သည့် ဥရောပစီးပွားရေး လုပ်ငန်းရှင်များနှင့် တွေ့ဆုံမှုတွင်ပြောကြားခဲ့သေးသည်။

“ကျွန်တော်တို့အနေနဲ့ အသေးစားနဲ့ အလတ်စား စက်မှုလုပ်ငန်းတွေ အပေါ်မှာ နိုင်ငံခြား ရင်းနှီးမြှုပ်နှံမှုတွေ ၀င်လာဖို့ ဦးစားပေးအနေနဲ့ ဆောင်ရွက်သွားဖို့ ရှိပါတယ်။ ဘာလို့လဲဆိုတော့ ဒီစက်မှုလုပ်ငန်းတွေက အလုပ်အကိုင် အခွင့်အလမ်းတွေ ကို ပိုမိုဖန်တီးနိုင်လို့ပါ။ အလားတူ စိုက်ပျိုးရေး ကဏ္ဍအပေါ်မှာလဲ နိုင်ငံခြား ရင်းနှီးမြှုပ်နှံမှုတွေ ၀င်ရောက်လာစေချင်ပါတယ်။ ဘာကြောင့်လဲဆိုတော့ ကျွန်တော်တို့ဆီမှာ စိုက်ပျိုးနိုင်တဲ့ လယ်ယာမြေက အများကြီးရှိတဲ့ အပြင် နိုင်ငံအနေနဲ့ကလဲ စိုက်ပျိုးရေးကို အခြေခံပြီး ဖွံ့ဖြိုးတိုးတက်ရေးမှာ အလားအလာ ကောင်းတွေရှိနေလို့ပါ” ဟု ဦးစိုးသိန်းက ဆိုသည်။

မြန်မာနိုင်ငံတွင် လာရောက် ရင်းနှီးမြှုပ်နှံရန် အတွက် နိုင်ငံခြားသား ရင်းနှီးမြှုပ်နှံသူများ အနေဖြင့်လည်း စောင့်ကြည့်လျက် ရှိနေကြောင်း ဟောင်ကောင် အခြေစိုက် မြန်မာနိုင်ငံဆိုင်ရာ ရင်းနှီးမြှုပ်နှံမှုနှင့် အကြံပေးကုမ္ပဏီ Bagan Capital မှ အမှုဆောင်အရာရှိချုပ် မစ္စတာဂျရီမီခရောစောဂျုန်းက ပြောဆိုထားကြောင်း ပြည်တွင်းသတင်း အေဂျင်စီများတွင် ဖော်ပြထားသည်။

“နိုင်ငံခြားသား ရင်းနှီးမြှုပ်နှံသူတွေ အနေနဲ့ မြန်မာနိုင်ငံမှာ ဟိုတယ်နဲ့ ခရီးသွားလုပ်ငန်း၊ ရေနံနှင့် သဘာဝဓာတ်ငွေ့ လုပ်ငန်း၊ စိုက်ပျိုးရေးလုပ်ငန်း၊ အသေးစား ကုန်ထုတ်လုပ်မှု လုပ်ငန်းတွေ နဲ့ စားသောက်ကုန် လုပ်ငန်းတွေမှာ ရင်းနှီးမြှုပ်နှံဖို့ကို ပိုပြီးစိတ်ဝင်စားမှုရှိကြတယ်” ဟု ဂျရီမီခရောစောဂျုန်းကဆိုသည်။

ကုန်ထုတ်လုပ်မှုကဏ္ဍတွင် နိုင်ငံခြားရင်းနှီးမြှုပ်နှံမှု တိုးတက်လာရေးအတွက် လုပ်ငန်းခွန်စည်းကြပ်မှု ကင်းလွတ်ခွင့်ကို ငါးနှစ်အထိတိုးထားသည့်အပြင် ငွေကြေး လွယ်ကူစွာ လွဲပြောင်းဆောင်ရွက်နိုင်ရန်နှင့် နိုင်ငံတကာ စီးပွားရေးနှင့် လိုက်လျောညီထွေမှုရှိအောင် လုပ်ဆောင်နေသောကြောင့် ကုန်ထုတ်လုပ်မှုကဏ္ဍတွင် ရင်းနှီးမြှုပ်နှံမှု တိုးတက်လာမည်ဟု မျှော်မှန်းထားကြောင်းလည်း ဒေါက်တာမောင်အောင်က ဆိုသည်။

“တရုတ်၊ ထိုင်း၊ ဗီယက်နမ်နိုင်ငံတွေမှာ လုပ်အားခဈေးနှုန်းတွေမြင့်တက်မှုရှိလာတာကြောင့် အဲ့ဒီနိုင်ငံမှာရှိတဲ့ လုပ်ငန်းတွေ မြန်မာနိုင်ငံအတွ င်းထဲကို ၀င်ရောက်လာမှာဖြစ်လို့ ကုန်ထုတ် လုပ်မှု ကဏ္ဍအပေါ်မှာ နိုင်ငံခြားရင်းနှီးမြှုပ်နှံမှုတွေ တိုးလာဖို့ရှိပါတယ်”ဟု ဒေါက်တာမောင်အောင်က ပြောသည်။

မြန်မာ အလုပ်သမားများ ဘဏ်မှတဆင့် အိမ်ကို ငွေလွှဲနိုင်တော့မည်

By featured, သန်းထိုက်ဦး on May 17, 2ဧရာဝတီ

အစိုးရနှင့် နီးစပ်သည့် စီးပွားရေး လုပ်ငန်းရှင် ဦးတေဇပိုင် အာရှစိမ်းလန်းမှု ဖွံ့ဖြိုးရေးဘဏ် (Asia Green Development Bank-AGD) သည် ထိုင်းနိုင်ငံရှိ ပုဂ္ဂလိက ဘဏ်တခုဖြစ်သော K-Bank (Kasikorn Bank)နှင့် ပူးပေါင်း၍ ငွေလွှဲမှု လုပ်ငန်းများကို ဇွန် လ ဆန်းပိုင်းတွင် စတင် ဆောင်ရွက်မည် ဖြစ်ကြောင်း သတင်းရသည်။

အာရှစိမ်းလန်းမှု ဖွံ့ဖြိုးရေးဘဏ်(AGD)နှင့် ထိုင်း Kasikorn Bank တို့ မြန်မာ အလုပ်သမားများအတွက် ငွေလွှဲလုပ်ငန်း သဘောတူ လက်မှတ်ရေးထိုးပွဲ (ဓာတ်ပုံ - The Nation)

ထိုင်းနှင့်မြန်မာ ပုဂ္ဂလိကဘဏ်မှတဆင့် ငွေလွှဲနိုင်မည့် ယခု အစီအစဉ်သည် ပထမဆုံး ပြုလုပ်သည့် အစီအစဉ်လည်း ဖြစ်သည်။

ယင်း အစီအစဉ်အရ ဘဏ်မှ တရက်လျှင် ဘတ် ငွေ ၉၀၀၀၀ (အမေရိကန် ဒေါ်လာ ၃၀၀၀) ခန့် လွှဲခွင့်ပြုမည်ကြောင်း Kasi korn Bank ၏ ဒု ဥက္ကဋ္ဌ Mr.Somkiat Siri Chat ၏ ပြောကြားချက်ကို မန်နေဂျာ အွန်လိုင်း အင်တာနက် စာမျက်နှာတွင် ယမန်နေ့က ဖော်ပြ ထားသည်။

“အခုလို နှစ်နိုင်ငံ ပူးပေါင်းဆောင်ရွက်ရတဲ့ အကြောင်းကတော့ ထိုင်းနိုင်ငံမှာ ရှိနေတဲ့ အလုပ်သမားတွေ ယုံကြည်စိတ်ချစွာနဲ့ ဘဏ် ကနေ တဆင့် ငွေလွှဲလို့ အဆင်ပြေအောင် ဖြစ်ပါတယ်၊ အချိန်နဲ့ ငွေလက်ခံရရှိတဲ့ အထိ ဘဏ်ကနေ အာမခံတယ်”ဟု Mr.Somkiat Siri Chat က ဆိုသည်။

ယခုငွေလွှဲအစီအစဉ်အား ထိုင်းတွင် တရားဝင် လာရောက် အလုပ်လုပ်ကိုင်နေသည့် မြန်မာနိုင်ငံသား ၁.၆ သန်း ခန့်ကို ရည်ရွယ် လုပ်ဆောင်ခြင်းဖြစ်ပြီး မြန်မာနိုင်ငံသားအများစု နေထိုင်ကြသည့် ဘန်ကောက်၊ ဆမွတ်ဆာခွန်၊ စမွတ်ပကန်၊ နွန်ထပ်ဘူရီ၊ ပထုံ ဌာနီ၊ ချွန်ဘူရီ၊ လရောင်း၊ စူရတ်ဌာနီ၊ စွန်းခလာ၊ ဖူးကက် နှင့် ချင်းမိုင်မြို့များရှိ Kasi korn Bank နှင့် ATM များမှ ပေးပို့နိုင်မည်ဖြစ် ကြောင်း သိရသည်။

ထိုင်းနိုင်ငံရှိ Kasikorn Bank အနေနှင့် လာမည့် အောက်တိုဘာလအတွင်း မြန်မာနိုင်ငံ၌ ရုံးခွဲဖွင့်နိုင်ရန် မျှော်လင့်ထားကြောင်း လည်း Mr.Somkiat Siri Chat က ဆက်ပြောသည်။

ထိုင်းနိုင်ငံရောက် မြန်မာ အလုပ်သမားများက မြန်မာနိုင်ငံရှိ မိသားစုဝင်များထံသို့ ငွေလွှဲ ပို့ရာတွင် ငွေလွှဲသူ၏ အမည်၊ မှတ်ပုံ တင် နံပါတ်(သို့) ပတ်စ်ပို့ နံပါတ်(သို့) အလုပ်သမား မှတ်ပုံတင် နံပါတ်၊ လိပ်စာ (ငွေကြေး ခ၀ါချမှု ဥပဒေအရ လိုအပ်ချက်)၊ ဖုန်းနံ ပါတ်(ငွေလွှဲလာ မထုတ်လျှင် ပြန်ဆက်သွယ်ရန်)တို့ကို ပေးရမည်ဖြစ်ကြောင်း၊ ငွေလက်ခံမည့် သူ၏ အမည်၊ မှတ်ပုံတင်၊ ဖုန်းနံပါတ် (ငွေလွှဲ ရောက်ကြောင်း အကြောင်းကြားရန်)၊ မည်သည့်မြို့၊ မည်သည့်ဘဏ်ခွဲသို့ လွှဲလိုသည် စသည်တို့ ပေးရန်လည်း လိုအပ်ကြောင်း AGD Bank က ရှင်းပြသည်။

ငွေလွှဲလက်ခံသူ အနေဖြင့် မှတ်ပုံတင်ပြပြီး ငွေထုတ်ယူနိုင်ပြီး AGD ဘဏ် ၏ နေ့စဉ် ငွေလဲ ကောင်တာမှ အမေရိကန် ဒေါ်လာ ၀ယ်ဈေးဖြင့် သတ်မှတ်ပေးမည်ဟု သိရသည်။ AGD ဘဏ်က အမေရိကန်ဒေါ်လာ ၁၀၀ မှ ၃၀၀၀ အထိကို ငွေလွှဲခ ဘတ်ငွေ ၁၅၀ ယူမည်ဟုလည်း ဆိုသည်။

ယင်းသို့ ဘဏ်မှငွေလွှဲရန်အတွက် စက်ရုံ အလုပ်ရုံများတွင် လုပ်ကိုင်နေသည့် အလုပ်သမားများအနေနှင့် ဘာသာစကား သုံးစွဲမှုနှင့် သွားရေးလာရေး ကိစ္စများတွင် အခက်အခဲများ ကြုံတွေ့ရနိုင်ကြောင်း ထိုင်းနိုင်ငံရှိ မြန်မာ အလုပ်သမားတချို့က ပြောဆိုသည်။

ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ခရီးစဉ် ဒေသခံအာဏာပိုင်တွေ တားမြစ်မှုရှိ

2012-05-17 RFA

ငြိမ်းချမ်းရေးနဲ့ ပွင့်လင်းလူ့အဖွဲ့အစည်းအတွက် တနင်္သာရီတိုင်း ထားဝယ်မြို့နယ်က ဒေသခံတွေနဲ့ လိုက်လံတွေ့ဆုံနေတဲ့ ၈၈ မျိုးဆက် ကျောင်းသားများအဖွဲ့ကို ဆိုင်းဘုတ်တွေနဲ့ မကြိုဆိုရဘူးဆိုတဲ့ ဒေသခံအာဏာပိုင်တွေရဲ့ တားမြစ်မှုတွေ ရှိနေတယ်လို့ သိရပါတယ်။

ဒီနေ့ခရီးစဉ်မှာလည်း ပိတ်ပင်တားမြစ်မှုတွေ ကြုံရတယ်လို့ ၈၈ မျိုးဆက် ကျောင်းသားများအဖွဲ့က ခေါင်းဆောင်တစ်ဦးဖြစ်တဲ့ ကိုကိုကြီးက RFA ကိုပြောပါတယ်။

" ဒီနေ့ဆိုလို့ရှိရင် ကလိန်အောင်၊ ဘဂေါစွန်း၊ နဘူးလယ်၊ မောင်းမကန်၊ ပိတ်ပင်တားဆီးတာတွေ အဲဒီမှာလည်းဖြစ်တယ်။ ပန်းကုံးတွေနဲ့ မကြိုရဘူး။ အသံချဲ့စက်မသုံးရဘူး စတဲ့တားမြစ်မှုတွေကို ကျွန်တော်တို့ တောက်လျှောက်တွေ့ရတယ်။ တကယ့်တကယ် ကျွန်တော်တို့ရောက်တော့ ဒေသခံရွာသူ ရွာသားတွေက သူတို့မတရားခံနေရတဲ့ ကိစ္စတွေကို တိုင်ချင်လို့စောင့်နေတာ။ အဲတော့ ကျွန်တော်တို့က ဘယ်လိုခံစားရလဲဆိုတော့ ကျွန်တော်တို့နဲ့ ဒေသခံတွေနဲ့တွေ့မှာကို ကြောက်လို့ တားမြစ်တဲ့သဘောမျိုး အဲဒီလိုတွေ့ရတယ်။ ရောက်တဲ့နေ့ အဲဒီမင်းရပ်ကျေးရွာမှာ စပြီးကြုံရတာ။ အဲဒီမှာ ဦးကျော်မင်းသန်းဆိုတာ သူကဒုဦးစီးမှူး၊ မြို့နယ်က သူကနေပြီးတော့ ကျွန်တော်တို့ကို ကြိုဆိုပါသည်ဆိုတဲ့ ဆိုင်းဘုတ်မတင်ရဘူး။ အသံချဲ့စက်မသုံးရဘူး ဆိုတာတွေလုပ်တော့ အမှန်ကတော့ ကျွန်တော်တို့က အဲဒီလမ်းကနေ ဖြတ်သွားဖို့ပဲ "

အဲဒီလို ပိတ်ပင်တားမြစ်တဲ့အတွက် ရွာသားတွေက ပိုပြီးကြိုဆိုကြသလို ဟောပြောဖို့ အစီအစဉ်မရှိတဲ့ ရွာတွေမှာလည်း ဒေသခံတွေရဲ့ တောင်းဆိုချက်အရ ခေတ္တနားပြီး ဟောပြောရတာတွေ ရှိတယ်လို့ ကိုကိုကြီးက ပြောပါတယ်။

၈၈ မျိုးဆက် ကျောင်းသားခေါင်းဆောင်တွေ ဒီနေ့ဟောပြောခဲ့ရတဲ့ နဘူးလယ်ရွာမှာ ထားဝယ်ရေနက် စီမံကိန်းကြောင့် ပြောင်းရွှေ့ပေးရမယ့် ရွာသားတွေက သူတို့ဆန္ဒတွေ ထုတ်ဖော်တဲ့အနေနဲ့ စုပေါင်းလက်မှတ်ထိုးကြတယ်လို့ ဒေသခံတစ်ဦးဖြစ်တဲ့ ဦးလေးလွင်က RFA ကို ပြောပါတယ်။

ဒါ့အပြင် ထားဝယ် အထူးစီးပွားရေးဇုန်အတွက် ရေးဆွဲထားတဲ့ ပုဒ်မ ၃၄ မှာဖော်ပြထားတဲ့အတိုင်း ဒေသခံတွေ ဖယ်ပေးရမယ့် မြေဈေးနှုန်းတွေနဲ့ ပတ်သက်လို့ ရင်းနှီးမြှုပ်နှံသူနဲ့ ဒေသခံတွေ တိုက်ရိုက်ပြောဆို ဆွေးနွေးခွင့်ရဖို့ အခုလို ဆန္ဒပြုလက်မှတ်ထိုးကြတာလို့ ဆိုပါတယ်။

၈၈ မျိုးဆက် ကျောင်းသားများအဖွဲ့ကလည်း သူတို့တင်ပြချက်တွေကို စုဆောင်းခဲ့သလို၊ နောက်နေ့တွေမှာလည်း အဲဒီဒေသတဝိုက် ခရီးဆက်ဖို့ စီစဉ်ထားကြပါတယ်။

လစာတိုးပေးဖို့ တောင်းဆိုတဲ့ အလုပ်သမား အလုပ်ပြန်ဆင်းခွင့်မပြု

2012-05-17 - RFA

Grand Royal အရက်ချက်စက်ရုံက လုပ်ခလစာ တိုးပေးဖို့ တောင်းဆိုနေတဲ့ အလုပ်သမားတွေကို အလုပ်ရှင်က အပြည့်အ၀ လိုက်လျောခြင်းမရှိသလို၊ အလုပ်ပြန်ဆင်းတာကိုလည်း လက်မခံဘူးလို့ သိရပါတယ်။

Grand Royal အရက်ချက်စက်ရုံက လုပ်ခလစာ တိုးပေးဖို့ တောင်းဆိုနေတဲ့ အလုပ်သမားတွေကို အလုပ်ရှင်က အပြည့်အ၀ လိုက်လျောခြင်းမရှိသလို၊ အလုပ်ပြန်ဆင်းတာကိုလည်း လက်မခံဘူးလို့ သိရပါတယ်။

အခြေခံလုပ်ခလစာ တိုးပေးဖို့ အလုပ်သမား ၃၀၀ လောက်က တောင်းဆိုထားတာကို ပြီးခဲ့တဲ့ ဧပြီလ ၂၈ ရက်နေ့ ကတည်းက အလုပ်ရှင်၊ အလုပ်သမားနဲ့ အလုပ်သမားဝန်ကြီးဌာန တာဝန်ရှိသူတွေ ညှိနှိုင်းဆွေးနွေးခဲ့ပေမယ့် ပြေလည်မှု မရရှိခဲ့ဘူးလို့ အလုပ်သမားခေါင်းဆောင်တွေက ပြောပါတယ်။

မနေ့က တတိယအကြိမ်အဖြစ် နေပြည်တော် အလုပ်သမားဝန်ကြီးဌာနက ဗိုလ်မှူးကြီး ယုလွင်အောင်နဲ့ စက်ရုံတာဝန်ရှိသူ ဒေါ်အေးသီတာသန့်တို့ ညှိနှိုင်းပြီး နောက်လုပ်ခလစာကို ခြောက်ထောင်တိုးပေးဖို့ ဆုံးဖြတ်ခဲ့ပါတယ်။

အလုပ်သမားတွေရဲ့ တောင်းဆိုချက်နဲ့ အလွန်ကွာဟနေတယ်လို့ အလုပ်သမားခေါင်းဆောင်တစ်ဦးက အခုလို ပြောပါတယ်။

" ကျွန်တော်တို့လစာ အနည်းဆုံးလစာက ယခင်လစာ ၄၃၀၀၀ ရပါတယ်ခင်ဗျ။ အများဆုံးက ၅၁၀၀၀ ရပါတယ်ခင်ဗျ။ အဲဒီလို လစာကနေပြီးတော့ ကျွန်တော်တို့က တောင်းဆိုလိုက်တဲ့ လစာက အခြေခံလစာ ခုနှစ်သောင်းပါခင်ဗျ။ နှစ်အလိုက် တစ်နှစ်ကို ၃၀၀၀ စီထည့်ပေးရမယ်လို့ ကျွန်တော်တို့က တောင်းဆိုထားပါတယ်။ ဥပမာ စုစုပေါင်း သူတို့တိုးပေးတာ အရင်က ၅၁၀၀၀ ဆိုရင် အခုက လောလောဆယ်မှာ ခြောက်ထောင်ပဲ တိုးပေးပါတယ်ခင်ဗျ"

အလုပ်သမားဝန်ကြီးဌာနက တာဝန်ရှိသူ ဗိုလ်မှူးကြီး ယုလွင်အောင်က အလုပ်သမားတွေ အလုပ်ပြန်ဆင်းဖို့ တိုက်တွန်းတဲ့အတွက် ဒီကနေ့ အလုပ်သွားပြန်ဆင်းပေမယ့် ဆန္ဒပြရာမှာ ပါဝင်ခဲ့တဲ့ အလုပ်သမားတွေကို အလုပ်ရုံတွေထဲ ၀င်ခွင့်မပေးဘူးလို့ အလုပ်သမားတစ်ဦးက ပြောပါတယ်။

ဂရင်းရွိင်ရယ် အရက်ချက်စက်ရုံဟာ ရွှေပြည်သာစက်မှုဇုန်၊ ဇုန်အမှတ် ၃ မှာရှိပြီး၊ စုစုပေါင်း အလုပ်သမား လေးထောင်နီးပါး ရှိတယ်လို့ သိရပါတယ်။ ဒီအရက်ချက်စက်ရုံကို ICDC လုပ်ငန်းအုပ်စုက ပိုင်ဆိုင်ပြီး ကုမ္ပဏီရဲ့ ဥက္ကဋ္ဌကတော့ ဦးအောင်မိုးကျော်ဖြစ်ပါတယ်။

အလုပ်သမားတွေဘက်ကတော့ ဆက်လက် ဆွေးနွေးညှိနှိုင်းမှုတွေ ပြုလုပ်ဖို့ လိုလားတယ်လို့ ပြောဆိုခဲ့ပါတယ်။

စစ်ပြေးဒုက္ခသည်များ ဆွမ်ပရာဘွမ် အသင်းတော်သို့ ထွက်ပြေးရောက်ရှိ

ကြာသပတေးနေ့၊ မေလ 17 ကချင်သတင်းဌာန

ကချင်ပြည်နယ် မြောက်ဘက် မြစ်ကြီးနား-ပူတာအို လမ်းမကြား ပြီးခဲ့သည့်အပတ်မှဖြစ်ပွားသော မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) တိုက်ပွဲကြောင့် စစ်ပြေးဒုက္ခသည်များ ဆွမ်ပရာဘွမ်မြို့ (Sumprabum) အသင်းတော်သို့ ရောက်ရှိလာပြီဖြစ်သည်။

မေ ၁၅ အင်္ဂါနေ့တွင် ကချင်နှစ်ခြင်းခရစ်ယာန် သာသနာဝင်းသို့ ဒုက္ခသည် ၄၀ ကျော် ရောက်ရှိလာပြီး နောက်ထပ် ရောက်လာနေဆဲဖြစ်သည်ဟု အသင်းတော်တာဝန်ရှိသူတဦး KNG ကချင်သတင်းဌာန သို့ပြောသည်။

ယခု ဒုက္ခသည်များသည် အစိုးရထိန်းချုပ်သည့် ဆွမ်ပရာဘွမ်အနီး မိုင်ထောင် (Mai Htawng) ကျေးရွာနှင့် ဆွမ်ပီယန် (Sumpyi Yang) ကျေးရွာများမှ ဖြစ်ကြသည်ဟု သူက ဆက်ဆိုသည်။

ဆွမ်ပရာဘွမ် ပတ်ဝန်းကျင်တွင် တိုက်ပွဲများဖြစ်ပွားပြီး ထိုဒေသသို့ မြစ်ကြီးနားနှင့် ပူတာအိုဘက်မှ အစိုးရစစ်ကူများ ရောက်ရှိလာခြင်းကြောင့် ရွာသားများထွက်ပြေးရခြင်းဖြစ်သည်ဟု ဒုက္ခသည် အကူညီပေးသူတဦး ပြောသည်။

အင်္ဂါနေ့မှာပဲ မြစ်ကြီးနားမှ မြန်မာစစ်တပ် ယာဉ်တန်းများ ခဂရန်းယန် (Hka Garan Yang)သို့ ချီတက်လာခြင်းကြောင့် ရွာသားများ အားလုံး လုံခြုံရာတောတောင်နှင့် ၎င်းတို့၏ တောင်ယာများသို့ ထွက်ပြေးခဲ့ကြသည်ဟု ရွာသားများဆိုသည်။ ခဂရန်းယန်ကျေးရွာတွင် အိမ်ချေ ၁၀၀ ကျော်ရှိုသည်။

KIA (ကချင်လွတ်မြောက်ရေးတပ်ဖွဲ့) က ဆွမ်ပရာဘွမ်မှ တောင်ဘက် မိုင် ၃၀ အကွာ ခဂရန်းယန် အစိုးရ စစ်စခန်းအား မေ ၁၀ ရက်တွင် တိုက်ခိုက်ဖျက်ဆီးခဲ့ပြီး ထို့နောက် ဆွမ်ပရာဘွမ်မှ မြောက်ဘက် မိုင် ၂၀ ကျော် ဆွမ်ပီယန်ကျေးရွာ စစ်စခန်းကိုလည်း မေ ၁၃ ရက်က တိုက်ခိုက်ခဲ့သည်။

ယခုလို KIA ၏ တိုက်ခိုက်မှု မတိုင်ခင် မေလ ၅ ရက်တွင် မြန်မာစစ်တပ်က ဆွမ်ပရာဘွမ်မြို့ရှိ သုံးထပ် KIO ဆက်ဆံရေးရုံးကို မီးရှိုဖျက်ဆီးခဲ့သည်။

ဒု-ဗိုလ်မှူးကြီး မင်းသိန်း ဦးဆောင်သော ပူတာအိုမြို့နယ် ဒုတ်ဒန်ကျေးရွာ နယ်မြေခံ ခလရ ၁၃၈ တပ်ဖွဲ့မှ KIO ဆက်ဆံရေးရုံးအား သေနတ်များပစ်ခတ်၊ ဗုံးခွဲခြင်းများပြုလုပ်ပြီး နောက်ဆုံး မီးရှိုဖျက်ဆီးခဲ့ကြောင်း ဒေသခံများနှင့် KIO က ဆိုသည်။

တနှစ်နီးပါး ကချင်ပြည်နယ်နှင့် ရှမ်းပြည်မြောက်ပိုင်းတွင် မြန်မာအစိုးရနှင့် KIO စစ်ဖြစ်နေခြင်းကြောင့် စစ်ပြေးဒုက္ခသည် ၆၀၀၀၀ ကျော် ထွက်လာပြီဖြစ်သည်။ ၎င်းအနက် ၅၅၀၀၀ ကျော်သည် KIO ဒုက္ခသည်စခန်း ၄၀ ကျော်တွင် ခိုလုံနေသည်။

KIO မှ ဒုက္ခသည်များကို ယခုချိန်ထိ ကုလသမဂ္ဂမှ ပုံမှန် အကူညီပေးခြင်း မရှိသေးခြင်းကြောင့် ဒုက္ခသည်များ အဓိက စားနပ်ရိက္ခာနှင့် ဆေးဝါးများ မလုံလောက်သည့်ပြဿနာ ကြုံတွေ့နေရကြောင်း KIO မိုင်ဂျာယန် အခြေစိုက် Wunpawng Ninghtoi ဒုက္ခသည် ကယ်ဆယ်ရေးအဖွဲ့က ဆိုသည်။

ပိတ်ပင်ခံခဲ့ရသည့် ရုပ်ရှင်ကားများ ပြန်ပြခွင့် အစည်းအရုံးတောင်းဆို

မျိုးသန့် | ကြာသပတေးနေ့၊ မေလ ၁၇ မဇ္ဈိမ

ချင်းမိုင် (မဇ္ဈိမ) ။ ။ ၂၀၀၀ ခုနှစ်မှ ၂၀၁၂ ခုနှစ်အတွင်း ရိုက်ကူးခဲ့သော်လည်း ပြသခွင့် ပိတ်ပင်ခံခဲ့ရသည့် ရုပ်ရှင်၊ ဗီဒီယို ၄၁ ကားကို ပြန်လည် ပြသခွင့်ပြုရန် မြန်မာနိုင်ငံရုပ်ရှင် အစည်းအရုံးမှ ပြန်ကြားရေး ဝန်ကြီးထံ ခွင့်ပြုချက် တောင်းခံထားသည်ဟု အစည်းအရုံးဥက္ကဋ္ဌ ဦးဇင်ဝိုင်းက မဇ္ဈိမကို ပြောသည်။

“ကျနော်တို့လောကကိုယ်စား ကျနော် တင်ပြခဲ့ပါတယ်။ အစိုးရက ပိတ်ခဲ့တဲ့ ရုပ်ရှင် ဗီဒီယို DVD ဇာတ်ကားတွေ ရှိပါတယ်။ အဲဒါတွေကို ခေတ်လည်းပြောင်းသွားပြီ မူဝါဒလည်း ပြောင်းသွားပြီဖြစ်တဲ့အတွက် အခုအခါမှာတော့ ပြန်ပြီးတော့ ဖွင့်ပေးဖို့ ကျနော်တို့က တောင်းဆိုတာပါ။” ဟု ဦးဇင်ဝိုင်းက မဇ္ဈိမကို ပြောသည်။

ပြန်ကြားရေးဝန်ကြီး ဦးကျော်ဆန်းနှင့် မြန်မာနိုင်ငံ ရုပ်ရှင်အစည်းအရုံး အလုပ်အမှုဆောင်အဖွဲ့ဝင်များ တနင်္လာနေ့ ဗဟန်းမြို့နယ် ရွှေတောင်ကြားရပ်ကွက်ရှိ မြန်မာ့ရုပ်ရှင်လုပ်ငန်း အစည်းအဝေးခန်းမတွင် တွေ့ဆုံမှုအတွင်း တောင်းဆို ခဲ့ခြင်းဖြစ်ပြီး ဝန်ကြီးက ပြန်လည်စိစစ်၍ ခွင့်ပြုပေးမည်ဟု ကတိပေးခဲ့သည်ဟုလည်း သိရသည်။

၂ဝဝဝ ခုနှစ်မှ ၂ဝ၁၂ ခုနှစ်အထိ ၁ဝ နှစ်တာကာလတွင်း ပြသခွင့် ပိတ်ပင်ခံထားရသည့် ရုပ်ရှင်ကားများမှာ နာမည်ကြီး ဒါရိုက်တာများဖြစ်သည့် မိုက်တီး၊ မောင်မျိုးမင်း (ရင်တွင်းဖြစ်)၊ မီးပွား စသည့် ဒါရိုက်တာများ၏ ရုပ်ရှင်ကားများလည်း ပါဝင်သည်။

ပိတ်ပင်ခံခဲ့ရသည့် ရုပ်ရှင်ကား ဇာတ်အိမ်များအတွင်း မြန်မာနိုင်ငံ၏ လက်ရှိဖြစ်နေသည့် မြန်မာ့လူမှုဘဝ အဖြစ်အပျက် များကို နှိုင်းယှဉ်ပြထားပြီး ပြုပြင်ပြောင်းလဲရေးအတွက် ဇာတ်လမ်းဆင် ရိုက်ကူးထားသည့် ဇာတ်ကားအများစု ပါဝင်သည်ဟုလည်း ဦဇင်ဝိုင်းက ပြောသည်။

“ဇာတ်လမ်း အသွင်သဏ္ဍန်ကအစ ရည်ရွယ်ချက်ကအစ ပြုပြင်ပြောင်းလဲရေးအတွက် ရိုက်ခဲ့ကြသူတွေက ဆင်ဆာ ပိတ်ခံရတာတွေ များပါတယ်။ တခါတရံမှာ စကားအဓိပ္ပါယ် နှစ်မျိုးထွက်တာတွေကို ကိုယ့်စည်းကို ကိုယ်လုံအောင် လုပ်တဲ့အခါကျတော့ အဲဒီမှာ မလိုလားအပ်ဘဲနဲ့ အနုပညာပစ္စည်းတွေက အလကားနေရင်း ပိတ်ပင်ခံသွားရတဲ့ သဘောပါပဲ။" ဟု ဦးဇင်ဝိုင်းက ဆိုသည်။

မြန်မာ့လူ့အဖွဲ့အစည်းအတွင်း ဖြစ်ပျက်နေသည့် လွဲမှားမှုများကိုလည်း ရုပ်ရှင်အဖြစ် ဖန်တီးကာ မီးမောင်းထိုးပြ ရိုက်ကူး တင်ဆက်က ပြည်သူသို့ အသိပေးလိုကြောင်း ဝန်ကြီးနှင့် တွေ့ဆုံမှုအတွင်း တင်ပြတောင်းဆိုခဲ့သေးသည်ဟုလည်း ဦးဇင်ဝိုင်းက ပြောသည်။

“ဥပမာ အရက်မူးနေတဲ့ ဆရာဝန်တယောက်ကြောင့် ခွဲခန်းထဲမှာ လူနာသေဆုံးတဲ့ အဖြစ်မျိုးတွေ ကျနော်တို့ ရိုက်ချင်ပြီ၊ အဂတိ လိုက်စားတဲ့ တရားသူကြီး တဦးကြောင့် အပြစ်မဲ့သူတဦး ထောင်ဒဏ် ကျခံသွားရတာမျိုး ကျနော်တို့ ရိုက်ချင် ပြီ။ မြေစိုက်တဲထဲက လူဆင်းရဲတွေဘဝကို ကျနော်တို့ ရိုက်ချင်ပြီ။ ဒါတွေဟာ ကျနော်တို့ အစိုးရကို ဆန့်ကျင်တာ မဟုတ်ဘူး။” ဟု ဦးဇင်ဝိုင်းက မဇ္ဈိမကိုပြောသည်။

ရုပ်ရှင်အစည်းအရုံး၏ တင်ပြတောင်းဆိုမှုများနှင့်ပတ်သက်၍ ဝန်ကြီးက သက်ဆိုင်ရာဌာနဆိုင်ရာများ၊ အဖွဲ့အစည်းများနှင့် ညှိနှိုင်းဆောင်ရွက်ပေးမည်ဟု တုန့်ပြန်ပြောဆိုသွားသည်ဟုလည်း သိရသည်။

ဦးကျော်ဆန်း၏ ပြန်ကြားရေးဝန်ကြီးဌာနအောက်ရှိ စာပေစိစစ်ရေးနှင့် မှတ်ပုံတင်ဌာနကိုလည်း ယခုနှစ် ဇွန်လအတွင်း ထားရှိတော့မည်မဟုတ်ဟု ပြန်ကြားရေးနှင့် ပြည်သူ့ဆက်ဆံရေး ဦးစီးဌာန ဒု-ညွှန်ကြားရေးမှူးချုပ် ဦးတင့်ဆွေက မဇ္ဈိမနှင့် တွေ့ဆုံမေးမြန်းမှု တခုအတွင်း ပြောဆိုထားသည်။

အစိုးရ ငြိမ်းအဖွဲ့သစ် SSA-S နှင့် ပထမဆုံး တွေ့ဆုံဆွေးနွေးမည်

ဖနိဒါ | ကြာသပတေးနေ့၊ မေလ ၁၇ မဇ္ဈိမ

ချင်းမိုင်(မဇ္ဈိမ) ။ ။ အစိုးရ ပြည်ထောင်စုအဆင့် ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ရှမ်းပြည် တပ်မတော် တောင်ပိုင်း SSA-S တို့ လာမည့် မေလ ၁၉ ရက် စနေနေ့တွင် ရှမ်းပြည်နယ် ကျိုင်းတုံမြို့၌ တွေ့ဆုံဆွေးနွေးမည်ဟု သိရသည်။

ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီနှင့် လုပ်ငန်း ဖော်ဆောင်ရေး ကော်မတီ နှစ်ရပ်တွင် တပ်မတော်ဘက်မှ ကာကွယ်ရေးဦးစီးချုပ်၊ ပြည်ထောင်စု ဝန်ကြီးများ၊ လွှတ်တော်ကိုယ်စားလှယ်များနှင့် သက်ဆိုင်ရာပြည်နယ်နှင့်တိုင်းများမှ ဝန်ကြီးချုပ်များ အပါအဝင် အပါအဝင် ၅၂ ဦးဖြင့် ယခုလ မေ ၃ ရက်နေ့က ပြင်ဆင်ဖွဲ့စည်း ခဲ့ခြင်း ဖြစ်သည်။

ပြည်ထောင်စုအဆင့် ငြိမ်းချမ်းရေး လုပ်ငန်းကော်မတီတွင် ဒုသမ္မတ ဦးစိုင်းမောက်ခမ်း ဥက္ကဋ္ဌအဖြစ် တာဝန်ယူထား သည်။ သို့သော် ဒုသမ္မတ တက်ရောက်ရန် ရှိမရှိကိုမူ မသိရသေးပေ။

ငြိမ်းချမ်းရေးဖော်ဆောင်ရေး လုပ်ငန်းကော်မတီမှ ထိပ်ပိုင်းခေါင်းဆောင် ဦးဆောင်သော အဖွဲ့နှင့် တွေ့ဆုံမည်ဟု ရှမ်းပြည်နယ် အစိုးရ အမှတ် ၂ လျှပ်စစ်ဝန်ကြီး ဦးခင်မောင်စိုးက အကြောင်းကြားလာ သော်လည်း မည်သူ ဦးဆောင်မည်ကို ပြောဆိုခြင်း မရှိခဲ့ကြောင်း SSA- S ပြောရေးဆိုခွင့်ရှိသူ ဗိုလ်မှူးစိုင်းလောဝ်ဆိုင်းက ပြောသည်။

“အစိုးရအပိုင်းမှာ VIP တွေ တက်မယ်လို့ ပြောတယ်။ ကျနော်တို့ သိရသလောက် ဝန်ကြီးတွေ ပါမယ်။ အရင်တုန်း ကထက် ပိုကြီးတဲ့ VIP လို့ ပြောတယ်။ နာမည်တော့ အတိအကျ မပြောဘူး”ဟု မဇ္ဈိမကို ပြောသည်။

SSA-S အဖွဲ့မှ ဗဟိုကော်မတီဝင် ဗိုလ်မှူးချုပ် ပေါင်ခေး ဦးဆောင်သော ၂၄ ဦးပါ ကိုယ်စားလှယ်များ သွားရောက်တွေ့ဆုံမည် ဖြစ်သည်။

နှစ်ဖက် ကိုယ်စားလှယ်များ တွေ့ဆုံရာတွင် နယ်မြေ သတ်မှတ်ရေး၊ မူးယစ်ဆေးဝါး တိုက်ဖျက်ရေး၊ နှစ်ဖက်စစ်ရေး အခြေအနေနှင့် အထွေထွေ စသည့်အချက် ၄ ချက် အဓိက ဆွေးနွေးမည် ဖြစ်ကြောင်း သိရသည်။

“အရင်တုန်းက ရရှိထားတဲ့ သဘော တူညီချက်တွေကို ပြန်ပြီးတော့ ဆွေးနွေးဖို့ဘဲ။ ရရှိထားတဲ့ နယ်မြေမှာဘဲနေထိုင်မယ်ဆိုပြီး ပြောထားတယ်။ အဲဒီ နယ်မြေတွေက ဘယ်နေရာမှာဆိုတာ အတိအကျ မဆွေးနွေးရသေးဘူး”ဟု ဗိုလ်မှူး စိုင်းလောင်ဆိုင်းက ပြောသည်။

SSA-S အဖွဲ့က ငြိမ်းချမ်းရေး တွေ့ဆုံ ဆွေးနွေးရေး ကော်မတီနှင့် မူးယစ်ဆေးဝါး တိုက်ဖျက်ရေးကော်မတီဟူ၍ အဖွဲ့ နှစ်ဖွဲ့ကို ယခုလဆန်းပိုင်းက ဖွဲ့စည်းခဲ့သည်ဟု သိရသည်။

SSA-S တောင်ပိုင်းအဖွဲ့နှင့် အစိုးရငြိမ်းချမ်းရေးအဖွဲ့တို့ ပြီးခဲ့သည့်နှစ် ဒီဇင်ဘာလ ၂ ရက်နေ့က တောင်ကြီးမြို့တွင်ပြည်နယ်အဆင့် အပစ်အခတ် ရပ်ဆိုင်းရေး သဘောတူညီမှု ရရှိခဲ့ပြီး ယခုနှစ် ဇန်နဝါရီလ ၁၆ ရက်နေ့က ပြည်ထောင်စု အဆင့် တွေ့ဆုံဆွေနွေးအပြီး SSA ဗဟိုဌာနချုပ်ရုံးနေရာနှင့် နှစ်ဖက် နယ်မြေသတ်မှတ်ရေး၊ လက်နက်ကိုင်သွားလာရန် ကြိုတင် အကြောင်းကြားရေး၊ ဒေသဖွံ့ဖြိုးရေး၊ ဆက်ဆံရေးရုံးများ ဖွင့်လှစ်နိုင်ရေး၊ စီးပွားရေးလုပ်ငန်းများ ဖွင့်လှစ် လုပ်ဆောင်နိုင်ရန်တို့ ပါဝင်သောသဘောတူညီချက် ၁၁ ချက်ကို လက်မှတ်ရေးထိုးခဲ့သည်။

ပြီးခဲ့သည့် တွေ့ဆုံမှုများတွင် ရထားဝန်ကြီး ဦးအောင်မင်း ခေါင်းဆောင်သော ကိုယ်စားလှယ်များနှင့် အပစ်အခတ် ရပ်စဲရေး သဘောတူညီမှု ရရှိခဲ့ပြီးနောက်ပိုင်း အစိုးရတပ်များနှင့် SSA တောင်ပိုင်း တပ်ဖွဲ့များအကြား တိုက်ခိုက်မှုများ ရှိခဲ့သည်။

ကနီမြို့နယ် ဒေသခံများ သောက်သုံးရေ ပြတ်လပ်မှုကြုံနေရ

ဖနိဒါ | ကြာသပတေးနေ့၊ မေလ ၁၇ မဇ္ဈိမ

ချင်းမိုင်(မဇ္စျိမ) ။ ။ စစ်ကိုင်းတိုင်း မုံရွာခရိုင် ကနီမြို့နယ်အတွင်း သောက်သုံးရေကန်များ ရေခန်းခြောက်လာ သဖြင့် ဒေသခံတို့ ယခုလဆန်းပိုင်းမှစ၍ သောက်သုံးရေ အခက်အခဲနှင့် ရင်ဆိုင်နေရသည်ဟု ကနီမြို့ခံ အမျိုးသား ဒီမိုကရေစီ အဖွဲ့ချုပ် NLD တာဝန်ခံ ကိုသိန်းထွေးက ပြောသည်။

ကနီမြို့နယ် မုံရွာ-ကလေးဝ ကားလမ်းရှိ မိုင်တိုင် ၂ဝ မှ ၃၅ အကြားနေထိုင်နေရသည့် ဒေသခံ တောင်သူ အိမ်ခြေ ၅ဝဝ ကျော် ပုံမှန် အသုံးပြုနေသာ သောက်သုံးရေကန်မှ ရေခန်းခြောက်ခဲ့သဖြင့် နှစ်မိုင်ခန့်အကွာရှိ အဝိစိတွင်းရှိရာသို့ သွားရောက်ကာ ခပ်ယူသောက်သုံး နေကြရသည်ဟု ဆိုသည်။

“မနေ့က ကျနော်တို့ သွားကြည့်လိုက်တော့ အမှန်တကယ်ကို ရေပြတ်နေတယ်။ နေပူထဲမှာ တန်းစီစောင့်ပြီး လက်ယက်တွင်းကနေ စိမ့်လာတဲ့ ရေကို ခပ်နေရတယ်။ ငါးဂါလံဝင်တဲ့ ပုံးလေးတပုံးရဖို့ကို တနာရီလောက်ကြာ ခပ်ရတယ်။ ကျနော်တို့သွားကြည့်တော့ စိတ်မကောင်းဘူး။”ဟု ကနီမြို့ခံ ကိုသိန်းထွေးက မဇ္စျိမကို ပြောသည်။

တင်ဝင်းထွန်း ကုမ္ပဏီနှင့် သန္တာအေးအောင် ကုမ္ပဏီတို့မှ ယင်းတို့၏ သရက်ပင်စိုက်ခင်းများ ရေလောင်းရန် ဒေသခံတို့ ခပ်ယူသောက်သုံးနေသည့် ရေကန်မှရေကို ကားကြီးများဖြင့် နေ့စဉ် စုပ်ယူသုံးစွဲနေသဖြင့် ယခုကဲ့သို့ ရေမလုံလောက် သည့် ပြဿနာ ကြုံတွေရခြင်း ဖြစ်သည်ဟု ကနီမြို့ခံ ကိုသိန်းထွေးက မဇ္စျိမကို ပြောသည်။

ထို့ပြင် ဒေသခံ တောင်သူများ ကနဦး လုပ်ကိုင်နေသည့် လယ်မြေ၊ ယာမြေများကို အဆိုပါ ကုမ္ပဏီများက သိမ်းယူခဲ့ သဖြင့် တောင်သူများအား နှင်ထုတ်လိုသည့် ရည်ရွယ်ချက်ဖြင့် ထိုကဲ့သို့ သောက်သုံးရေ ပြတ်လပ်ရန် လုပ်ဆောင်ခြင်း ဟု ဒေသခံများ၏စွပ်စွဲချက်ကို ကိုသိန်းထွေးက မဇ္ဈိမကို ပြန်လည်ပြောပြသည်။

ထိုဒေသများတွင် အဝိစိတွင်းတူးမည်ဆိုပါက အနက်ပေ ၆ဝဝ ကျော်တူးဖော်ရပြီး ကုန်ကျငွေ ကျပ်သိန်း ၂ဝဝ ခန့်ရှိနိုင်သဖြင့် တူးဖော်ရန် ခက်ခဲနေပြီး အလှူငွေများ ရှာဖွေရန် ကြိုးစားမည်ဟု ကိုထွေးသိန်းက ပြောသည်။

မုံရွာခရိုင် NLD အဖွဲ့ဝင်များက အင်္ဂါနေ့ ကနီမြို့နယ် ဇီးပင်တွင်းကျေးရွာ NLD ရုံးဖွင့်ပွဲ သွားခဲ့စဉ် အဆိုပါ တောင်သူများရေပြတ်သည့် ပြဿနာကို တွေ့ရှိခဲ့ခြင်း ဖြစ်သည်ဟု မုံရွာမြို့ လူမှုအထောက် အကူပြုအဖွဲ့မှ အဖွဲ့ဝင် ကိုဇော်မင်းကပြောသည်။

“ကျနော်တို့ ကိုယ်တွေ့ တွေ့ခဲ့ရတယ်။ မိုင်တိုင် ၂၈၊ ၂၉ မိုင်၊ မိုင် ၃ဝ မှာ နေကြတဲ့ လူတွေက ၃၂ မိုင်ထိကို သွားပြီးတော့ လှည်းတွေနဲ့ သွားပြီးတော့ ရေခပ်ရတယ်။ ၁ဝ ပိဿာပုံးတပုံးကို တနာရီလောက်ကြာ ခပ်နေရတယ်။ တချို့ဆိုရင် ၃ မိုင်၊ ၄ မိုင် လောက်အဝေးမှာ သွားခပ်တယ်။ အဲဒီက ရွာသားတွေက နောက်သုံး၊ လေးရက်လောက် ဆိုရင် ရေအငတ်ဘေးနဲ့ ကြုံရတော့မယ်။ ဒါကြောင့် အမြန်ဆုံး စီစဉ်နေတာ။”ဟု သူက မဇ္ဈိမကို ပြောသည်။

လာမည့် မေ ၁၈ ရက်နေ့မှာ မုံရွာမြို့နယ်နှင့် ကနီမြို့နယ် NLD အဖွဲ့ဝင်များနှင့် လူမှုကူညီရေးအသင်းတို့ ပူးပေါင်း၍သောက်သုံးရေကို ကားဖြင့် သွားရောက် လှူဒါန်းမည် ဖြစ်ပြီး နေ့စဉ် မိသားစုတစုလျှင် ၂ဝ ဂါလံစာ သွားရောက် လှူဒါန်းပေးမည် ဖြစ်သည်။

ကိုယ်ပိုင်အလှူငွေများ ၁ သိန်း ရရှိထားပြီးဖြစ်သလို၊ ငါးဂါလံဆန့် ပလတ်စတစ်ပုံးခွံ ၃၀၀ ခန့်တွင် ရေဖြည့်ကာ လာမည့် မေလ ၁၈ ရက်နေ့မှာ သွားရောက် လှူဒါန်းမည် ဖြစ်ကြောင်း သိရသည်။

မုံရွာမြို့နယ် လူငယ်များက ယခင်နှစ်များတွင် ရေပြတ်ခြင်း မရှိခဲ့သလို ယခုနှစ် ရေပြတ်လတ်ရခြင်းမှာ ရာသီဥတုကြောင့် မဟုတ်ဘဲ အဆိုပါ ကုမ္ပဏီများ၏ ရေအများအပြား အသုံးပြုခြင်းကြောင့် ဖြစ်သည်ဟု မုံရွာမြို့လူငယ် ကိုဇော်ဘုန်းမြင့်က ပြောသည်။

“အရင်နှစ်တွေ ဒီလို ရေမခန်းဘူး။ ဒီနှစ်မှ နေ့တိုင်းသယ်ယူတယ်။ သရက်ပင်တွေ ရေလောင်းဖို့ ဘောက်ဆာနဲ့ သယ်ယူပြီး ဖြန်းတယ်။ ပူပြင်းလို့ ခြောက်တာ မဟုတ်ဘူး။ သူတို့ မခတ်တဲ့ ရေကန်ရှိတယ်။ ဒီမှာက သောက်ရေ၊ သုံးရေ၊ ချိုးရေကန် ရှိတယ်။ ဒါပေမဲ့ ချိုးရေကန်က ရေမခန်းဘူး။ ဒါက ရာသီဥတုပူလို ခန်းခြောက်တာ မဖြစ်နိုင်ဘူး”ဟု သူက မဇ္စျိမကို ပြောသည်။

၁၉၉၈ -၁၉၉၉ ခုနှစ်က ဒေသခံတောင်သူများက တောရိုင်းများကို ခုတ်ထွင်ရှင်းလင်းပြီး ပဲစိမ်းငုံ၊ ပဲနီစမ်း၊ နှမ်းများ စိုက်ပျိုးခဲ့ရာမှ ၂ဝဝ၅-၂ဝဝ၆ ခုနှစ်တွင် တင်ဝင်းထွန်းနှင့် သန္တာအေးအောင် ကုမ္ပဏီက သိမ်းယူကာ သရက်ပင်များ စိုက်ပျိုးထားသည်ဟု သိရသည်။ သန္တာအေးအောင်ကုမ္ပဏီသည် စစ်ကိုင်းတိုင်း ဝန်ကြီးချုပ် ဦးသာအေး၏ သမီး၏ ကုမ္ပဏီ ဖြစ်သည်ဟု သိရသည်။

အဆိုပါ အကြောင်းအရာနှင့် ပတ်သက်၍ ကုမ္ပဏီအား ဆက်သွယ်မေးမြန်း၍ မရခဲ့ပါ။

နောက်ဆုံးပိတ်

လယ်မြေအဓမ္မ သိမ်းယူမှု မှတ်တမ်းတင်ရုပ်ရှင် ရိုက်ကူးမည်

မျိုးသန့် | အင်္ဂါနေ့၊ မေလ ၁၅ မဇ္ဈိမ

ချင်းမိုင် (မဇ္ဈိမ) ။ ။ နိုင်ငံတော် စီမံကိန်းများ အကြောင်းပြ၍ ပုဂ္ဂလိက ကုမ္ပဏီအချို့က လယ်မြေများ သိမ်းယူနေမှု များကို မှတ်တမ်းရုပ်ရှင်အဖြစ် ဖန်တီးရိုက်ကူးကာ မြန်မာနိုင်ငံအတွင်း ပြသနိုင်ရန် စီစဉ်နေသည်ဟု ရုပ်ရှင်ဒါရိုက်တာ ဝိုင်းက မဇ္ဈိမကို ပြောသည်။

“လယ်သမားတွေကလည်း ပေါ်တင် ပြောပါတယ်။ တိုင်းပြည်အတွက်ဆို လုပ်ပါ။ သူတို့ ရတယ် ငတ်ပါစေ။ တိုင်းပြည်ကောင်းဖို့အတွက်ဆို သူတို့ ခံလိုက်မယ်ပေါ့။ အဲဒီလို မဟုတ်ဘဲနဲ့ ပုဂ္ဂလိက နာမည်တွေနဲ့ သိမ်းထားတာတွေပေါ့။ အဲဒီလိုဆိုတော့ နိုင်ငံအတွက်လည်း မဟုတ်ဘူး ဒီ Crony တွေ ကောင်းစားဖို့အတွက် သိမ်းတာကို ကျနော် မခံချင်ဖြစ်တာဗျ။ အဲဒီလိုဟာတွေက မြန်မာပြည် အနှံ့မှာ ဖြစ်နေတဲ့အခါကျတော့ ဒါကို ကျနော် ရိုက်ပြသင့်တယ်လို့ထင်လို့ ကျနော်ရိုက်တာပါ” ဟု လယ်သမားများထံ ကွင်းဆင်း လေ့လာနေသည့် ဒါရိုက်တာ ဝိုင်း က ပြောသည်။

ဒါရိုက်တာဝိုင်းသည် မေလအတွင်း ပြင်ဦးလွင်မြို့နယ်သို့ သွားရောက်ကာ လယ်သမားများနှင့် တွေ့ဆုံမေးမြန်းခဲ့ပြီး အဆိုပါဒေသတွင် လယ်သမား အယောက် ၄ဝ ၏ မြေဧက ၁,၇၀၀ ကို ကုမ္ပဏီတခုမှ သိမ်းယူထားသည်ဟုလည်း ဆိုသည်။

အဆိုပါ မှတ်တမ်းရုပ်ရှင်နှင့် ပတ်သက်၍ မြေယာဥပေဒများ၏ အကျိုးသက်ရောက်မှုကို လေ့လာနေပြီး၊ ဥပဒေ ပညာရှင်များနှင့်လည်း တိုင်ပင်ညှိနှိုင်းကာ လုပ်ဆောင်သွားမည်ဟုလည်း ဝိုင်းကပြောသည်။

မှတ်တမ်းရုပ်ရှင်အတွင်း လယ်မြေသိမ်းယူမှုကြောင့် လယ်သာ လုပ်ကိုင်စားသောက်တတ်သည့် လယ်သမားများ၏ စားဝတ်နေရေး၊ သားသမီးများ၏ ပညာရေး၊ လယ်သိမ်းယူမှုကြောင့် ပြည်ပနိုင်ငံထွက်ကာ အလုပ်လုပ်နေကြရသည့် လယ်သမားများ၏ ဘဝများကိုလည်း ထည့်သွင်း ရိုက်ကူးသွားမည် ဖြစ်သည်။

“လယ်သမားတိုင်း ကြုံတွေ့နေရတဲ့ အဓိက ပြဿနာ တခုက ဘာလဲဆိုတာ ကျနော် ပိုပြီးတော့ မီးမောင်းထိုးပြချင် တာပါ။ ဒါတွေဟာ မလုပ်သင့်ပါဘူး ဆိုတာလည်း မီးမောင်း ထိုးပြချင်ပါတယ်။ သူတို့မှာ စားဝတ်နေရေးတွေ ကျန်းမာရေးတွေ ဆုံးရှုံးမှုတွေ ဖြစ်နေတယ်ဆိုတဲ့အချက်က အဓိက အရေးပါပါတယ်” ဟုလည်း ဝိုင်းက ပြောသည်။

အဆိုပါ မှတ်တမ်းရုပ်ရှင်အတွက် လယ်မြေသိမ်းယူမှု ဖြစ်စဉ်များ ဖြစ်ပေါ်နေသည့် ရန်ကုန်တိုင်း၊ မန္တလေးတိုင်း၊ တနင်္သာရီတိုင်း၊ ရှမ်းပြည်နယ်တို့သို့ ကွင်းဆင်းကာ ရိုက်ကူးမည်ဖြစ်ပြီး ရိုက်ကူးပြီးစီးချိန်တွင် တနိုင်ငံလုံးသို့ ဖြန့်ချိပြသွားသွားမည်ဟု ဆိုသည်။

ထို မှတ်တမ်းတင် ရုပ်ရှင်ကား ရိုက်ကူးလိုမှုနှင့် ပတ်သက်၍လည်း အာဏာပိုင်များဘက်မှ တုန့်ပြန်နိုင်မှုနှင့် ပတ်သက်၍ “ဒီကားကတော့ သူတို့ရဲ့ သဘောထားကြီးမှုနဲ့ ဒီမိုကရေစီလမ်းပေါ် လျှောက်မလျှောက်ဆိုတာ ဒီကားက အဖြေပါပဲ” ဟု ဝိုင်းက ပြောသည်။

ကုမ္ပဏီများ မြေယာသိမ်းယူမှုနှင့် ပတ်သက်၍ ဇေကမ္ဘာကုမ္ပဏီနှင့် ရန်ကုန်တိုင်း မင်္ဂလာဒုံမြို့နယ်၊ ပုလဲမြို့သစ်ရွှေနံ့သာနှင့် ပေါင်းကူရွာတို့မှ လယ်သမားတို့ အချင်းများလျက်ရှိနေပြီး ဇေကမ္ဘာကုမ္ပဏီသည် အဆိုပါဒေသရှိလယ်ဧက ၈၀၀ ကျော်ကို စက်မှုဇုန် စီမံကိန်းအတွက် ၂၀၁၀ ခုနှစ်အတွင်း သိမ်းယူခဲ့ခြင်း ဖြစ်သည်။

လယ်မြေများပေါ်တွင် စီမံကိန်း ဆိုင်းငံ့ရန်နှင့် ယခုနှစ်အတွက် ထွန်ယက် စိုက်ပျိုးခြင်း မပြုလုပ်ရန် မင်္ဂလာဒုံမြို့နယ် အုပ်ချုပ်ရေးမှူးရုံးမှ ယခုလ ၉ ရက်နေ့တွင် တားမြစ်ချက် ထုတ်ပြန်ထားသည်။

လယ်သမားများ၏ နစ်နာမှုများကို တင်ပြတောင်းဆိုနိုင်ရန်နှင့် ပုဂ္ဂလိကပိုင် ကုမ္ပဏီများမှ လယ်မြေသိမ်းယူမှုများကို ကာကွယ်နိုင်ရန် ဖြေရှင်းရန် “စုပေါင်းညီညာ စက်မှုလယ်ယာကုမ္ပဏီ” ကို ယခုလ ၁၇ ရက်နေ့တွင် မှတ်ပုံတင်မည် ဟုလည်း ရွှေနံ့သာ လယ်သမားများအရေး လိုက်ပါဆောင်ရွက်ပေးနေသူ မတူကွဲပြားခြင်းနှင့် ငြိမ်းချမ်းရေးပါတီဥက္ကဋ္ဌ ဦးနေမျိုးဝေက မဇ္ဈိမကို ပြောသည်။

“ကျနော်တို့က စက်မှုလယ်ယာ ကုမ္ပဏီတခု တည်ထောင်မယ်၊ ကုမ္ပဏီတွေရဲ့ နှောက်ယှက်တာတွေ လူလည်ကျတာတွေ ခံရတာကြောင့် စနစ်တကျ စုစည်းပြီး ထူထောင်မယ်။ လယ်ယာထွက်ကုန်တွေကို ကုမ္ပဏီကနေ ကျနော်တို့ရောင်းမယ်” ဟု ဦးနေမျိုးဝေက ပြောသည်။

မိုးမခ