သတင်းတွေ ဖတ်ဖို့ ခေါင်းစဉ် သို့ မဟုတ် Read More ကိုသာ လိုက်ရှာပြီး နှိပ်ပါလေ

Tuesday, February 28, 2012

Feb 28


ဖေဖော်ဝါရီ ၂၈ သတင်းများ
မိုးမခက စုစည်းသည်





ပြောင်းတာတွေက ပြောင်းပေမယ့် ... ဟောင်းတာတွေက ဟောင်းဆဲကွယ့် ...
ကာတွန်း - ကူမိုးကြိုး မိုးမခ


ကာတွန်းနေမျိူးအေး - ကြံ့ဖွတ်၏ အရေးသုံးပါး
မိုးမခ
၅၀၀၀ တန်ဖုန်းကတ် ရရှိရေး ဆောင်ရွက်သူ အယောက် ၂၀ ထိန်းသိမ်းခံရ
Published on February 28, 2012 by အေးနိုင် · DVB
မန္တလေးမြို့တော်ဝန် ဦးဖုန်းဇော်ဟန် ရာထူးပြောင်း
Published on February 28, 2012 by မင်းလွင် · · DVB
နိုင်ငံရေးအကျဉ်းသားဟောင်း ရဟန်းတပါး ကျောင်းက နှင်ထုတ်ခံရ
Published on February 27, 2012 by မင်းလွင် · · DVB
စစ်တပ်၏ အခန်းကဏ္ဍနှင့်ပတ်သက်ပြီး အီးယူကိုယ်စားလှယ်အဖွဲ့ မေးခွန်းထုတ်
Published on February 28, 2012 by နေသွင် · · DVB
အဓမ္မသိမ်းယူခံထားရသည့် နယ်မြေမှ မပြောင်းပေးသည့် ရွာသားအချို့ တရားစွဲခံရ
Published on February 28, 2012 by နော်နိုရင်း · · DVB



မြစ်ဆုံ တန်ဖရဲရွာသားများကို မူရင်းရွာ ပြန်မနေဖို့ ဖိအားပေး
ဇော်ရှန် | အင်္ဂါနေ့၊ ဖေဖေါ်ဝါရီလ ၂၈ မဇ္ဈိမ
ဒေါ်စုကို မကြိုဖို့ မြန်မာ့အသံ ဝန်ထမ်းများကို ညွှန်/ချုပ် သတိပေး
ကျော်ခ | အင်္ဂါနေ့၊ ဖေဖေါ်ဝါရီလ ၂၈ မဇ္ဈိမ
ဒေါ်စုကို ကန့်ကွက်မှု တိုင်းကော်မရှင် အပြီးပြတ်ပယ်ချ
မျိုးသန့် | အင်္ဂါနေ့၊ ဖေဖေါ်ဝါရီလ ၂၈ မဇ္ဈိမ
ကချင်အမျိုးသမီး ဒေါ်ရွယ်ဂျာကို ဖမ်းဆီးထားခြင်း မရှိဟု မပခ ငြင်းဆို
ဖနိဒါ | တနင်္လာနေ့၊ ဖေဖေါ်ဝါရီလ ၂၇ မဇ္ဈိမ



ဝါဏိဇ္ဖတရားရုံး၏ အဆုံးအဖြတ် တရားမျှတရန်မသေချာဟု ဦးဖိုးဖြူဆို
by Yangon Press International on Monday, 27 February 2012 at 08:53 ·
ဖေဖေါ်ဝါရီ ၂၇၊ ၂၀၁၂ ၊ (YPI)



ကျပ် ၅၀၀၀ တန် ဖုန်းကဒ်ရရှိရေး လှုပ်ရှားသူ ၁၁ ဦး ဖမ်းဆီးဟန့်တားခံရ
2012-02-28 RFA
ပြည်တွင်းစစ် ရပ်စဲနိုင်ဖို့ စစ်မှန်တဲ့ ငြိမ်းချမ်းရေးလို
2012-02-28 RFA
ရှမ်းအမျိုးသား ဒီမိုကရေစီအဖွဲ့ချုပ် ပါတီမှတ်ပုံပြန်တင်မည်
2012-02-27 RFA
NLD မဲဆွယ်ပွဲ အနုပညာရှင်များ လိုက်ပါကူညီမည်
2012-02-27RFA



စစ်ဘေးဒဏ်သင့် ကချင်ညီနောင်သားချင်းများအတွက် ရသအလင်းဖောင်ဒေးရှင်း၏ ထောက်ပံ့ငွေအလှူ
ဖေဖော်ဝါရီ ၂၈၊ ၂၀၁၂ မိုးမခ



အင်္ဂါ, 28 ဖေဖော်ဝါရီ 2012
ဒေါ်စု ကိုယ်စားလှယ်လောင်း အတည်ပြုချက် ရပြီ
By သင်းသီရိ VOA
ALD နဲ့ SNLD မှတ်ပုံတင်ရေး စတင်ပြီ
By မသိင်္ဂီထိုက် VOA
ဘက်စုံဖွံ့ဖြိုးတိုးတက်မှု နဲ့ နိုင်ငံသားများ အခန်းကဏ္ဍ
By ဦးသန်းလွင်ထွန်း VOA
====================================================







မိုးမခက စုစည်းသည်

၅၀၀၀ တန်ဖုန်းကတ် ရရှိရေး ဆောင်ရွက်သူ အယောက် ၂၀ ထိန်းသိမ်းခံရ
Published on February 28, 2012 by အေးနိုင် · DVB



တောင်ဒဂုံမြို့နယ် အမှတ် ၇၀ ရပ်ကွက်အုပ်ချုပ်ရေးမှူးရုံးမှာ လူထုအကြား ငါးထောင်တန်ဖုန်းကတ် ရရှိရေး စာရွက်ဖြန့်ဝေသူ အယောက် ၂၀ ကို ထိန်းသိမ်းထားတယ်လို့ အဲဒီရုံးထဲရောက်နေတဲ့ ကိုထင်ကျော်က ပြောပါတယ်။



ကျနော်တို့ တောင်ဒဂုံရပ်ကွက် အုပ်ချုပ်ရေးမှူးရုံးရောက်နေတယ်။ ကျနော်တို့အားလုံး တားခံထားရတယ်။ အခု ကျနော်တို့ ရုံးထဲမှာပိတ်ခံထားရတယ်။ ကျနော်တို့ ခွင့်ပြုချက်မရှိဘဲ လုပ်တယ်ပေါ့ဗျာ။ အဲဒီအတွက် လက်မှတ်ထိုး ခိုင်းထားတယ် ပထမပိုင်းမှာ။”



ကိုထင်ကျော်အပါအဝင် ကုန်ဈေးနှုန်းကျဆင်းရေး အင်အားစုဝင်တွေဟာ ဒီမနက်ပိုင်းက လှိုင်သာယာမီးခွက်ဈေး၊ တောင်ဥက္ကလာပမြို့နယ် နန္ဒဝန်ဈေးနဲ့ မြောက်ဥက္ကလာမြို့နယ်တွေမှာ ၅၀၀၀ ကျပ်ဖုန်းကတ်ဟာ ပြည်သူတွေ ကုန်ဈေးနှုန်း ကျဆင်းရေးကို အထောက်အကူပြုတဲ့အတွက် သုံးခွင့်ပြုရေး စတာတွေကို ဟောပြောတာ၊ လက်ကမ်းစာစောင် ဖြန့်ဝေတာတွေ လုပ်ခဲ့ပါတယ်။



တောင်ဒဂုံမှာ အဖမ်းခံရတဲ့ ဒေါ်ခင်အေးက “လက်မှတ်ထိုးခိုင်းတာကတော့ ရဲက ထိုးခိုင်းတာပါ၊ တောင်ဒဂုံစခန်းမှူး ဦးဌေးဝင်းက ထိုးခိုင်းတာပါ။ ကျမလည်း စာဖတ်ကြည့်တော့ ဝန်ခံကတိပြုပါသည်။ ဒီစာတွေဝေတဲ့ကိစ္စနဲ့ပတ်သက်လို့ သူတို့ခွင့်ပြုချက်မရှိဘူးပေါ့။ ကုမဏီအသင်းအဖွဲ့ စတာတွေ ခွင့်ပြုချက်ရှိမှသာလျင် ဝေနိုင်တယ်လို့ ရေးထားပါတယ်။ ဒါ့ကြောင့် အမ်ဒီစီအက်ဖ်ဆိုတဲ့ ကုန်ဈေးနှုန်းကျဆင်းရေးအင်အားစုဆိုတဲ့ အဖွဲ့လက်မှတ်ပါတယ်။ ဒါကြောင့် အမ်ဒီစီအက်ဖ် ခေါင်းဆောင် ကိုထင်ကျော်ကိုခေါ်မယ်ဆိုပြီး ခေါ်ရာက ကိုထင်ကျော်ကိုပါ တားမြစ်ခံရတာဖြစ်ပါတယ်။ အထက်လူကြီးကို စောင့်နေလို့ ဆိုပြီး စောင့်ဆိုင်းနေကြဆဲဖြစ်ပါတယ်” လို့ ပြောပါတယ်။



ဒီလိုတားမြစ်မှုအပေါ် ကိုထင်ကျော်က “ဒီအခြေခံဥပဒေကို သူတို့ကိုယ်တိုင်ချိုးဖောက်နေတယ်ဆိုတာ ကမ္ဘာသိအောင် လုပ်ရမယ်။ သူတို့ပြဋ္ဌာန်းထားတဲ့ အခြေခံဥပဒေကို သူတို့မလေးစားဘူး၊ မလိုက်နာဘူး။ အခု ကျနော်တို့ လုပ်ရမယ့်ကိစ္စတွေကို တားဆီးခံနေရတယ်။ သူတို့ရေးဆွဲထားတဲ့ အခန်း () ပုဒ်မ (၃၅၄) နိုင်ငံသားပိုင်ခွင့်ကို ကျနော်တို့ ချိုးဖောက်ခံနေရတယ်။ ကျနော်တို့ ငြိမ်းချမ်းတဲ့နည်းနဲ့လုပ်နေတာ” လို့ ပြောပါတယ်။



မြို့နယ်မှူးနဲ့ ရဲစခန်းမှူးနဲ့ ရောက်လာပြီးတော့ သူတို့ရဲ့ ခွင့်ပြုချက် ပါမစ်မပါတဲ့အတွက် ဝေငှခွင့်မပြုနိုင်ဘူးလို့ ပြောတယ်။ အခြေခံဥပဒေကို ကျနော်တို့က ရှင်းပြတဲ့အခါကျတော့ သူက မြို့နယ်အုပ်ချုပ်ရေးမှူးဆီ သတင်းပို့ပေးဖို့ ပြောတယ်။ ကျနော်တို့က ဒါကို အသိပေးလို့ရတယ်။ ခွင့်ပြုချက်တောင်းစရာ မလိုဘူး။ ဒါဟာ နိုင်ငံသား ရပိုင်ခွင့် ဖြစ်တယ်လို့ ပြောခဲ့တယ်။ ဒါနဲ့ မြို့နယ် မရက ရုံးသွားတဲ့အခါကျတော့ လက်ထောက်တွေနဲ့ပဲ တွေ့တဲ့အခါကျတော့ စာတွေပေးတော့ သူတို့က လက်မခံဘူး။ ဟိုလိုလို ဒီလိုလိုနဲ့ ပြီးသွားတာပေါ့ဗျာ။”



သူတို့ရဲ့လှုပ်ရှားမှုကို လာမယ့်ရက်ပိုင်းတွေမှာလည်း ဆက်လုပ်သွားမယ်လို့ ဆိုပါတယ်။



ဒီနှစ်ဆန်းပိုင်းမှာ ကုမ္ပဏီတခုက တယ်လီဖုန်းဆင်းကတ်တခုကို ကျပ်ငွေ ၅,၀၀၀ နဲ့ ရောင်းပေးမယ်ဆိုတဲ့ သတင်းထုတ်ပြန်ချက်ကြောင့် အစိုးရထုတ်ရောင်းနေတဲ့ ဈေးထက် အဆ ၁၀၀ လောက်သက်သာစေမယ်၊ လူတိုင်း ကိုင်နိုင်မယ်ဆိုပြီး လူထုအကြား ဒီသတင်း ရေပန်းစားခဲ့ပါတယ်။ ဒါပေမယ့် မြန်မာ့ဆက်သွယ်ရေးကတော့ ဒီလိုဖြန့်ချိဖို့ဆိုတာ တည်ဆဲဥပဒေတွေအရဆိုရင် မဖြစ်နိုင်ဘူးလို့ ပြောထားပါတယ်။



မန္တလေးမြို့တော်ဝန် ဦးဖုန်းဇော်ဟန် ရာထူးပြောင်း
Published on February 28, 2012 by မင်းလွင် · · DVB



မန္တလေးတိုင်းဒေသကြီးအစိုးရအဖွဲ့ စည်ပင်သာယာရေးဝန်ကြီးနဲ့ မန္တလေးမြို့တော်ဝန် ဦးဖုန်းဇော်ဟန်ကို ဘဏ္ဍာရေးနဲ့ အခွန်ဝန်ကြီးဌာန ၀န်ကြီးအဖြစ် ပြောင်းလဲခဲ့ပါတယ်။
ဦးဖုန်းဇော်ဟန် (ဓာတ်ပုံ မောင်ဘဦး- မန္တလေး)
အလားတူ မန္တလေးတိုင်းအစိုးရ ဘဏ္ဍာရေးနဲ့ အခွန်ဝန်ကြီး ဦးအောင်မောင်းကိုတော့ မန္တလေး မြို့တော်ဝန်နဲ့ စည်ပင်သာယာရေးဝန်ကြီးအဖြစ် ပြောင်းလဲ ခန့်အပ်ပါတယ်။



အခုလို ၀န်ကြီးဌာနတွေ ပြောင်းလဲခန့်အပ်တာဟာ ပြည်ထောင်စုသမ္မတ ဦသိန်းစိန် အမိန့်နဲ့ ဒီနေ့ထုတ် အစိုးရသတင်းစာတွေ ကြေညာထုတ်ပြန်ထားပါတယ်။



မန္တလေးမြို့တော်ဝန်ဟောင်း ဦးဖုန်းဇော်ဟန်ဟာ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် မန္တလေးခရီးစဉ်မှာ တရားဟောဖို့အတွက် စည်ပင်သာယာပိုင် အောင်ပင်လယ်ကွင်းကို ခွင့်ပြုပေးထားပါတယ်။



မန္တလေးမြို့မှာ မြို့တော်ဝန် အပြောင်းအလဲ ဖြစ်ခဲ့တဲ့အတွက် ဒေါ်အောင်ဆန်းစုကြည်ရဲ့ တရားဟောမယ့်နေရာနဲ့ ပတ်သက်ပြီးတော့ အပြောင်းအလဲ ရှိ မရှိဆိုတာနဲ့ပတ်သက်ပြီး အမျိုးသားဒီမိုကရေစီအဖွဲ့ချုပ် ပြန်ကြားရေးတာဝန်ခံ ဦးအုန်းကြိုင်က အခုလို ပြောပါတယ်။



အဟောင်းနဲ့အသစ်နဲ့ အပြောင်းအလဲ ဖြစ်တယ်လို့ ကြားပါတယ်။ ဒါပေမယ့် ကျနော်တို့အတွက် ဘာမှမထူးပါဘူး၊ အကြောင်းမကြားပါဘူး။”



မန္တလေးဒေသခံတွေကတော့ ဦးဖုန်းဇော်ဟန်ဟာ ယခင်မန္တလေးတိုင်းမှူး လုပ်သွားခဲ့ပြီး အနားပေးခံလိုက်ရတဲ့ တနင်္သာရီတိုင်းဒေသကြီး ၀န်ကြီးချုပ် ဒုတိယဗိုလ်ချုပ်ကြီးဟောင်း ဦးခင်ဇော်နဲ့ အလွဲသုံးစား ပတ်သက်မှုတွေ ရှိခဲ့တဲ့ အတွက် သတင်းတွေလည်း ထွက်ပေါ်နေတယ်လို့ မြို့ခံက ပြောပါတယ်။



တနင်္သာရီတိုင်းက ခင်ဇော်က တိုင်းမှူးဘ၀ထဲက ပတ်သက်သွားတာတွေက မြို့တော်ဝန်ကိုလည်း ဆော်မယ်ဆိုပြီး အသံတွေ ထွက်လာတယ်။ ဒါပေမယ့် ခင်ဇော်ကတော့ ပြုတ်သွားတယ်။ မြို့တော်ဝန်ကတော့ သိသိသာသာ မီဒီယာတွေမှာ မပါသလောက်ကို ဖြစ်သွားတယ်။ ရတနာပုံတို့၊ မန္တလေးနေ့စဉ်တို့၊ ဂျာနယ်တွေမှာဆ်ိုလည်း မြို့တော်ဝန်သတင်းကို ကာဗာလုပ်တာကို တွေ့ရတယ်။ ဒါပေမယ့် အဲဒါဖြစ်ပြီး နောက်ပိုင်း မပါတော့ဘူး။”



မြို့တော်ဝန်သစ် ဦးအောင်မောင်းဟာ မဟာအောင်မြေမြို့နယ် မဲဆန္ဒနယ် အမှတ် ၁ ကနေ ၂၀၁၀ ရွေးကောက်ပွဲမှာ ရွေးကောက်ခံရတဲ့ ကိုယ်စားလှယ် ဖြစ်ပါတယ်။



နိုင်ငံရေးအကျဉ်းသားဟောင်း ရဟန်းတပါး ကျောင်းက နှင်ထုတ်ခံရ
Published on February 27, 2012 by မင်းလွင် · · DVB



လွတ်ငြိမ်းချမ်းသာခွင့်နဲ့ မကြာခင်ကမှ ပြန်လည်လွတ်မြောက်လာတဲ့ ရဟန်းတော်တပါးကို သံဃမဟာနာယကအဖွဲ့က ကျောင်းကနှင်ထုတ်လိုက်ပါတယ်။



အကျဉ်းထောင်က ပြန်လည်လွတ်မြောက်လာတဲ့ ရန်ကုန် ဗဟန်းမြို့နယ် လိပ်ပြာကန်တိုက် အလယ်ကျောင်းက ဦးဇင်း ဦးဃောသိတကို ကျောင်းအတွင်း တရားမဝင် ဝင်ရောက်နေထိ်ုင်မှုနဲ့ အဲဒီကျောင်းထိုင်ဆရာတော်က နိုင်ငံတော် သံဃမဟာနာယကကို တိုင်ကြားတဲ့အတွက် သံဃမဟာနာယကနေ ကျောင်းက ထွက်ခွာဖို့ ညွှန်ကြားလာတာပါ။



နိုင်ငံရေးအကျဉ်းသားဟောင်း ဦးဃောသိတကတော့ သူဟာ ကျောင်းထိုင်ဆရာတော် ဦးဇောတိကဟာ ကျောင်းပိုင်မြေတွေ ရောင်းစားတာကို ပြောဆိုတဲ့အတွက် အခုလို သံဃမဟာနာယကကို တင်ပြီးတော့ မတရား နှင်ထုတ်ခံရတာပါလို့ မိန့်ကြားပါတယ်။



ဒီကျောင်းမှာ ဦးဇင်းက ၂၀၀၆ ထဲကနေလာတာ၊ ၂၀၀၉ မှာ ဦးဇင်းကို ထိုင်ဝမ်အဖွဲ့ကနေ အကျွတ်အလွတ်ပွဲတော်ဆိုပြီး ပင့်တယ်၊ နာဂစ်အပြီးမှာပေါ့။ အဲဒီကနေ ပြန်လာပြီးတော့မှ ဦးဇင်းကို ၁၃/၁၊ ၁၇/၁၊၂၄/၁ တို့နဲ့ဆွဲပြီးတပ်တော့ ဦးဇင်းထောင်ထဲရောက်သွားတယ်။ ထောင်ထဲမှာ ၂ နှစ်ခွဲလောက်နေခဲ့ရတယ်။ အခုလွတ်ငြိမ်းချမ်းသာခွင့်နဲ့ ဦးဇင်းပြန်လွတ်လာတယ်။ ပြန်လွတ်လာပြီးနောက်ပိ်ုင်း ကျောင်းမှာစာချတယ်။ ကျောင်းတိ်ုက်ရောက်တဲ့အခါမှာ ကျောင်းထိုင်ဆရာတော်က နိုင်ငံတော်ပိုင်၊ သံဃာ့အဖွဲ့ပိုင် ကျောင်းမြေတွေကို ရောင်းစားတယ်။ အခြားကျောင်းကနေပြီး ဦးဇင်းတို့ပိုင်တဲ့ကျောင်းထဲကို ဝင်ဆောက်တယ်။ ဆောက်တဲ့အခါကျတော့ တိ်ုင်းနာယကတွေကို ဦးဇင်းက တားမြစ်စာပို့လိုက်တယ်၊ တိုင်းနာယကတွေက တားမြစ်စာထုတ်ပေးတယ်။ ကျောင်းဘုန်းကြီးနဲ့ ရောင်းတဲ့ဘုန်းကြီးနဲ့က ပေါင်းပြီးတော့ မဟနကို သွားတယ်။ မဟနမှာ ဘယ်လိုနည်းနဲ့ လုပ်ခဲ့လည်းတော့မသိဘူး။ ဦးဇင်းကို မဟန ကနေပြီးတော့ ၃ ရက်အတွင်း ဒီကျောင်းတိ်ုက်ကနေ ထွက်ပေးရမယ်ဆိုပြီး အမိန့်စာရောက်လာတယ်။”



ဦးဃောသိတဟာ လိပ်ပြာကန်တိုက် အလယ်ကျောင်းက စာချကိုယ်တော် တပါးလည်းဖြစ်ပါတယ်။ ကျောင်းက နှင်ထုတ်ခံရပေမယ့်လည်း ကျောင်းကနေ ထွက်ခွာမှာ မဟုတ်ဘူးလို့လည်း မိန့်ကြားပါတယ်။



ဦးဇင်းကတော့ မထွက်ခွာပါဘူး။ ဘယ်အဖွဲ့ပဲလာလာ ဦးဇင်းကတော့ ရှင်းပြပေးပါမယ်၊ တောင်းဆိုပါမယ်၊ ပြဿနာမဖြစ်နိုင်ဘူးလားဆိုတော့ ကျောင်းထိ်ုင်ဘုန်းကြီးနဲ့တော့ ပြဿနာမဖြစ်နိုင်ပါဘူး။ သူလည်းဦးဇင်းကို မပြောရဲပါဘူး။ သူသည်ပြစ်ချက်တွေ အများကြီးရှိပါတယ်။ သူတိုက်ထဲမှာ နေသမျှ ကာလပတ်လုံး အရှုပ်အထွေးတွေများစွာရှိပါတယ်။ လက်ရှိလည်း အရှုပ်အထွေးတွေ ရှိနေတဲ့အတွက် ဦးဇင်းကို မရင်ဆိုင်ရဲပါဘူး။ သံဃမဟာနယက ဆရာတော် ဘုရားကြီးတွေအနေနဲ့က အောက်ခြေကို သေသေချာချာ ဆင်းပြီးတော့ လေ့လာပြီးတော့ ဘယ်သူတွေက မှန်ကန်တယ်၊ ဘယ်သူတွေက မမှန်ကန်ဘူးဆိုတာကို ဆုံးဖြတ်သင့်ပါတယ်လို့ မဟန ဆရာတော် ဘုရားကြီးတွေကို ဦးဇင်းက လျှောက်ထားချင်ပါတယ်။”






စစ်တပ်၏ အခန်းကဏ္ဍနှင့်ပတ်သက်ပြီး အီးယူကိုယ်စားလှယ်အဖွဲ့ မေးခွန်းထုတ်
Published on February 28, 2012 by နေသွင် · · DVB



မြန်မာပြည်ရောက်နေတဲ့ ဥရောပသမဂ္ဂ ပါလီမန်က အမတ် ၁၁ ယောက်ပါတဲ့ အဖွဲ့ဟာ နေပြည်တော်မှာ အမျိုးသားလွှတ်တော်က ခေါင်းဆောင်တွေနဲ့ တွေ့ဆုံကာ စစ်တပ်ရဲ့ အခန်းကဏ္ဍနဲ့ ပတ်သက်ပြီး မေးခွန်းထုတ်ခဲ့တယ်လို့ သိရပါတယ်။



မနက် ၉ နာရီမှ ၁၀ နာရီအထိ တွေ့ဆုံတဲ့ အမျိုးသားလွှတ်တော် ဥက္ကဋ္ဌ ဦးခင်အောင်မြင့် ဦးဆောင်တဲ့ အမျိုးသားလွှတ်တော်ကိုယ်စားလှယ်တွေနဲ့ တွေ့ဆုံတဲ့အခါမှာ မြန်မာပြည်က နိုင်ငံရေးအပြောင်းအလဲ အခြေအနေတွေကို မေးမြန်းခဲ့ပါတယ်။



ဆွေးနွေးပွဲကို တက်ရောက်ခဲ့တဲ့ အမျိုသားလွတ်တော်ရဲ့ နိုင်ငံသားများ၏ မူလ အခွင့်အရေး၊ ဒီမိုကရေစီအရေးနဲ့ လူ့အခွင့်အရေး ကော်မတီ ဥက္ကဋ္ဌ ဒေါက်တာ အေးမောင်က အခုလို ပြန်ပြောပါတယ်။



ပထမဦးဆုံး လာတဲ့ခရီးစဉ်ပါပဲ။ သူတို့ဘက်က မေးမြန်းတာပေါ့။ လက်ရှိ အစိုးရအပေါ်မှာ၊ ပါလီမန်ရဲ့လုပ်ငန်းတွေအပေါ်မှာ သူတို့ယူဆတာတွေကို မေးမြန်းကြတယ်။ မိတ်ဆက်တာလည်း ပါတာပေါ့။ သူတို့ ပါလီမန်အကြောင်းလည်း ရှင်းပြပါတယ်။ သူတို့ ပါလီမန်မှာ ဘယ်နှဖွဲ့ပါတယ်။ နိုင်ငံပေါင်း ဘယ်လောက်ပါတယ်။ ကျနော်တို့ ပါလီမန်အကြောင်းလည်း မေးတာပေါ့။



အထက်လွှတ်တော်နဲ့ အောက်လွှတ်တော် ဆက်စပ်မှုတွေ၊ ဥပဒေပြုမှုရယ်၊ အစိုးရရဲ့ ရှေ့နေပေါ့၊ နောက်ကြောင်း ပြန်မသွားဘူးဆိုတာမျိုး ဖြစ်နိုင်ပါ့မလားဆိုတဲ့ မေးခွန်းတွေရယ်၊ စစ်တပ်က အာဏာသိမ်းမှုတွေ၊ တပ်မတော်သားတွေ ၂၅ ရာခိုင်နှုန်း ပါဝင်နေတဲ့ကိစ္စတွေ အဲဒါတွေကိုလည်း ကျနော်တို့ ရှင်းသွားပါတယ်။ နာယကကြီးကဆိုရင် လူထုက တောင်းဆိုလာတဲ့ ကာလတခုမှာတော့ ဒီရာခိုင်နှုန်းဆိုတာက ရှိချင်မှ ရှိတော့မှာပါဆိုတဲ့ သဘောမျိုးပြောသွားပါတယ်။ သူတို့မေးတဲ့ မေးခွန်းတွေပေါ်မှာ နာယကကြီးက ရှင်းပြသွားတာပါ။”



ဂျာမနီအမတ် မစ္စတာ ၀ါနာလန်ဂျင် ဦးဆောင်တဲ့ အဖွဲ့ရဲ့ ခရီးဟာ အီးယူအမတ်တွေရဲ့ ပထမဆုံး မြန်မာပြည် ခရီးစဉ်ဖြစ်ပြီး ပါလီမန် အချင်းချင်း ဆက်ဆံရေးကို တရားဝင် တည်ဆောက်ဖို့ ရည်ရွယ်တယ်လို့ အီးယူက သတင်းထုတ်ပြန်ထားပါတယ်။



အီးယူအမတ်တွေရဲ့ ဒီခရီးစဉ်အတွင်းမှာ သမ္မတ ဦးသိန်းစိန်၊ ၀န်ကြီးတွေ၊ လူမှုအဖွဲ့အစည်းတွေက ကိုယ်စားလှယ်တွေ၊ အတိုက်အခံတွေနဲ့ တွေ့ဆုံဖို့ ရည်ရွယ်ထားတာပါ။



အမတ်တွေဟာ ဒီနေ့ နေ့လယ်ပိုင်းမှာ မြန်မာအစိုးရ ၀န်ကြီးတချို့နဲ့ တွေ့ဆုံခဲ့ပြီး မနက်ဖြန် ဒေါ်အောင်ဆန်းစုကြည်နဲ့ တွေ့ဆုံတဲ့အခါမှာ အီးယူပါလီမန်မှာ တက်ရောက် မိန့်ခွန်းပြောဖို့ ဖိတ်ကြားမယ်လို့ ဆိုပါတယ်။



အီးယူပါလီမန် အဖွဲ့ဟာ မြန်မာပြည်က လက်ရှိ အပြုသဘော ပြုပြင်မှုတွေအပေါ် ကြိုဆိုထားပြီး မြန်မာပြည်အပေါ် ဒဏ်ခတ် ပိတ်ဆို့ထားတာတွေကို ရုပ်သိမ်းဖို့ကိစ္စဟာ ဧပြီလ ကြားဖြတ်ရွေးကောက်ပွဲအပေါ်မှာ မူတည်နေတယ်လို့ ပြောဆိုိထားပါတယ်။



ဒီခရီးစဉ်အတွင်းမှာ မြန်မာပြည်က ဒီမိုကရေစီတည်ဆောက်နေတာကို ထောက်ခံကြောင်း၊ တရားဥပဒေ စိုးမိုးရေး၊ လူ့အခွင့်အရေးကို လေးစားဖို့နဲ့၊ အမျိုးသားပြန်လည်သင့်မြတ်ရေး တည်ဆောက်ရေး အောင်မြင်အောင်လုပ်ဖို့ တိုက်တွန်းသွားမယ်လို့ အီးယူက သတင်းထုတ်ပြန်ထားပါတယ်။



အဓမ္မသိမ်းယူခံထားရသည့် နယ်မြေမှ မပြောင်းပေးသည့် ရွာသားအချို့ တရားစွဲခံရ
Published on February 28, 2012 by နော်နိုရင်း · · DVB



နေပြည်တော်ခရိုင် လယ်ဝေးမြို့နယ် မီးသွေးဖိုကုန်းကျေးရွာမှာ နေထိုင်တဲ့ ရွာသားတွေကို စီမံကိန်းနယ်မြေဆိုပြီး ဖယ်ခိုင်းကာ မဖယ်ပေးတဲ့ ရွာသားတွေကို စည်ပင်သာယာက တရားစွဲဆိုပါတယ်။



တရားစွဲခံရတဲ့ ဦးချစ်ကိုဦးက “ကျနော်တို့ ရွာက စီမံက်ိန်းနယ်မြေ ဖြစ်တယ်ဆိုပြီး ၂၀၁၁ ခုနှစ် အောက်တိုဘာ ၁၈ ရက်နေ့က လာပြီး ညွှန်ကြားသွားပြီးတော့ ကျေးရွာနေတဲ့သူတွေကို ပြောင်းရွှေ့ကြေး ၂ သိန်း ပေးတယ်။ မပြောင်းသေးတဲ့သူ၊ မဖယ်ပေးတဲ့သူတွေကို စည်ပင်အက်ဥပဒေ ပုဒ်မ ၂၆ နဲ့ တရားစွဲဆိုတယ်။ စီမံကိန်းဆိုတာ ကျနော်တို့ ကြားတာတော့ ကျောက်မျက် စီမံကိန်းလို့ ပြောတယ်။ မြေကွက် ပြန်ပြီးတော့ အစားမပေးဘူး။ ပြောင်းရွှေ့ကြေး ၂ သိန်းနဲ့ ဘယ်လိုလုပ် ၀ယ်ယူ နေထိုင်ရမလဲ။ တကယ်ပဲ နေစရာ မရှိတဲ့သူဆိုတော့ မဖယ်ပေးဘူး။ မဖယ်ပေးတဲ့လူတွေက တရားစွဲဆိုခံရတာပေါ့။ အခုနေစရာ၊ လုပ်စားစရာ မြေကွက်လည်း မရှိဘူး ဆိုတော့ တရားစွဲလည်းခံရုံပဲ၊ ထောင်ချလည်း ခံရရုံပဲဆိုပြီး နေထိုင် တရားရင်ဆိုင်နေရတယ်” လို့ ပြောပါတယ်။



အဲဒီရွာမှာ အိမ်ခြေ ၁၄၅ အိမ်ရှိပြီး စည်ပင်က စီမံကိန်းနယ်မြေနဲ့ မလွတ်ကင်းလို့ဆိုပြီး ဖယ်ခိုင်းခဲ့တာပါ။ ဒီလို ဖယ်ခိုင်းတဲ့နေရာမှာ ရွာသား ၄၉ ဦးသာ အိမ်ခြံမြေနေရာနဲ့ ပြောင်းရွှေ့စရိတ် ၂ သိန်းရရှိပြီး ကျန်သူတွေကိုတော့ ပြောင်းရွှေ့စရိတ် ၂ သိန်းသာ ပေးပြီး မြေနေရာမပေးဘဲ ပြောင်းရွှေ့ခိုင်းတာလို့ ဆိုပါတယ်။



ဒီလို မညီမျှမှုကြောင့် မပြောင်းဘဲ တင်းခံတဲ့ ရွာသားတွေကို ဖမ်းဆီး ထောင်ချမယ်လို့ သက်ဆိုင်ရာက ပြောဆိုတာကြောင့် တချို့ရွာသားတွေ ကြောက်လန့်ပြီး ပြောင်းရွှေ့ကုန်ပေမယ့် တချို့က မပြောင်းဘဲ ဆက်လက် နေထိုင်ကြပါတယ်။



မပြောင်းဘဲ ကျန်ရှိတဲ့ အိမ်ခြေ ၂၀ ကျော်ကို ပြီးခဲ့တဲ့ ၁၀ ရက်နေ့မှာ နေပြည်တော်စည်ပင်ဌာနက စည်ပင်ဥပဒေ ပုဒ်မ၂၆ နဲ့ တရားစွဲဆိုထားပါတယ်။ မနေ့ကတော့ ရုံးချိန်း ၄ကြိမ် ရှိသွားပြီ ဖြစ်ပါတယ်။



တရားရင်ဆိုင်ရတဲ့ ရွာသား ဦးချစ်ကိုဦးက တရားခွင်အတွင်း စစ်ဆေးမှုနဲ့ သူ့ရဲ့ အခက်အခဲကို အခုလို ရှင်းပြပါတယ်။



စစ်တယ်ဆိုတော့ ကျနော်တို့ကို စည်ပင်အက်ဥပဒေ ပုဒ်မ ၂၆ နဲ့ လယ်ဝေးမြို့နယ်တရားရုံးက တရားသူကြီးက မေးတယ်။ ခင်ဗျားတို့ကို တရားစွဲဆိုထားတယ်၊ ဒီအတွက် အပြစ်ရှိလား၊ မရှိဘူးလားပေါ့။ ကျနော်တို့ကလည်း အပြစ်မရှိပါဘူးလို့ ပြောကြားထားတယ်။ ဘာကြောင့်မရှိလဲဆိုတော့ ကျနော်တို့က ရွာမြေမှာနေထိုင်ပြီးတော့ ရွာလူကြီးရဲ့ အသိအမှတ်ပြုလက်မှတ်၊ ပုံစံ ၁၀ (က) နဲ့ ကျေးရွာရဲ့ ကိစ္စအ၀၀ဖြစ်တဲ့ သာရေးနာရေး၊ မီးဘေးနဲ့ လုံခြုံရေးတို့မှာ တာဝန်ယူပြီး ထမ်းဆောင်ခဲ့ကြတာ၊ ရွာသားဖြစ်လျက်သားနဲ့ စည်ပင်ပိုင်နယ်မြေမှာ နေတယ်ဆိုပြီး တရားစွဲဆိုတာ ဖြစ်တာကြောင့် ကျနော်တို့မှာ အပြစ်မရှိပါဘူးလို့ ပြောကြားထားတာ။



ကျနော်တို့မှာ နေစရာမရှိလို့ ဈေးတန်ဖိုးလည်းနည်းပြီး ကိုယ့်ရဲ့ လုပ်အားခနဲ့ တနိုင်တပိုင် ရရှိတဲ့ငွေကြေးနဲ့ ဒီကျေးရွာမြေမှာ ၀ယ်ယူပြီး အိမ်ဆောက်နေတာပါ။ မတရား နှင်ထုတ် တရားစွဲဆိုနေတော့ ကျနော်တို့ရဲ့ နစ်နာမှုတွေက အများကြီးပဲ။”



ရွာသားတွေဘက်က လိုက်ပါဆောင်ရွက်ပေးမယ့် အကူအညီလိုအပ်နေပြီး လက်ရှိအတိုင်းဆို ထောင်ဒဏ်ကျခံရမယ့် အခြေအနေဖြစ်နေတယ်လို့ ဆိုပါတယ်။ ရွာသားတွေ တရားစွဲဆိုခံရမှုနဲ့ ပတ်သက်ပြီး လယ်ဝေးမြို့နယ် စည်ပင်သာယာရေး ကော်မတီကို မေးမြန်းလို့ မရသေးပါဘူး။



မြစ်ဆုံ တန်ဖရဲရွာသားများကို မူရင်းရွာ ပြန်မနေဖို့ ဖိအားပေး
ဇော်ရှန် | အင်္ဂါနေ့၊ ဖေဖေါ်ဝါရီလ ၂၈ မဇ္ဈိမ



နယူးဒေလီ (မဇ္ဈိမ) ။ ။ ကချင်ပြည်နယ် မြစ်ဆုံရေအားလျှပ်စစ်စီမံကိန်းကြောင့် ရွှေ့ပြောင်းပေးခဲ့ရသည့် မြစ်ဆုံ အနီး တန်ဖရဲ ရွာသားများအား စီမံကိန်း ရပ်ဆိုင်းလိုက်သော်လည်း နေရပ်ရွာသို့ ပြန်လည်နေထိုင်ခွင့် မပြုကြောင်း သိရသည်။



ဖေဖေါ်ဝါရီလ ၂၅ ရက်နေ့တွင် မြစ်ကြီးနားခရိုင် အုပ်ချုပ်ရေးမှူးက တန်ဖရဲရွာသားများအား မိမိရွာသို့ ပြန်လည်
နေထိုင်ခြင်း မပြုတော့ရန် အောင်မြင်သာ စံပြရွာသို့ လာရောက် ပြောဆိုခဲ့ပြီး နောက်တနေ့တွင် ဝန်ခံလက်မှတ် ထိုးခိုင်းကြောင်း ဒေသခံတဦး က ပြောသည်။



၂၅ ရက်နေ့မှာ ခရိုင်အုပ်ချုပ်ရေးမှူးလာပြီးတော့၊ ရွာမှာ အစည်းအဝေးလုပ်ပြီးတော့ တန်ဖရဲမှာ တောင်ယာ လုပ်ချင် လုပ်ရမယ်။ ဒါပေမယ့် ပြောင်းပြီးမနေရဘူး ဆိုပြီး ပြောသွားတယ်။ ၂၆ ရက်နေ့မှာတော့ တအိမ်တက်ဆင်း ခံဝန် လိုက်ထိုးခိုင်းတယ်”ဟု ဒေသခံတဦးက ပြောပြသည်။
ဖေဖေါ်ဝါရီလ ၂၄ ရက်နေ့က တန်ဖရဲရွာတွင် မြစ်ဆုံ ဆုတောင်းပွဲကျင်းပခဲ့ပြီး ဒေသခံများအပြင် စာရေးဆရာများ၊ ပညာရှင်များနှင့် ၈၈ မျိုးဆက် ကျောင်းသား ခေါင်းဆောင်များလည်း လာရောက်ခဲ့ကြသည်။ ထိုဆုတောင်းပွဲမှ စီမံကိန်း ရပ်တန့်သည့်အပေါ် ကျေးဇူးတင်ကြောင်းနှင့် စီမံကိန်း လုံးဝရပ်ဆိုင်းသွားရန် ဆက်လက်ကြိုးပမ်းကြမည်ဟု တက်ရောက်သူများက ပြောဆိုခဲ့ကြသည်။



ထို့နောက်တရက်တွင် ဤကဲ့သို့ ဝန်ခံကတိတောင်းသည့် လုပ်ရပ်များကို အာဏာပိုင်ဘက်မှ ပြုလုပ်လာခြင်းဖြစ်သည်။



၂ဝ၁၁ ခုနှစ် စက်တင်္ဘာလအတွင်းက သမ္မတ ဦးသိန်းစိန် ညွှန်ကြားချက်ဖြင့် စီမံကိန်းအား ရပ်တန့်စေလိုက်ပြီးနောက် တန်ဖရဲရွာသားများက မိမိတို့နေရပ်ရင်းသို့ ပြန်လည်နေထိုင်နိုင်ရန် ကြိုးစားလာခဲ့ကြသည်။



မလိခမြစ်ဘေးက ရွာ ၃ ရွာကတော့ စီမံကိန်းမြေညှိတာတွေ လုပ်လိုက်ပါပြီ။ တန်ဖရဲရွာ ကတော့ မြစ်ဘေး တလျှောက်ပဲ မြေထိုးရသေးတာဆိုတော့ တောင်ယာလုပ်စားလို့ ရသေးတယ်။ ကျန်တဲ့ ရွာသားတွေလည်း ပြန်လို့ရရင် သူတို့နေရာဟောင်းကိုပဲ ပြန်ချင်ကြတာပါ”ဟု တန်ဖရဲရွာသားတဦးက ပြောပြသည်။



မူလ တန်ဖရဲရွာတွင် အိမ်ခြေပေါင်း ၁၈၇ အိမ်ရှိပြီး လူဦးရေ ၁၁ဝဝ နီးပါး ရှိကာ မြစ်ကြီးနား အထက် ၂၆ မိုင်အကွာ တွင် တည်ရှိသည်။ ကျေးရွာသားများသည် တောင်ယာနှင့် ဥယျာဉ်ခြံစိုက်ပျိုးသည့် လုပ်ငန်းများ၊ အပန်းဖြေ လာရောက် သူ ခရီးသွားများကို ဝန်ဆောင်မှု ပေးသည့်လုပ်ငန်းများ လုပ်ကိုင်ကြသည်။ မြစ်ဆုံ ရေအားလျှပ်စစ် စီမံကိန်းသည် တန်ဖရဲရွာအစွန်တွင် တည်ဆောက်နေခြင်း ဖြစ်သည်။



၂ဝ၁ဝ ခုနစ်မှစ၍ မြစ်ဆုံစီမံကိန်းကြောင့် ပြောင်းရွေ့လိုက်ရသည့် ရွာများကို စုပေါင်းပြီး အောင်မြင်သာ ကျေးရွာသစ် ကို မူလနေထိုင်သည့် ရွာများမှ ၁ဝ မိုင်ကျော်ဝေးသည့် နေရာတွင် တည်ပေးခဲ့သည်။



အောင်မြင်သာကျေးရွာသစ်သို့ မပြောင်းရွှေ့ဘဲ တန်ဖရဲ၌ ချန်ရစ်နေထိုင်ခဲ့သည့် အိမ်ထောင်စု ၄ စုရှိသည်။ အိမ်အများစုမှာ သော့ခတ်ထားကာ လူမနေကြောင်း တန်ဖရဲရွာသားတဦးက ပြောပြသည်။



မြစ်ဆုံစီမံကိန်း တည်ဆောက်မည့် ကုမ္ပဏီများ က တည်ပေးသည့် ၎င်းရွာသစ်မှာ တောင်ယာလယ်လုပ် စိုက်ပျိုး စားသောက် မရသည့် မြေရိုင်းဖြစ်ပြီး အောက်ခံမြေမှာ ကျောက်ဖြုန်းလွှာ ဖြစ်သည်ဟု ဒေသခံများက ဆိုသည်။



နေအိမ်အသစ်များကိုလည်း တောသစ်အစိမ်းများကို ဖြတ်တောက် ဆောက်လုပ်ပေးထားအတွက် လက်ရှိတွင် ပျဉ်ချောင်းများမှာ ကောက်ကွေးနေကြောင်း သိရသည်။



အောင်မြင်သာကျေးရွာ၏ အောက်ဘက်တွင် မြစ်ဆုံစီမံကိန်းမှ တရုတ်လုပ်သားများ ယခုချိန်ထိ ဆက်လက် နေထိုင်ဆဲ
ဖြစ်ပြီး အေးရှားဝေါကုမ္မဏီမှ ဝန်ထမ်းများလည်း ယခင်အတိုင်း ဆက်လက်နေထိုင်ဆဲ ဖြစ်သည်ဟု သိရသည်။



တရုတ်နိုင်ငံသို့ ၅ ရက်ကြာ သွားရောက်ခဲ့သည့် ပြည်သူ့လွှတ်တော် ဥက္ကဋ္ဌ သူရဦးရွှေမန်းက မြစ်ဆုံဆည် စီမံကိန်း ပတ်သက်၍ “မြန်မာနိုင်ငံတွင် မြစ်ဆုံ ရေအား လျှပ်စစ် စီမံကိန်းအား ရပ်ဆိုင်းခဲ့ခြင်းသည် ပြည်တွင်း/ပြည်ပ အခြေအနေများကြောင့် ဖြစ်သည်”ဟု တရုတ်ပြည် အမျိုးသားကွန်ဂရက် ဥက္ကဋ္ဌ မစ္စတာ ဝူဘန်ကို အား ဖေဖေါ်ဝါရီလ ၂၄ ရက်နေ့က ပီကင်းမြို့၎င်း တွေ့ဆုံစဉ် ပြောဆိုခဲ့သည်။



မစ္စတာဝူဘန်ကို ကလည်း အနောက်နိုင်ငံများသည် ပတ်ဝန်းကျင် ထိန်းသိမ်းရေး ကိစ္စများ၊ ရာသီဥတု ပြောင်းလဲမှုများ ကို အကြောင်းပြကာ စီးပွားရေးလုပ်ငန်းအချို့ကို အနှောက်အယှက် ပြုနေသည်ဟု ဦးရွှေမန်းအား ပြန်လည် သတိပေး
ပြောဆိုခဲ့သည်။



ဒေါ်စုကို မကြိုဖို့ မြန်မာ့အသံ ဝန်ထမ်းများကို ညွှန်/ချုပ် သတိပေး
ကျော်ခ | အင်္ဂါနေ့၊ ဖေဖေါ်ဝါရီလ ၂၈ မဇ္ဈိမ



ချင်းမိုင် (မဇ္ဈိမ) ။ ။ ရုပ်မြင်သံကြားမှတဆင့် ပါတီ မဲဆွယ်စည်းရုံးရေး ဟောပြောရန်အတွက် နေပြည်တော်မြန်မာ့အသံနှင့် ရုပ်မြင်သံကြားဌာနသို့ လာရောက်မည့် အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌဒေါ်အောင်ဆန်းစုကြည်ကို ဝန်ထမ်းများအနေဖြင့် ကြိုဆိုနှုတ်ဆက်ခြင်း မပြုလုပ်ရန် ဌာန ညွှန်ကြားရေးမှူးချုပ် ဦးသိန်းအောင် က သတိပေး ပြောဆိုထားကြောင်း သိရသည်။



နေပြည်တော် မြန်မာ့အသံနှင့် ရုပ်မြင်သံကြား ဌာန ဝန်ထမ်းများအား သောကြာနေ့ မနက်ပိုင်းက သီးသန့် အစည်းအဝေး တရပ် ခေါ်ယူကာ ယင်းကဲ့သို့ သတိပေး ပြောဆိုခဲ့ခြင်း ဖြစ်ကြောင်း အစည်းအဝေး တက်ရောက်ခဲ့သူ ဝန်ထမ်းများက ပြောသည်။



ကျနော်တို့ဆီကို ဒေါ်အောင်ဆန်းစုကြည် လာမယ်လေ။ လာတဲ့အခါကျရင် ဘယ်ဝန်ထမ်းမှ ထွက်မတွေ့ရဘူး။
နှုတ်ဆက်ဖို့လည်း မလိုဘူး။ ကိုယ့်အလုပ်ကိုပဲ လုပ်ရမယ်လို့ ညွှန်မှူးက ပြောတယ်။ အားလုံးကလည်း သူ့ကြောက်တော့ မတွေ့ပါဘူးလို့ ပြန်ဖြေခဲ့ရတယ်” ဟု အစည်းအဝေးတက်ရောက်ခဲ့သူ ရုပ်/သံ ဝန်ထမ်းတဦးက မဇ္ဈိမကို ပြော သည်။



NLD အပါအဝင် ဧပြီ ၁ ရက်နေ့ ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်ကြမည့် နိုင်ငံရေးပါတီ ၁၇ ခုကို ၎င်းတို့ ပါတီများ၏ မူဝါဒ၊ သဘောထားနှင့် လုပ်ငန်းစဉ်တို့ကို ရေဒီယိုနှင့် ရုပ်မြင်သံကြားတို့မှ စည်းရုံးဟောပြော တင်ပြနိုင်ရန် ပြည်ထောင်စု ရွေးကောက်ပွဲကော်မရှင်က ဖေဖေါ်ဝါရီ ၁၇ ရက်နေ့က ထုတ်ပြန်ခဲ့သည်။



ဝန်ထမ်းအချို့မှာ ဒေါ်အောင်ဆန်းစုကြည် ရောက်လာမည်ကို တွေ့မြင်လိုကြသော်လည်း ဦးသိန်းအောင် ၏ သတိပေး တားမြစ်မှုကို လွန်ဆန်နိုင်ခြင်းမရှိသဖြင့် ကြည့်ခွင့်မရတော့ဟု ကာယကံရှင်များက ပြောသည်။



ဒေါ်အောင်ဆန်းစုကြည်ကို အပြင်မှာ တခါမှ မတွေ့ဖူးဘူး။ အင်တာနက်နဲ့ ဂျာနယ်တွေမှာပဲ တွေ့ဖူးတာ။ အရင်တော့ သူလာရင် သွားနှုတ်ဆက်မယ်။ သူ့ကို ကြည့်မယ်လို့ တွက်ထားတာပေါ့လေ။ ဒါပေမယ့် ကျမတို့ မကြည့်ပါဘူးဆိုပြီး ညွှန်မှူးကို ပြောခဲ့ပြီးပြီ” ဟု မြန်မာ့အသံ ဝန်ထမ်း တဦးက မဇ္ဈိမကို ပြောသည်။



ရိုတ်ကူးရေး တာဝန်ကျတဲ့လူတွေကတော့ ကံကောင်းတာပေါ့ဗျာ။ ဒေါ်အောင်ဆန်းစုကြည်ကို အနီးကပ် တွေ့ခွင့်ရ တာပေါ့။ ကျနော်တို့ကတော့ ထွက်တောင် ကြည့်ခွင့် မရတော့လေ။ ဒီလိုပဲ ဝန်ထမ်းဆိုတော့လလည်း အထက်ကို မလွန်ဆန်နိုင်ဘူးပေါ့” ဟုလည်း အခြားဝန်ထမ်းတဦး က ပြောသည်။



ပြည်ထောင်စု ရွေးကောက်ပွဲကော်မရှင်၏ ထုတ်ပြန်ချက်အရ NLD ပါတီ၏ စည်းရုံးရေး ရုပ်သံအစီအစဉ်ကို မြန်မာ့ အသံနှင့် ရုပ်မြင်သံကြားမှ တဆင့် မက်လ ၁၄ ရက်နေ့တွင် ထုတ်လွှင့်ပေးမှာဖြစ်ပြီး ယင်းသို့ ထုတ်လွှင့်နိုင်ရန် အတွက် ဟောပြောမည့် ဒေါ်အောင်ဆန်း စုကြည်အနေဖြင့် နေပြည်တော် မြန်မာ့အသံသို့ ထုတ်လွှင့်ရက်မတိုင်မီ ၂ ရက် ကြိုတင်ကာ လာရောက်ရိုတ်ကူးရမည် ဖြစ်သည်။



ဒေါ်အောင်ဆန်းစုကြည်၏ ပါတီ မဲဆွယ်စည်းရုံးရေး ခရီးစဉ်အချို့တွင် အစိုးရ အာဏာပိုင်အချို့၏ နှောက်ယှက်မှု ရှိနေကြာင်း NLD က သတင်းစာရှင်းလင်းပွဲပြုလုပ်၍ သတင်းမီဒီယာများသို့ ဖေဖေါ်ဝါရီ ၁၄ ရက်နေ့က ထုတ်ပြန်ခဲ့သေးသည်။



ဖေဖေါ်ဝါရီလ ၄ ရက်နေ့နှင့် ၅ ရက်နေ့များတွင် မန္တလေးမြို့သို့ သွားရောက်ပြီး ဗထူး အားကစားကွင်းအတွင်း လူထုကို ဟောပြောရန် စီစဉ်ခဲ့သော်လည်း မြန်မာနိုင်ငံ ဘောလုံးအဖွဲ့ချုပ်မှ ထိုအားကစားကွင်းကို မငှားခြင်းကြောင့် ခရီးစဉ်ကို ရပ်ဆိုင်းထားခဲ့ပြီး မတ်လဆန်းတွင်မှ ပြန်လည် သွားရောက်ဟောပြောရမည် ဖြစ်သည်။



အလားတူ ဖေဖေါ်ဝါရီလ ၁၇ ရက်နေ့ ဧရာဝတီတိုင်း ဖျာပုံခရီးစဉ်တွင် ဟောပြောရန်အတွက် ဖျာပုံမြို့ အားကစားကွင်း အတွင်း ပြုလုပ်ရန် လျှောက်ထားသော်လည်း အားကစားဝန်ကြီးဌာနမှ အသုံးပြုခွင့်မပေး၍ လူထုပရိသတ်
လေးသောင်းခန့်အား ဖျာပုံမြို့ပြင် သဲကွင်းတွင်ပင် ဟောပြောခဲ့ရသည်။



ထို့အတူ ရန်ကုန်တိုင်း လှည်းကူးမြို့ရှိ ဘောလုံးကွင်း၌ ဖေဖေါ်ဝါရီ ၁၅ ရက်နေ့တွင် ပြုလုပ်ရန်ရှိသည့် ဟောပြောပွဲကို အားကစားဝန်ကြီး ဦးတင့်ဆန်း က တားမြစ်ခဲ့သော်လည်း ပြည်ထောင်စု ရွေးကောက်ပွဲ ကော်မရှင်မှ ခွင့်ပြုပေးလိုက် သည်။



ဒေါ်စုကို ကန့်ကွက်မှု တိုင်းကော်မရှင် အပြီးပြတ်ပယ်ချ
မျိုးသန့် | အင်္ဂါနေ့၊ ဖေဖေါ်ဝါရီလ ၂၈ မဇ္ဈိမ



ချင်းမိုင် (မဇ္ဈိမ) ။ ။ ဒေါ်အောင်ဆန်းစုကြည်အား လွှတ်တော် ကိုယ်စားလှယ်လောင်းအဖြစ် အမည်စာရင်း တင်သွင်းမှု ကန့်ကွက်လွှာကို ရန်ကုန်တိုင်း ရွေးကောက်ပွဲ ကော်မရှင်မှ ပယ်ချလိုက်ပြီး တချိန်တည်းတွင် လွှတ်တော် ကိုယ်စားလှယ်လောင်းအဖြစ် အသိအမှတ်ပြုလိုက်ပြီဟု ရန်ကုန်တိုင်း ရွေးကောက်ပွဲ ကော်မရှင်ဥက္ကဋ္ဌ ဦးကိုကိုက မဇ္ဈိမကို ပြောသည်။



"အယူခံလွှာကို တိုင်းဒေသကြီး ကော်မရှင်အဖွဲ့ခွဲက ပလပ်လိုက်ပါတယ်။ ကိုယ်စားလှယ် လောင်းတွေကိုလည်း ဒီနေ့ ထုတ်ပြန်ခိုင်းလိုက်ပါပြီ။ ၃:၃ဝ လောက်က အန်ကယ်တို့ ထုတ်ပြန်ခိုင်းလိုက်ပြီ" ဟု ဦးကိုကို က ပြောသည်။



ရန်ကုန်တိုင်း ကော့မှူးမြို့နယ် မဲဆန္ဒနယ်အတွက် ဒေါ်အောင်ဆန်းစုကြည်နှင့် ယှဉ်ပြိုင်မည့် ညီညွတ်ရေးနှင့် ငြိမ်းချမ်းရေး ပါတီ၏ ကိုယ်စားလှယ်လောင်း ဦးတင်ရီ၏ ဒေါ်အောင်ဆန်းစုကြည်အား ကန့်ကွက်လွှာကို တိုင်းရွေးကောက်ပွဲ ကော်မရှင်မှ အင်္ဂါနေ့တွင် ပလပ်လိုက်ခြင်း ဖြစ်သည်။



ယင်းအပြင် ရန်ကုန်တိုင်း ကော့မှူးမြို့နယ်တွင် ဝင်ရောက်အရွေးခံကြမည့် လွှတ်တော် ကိုယ်စားလှယ်လောင်းများ အဖြစ် အမျိုးသားဒီမိုကရေစီအဖွဲ့ချုပ် NLD မှ ဒေါ်အောင်ဆန်းစုကြည်၊ ကြံ့ခိုင်ရေးပါတီမှ ဒေါက်တာစိုးမင်း၊ ညီညွတ်ရေးနှင့် ငြိမ်းချမ်းရေးပါတီမှ ဦးတင်ရီတို့ကိုလည်း ကိုယ်စားလှယ်လောင်းအဖြစ် ရန်ကုန်တိုင်း ရွေးကောက်ပွဲကော်မရှင်က အင်္ဂါနေ့တွင် အသိအမှတ်ပြုလိုက်ခြင်းဖြစ်သည်။



ဦးတင်ရီ၏ ကန့်ကွက်လွှာတွင် ဒေါ်အောင်ဆန်းစုကြည်သည် အင်္ဂလန်နိုင်ငံတွင် အမြဲတမ်း နေထိုင်ခွင့်ကဒ် ရရှိထားသူ
ဖြစ်ခြင်း၊ ရရှိသည့် ဆုငွေများကို နိုင်ငံခြားဘဏ်များတွင် အပ်နှံထားခြင်း၊ အိန္ဒိယနိုင်ငံ နယူးဒေလီတွင် နေထိုင်စဉ် အခွန်ငွေများကို မြန်မာသံရုံးသို့ ပေးဆောင်ခြင်းမရှိဘဲ ဗြိတိန်အစိုးရသို့သာ ပေးဆောင်ခြင်းတို့ကြောင့် နိုင်ငံခြားသား အကျိုးကျေးဇူးများကို ခံစားနေသူဖြစ်သည်ဟု စွပ်စွဲထားပြီး ၂ဝဝ၈ ဖွဲ့စည်းပုံ အခြေခံဥပဒေပုဒ်မ ၁၂၁ နှင့် ငြိစွန်းနေခြင်းကြောင့် ကန့်ကွက်ခြင်းဖြစ်သည်ဟု ဖေါ်ပြထားသည်။



၂ဝဝ၈ ဖွဲ့စည်းပုံအခြေခံဥပဒေ ပုဒ်မ ၁၂၁ ပုဒ်မခွဲ () တွင် နိုင်ငံခြားအစိုးရ၏ လက်အောက်ခံ ဖြစ်သူသော်လည်းကောင်း၊ တိုင်းတပါး၏ နိုင်ငံသားသော်လည်းကောင်း ခံစားရသော အခွင့်အရေးများ သို့မဟုတ် ကျေးဇူးခံစားခွင့်များကို ခံစားနိုင်ခွင့် ရှိသူသည် ရွေးကောက်ပွဲတွင် ရွေးကောက်တင်မြှောက်ခံပိုင်ခွင့် မရှိရဟု ဖေါ်ပြထားသည်။



ဦးတင်ရီ၏ အထက်ပါ စွပ်စွဲချက်များများနှင့် ပတ်သက်၍ ခိုင်လုံသည့် သက်သေ အထောက်အထား မရှိခြင်းကြောင့် ကန့်ကွက်မှုကို ပယ်ချလိုက်ခြင်းဖြစ်သည်ဟုလည်း ဦးကိုကိုက မဇ္ဈိမကို ပြောသည်။



"ဒေါ်အောင်ဆန်းစုကြည်ဟာ အိန္ဒိယမှာနေခဲ့တုန်းက အခွန်ငွေ မဆောင်ခဲ့ဘူးပေါ့။ အဲဒီလိုမျိုး သူပြောရုံနဲ့တော့ အန်ကယ်တို့က လက်မခံဘူး။ အထောက်အထား အခိုင်အမာ တင်ပြရမယ်။ အဲဒီလိုမျိုး မဆောင်ခဲ့တာကို ဘယ်မှတ်တမ်း မှတ်ရာတွေရှိသလဲ။ သက်ဆိုင်ရာ သံရုံးက စာရွက်စာတမ်း ပြလေ။ သူ ရအောင်ယူပြီး အန်ကယ်တို့ကို တင်လေ။ ဟိုစာစောင်ထဲမှာ ပါတာကိုကူး၊ ဒီက ကြားတာကို ထည့်ရေး၊ ဒါမျိုးဆိုရင်တော့ ခိုင်မာတဲ့ အထောက်အထား မဟုတ်ဘူးလေ။ ခိုင်မာတဲ့ သက်သေ အထောက်အထားတွေ တင်သွင်းဖို့ သူ့မှာ တာဝန်ရှိပါတယ်" ဟု ဦးကိုကိုက ပြောသည်။



ဦးတင်ရီသည် သူ၏ ကန့်ကွက်လွှာကို ရန်ကုန်တောင်ပိုင်းခရိုင် ရွေးကောက်ပွဲကော်မရှင်ကို တင်သွင်းခဲ့သေးပြီး ဇန်နဝါရီလ ၁၁ ရက်နေ့တွင် ပယ်ချပြီးနောက် အယူခံကို တိုင်း ရွေးကောက်ပွဲကော်မရှင်သို့ ထပ်မံတင်ပြခဲ့ရာ တိုင်းရွေးကောက်ပွဲကော်မရှင်က ယခုကဲ့သို့ ပယ်ချလိုက်ခြင်းဖြစ်သည်။



ဦးတင်ရီ၏ ကန့်ကွက်မှုနှင့် ပတ်သက်၍ တိုင်းရွေးကောက်ပွဲကော်မရှင်၏ ဆုံးဖြတ်ချက်သည် အပြီးအပြတ် ဖြစ်သည် ဟု ပြည်သူ့လွှတ်တော် ရွေးကောက်ပွဲ နည်းဥပဒေ ပုဒ်မ ၂၇၊ ပုဒ်မခွဲ () တွင် ပြဋ္ဌာန်းထားသည်ကို တိုင်းရွေးကောက်ပွဲကော်မရှင်ဥက္ကဋ္ဌ ဦးကိုကိုက ကိုးကားကာ "ဒါ့ကြောင့် အန်ကယ်တို့က နောက်ထပ်တကြိမ်ကိုတော့ အန်ကယ်တို့က လက်မခံတော့ဘူး။ ရှေ့လုပ်ရမယ့် အလုပ်ကိုပဲ ဆက်လုပ်တော့မယ်။ ဒါနဲ့ အချိန်ကုန်မခံနိုင်တော့ဘူး" ဟု မဇ္ဈိမကိုပြောသည်။



ထို့ပြင် အမျိုးသားဒီမိုကရေစီအင်အားစု NDF ပါတီကလည်း ဦးတင်ရီ၏ ကန့်ကွက်မှုကို လက်မခံနိုင်ကြောင်း တနင်္ဂနွေနေ့က ကြေညာချက်ထုတ်ပြန်ခဲ့သေးသည်။



"ဒီမိုကရေစီနိုင်ငံကို သွားတဲ့အခါမှာ မြန်မာ့ ဒီမိုကရေစီ ခေါင်းဆောင်လို့ သတ်မှတ်ထားတဲ့ ပုဂ္ဂိုလ်တယောက်ကို ဒီလိုကန့်ကွက်ခြင်းဟာ ပြည်သူလူထု မျှော်လင့်ချက်တွေကိုလည်း ရိုက်ချိုးရာရောက်တယ်။ ဒီမိုကရေစီ အစဉ်အလာ
တွေကိုလည်း ပစ်ပယ်ရာရောက်တယ်။ နိုင်ငံရေး ဖြစ်စဉ်ကြီးကိုလည်း အားနည်းအောင် လုပ်ရာကျတယ်။ ဒါ့ကြောင့် ဒါကို ကျနော်တို့ လက်မခံဘူးလို့ ပြောတာပါ။" ဟု NDF မူဝါဒရေးရာကော်မတီခေါင်းဆောင် ဦးခင်မောင်ဆွေက မဇ္ဈိကို ပြောသည်။



ဒေါ်အောင်ဆန်းစုကြည်သည် ကော့မှူးမြို့နယ်မှ ဝင်ရောက်ယှဉ်ပြိုင် အရွေးခံရန်အတွက် ကရင်တိုင်းရင်းသား အများစုနေထိုင်သည့် ဝါးသင်္ခရွာတွင် သန်းခေါင်စာရင်း ဝင်ထားပြီးဖြစ်သည်။



အဲဒီမှာ ပြိုင်မယ်ဆိုတော့ ကော့မှူးကနေပြီးတော့ မဲထည့်ရမယ်လေ။ အန်တီက အဓိကကတော့ အဲဒီရွာကို ရွေးတာ ကတော့ ကရင်တိုင်းရင်းသားတွေရွာမို့လို့ပါ။ အဲတော့လည်း ကရင်တိုင်းရင်းသားတွေနဲ့ ပိုပြီးတော့ နီးနီးကပ်ကပ်
နေနိုင်အောင်လို့ အဲဒီရွာမှာ မဲထည့်ဖို့ ရွေးလိုက်တာပဲ”ဟု သတင်းမီဒီယာများကို ဒေါ်အောင်ဆန်းစုကြည်က ပြောဆို ခဲ့သည်။



ကော့မှူးမြို့နယ်တွင် လူဦးရေ စုစုပေါင်း ၁၃၅,ဝဝဝ ခန့် ရှိသည့်အနက် ၂ဝ၁ဝ စာရင်းများအရ မဲထည့်နိုင်သူ စုစုပေါင်း အရေအတွက်မှာ ၈၃,ဝဝဝ ခန့် ရှိကြောင်း သိရှိရသည်။



ကချင်အမျိုးသမီး ဒေါ်ရွယ်ဂျာကို ဖမ်းဆီးထားခြင်း မရှိဟု မပခ ငြင်းဆို
ဖနိဒါ | တနင်္လာနေ့၊ ဖေဖေါ်ဝါရီလ ၂၇ မဇ္ဈိမ



ချင်းမိုင်(မဇ္စျိမ) ။ ။ တဖက်မှ စွပ်စွဲထားသည့်အတိုင်း ကချင်အမျိုးသမီး ဒေါ်ဆွမ်းလွတ် ရွယ်ဂျာကို ဖမ်းဆီးထားခြင်း မရှိကြောင်း မြောက်ပိုင်းတိုင်း စစ်ဌာနချုပ် (မပခ)မှ နေပြည်တော် ပြည်ထောင်စု လွှတ်တော်တရားရုံးသို့ဖေဖေါ်ဝါရီလ ၂၃ ရက်နေ့က လျှောက်လဲခဲ့သည်ဟု သိရသည်။



မိုးမောက်မြို့နယ် လွယ်ဂျယ်မြို့နယ်ခွဲ ခိုင်ဗန်ကျေးရွာမှ ကလေးတဦး မိခင် ဒေါ်ရွယ်ဂျာ၏ အဖြစ်မျိုး မရှိကြောင်း မပခ လက်အောက်ခံ ခမရ ၃၂၁ နှင့် ခလရ ၃၇ တို့မှ ဗိုလ်ကြီးတဦးနှင့် ဗိုလ်မှူးတဦးတို့က ထိုသို့ လျှောက်လဲချက်ပေးခဲ့ခြင်းဖြစ်ကြောင်း ဒေါ်ရွယ်ရဂျာ၏ ရှေ့နေ ဦးမားခါး က မဇ္ဈိမကို ပြောသည်။



ဒေါ်ရွယ်ဂျာကိစ္စနဲ့ ပတ်သက်လို့ သတင်းတွေ ထွက်ပေါ်လာမှ သူတို့သိတယ်။ အရင်တုန်းက သူတို့ကို လာပြီး တိုင်ကြားတာ မရှိသေးဘူး။ မြောက်ပိုင်းတိုင်း စစ်ဌာနချုပ်ကနေ ခုံအဖွဲ့ဖွဲ့ပြီးတော့ စုံစမ်းစစ်ဆေးတယ်။ ဒါပေမယ့် မပခ ကနေ အဲဒီလိုအဖြစ်အပျက်မျိုး မရှိဖူးဘူး၊ မရှိဘူးဆိုပြီး စစ်တပ်ဘက်က လျှောက်လဲချက်ပေးတယ်”ဟု ပြောသည်။



ထိုနေ့ရုံးချိန်းသို့ ခမရ ၃၂၁ မှ ဗိုလ်ကြီးကျော်ကျော်ဌေးနှင့် ခလရ ၃၇ မှ ဗိုလ်မှူးဇေယျာအောင်တို့ ကိုယ်စားလှယ်အဖြစ် တက်ရောက်ခဲ့ကြောင်း သိရသည်။



ရွယ်ဂျာ အား မပခ လက်အောက်ခံ ခမရ ၃၂၁ လွယ်ဂျယ်တပ်စခန်းမှ ဥပဒေမဲ့ လေးလကြာ ဖမ်းဆီးထားသည့်အပေါ် ခင်ပွန်းဖြစ်သူ ဇောင်းခေါင် က သက်ဆိုင်ရာ တပ်ရင်းများအား တရားစွဲဆိုထားခြင်း ဖြစ်သည်။



ကျနော်တို့ဘက်က ပြန်လျှောက်လဲတာက အဲဒီလို မဖမ်းဆီးဘူးဆိုပြီး ဆုံးဖြတ်ချက် ချမယ်ဆိုရင် ကျနော်တို့ဘက်က အရမ်းနစ်နာတယ်။ တကယ် ဖမ်းဆီးတယ်။ မဖမ်းဆီးဘူးဆိုတာ ခုံဖွဲ့ပြီးတော့ စစ်ဆေးပေးဖို့၊ ဖမ်းဆီးခံရတဲ့လူကို လွှတ်ပေးဖို့ တရားရုံးကနေ အမိန့်ထုတ်ပေးဖို့ လျှောက်လဲခဲ့ပါတယ်”ဟု ဦးမားခါး က မဇ္စျိမကို ပြောသည်။



လာမည့် ရက်သတ္တပတ်အတွင်း တရားရုံးက အမိန့်ချဖွယ်ရှိပြီး ဒေါ်ရွယ်ဂျားအား အဖမ်းခံရခြင်း ရှိ၊ မရှိကို စစ်ဆေးရာ တွင် စစ်တပ်ဘက်မှ ဖမ်းဆီးခဲ့ခြင်းမရှိကြောင်း အမိန့်ချမှတ်ပါက အမှုပိတ်သွားနိုင်သော်လည်း တရားဥပဒေအရ ဆက်လက် လုပ်ဆောင်သွားမည်ဟု ရှေ့နေ ဦးမားခါး က ပြောသည်။



ဒေါ်ရွယ်ဂျားအား ၂ဝ၁၁ ခုနှစ် အောက်တိုဘာလ ၂၈ ရက်နေ့က သူ၏ ခင်ပွန်းနှင့် ဖခင်တို့နှင့်အတူ တောင်ယာသို့ အသွားတွင် အစိုးရ၏ ခမရ ၃၂၁ မှ တပ်ဖွဲ့များက ဖမ်းဆီးခဲ့သည်။ ခင်ပွန်းနှင့်ဖခင် နှစ်ဦးမှာ ထွက်ပြေး လွတ်မြောက် သွားခဲ့သည်။



၂ဝ၁၁ ခုနှစ် ဇန်နဝါရီလ နေပြည်တော် တရားလွှတ်တော်ရုံးသို့ လျှောက်ထားရာမှ ဖေဖေါ်ဝါရီလ ၉ ရက်နေ့တွင် စတင်ကြားနာစစ်ဆေးခဲ့ခြင်းဖြစ်သည်။



ထို့ပြင် ဒေါ်ရွယ်ဂျားနှင့်အတူ အမှုတွဲ ခလရ ၃၇ မှ ဖမ်းဆီးထားသော တာလောကြီးကျေးရွာမှ ကချင်အမျိုးသား ကိုဇော်ဆိုင်းနှင့် ကိုဘရန်ဆိုင်းတို့ကိုလည်း လုံခြုံရေးအရ ဖမ်းဆီးထားခြင်း ဖြစ်သည်ဟု အစိုးရဘက်မှ ကိုယ်စားလှယ် များက လျှောက်ထားခဲ့သည်ဟု ရှေ့နေ ဦးမာခါးက ပြောသည်။



၎င်းတို့နှစ်ဦးကို ဖေဖော်ဝါရီလ ၁ ရက်နေ့ကစ၍ ခြောက်ရက်ကြာ စစ်ဘက်ရေးရာ လုံခြုံရေးတပ်ဖွဲ့ - စရဖ မှ စစ်ဆေး ပြီးနောက် ဖေဖော်ဝါရီလ ၇ ရက်နေ့တွင် မြစ်ကြီးနားမြို့ ရဲတပ်ဖွဲ့သို့ လွှဲပြောင်းပေးလိုက်ပြီး မတရားအသင်း ပုဒ်မ ၁၇() ဖြင့် တရားစွဲဆိုခြင်း ခံထားရကြောင်း ရှေ့နေ ဦးမာခါးက ပြောသည်။



ဝါဏိဇ္ဖတရားရုံး၏ အဆုံးအဖြတ် တရားမျှတရန်မသေချာဟု ဦးဖိုးဖြူဆို
by Yangon Press International on Monday, 27 February 2012 at 08:53 ·
ဖေဖေါ်ဝါရီ ၂၇၊ ၂၀၁၂ ၊ (YPI)






တိုင်ရီဖိနပ်စက်ရုံမှ ဆန္ဒပြအလုပ်သမားများ၏ လိုလားချက်များကို ၀ါဏိဇ္ဖတရားရုံးသို့ တိုင်ကြားထားသော်လည်း ယင်းတရားရုံးမှ ချမှတ်မည့်ဆုံးဖြတ်ချက်မှာ တရားမျှတမှုရှိရန် မသေချာကြောင်း ယနေ့ပြုလုပ်သည့် သတင်းစာရှင်းလင်းပွဲ၌ အလုပ်သမားများအရေးကို လိုက်ပါဆောင်ရွက်ပေးလျက်ရှိသည့် ရှေ့နေဦးဖိုးဖြူက ပြောသည်။






အရင်အတွေ့အကြုံတွေအရပြောရရင် ၀ါဏိဇ္ဖရုံးက အလုပ်သမားတွေဘက်ကို အများကြီးလိုက်လျောတာမရှိဘူး။ သိပ်မျှော်လင့်ထားလို့မရဘူးဆိုတာ ထင်ရှားတယ်” ဟု ၎င်းကဆိုသည်။






ထိုသို့တရားမျှတရန်မသေချာသော်လည်း ၀ါဏိဇ္ဖရုံးသို့ တိုင်ကြားရခြင်းမှာ အလုပ်သမားများ၏ ဆန္ဒပြတောင်ဆိုမှုကို ဥပဒေကြောင်းအရ ရှင်သန်စေလို၍ဖြစ်ကြောင်း ၎င်းကပြောကြားသည်။






ယနေ့ကျင်းပသည့် တိုင်ရီ စက်ရုံ အလုပ်သမား ဆန္ဒပြမှုနှင့် ပတ်သက်သည့်သတင်းစာရှင်းလင်းပွဲမှ အလုပ်သမားများ






ဦးဖိုးဖြူက “ ဆန္ဒဆက်ပြလို့ အလုပ်သမားတွေထဲက တစ်ယောက်ယောက်ကို အာဏာပိုင်က ဖိအားပေးမယ်ဆိုရင် ကျန်တဲ့သူတွေက ကြောက်လန့်ပြီး သပိတ်ပြိုကွဲသွားလိမ့်မယ်။ ဒါကြောင့် ၀ါဏိဇ္ဖကိုတင်ဖို့ ရွေးရတာပါ” ဟု ပြောသည်။






ယခုကဲ့သို့ ၀ါဏိဇ္ဖတရားရုံးသို့ တိုင်ကြားထားသော်လည်း မည်သည့်အချိန်တွင် ဆုံးဖြတ်ချက်ချမည်ကိုလည်း မိမိတို့အနေဖြင့် မသိရကြောင်း၊ ထို့ကြောင့် တိုင်ကြားစာတွင် တရားရုံးမှ ဆုံးဖြတ်ချက်ချသည့် အချိန်အထိ အလုပ်သမားများအား လစာပေးထားရန်ကိုလည်း ထည့်သွင်းတောင်းဆိုထားကြောင်း အလုပ်သမားခေါင်း ဆောင်တစ်ဦးက ဆိုသည်။






ဆန္ဒပြအလုပ်သမားခေါင်းဆောင်တစ်ဦးကလည်း ၀ါဏိဇ္ဖတရားရုံး၏ ဆုံးဖြတ်ချက် တရားမျှတခြင်းမရှိပါက ဆက်လက်ဆန္ဒပြသွားမည် ဖြစ်ကြောင်းပြောသည်။
ကျွန်မတို့ လိုလားချက်တွေ မရမခြင်း တောင်းဆိုသွားမှာပါ” ဟု ၎င်းကပြောသည်။






တိုင်ရီဖိနပ်စက်ရုံမှ အလုပ်သမားများအနေဖြင့် နေ့စဉ်ကြေး တစ်နာရီလျှင် ၇၅ ကျပ်မှ ၁၅၀ သို့တိုးမြှင့် ပေးရန်နှင့် ရက်မှန်ကြေးအား တစ်လလျှင် ၆၀၀၀ ကျပ်မှ ၈၀၀၀ ကျပ်သို့တိုးမြှင့်ပေးရန်ဆန္ဒပြတောင်းဆိုကြခြင်းဖြစ်သည်။ စက်ရုံပိုင်ရှင်ဘက်မှမူ နေ့စဉ်ကြေး တစ်နာရီလျှင် ၁၀၀ နှင့် လစဉ်ကြေးတစ်လလျှင် ၇၀၀၀ အထိသာ တိုးမြှင့်ပေးခဲ့သည်။






တိုင်ရီဖိနပ်စက်ရုံတွင် ဆန္ဒပြအလုပ်သမားပေါင်း ၁၈၆၂ ဦးရှိပြီး ၀ါဏိဇ္ဖရုံးသို့ တိုင်ကြားရန်ကို ၁၃၁၁ ဦးက သဘောတူလက်ခံခဲ့သည်။ ကျန်ရှိအလုပ်သမားများအနက် ၂၂၇ ဦးမှာ စက်ရုံမှ တိုးမြှင့်ပေးသည့် လစာကို လက်ခံကာ လုပ်ငန်းခွင်သို့ပြန်လည်ဝင်ရောက်ခဲ့သည်။






ယခုအချိန်တွင် ယင်းအလုပ်သမားများအနေဖြင့် ၀ါဏိဇ္ဖတရားရုံးအပြင် လွှတ်တော်များရှိ ဥပဒေဆိုင်ရာကော်မတီများသို့ပါ တိုင်ကြားထားသည်။






ယခုကိစ္စသည် နှစ်အတန်ကြာအတွင်း အလုပ်သမားများ၎င်းတို့အခွင့်အရေးကို လူသိရှင်ကြား ဆန္ဒပြတောင်းဆိုသည့် အဖြစ်အပျက်တရပ်လည်း ဖြစ်သည်။






ယခင်နှစ်များက အလုပ်သမား ဆန္ဒပြမှုဖြစ်ပွားလျင် ရဲလုံခြုံရေး တင်းကြပ်စွာချထားခြင်း ပြင်ပမှ အလုပ်သမားများ အရေးဆောင်ရွက်သူများ ၀င်ရောက်ကူညီခြင်းမပြုနိုင်အောင် ယူနီဖောင်းဝတ်နှင့် အရပ်ဝတ် လုံခြုံရေး အဖွဲ့ဝင်အများအပြား ချပြီး တားမြစ်ခြင်းတို့ကိုသာ တွေ့မြင်ရလေ့ ရှိသည်။






ယခုလက်ရှိ မြန်မာနိုင်ငံသုံးစွဲနေသည့် အလုပ်ရှင် အလုပ်သမား ပဋိပက္ခဥပဒေမှာ ကိုလိုနီခေတ်ကတည်း ကပြဋ္ဌာန်းထားသည့် ဥပဒေဖြစ်ပြီး အခြားသော နိုင်ငံများမှာကဲ့သို့ ဥပဒေဖြင့် အနိမ့်ဆုံး လုပ်ခသတ်မှတ်ချက် ပြဋ္ဌာန်းထားခြင်းမျိုးလည်း မရှိသေးပေ။
ဝါဏိဇ္ဖတရားရုံးဆိုသည်မှာ အလုပ်ရှင်နှင့်အလုပ်သမားများကြားဖြစ်ပွားလျက်ရှိသည့် ပဋိပက္ခများကို ကိုင်တွယ်သည့်တရားရုံးဖြစ်သည်။ ။



ကျပ် ၅၀၀၀ တန် ဖုန်းကဒ်ရရှိရေး လှုပ်ရှားသူ ၁၁ ဦး ဖမ်းဆီးဟန့်တားခံရ
2012-02-28 RFA



ရန်ကုန်တိုင်း တောင်ဒဂုံမြို့သစ်မြို့နယ်အတွင်းမှာ ဒီကနေ့ မနက် ၈ နာရီလောက်က တန်ဖိုးနည်း ကျပ် ၅၀၀၀ တန် ဖုန်းကဒ်ရရှိရေး လှုပ်ရှားသူ ၁၁ ဦးကို သက်ဆိုင်ရာ အာဏာပိုင်တွေက ဖမ်းဆီးဟန့်တားခဲ့တယ်လို့ သိရပါတယ်။



ဒဂုံမြို့သစ်အတွင်းမှာ ကုန်ဈေးနှုန်းကျဆင်းရေး အင်းအားစုအဖွဲ့က ဦးတင်မောင်ကြည် ဦးဆောင်တဲ့ အဖွဲ့ဝင် ၁၁ ဦးက “ပြည်သူများသုံး ငါးထောင်ဖုန်း အမြန်ခွင့်ပြုအုံး”၊ “ကုန်ဈေးနှုန်းများကျဆင်းရေး တန်ဖိုးနည်းဖုန်း သုံးခွင့်ပေး” စတဲ့ စာသားတွေ ရေးသားထားတဲ့ စာရွက်တွေနဲ့ စတစ်ကာတွေ ဖြန့်ဝေတဲ့လှုပ်ရှားမှု လုပ်နေချိန်မှာ အာဏာပိုင်တွေက ဟန့်တား ဖမ်းဆီးခဲ့တယ်လို့ သိရပါတယ်။



ဒီကိစ္စနဲ့ပတ်သက်ပြီး မြို့နယ်အာဏာပိုင်တွေနဲ့ သွားရောက် ဖြေရှင်းပေးခဲ့သူ ကုန်ဈေးနှုန်းကျဆင်းရေး ခေါင်းဆောင် ကိုထင်ကျော်က အာအက်ဖ်အေကို အခုလို ပြောပါတယ်။



ဖမ်းထားတာက ကိုတင်မောင်ကြည်တို့ တစ်ဖွဲ့လုံးဗျ။ တောင်ဒဂုံ အုပ်စုတွေ တစ်ဖွဲ့လုံးကို တားထားတာ။ ကျွန်တော်တို့ ဒီ တန်ဖိုးနည်းဖုန်း ၅၀၀၀ တန်ဖုန်းကို ဆန္ဒဖော်ထုတ်ဖို့အတွက်ကို စာအိတ်တွေ ပြည်သူတွေ လိုက်ဝေတဲ့အခါကျတော့ (၇၀) ရပ်ကွက်က ရယကအဖွဲ့တွေနဲ့ ဒီ ရဲတပ်ဖွဲ့ဝင်တွေက တားပြီးတဲ့အခါကျတော့ ရယကရုံး ခေါ်သွားပြီးတော့မှ မဝေဖို့ လက်မှတ်ထိုးခိုင်းတယ်။ 'လက်မှတ်မထိုးနိုင်ဘူး။ ဒါက ကျွန်တော်တို့ အခြေခံဥပဒေအရ လုပ်တာ' ဆိုတော့ အဲဒါ လက်မခံတော့ ကျွန်တော်တို့ လှမ်းအကြောင်းကြားတော့ ကျွန်တော်တို့ သွားတဲ့အခါမှာ အဲဒီမှာ မြို့နယ်မှူးနဲ့ စခန်းမှူးနဲ့ ရောက်လာပြီးတော့မှ မြို့နယ် အုပ်ချူပ်ရေးမှူးရဲ့ ခွင့်ပြုချက်ပါမှ သူတို့ ခွင့်ပြုနိုင်မယ်ဆိုပြီးတော့ ကျွန်တော်တို့ကို မြို့နယ် အုပ်ချူပ်ရေးရုံးကို လွှတ်တယ်”



ဟန့်တား ဖမ်းဆီးခံရသူတွေမှာ ဦးတင်မောင်ကြည်၊ ကိုလှကြည်၊ ကိုစိုးမိုး၊ ကိုကျော်ဇင်လတ်၊ ကိုသန်းဝင်း (ခေါ် ) မှတ်ကြီး၊ ကိုအေးဝင်း၊ တရုတ်ကြီး၊ ကိုစိုးမြင့်ဦး၊ ဒေါ်ခင်အေး၊ ဒေါ်ချိုနဲ့ မခိုင်ဇာသင်းတို့ ပါဝင်ပြီး ကိုထင်ကျော်နဲ့အတူ အားလုံး မြို့နယ် အုပ်ချူပ်ရေးရုံးကို ဆက်သွားခဲ့ချိန်မှာ မြို့နယ်အုပ်ချူပ်ရေးမှူးနဲ့ တွေ့ခွင့်မရခဲ့သလို နောက်ဆုံး နေ့လယ် ၁၁ နာရီကျော်မှာ ပြန်လွှတ်ပေးလိုက်တယ်လို့ ကိုထင်ကျော်က ဆက်ပြောပါတယ်။



မြို့နယ် အုပ်ချူပ်ရေးမှူးကလည်း မရှိဘူး။ မရှိတော့ သူတို့ကို ပြောပြခဲ့တယ်ပေါ့ဗျာ။ တာဝန်ရှိတဲ့လူက ဘယ်သူမှ တာဝန်မခံဘူးဗျ၊ အဲဒီမှာ ခုံပေါ်မှာ တာဝန်ခံနေတဲ့လူ ကျွန်တော် ဒီစာရွက်တွေဝေတဲ့ဟာကို ပြတဲ့အခါကျတော့ လက်မခံဘူး၊ သူတို့က အဲဒီ လျှောက်လွာလေးတစ်စောင် တင်ပါဆိုတော့ ကျွန်တော်တို့က ပါမစ်တော့ မတင်နိုင်ဘူး။ ကျွန်တော်တို့က ‘ပါမစ်ယူစရာ မလိုဘူး။ အခြေခံဥပဒေထဲမှာ အခန်း () ပုဒ်မ ၃၅၄ က နိုင်ငံသားပိုင်ခွင့်အရ ကျွန်တော်တို့ လုပ်တာ။ လွတ်လပ်စွာ စည်းရုံးခွင့်တို့ လွတ်လပ်စွာ ဆန္ဒဖော်ထုတ်ခွင့်တို့ ရေးပေးထားတာ အခု ဘာကြောင့် အခြေခံ ဥပဒေကို ခင်ဗျားတို့ ဖောက်ဖျက်နေသလဲ’ လို့ ကျွန်တော်မေးတော့ သူတို့ ဘာမှ မပြောလိုက်ဘူး။ သူတို့ ကျွန်တော့်ကို ဒီအတိုင်း ပြန်လွှတ်လိုက်ပါတယ်ခင်ဗျ”



တန်ဖိုးနည်း ဖုန်းကဒ်ရရှိရေးအတွက် ဒီလှုပ်ရှားမှုတွေကို တောင်ဒဂုံ၊ မြောက်ဒဂုံ၊ လှိုင်သာယာနဲ့ မြောက်ဥက္ကလာမြို့နယ်တွေမှာ ဒီမိုကရေစီရေး စဉ်ဆက်မပြတ် လှုပ်ရှားမှု အင်အားစုအဖွဲ့ကနေ ဦးဆောင်ပြီး အခုလ ၂၂ ရက်က စတင် လှုပ်ရှားနေတာဖြစ်ပါတယ်။






ပြည်တွင်းစစ် ရပ်စဲနိုင်ဖို့ စစ်မှန်တဲ့ ငြိမ်းချမ်းရေးလို
2012-02-28 RFA



မြန်မာနိုင်ငံမှာ ပြည်တွင်းစစ် ရပ်စဲနိုင်ဖို့ စစ်မှန်တဲ့ငြိမ်းချမ်းရေးကို ရှေးရှုတဲ့ နိုင်ငံရေး ညှိနှိုင်းဆွေးနွေးမှုတွေ အမြန်ဆုံးဖော်ဆောင်သွားဖို့ ၈၈မျိုးဆက် ကျောင်းသားများအဖွဲ့က အချက်လေးချက်ပါတဲ့ “မြစ်ကြီးနား ပဲ့တင်သံ” ကြေညာချက် ဒီကနေ့ ထုတ်ပြန် တောင်းဆိုလိုက်ပါတယ်။



နိုင်ငံမှာ ဒီမိုကရေစီစနစ် ဖော်ဆောင်နိုင်အောင် စစ်မှန်တဲ့ ငြိမ်းချမ်းရေးရဖို့ လိုအပ်တဲ့အတွက် အခုလို တောင်းဆိုရတာဖြစ်တယ်လို့ ၈၈ မျိုးဆက် ကျောင်းသားခေါင်းဆောင် ကိုမြအေးက ပြောပါတယ်။



မြစ်ကြီးနားမြို့ကို ရောက်ရှိနေတဲ့ ၈၈မျိုးဆက် ကျောင်းသားများအဖွဲ့နဲ့ ကချင်ပြည်နယ် ငြိမ်းချမ်းရေးကို ဖော်ဆောင်နေတဲ့ ခေါင်းဆောင်တွေ၊ ဘာသာရေးအကြီးအကဲ ခေါင်းဆောင်တွေ၊ နိုင်ငံရေး၊ လူမှုရေး၊ စီးပွားရေး၊ ဘာသာရေး အသင်းအဖွဲ့အစည်း အသီးသီးက ခေါင်းဆောင်တွေကို တွေ့ဆုံအပြီး ဒီကြေညာချက်ကို ထုတ်ပြန်လိုက်တာဖြစ်ပါတယ်။



စစ်ဘေးဒဏ်သင့် တိုင်းရင်းသား ညီအစ်ကို မောင်နှမတွေအတွက် လိုအပ်တဲ့ ထောက်ပံ့ကူညီမှုတွေ အဆင်ပြေချောမွေ့စွာ ရောက်ရှိနိုင်ဖို့ သက်ဆိုင်ရာ အဖွဲ့အစည်းအသီးသီးက ပူးပေါင်းကူညီ ဆောင်ရွက်ပေးရေးကိုလည်း ဒီကြေညာချက်မှာ တောင်းဆိုထားပါတယ်။



ကိုမင်းကိုနိုင်၊ ကိုကိုကြီး၊ ကိုမြအေး၊ ကိုဂျင်မီ စတဲ့ ၈၈မျိုးဆက် ကျောင်းသားများအဖွဲ့ဟာ ဖေဖော်ဝါရီ ၂၃ ရက်က ကချင်ပြည်နယ် မြစ်ကြီးနားမြို့ကိုရောက်ရှိခဲ့ပါတယ်။ ၂၄ ရက်မှာ မြစ်ကြီးနားမြို့ အထက်ဘက် မြစ်ဆုံ စီမံကိန်းတည်ရှိရာ တန်ဖရဲကျေးရွာမှာ ကျင်းပတဲ့ မြစ်ဆုံကျေးဇူး ပဲ့တင်သံဆိုတဲ့ပွဲကို တက်ရောက်ခဲ့ကြပြီးနောက် ကိုမင်းကိုနိုင်နဲ့ တချို့ မန္တလေးမြို့ကို ထွက်ခွာသွားပါတယ်။



ရှမ်းအမျိုးသား ဒီမိုကရေစီအဖွဲ့ချုပ် ပါတီမှတ်ပုံပြန်တင်မည်
2012-02-27 RFA



ရှမ်းအမျိုးသား ဒီမိုကရေစီအဖွဲ့ချုပ် SNLD ကို လာမယ့် မတ်လ ပထမပတ်ထဲမှာ ပြန်လည် မှတ်ပုံတင်ဖို့ ပါတီတည်ထောင်လိုသူ ပုဂ္ဂိုလ် ၁၅ ဦးကို ရွေးချယ်ထားပြီး လိုအပ်တဲ့ စာရွက်စာတမ်းကိစ္စ ဆောင်ရွက်နေတယ်လို့ သိရပါတယ်။



ခုလို ရှမ်းအမျိုးသား ဒီမိုကရေစီအဖွဲ့ချုပ် SNLD ဟာ ပါတီ မှတ်ပုံပြန်တင်ပေမယ့် လာမယ့် ကြားဖြတ် ရွေးကောက်ပွဲမှာ ပါဝင်နိုင်မှာ မဟုတ်ဘူးလို့ ဦးစိုင်းလိတ်က ပြောပါတယ်။ ကြားဖြတ် ရွေးကောက်ပွဲမှာ ပါဝင်ယှဉ်ပြိုင်ဖို့ ကိုယ်စားလှယ်လောင်းစာရင်းကို ဇန်နဝါရီ ၃၁ ရက် နောက်ဆုံးထားပြီး ကော်မရှင်ကို ပေးပို့ရမယ်ဆိုတဲ့ သတ်မှတ်ချက် ရှိထားတာကြောင့် ဖြစ်တယ်လို့ ဆိုပါတယ်။



SNLD ဟာ ၁၉၉၀ ရွေးကောက်ပွဲတုန်းက ဒုတိယအများဆုံး အနိုင်ရခဲ့ပါတယ်။ အဲဒီနောက်ပိုင်း အမျိုးသားညီလာခံကို ဆက်မတက်ခဲ့ဘဲ SNLD ပါတီ ဥက္ကဋ္ဌ ဦးခွန်ထွန်းဦးနဲ့ အထွေထွေ အတွင်းရေးမှူး ဦးစိုင်းညွှန့်လွင် အပါအ၀င် ရှမ်းခေါင်းဆောင် ၈ ဦးကို ရှမ်းပြည်နယ် အတိုင်ပင်ခံကောင်စီ ဖွဲ့စည်းဖို့ ကြိုးစားခဲ့တာနဲ့ ပတ်သက်လို့ စစ်အစိုးရက ၂၀၀၅ ခုနှစ်မှာ ဖမ်းဆီးခဲ့ပြီး နိုင်ငံတော်ပုန်ကန်မှုအပါအ၀င် အခြားစွဲဆိုချက်တွေနဲ့ နှစ်ရှည်ထောင်ဒဏ်တွေ ချမှတ်ခဲ့ပါတယ်။



ရှမ်းအမျိုးသား ဒီမိုကရေစီအဖွဲ့ချုပ် SNLD ဟာ ၂၀၀၈ ဖွဲ့စည်းပုံ အခြေခံဥပဒေကို လက်မခံတာက တစ်ကြောင်း၊ ပါတီခေါင်းဆောင်တွေကို ဖမ်းဆီးထားတာက တစ်ကြောင်းကြောင့် ၂၀၁၀ တုန်းက ပါတီကို ပြန်ပြီး မှတ်ပုံမတင်ခဲ့ပါဘူး။ ဒါပေမယ့် ပြီးခဲ့တဲ့ ဇန်န၀ါရီလ ၁၃ ရက်က လွတ်ငြိမ်းချမ်းသာခွင့်မှာ ဦးခွန်ထွန်းဦးအပါအဝင် တခြားခေါင်းဆောင်တွေ ပြန်လည် လွတ်မြောက်လာခဲ့တဲ့နောက်မှာ အခုလို ပါတီ မှတ်ပုံပြန်တင်ဖို့ ဆုံးဖြတ်ခဲ့ပါတယ်။



NLD မဲဆွယ်ပွဲ အနုပညာရှင်များ လိုက်ပါကူညီမည်
2012-02-27RFA



ပြင်ဦးလွင်၊ စစ်ကိုင်း၊ ပုလဲ၊ ပခုက္ကူမြို့နယ်တွေကို အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည် သွားရောက် မဲဆွယ်တဲ့အခါ နိုင်ငံကျော် ရုပ်ရှင်သရုပ်ဆောင်တွေ အဆိုတော်တွေနဲ့ ဟာသပညာရှင်တွေ ရုပ်ရှင်ဒါရိုက်တာတွေ ကိုယ်တိုင် လိုက်ပါကူညီဖို့ ရှိကြောင်း သိရပါတယ်။



အနုပညာရှင်တွေနဲ့ ဒေါ်အောင်ဆန်းစုကြည်တို့ဟာ ဒီကနေ့ညနေ ဒေါ်အောင်ဆန်းစုကြည်ရဲ့နေအိမ်မှာ တွေ့ဆုံဆွေးနွေးခဲ့ကြပြီး အခုလို ဆုံးဖြတ်ခဲ့ကြတာလို့ ရုပ်ရှင်ဒါရိုက်တာ ဝိုင်းက အာအက်ဖ်အေကို ပြောပါတယ်။



ကျွန်တော်တို့ အကြမ်းဖျင်းလျာထားချက်အရတော့ ကျွန်တော်ရယ်၊ ကိုလူမင်းရယ်၊ ဝေဠုကျော်ရယ်၊ ထွန်းအိန္ဒြာဗိုရယ်၊ ရုပ်ရှင်ထဲက။ နောက် ကျွန်တော်တို့ လူရွှင်တော် တစ်ယောက် နှစ်ယောက်နဲ့ သရုပ်ဆောင်ထဲက ရဲတိုက်ပါတယ်။ ဂီတဘက်မှာတော့ ကိုဆောင်းဦးပါမယ်။ သျှီ ပါမယ်။ ချစ်သုဝေပါမယ်။ နောက်ထပ်လည်း အနဂ္ဂပါမယ်။ သံသာဝင်း ပါမယ်။ နောက်ထပ် နှစ်ယောက် သုံးယောက်တော့ ခေါ်ဖို့ ရှိပါသေးတယ်ဗျ။ ကျွန်တော်တို့ အကြမ်းဖျင်း သတ်မှတ်တာကတော့ ရှစ်ရက်နေ့နောက်ပိုင်း ဆယ့်တစ်ရက်နေ့လောက် သတ်မှတ်ထားပါတယ်”



အနုပညာရှင်တွေ အနေနဲ့ ဒေါ်အောင်ဆန်းစုကြည်ရဲ့မဲဆွယ်ခရီးစဉ်မှာ မဲပေးပုံပေးနည်း မမှားယွင်းရအောင် ပြည်သူတွေကို ပညာပေးရေး သရုပ်ဆောင်ပြသဖို့ ဖြစ်တယ်လို့ ဆိုပါတယ်။ ဒါ့အပြင် အခြားသော အဆိုတော်တွေကလည်း အန်အယ်လ်ဒီပါတီ ရွေးကောက်ပွဲ အောင်နိုင်ရေးအတွက် ဗွီစီဒီအခွေ ရိုက်ကူးတဲ့အခါ ကူညီသရုပ်ဆောင်ပေးဖို့ ရှိတယ်လို့လည်း သိရပါတယ်။



အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည်ရဲ့ မဲဆွယ်စည်းရုံး ဟောပြောချက်တွေကို အစိုးရပိုင် ရုပ်မြင်သံကြားနဲ့ ရေဒီယိုတွေကနေ လာမယ့် မတ်လ ၂၂ ရက်နဲ့ ၂၄ ရက်တွေမှာ ထုတ်လွှင့်မယ်လို့ ပါတီ တာဝန်ရှိသူတွေက ပြောပါတယ်။



စစ်ဘေးဒဏ်သင့် ကချင်ညီနောင်သားချင်းများအတွက် ရသအလင်းဖောင်ဒေးရှင်း၏ ထောက်ပံ့ငွေအလှူ
ဖေဖော်ဝါရီ ၂၈၊ ၂၀၁၂ မိုးမခ



ရသအလင်းမိတ်ဆွေများအားလုံး မင်္ဂလာအပေါင်းနဲ့ ပြည့်စုံချမ်းမြေ့ကြပါစေလို့ ဆုတောင်းမေတ္တာပို့သအပ်ပါတယ်။



ရသအလင်းဖောင်ဒေးရှင်းကစီစဉ်ကျင်းပခဲ့တဲ့ ရုန်းကန်ရှင်သန်နေသော အလှတရားရဲ့ နောက်ဆက်တွဲ အလှူသတင်း လေး ကို သာဓု ခေါ်မုဒိတာပွားနိုင်စေဖို့ ဝေမျှလိုက်ပါတယ်။



၂၁..၂၀၁၂နေ့က စင်ကာပူနိုင်ငံမှာ ဒါရိုက်တာမောင်သူရ ( လူရွှင်တော် ဇာဂနာ)၊ ဒါရိုက်တာမင်းထင်ကိုကိုကြီးတို့နဲ့ Surviving Beauty ( ရုန်းကန်ရှင်သန်နေသော အလှတရား) အနုပညာပြပွဲနဲ့ ရုပ်ရှင်ပြပွဲလေးက အောင်မြင်စည်ကားစွာ ကျင်းပနိုင်ခဲ့ပါတယ်။



အဲဒီ့ပွဲလေးကနေ အကျိုးအမြတ်အနေနဲ့ စင်ကာပူဒေါ်လာ ၈၀၀၀ တိတိရရှိ ခဲ့ပါတယ်။



ပွဲလေးရဲ့ရည်ရွယ်ချက်ကတော့ အားလုံးလည်း သိထားပြီးဖြစ်ကြမှာပါ၊ ပွဲ စတင်အကောင်အထည်ဖေါ်စဉ် အချိန် ကာလကတည်းက ကြော်ငြာထားရှိထားခဲ့တဲ့အတိုင်းပွဲကနေရရှိတဲ့အကျိုးအမြတ်တွေကိုဖောင်ဒေးရှင်း မူလရည်ရွယ်ချက်ဖြစ်တဲ့ မြန်မာပြည်တွင်းမှကျန်းမာရေးအတွက်အရေးပေါ် ဆေးကုသဖို့ငွေကြေးလိုအပ်ချက်ကို ဖြည့်ဆည်းပေးနိုင်ရန် ဂုဏ်ပြုငွေအဖြစ် ချီးမြှင့်ပေးအပ်နိုင်ဖို့နဲ့ ကျေးဇူးပြုထိုက်တဲ့ ဆရာကြီး ဆရာမကြီးတွေကို ဂါရ၀ပြု ချီးမြှင့်ုနိုင်ဖို့အတွက် ရန်ပုံငွေ အဖြစ် ထားရှိရန်နဲ့ မြန်မာပြည်တွင်းမှ အမှန်တကယ်လိုအပ်နေသော နေရာများကို လှူဒါန်းသွားရန်အတွက် ရည်ရွယ်ချက် ထားရှိခဲ့ကြပါတယ်။



ရည်ရွယ်ချက်အတိုင်း လှူဒါန်းကြဖို့ စဉ်းစားကြရာမှာ အမှန်တကယ်လိုအပ်နေတဲ့ နေရာတွေအနေနဲ့ နှစ်နေရာ ခွဲဝေလှူဒါန်းဖို့ ဆုံးဖြတ်ခဲ့ကြပြီး NLD ပညာရေး ၀န်ဆောင်မှုအတွက် ငွေကျပ် ၁၀သိန်းတိတိ ကို(၂၂..၂၀၁၂) နေ့မှာဒါရိုက်တာမောင်သူရ( လူရွှင်တော် ဇာဂနာ) မှတဆင့် လှူဒါန်း ပေးအပ်နိုင်ခဲ့ပါတယ်။NLD မှဦးဝင်းထိန်မှ လက်ခံပေးအပ်ခဲ့ပြီး ဒီသတင်းများကိုတော့ ရသအလင်းနဲ့ အွန်လိုင်းမီဒီယာများမှတဆင့် ထုတ်ပြန်ပေးထားပြီး လည်းဖြစ်ပါတယ်။



အခု ဒုတိယအဖွဲ့အနေနဲ့ ကချင်စစ်ဘေးဒဏ်သင့် ညီနောင်သားချင်းများအတွက် ငွေကျပ် ၁၀သိန်းတိတိကို လှူဒါန်း ပေးခဲ့ ကြပါတယ်။ အလှူငွေကို ရသလင်းကိုယ်စား Blogger နေဘုန်းလတ်က ကချင်ပြည်နယ် စစ်ဘေး ဒဏ်သင့် တိုင်းရင်းသား ညီအကိုမောင်နှများအတွက် ကူညီပေးရေး ပူးပေါင်းဆောင်ရွက်မှုအစီအစဉ်များကို ဦးစီး ဆောင်ရွက် နေတဲ့ အဖြူရောင်လက်များအဖွဲ့သို့ (၂၃..၂၀၁၂)နေ့က ပေးအပ်လှူဒါန်းခဲ့တာဖြစ်ပါတယ်။ ကချင်ပြည်နယ်မှာ ကိုယ်ထိလက်ရောက်သွားရောက် ပေးအပ်ပြီးရင်တော့ သတင်းဓါတ်ပုံများကို နောက်ဆက်တွဲ သတင်း အနေနဲ့ တင်ပြ ပေးသွားမှာဖြစ်ပါတယ်။



လက်မှတ်တွေ ၀ယ်ယူအားပေးခဲ့ကြတဲ့ မိတ်ဆွေများအားလုံး၊ စိတ်ရောကိုယ်ရော ၀ိုင်းဝန်းကူညီပေးခဲ့ကြတဲ့ ညီအကိုမောင်နှမတွေအားလုံးနဲ့ လစဉ်ရန်ပုံငွေတွေ ထည့်ဝင်ပေးနေကြတဲ့ ရသလင်း အမာခံချစ်မိတ်ဆွေများ အားလုံး ဟာ အခုလှူဒါန်းတဲ့ အလှူဒါနတွေအတွက် ကာယကံမြောက်လှူဒါန်းခဲ့ကြတဲ့ အလှူရှင်တွေဖြစ်ပါတယ်။ မိတ်ဆွေတွေရဲ့ မေတ္တာအင်အား ငွေအင်အားတွေနဲ့ ဒီလို အလှူအတန်းမျိုးတွေ ရသအလင်းက ဆောင်ရွက်နိုင်ခဲ့တာမို့ မိတ်တွေများအားလုံးကို လှိုက်လှိုက်လှဲလှဲ ကျေးဇူးတင်ရှိသလို မိမိတို့ပြုခဲ့တဲ့ ကောင်းမှုကို ကြည်နူးပိတိဖြစ်နေ နိုင်ကြမယ်လို့လည်း ရသအလင်းက ယုံကြည်လျှက်ပါ။



နောင်လည်း ရသလအလင်းက ဒီလိုရန်ပုံငွေ ပွဲလေးတွေ ကျင်းပခဲ့ရင်လည်း ကြွရောက် အားပေးကြပါဦးလို့ ခုကတည်း က ဖိတ်မန္တကပြုထားပါရစေ။



နောက်ထပ်သတင်းကောင်းတစ်ခုကတော့ Surviving Beauty ပွဲလေးရဲ့မှတ်တမ်း DVDခွေများကို အကျိုး အမြတ်ပိုမို ရရှိပြီး ပိုမိုလှူဒါန်းနိုင်စေ ရန်ဆိုတဲ့ရည်ရွယ်ချက်နဲ့ စင်ကာပူဒေါ်လာ()ဒေါ်လာနှုန်းလောက်နဲ့ ရောင်းချမယ်လို့ စီစဉ် ကြော်ငြာခဲ့ကြပေမယ့် အခု မရောင်းချတော့ပဲ youtube မှာတင်ပေးသွားမည်ဖြစ်ပါကြောင်း…..



မိတ်ဆွေသစ်များအားလုံးကို လှိုက်လှဲနွေးထွေးစွာကြိုဆိုလျှက် ...



အင်္ဂါ, 28 ဖေဖော်ဝါရီ 2012
ဒေါ်စု ကိုယ်စားလှယ်လောင်း အတည်ပြုချက် ရပြီ
By သင်းသီရိ VOA



ဧပြီလ () ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်ဖို့ အတွက် ဒေါ်အောင်ဆန်းစုကြည်ကို ကိုယ်စားလှယ်လောင်းအဖြစ် လက်ခံကြောင်း အတည်ပြုတဲ့ အမည်စာရင်း ဒီကနေ့ ထွက်လာပါပြီ၊



ဒေါ်အောင်ဆန်းစုကြည်ကို ကိုယ်စားလှယ်လောင်းအရည်အချင်း ကိုက်ညီမှုမရှိဘူးဆိုပြီး အတိုင်ကြားထားတာကို တိုင်းဒေသကြီးကော်မရှင်ရုံးက ဒီကနေ့ အမိန့်ချပြီး ပယ်ချခဲ့တာလည်း ဖြစ်ပါတယ်၊ ဒီသတင်းကိုတော့ မသင်းသီရိက အပြည့်အစုံဆက်ပြောပြပေးမှာပါရှင်၊



ဒေါ်အောင်ဆန်းစုကြည်ဟာ ရွေးကောက်ခံ ကိုယ်စားလှယ်လောင်းတယောက်ရဲ့ အရည်အချင်းနဲ့ ကိုက်ညီခြင်းမရှိဘူး ဆိုပြီး တိုင်းဒေသကြီးကော်မရှင်ရုံးကို ညီညွတ်ရေးနဲ့ ငြိမ်းချမ်းရေးပါတီက ကိုယ်စားလှယ်လောင်း ဦးတင်ရီက အယူခံ ၀င် ကန့်ကွက်ထားတာကို ဒီကနေ့ ဖေဖော်ဝါရီ ၂၈ ရက် အင်္ဂါနေ့နေ့လယ်မှုာ တိုင်းဒေသကြီးကော်မရှင်ရုံးက ပယ်ချခဲ့တာ ဖြစ်ပါတယ်၊



အခုလိုမျိုး တိုင်းကော်မရှင်ရုံး က ကန့်ကွက်လွှာကို ပယ်ချအပြီး သက်ဆိုင်ရာ တောင်ပိုင်းခရိုင် ကော်မရှင်ရုံးမှာ ဒေါ်အောင်ဆန်းစုကြည်ကို ကိုယ်စားလှယ်လောင်းအဖြစ် အတည်ပြုတဲ့ အမည်စာရင်းကဒ်ထားပြီလို့ NLD ပါတီရဲ့ ဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်းက ပြောပါတယ်၊



ခရိုင်ကော်မရှင်ရုံးမှာ ဒေါ်အောင်ဆန်းစုကြည် ကိုယ်စားလှယ်လောင်းအဖြစ် လက်ခံကြောင်း နို့တစ်စာ ကပ်ပြီးပါပြီ။ ဒီနေ့ နေ့ခင်း အမိန့်ကျတယ်။ တိုင်းကော်မရှင်က အမိန့်ကျတာ။ ပြီးတော့ ဥပဒေအရ ခရိုင်ကော်မရှင်က ကပ်တာ။ မခိုင်လုံလို့ ဘာညာဆိုတာ ဖော်ပြမထားပါဘူး။ ဒေါ်အောင်ဆန်းစုကြည်ကို လွှတ်တော်ကိုယ်စားလှယ်လောင်းအဖြစ် အသိအမှတ်ပြုတယ်၊ ဒါပဲ။”



ဦးတင်ရီဟာ ညီညွတ်ရေးနဲ့ ငြိမ်းချမ်းရေးပါတီရဲ့ ကိုယ်စားလှယ်လောင်း အဖြစ် ကော့မှူးမဲဆန္ဒနယ်ထဲ မှာ ဒေါ်အောင်ဆန်းစုကြည်နဲ့ ယှဉ်ပြိုင်မယ့် သူလည်း ဖြစ်ပါတယ်၊



ဒေါ်အောင်ဆန်းစုကြည်ဟာ နိုင်ငံခြားမှာ ငွေကြေးထားရှိတယ် ၊ အင်္ဂလန် နိုင်ငံရဲ့ နေထိုင်ခွင့် Green Card ကိုင်ဆောင်ထားသူ ဖြစ်တဲ့အတွက် ကိုယ်စားလှယ်လောင်း တဦးရဲ့ အရည်အချင်း နဲ့ မကိုက်ညီဘူးဆိုပြီး ဖေဖော်ဝါရီလ ၆ရက်နေ့က ရန်ကုန်တောင်ပိုင်းခရိုင် ကော်မရှင်ရုံးမှာ ဦးတင်ရီက ကန့်ကွက်ခဲ့တာဖြစ်ပါတယ်။ ဒီကန့်ကွက်လွှာကို ခရိုင်ကော်မရှင်က ဖေဖော်ဝါရီ ၁၁ ရက်နေ့မှာ ပယ်ချအပြီး ဦးတင်ရီဘက်က တိုင်းဒေသကြီး ကော်မရှင်ရုံးထိ အယူခံ ဆက်ဝင်ခဲ့ပါတယ်။ မနေ့ကတော့ ဒီကန့်ကွက်မှုကို NLD ပါတီဘက်က ချေပလွာ တင်အပြီး ဒီကနေ့ တိုင်းဒေသကြီးကော်မရှင်ရုံးက ပလပ်လိုက်တာလည်း ဖြစ်ပါတယ်။



ဒါဟာ ကိုယ်စားလှယ်လောင်းတဦးကို ကန့်ကွက်တဲ့အဆင့်ရဲ့ နောက်ဆုံးအဆင့်လည်း ဖြစ်ပါတယ်။



ဦးဥာဏ်ဝင်း ။ “ဘယ်လိုကြောင့်လဲဆိုတာတော့ ကျနော်တို့ မပြောချင်ပါဘူး။ ဒီကန့်ကွက်လွှာကို ကြည့်ခြင်းအားဖြင့် အကြောင်းအရာတွေက မှားယွင်းနေတဲ့အပြင်ကို အထောက်အထားမဲ့ ကန့်ကွက်တဲ့ ကန့်ကွက်လွှာလို့ပဲ မြင်ပါတယ်။”



ဧပြီလ ၁ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ လစ်လပ်မဲဆန္ဒနယ် ၄၈ နေရာစလုံးကို NLD ပါတီက ၀င်ပြိုင်ဖို့ ကိုယ်စားလှယ်လောင်း အမည်စာရင်းတင်ထားပြီး ခုဆိုရင် ၄၇ နေရာအတည်ပြုချက်ထွက်နေပြီဖြစ်ပြီး စစ်ကိုင်းတိုင်း အင်းတော်မဲဆန္ဒနယ်အတွက် NLD ရဲ့ကိုယ်စားလှယ်လောင်းအမည်စာရင်းတခုသာ အတည်ပြုချက် မထွက်သေးဘဲ ကျန်နေပါသေးတယ်။



ဦးဥာဏ်ဝင်း။ “ဦးစောလှိုင်ပဲ အင်းတော်မဲဆန္ဒနယ်မှာ ကျန်သေးတယ်၊ သူက အရည်အချင်းချို့ငဲ့ခြင်း ရှိမရှိ စိစစ်ဖို့ ပြည်သူ့ကော်မရှင်ကို ရောက်နေတယ်လို့ အဲလို နားလည်ပါတယ်။ အဲဒီက အဖြေဘယ်လိုရှ်ိမယ်ဆိုတာ မသိသေးပါဘူး။”



ဒေါ်အောင်ဆန်းစုကြည်ဟာ ခုဆိုရင် ကိုယ်စားလှယ်လောင်းအမည်အတည်ပြုချက်စာရင်း ထွက်လာပြီမို့ သူဝင်ရောက် ယှဉ်ပြိုင်အရွေးခံမယ့် ကော့မှူးမြို့နယ်ကို ကိုယ်စားလှယ်လောင်း စည်းရုံးရေးအဖြစ် တခေါက်သွားဖို့ စီစဉ်ထားတယ် လို့လည်း NLD ပါတီက ပြောပါတယ်၊ ဒါ့အပြင် ဒေါ်အောင်ဆန်းစုကြည်ဟာ လာမယ့် မတ်လ ၁ရက်နေ့မှာတော့ ရှမ်းပြည်နယ် နဲ့၊ မတ်လ ၃ရက်နေ့ကနေ ၅ ရက်နေ့ထိကိုတော့ မန္တလေးတိုင်း စစ်ကိုင်းတိုင်းနဲ့ နေပြည်တော်တွေကို လည်း ပါတီစည်းရုံးရေးနဲ့ ရွေးကောက်ပွဲ စည်းရုံးရေးတွေ အဖြစ်သွားဖို့ ရှိပါတယ်။



ALD နဲ့ SNLD မှတ်ပုံတင်ရေး စတင်ပြီ
By မသိင်္ဂီထိုက် VOA



ရခိုင်ဒီမိုကရေစီအဖွဲ့ချုပ်က တနင်္လာနေ့မှာ နိုင်ငံရေးပါတီအဖြစ်နဲ့ မှတ်ပုံတင်ခွင့် ပြည်ထောင်စု ရွေးကောက်ပွဲ ကော်မရှင်ထံကို တင်လိုက်ပါတယ်။ ညီညွတ်သော တိုင်းရင်းသားများ မဟာမိတ် အဖွဲ့ဝင် တခြား နိုင်ငံရေး ပါတီတွေလည်း ပါတီအဖြစ် မှတ်ပုံတင်ဖို့ ပြင်ဆင်နေကြတာပါ။ နိုင်ငံရေးလုပ်ငန်းတွေ ဆက်ပြီးလုပ်ဖို့အတွက် တရားဝင်ပါတီအဖြစ်နဲ့ ဆက်ပြီး မှတ်ပုံတင်ဖို့ကလွဲလို့ တခြား နည်းလမ်းမရှိလို့ အခုလို မှတ်ပုံတင်ရတာလို့ ဖျက်သိမ်းခံထားရတဲ့ တိုင်းရင်းသား ပါတီတွေက ပြောကြပါတယ်။ ဒီအကြောင်းကိုတော့ မသိင်္ဂီထိုက်က တင်ပြထားပါတယ်။



ညီညွတ်သော တိုင်းရင်းသားများ မဟာမိတ်အဖွဲ့ (UNA) အဖွဲ့ဝင်တစ်ခုဖြစ်တဲ့ ရခိုင်ဒီမိုကရေစီအဖွဲ့ချုပ် (ALD) က ၁၉၉၁ ခုနှစ်မှာ ဖျက်သိမ်းခံထားရတဲ့ နိုင်ငံရေးပါတီ ဖြစ်ပါတယ်။ ၂၀၀၈ ဖွဲ့စည်းပုံကို လက်မခံဘဲ ၂၀၁၀ ရွေးကောက်ပွဲကို ကျောခိုင်းခဲ့တဲ့ ပါတီတစ်ခုအနေနဲ့ အခုမှ ပြန်ပြီး မှတ်ပုံတင် စာရင်းပေးသွင်းတာနဲ့ ပတ်သက်လို့တော့ ပါတီရဲ့ ယာယီဥက္ကဋ္ဌ ဦးသာဘန်းက အခုလို ပြောပါတယ်။



ကျနော်တို့ပါတီက ၁၉၉၁ ခုနှစ်မှာ အဖျက်ခံရတယ်။ ဒါပေမဲ့ ကျနော်တို့က ရခိုင် ဒီမိုကရေစီအဖွဲ့ချုပ် အနေနဲ့ ဆက်လက် လှုပ်ရှားကြတယ်ပေါ့ဗျာ။ မှတ်ပုံတင်တော့ မရှိဘူးပေါ့။ NLD ကလည်း ပြန်လည် မှတ်ပုံတင်တယ် ဆိုတော့ ကျနော်တို့လည်း ပြန်လည် မှတ်ပုံတင်ပါတယ်။ ကျနော်တို့မူက တိုင်းရင်းသား ခေါင်းဆောင်တွေ မလွတ်သ၍ ၈၈ ကျောင်းသားများ အပါအ၀င် နိုင်ငံရေး အကျဉ်းသားများ၊ သံဃာတော်များ မလွတ်သ၍ ကျနော်တို့ မှတ်ပုံမတင်ဘူးဆိုတာ ဆုံးဖြတ်ပါတယ်။ အဲဒီ ဆုံးဖြတ်ချက်အတိုင်း ကျနော်တို့ နေခဲ့ပြီးတော့ အခုတော့ အကျဉ်းသားပုဂ္ဂိုလ်တွေ လွတ်လာတော့ ကျနော်တို့ မှတ်ပုံတင်တော့ဖို့ လုပ်ပါတယ်။ ဒါကြောင့်မိုလို့ နေပြည်တော်ကို မနေ့ကသွားပြီးတော့ ကျနော်တို့ဘက်က ရဲဘော်နှစ်ဦးဖြစ်တဲ့ ဦးကျော်မြင့်နဲ့ ဦးမျိုးကျော်တို့ သွားရောက်ပြီးတော့ မှတ်ပုံတင်ခဲ့ပါတယ်။”



ဖျက်သိမ်းခံထားရတဲ့ ပါတီရဲ့ နံမည် တံဆိပ် အလံတို့ကို ပြန်ပြီး သုံးစွဲထားတဲ့ ရခိုင် ဒီမိုကရေစီအဖွဲ့ချုပ်က ပါတီ မှတ်ပုံတင်ခွင့် ရလာရင် ပါတီရဲ့ ဖွဲ့စည်းပုံကို ပြန်လည် စည်းဝေးဆုံးဖြတ်မယ်လို့လည်း ဆိုပါတယ်။



တချိန်တည်းမှာပဲ ရှမ်းအမျိုးသား ဒီမိုကရေစီအဖွဲ့ချုပ် (SNLD) ကလည်း ပါတီခေါင်းဆောင်တွေ အကျဉ်းထောင်က ပြန်လည် လွတ်မြောက်လာပြီးတဲ့နောက်မှာ ပြန်လည် မှတ်ပုံတင်ဖို့ ဆုံးဖြတ်လိုက်ပါတယ်။ လာမယ့် သီတင်းပတ်ထဲမှာ မှတ်ပုံတင်မှာ ဖြစ်တယ်လို့ ပါတီရဲ့ ပြောခွင့်ရ ဦးစိုင်းလိတ်က ပြောပါတယ်။



ရွေးကောက်ပွဲ ကာလတုန်းက ကျနော်တို့ မှတ်ပုံမတင်ဘူး ဆိုတာက ကျနော်တို့ တစ်အချက် ကျနော်တို့ရဲ့ ခေါင်းဆောင်တွေဖြစ်တဲ့ ဥက္ကဋ္ဌ ခွန်ထွန်းဦး၊ အတွင်းရေးမှူး စိုင်းညွန့်လွင် ထောင်ထဲမှာ ရောက်နေတယ်။ အဲဒီအချိန်တုန်းက ပါတီ မှတ်ပုံတင်ခြင်း နည်းဥပဒေမှာလည်း ထောင်ကျနေတဲ့ ပုဂ္ဂိုလ်တွေကို ပါတီထဲ ၀င်ခွင့်မပြုဘူးဆိုတာတွေလည်း ရှိတယ်လေ။ ဒီအချက်တွေကြောင့် မိုလို့ ကျနော်တို့ မှတ်ပုံတင်ဖို့ ငြင်းပယ်ခဲ့တယ်။ ပြီးတော့ တခါ ၂၀၀၈ ဖွဲ့စည်းပုံ အခြေခံဥပဒေကို ကျနော်တို့ လက်မခံလို့၊ အဲဒီရဲ့ အရင်းခံ အမျိုးသားညီလာခံကို ဆန့်ကျင်တဲ့ အတွက်ကြောင့်မိုလို့ ကျနော်တို့ ခေါင်းဆောင်တွေက ဖမ်းဆီးခံရတယ်လေ။ အဲဒီကိစ္စတွေကြောင့်မိုလို့ ၂၀၀၈ ဖွဲ့စည်းပုံကိုလည်း ကျနော်တို့ လက်မခံဘူး။ referendum ကိုလည်း ကျနော်တို့ ကန့်ကွက်တယ်။ ဆန့်ကျင်တယ်။ ၂၀၁၀ ရွေးကောက်ပွဲကိုလည်း ကျောပေးခဲ့တယ်ပေါ့ဗျာ။ အခု အခြေအနေမှာတော့ ဘာဖြစ်လို့ ကျနော်တို့ အဲဒီလို လုပ်ရလဲဆိုတော့ နိုင်ငံရေး လုပ်မယ်ဆိုလို့ရှိရင် လွှတ်တော် နိုင်ငံရေး လမ်းကြောင်းကလွဲပြီးတော့မှ၊ ပါတီ မှတ်ပုံတင်ပြီး လုပ်ဖို့ကလွဲလို့ တခြား လုပ်စရာ နည်းလမ်းမရှိဘူး။ ပြည်သူလူထု အကျိုးရှိရာရှိကြောင်း နိုင်ငံရေးလုပ်မယ်ဆိုရင် မှတ်ပုံတင်မှသာလျှင် လုပ်ခွင့်ရတော့မယ့် အနေအထားရောက်လို့ မှတ်ပုံတင်ရခြင်း ဖြစ်ပါတယ်။”



ညီညွတ်သော တိုင်းရင်းသားများ မဟာမိတ် အဖွဲ့ဝင် တိုင်းရင်းသားပါတီတွေ ဖေဖော်ဝါရီလ တတိယပတ်အတွင်းက တရားဝင် ပါတီအဖြစ် မှတ်ပုံတင်ကြရေး ဆွေးနွေးခဲ့ကြပြီး နောက်ထပ် ဆက်ပြီး မှတ်ပုံတင် စာရင်းပေးသွင်းမယ့် ပါတီတွေလည်း ရှိနေတယ်လို့ ဦးစိုင်းလိတ်က ပြောပါတယ်။



အသီးသီးသော ပါတီတွေက အဆင်ပြေတဲ့အချိန်မှာ မှတ်ပုံတင်ကြဖို့ကို အဆိုပြုကြတယ်။ အခု အနေအထား အရဆိုရင် ဇိုမီး တင်မယ်၊ ALD ရခိုင် ဒီမိုကရေစီအဖွဲ့ချုပ်က တင်မယ်ပေါ့ဗျာ။ တခါ ကျနော်တို့ ရှမ်း တင်မယ်၊ နောက် မွန်ကလည်းပဲ တင်နေပြီ။ ဆိုတော့ အနည်းဆုံး လေးပါတီကတော့ ဆက်လက် တင်ကြဖို့ကို အားလုံး ဆန္ဒပြုနေကြပါပြီ။”



အခု ပြန်ပြီး မှတ်ပုံတင် လျှောက်ထားကြမယ့် တိုင်းရင်းသားပါတီတွေဟာ ၁၉၉၁ ခုနှစ် စစ်အစိုးရ လက်ထက်က ဖျက်သိမ်းခံထားရပြီး ဆယ်စုနှစ် နှစ်ခုကျော် တရားမ၀င် နိုင်ငံရေးပါတီတွေအဖြစ် အမျိုးသား ဒီမိုကရေစီအဖွဲ့ချုပ်နဲ့အတူ ရပ်တည်ခဲ့ကြတဲ့ ပါတီတွေ ဖြစ်ပါတယ်။ အခုလို ဖျက်သိမ်းခံ တိုင်းရင်းသားပါတီတွေ အနေနဲ့ မှတ်ပုံတင် ပြန်လည် လုပ်ဆောင်ရတာကလည်း တိုင်းရင်းသား ခေါင်းဆောင်တွေနဲ့ ၈၈ ကျောင်းသား ခေါင်းဆောင်တွေကို အစိုးရက ပြန်ပြီး လွှတ်ပေးတာအပြင် အမျိုးသား ဒီမိုကရေစီအဖွဲ့ချုပ် (NLD) က နိင်ငံရေးပါတီအဖြစ် ပြန်ပြီး မှတ်ပုံတင်တာကြောင့်လည်း ဖြစ်တယ်လို့ ပြောဆိုကြပါတယ်။
ဘက်စုံဖွံ့ဖြိုးတိုးတက်မှု နဲ့ နိုင်ငံသားများ အခန်းကဏ္ဍ
By ဦးသန်းလွင်ထွန်း VOA
နိုင်ငံတကာရဲ့  ရင်းနှီးမြုပ်နှံမှုတွေနဲ့အတူ ဘက်စုံဖွံ့ဖြိုးတိုးတက်မှုဆီကို ဦးတည်သွားဖို့အတွက် မြန်မာနိုင်ငံသားတွေအနေနဲ့ လက်တွေ့ကျကျ ဦးဆောင်မှုအခန်းကဏ္ဍကနေ လုပ်ဆောင်သွားဖို့ လိုအပ်မှာဖြစ်တဲ့ကြောင်း၊ နိုင်ငံတကာ အကူအညီတွေကို ရေရှည်မှီခိုနေရမယ့်အဖြစ်တွေကို ရှောင်လွှဲပြီး ကိုယ်တိုင်ဦးဆောင်နိုင်မယ့် အခြေအနေမျိုးရောက်အောင် လုပ်ဖို့လိုအပ်တဲ့အကြောင်း ထောက်ပြပြောဆိုနေတဲ့ နိုင်ငံတကာ ဖွံ့ဖြိုးမှုနဲ့ ကျန်းမာရေးဆိုင်ရာ ပညာရှင် ဒေါက်တာမြတ်ထူးရာဇတ် အား ဗွီအိုအေဌာနမှူး ဦးသန်းလွင်ထွန်း က တွေ့ဆုံမေးမြန်း ဆွေးနွေးတင်ပြထားပါတယ်။



ဦးသန်းလွင်ထွန်း ။ ။ ဒေါက်တာမြတ်ထူးရာဇတ် နဲ့ ကျနော်နဲ့ဆိုရင် မြန်မာပြည်မှာ ဆေးတက္ကသိုလ် တက်ခဲ့တုန်းကလည်း အတူတူ။ နောက် ၁၉၈၈ မြန်မာနိုင်ငံမှာ လူထုအုံ့ကြွမှု အရေးအခင်းဖြစ်ခဲ့ချိန်တုန်းကလည်း ကိုယ်ကျရာနေရာတွေက အတူတူလုပ်ခဲ့ကြတဲ့ ကဏ္ဍလေးတွေ ရှိခဲ့ကြတယ်။ အဲဒါပြီးတော့ ကျနော်တို့တတွေ တနေရာဆီ ကွဲသွားခဲ့ကြပြိး အခုလောလောဆယ်တော့ ကျနော်က သတင်းထောက်၊ အသံလွှင်လုပ်ငန်း လုပ်နေတဲ့လူ။ ကိုမြတ်ထူးကတော့ ဆရာဝန်တယောက်အနေနဲ့ နိုင်ငံတကာမှာလှည့် ကျန်းမာရေးနဲ့ဆိုင်တဲ့ နိုင်ငံတကာ ဗဟုသုတအပြည့်နဲ့ နိုင်ငံတကာ ဖွံ့ဖြိုးမှု၊ ကျန်းမာရေးဆိုင်ရာ ဖွံ့ဖြိုးမှုလုပ်ငန်းတွေကို အဖွဲ့အစည်းအသီးသီးမှာ တာဝန်ထမ်းဆောင်ခဲ့တဲ့ လူတယောက်။ အတွေ့အကြုံတွေရလာခဲ့တဲ့ လူတယောက်။ အဲဒီတော့ ဒီ အနှစ် (၂၀) ကျော်ခဲ့ပြီးတဲ့ကာလမှာ ကျနော်တို့ ပြီးခဲ့တဲ့ ဒီဇင်ဘာလတုန်းက ကျနော်လည်း ဗမာပြည်ကို ပထမဦးဆုံးအကြိမ် ပြန်ရောက်ပါတယ်။ အလားတူပဲ ကျနော်တို့နဲ့ မရှေ့ မနှောင်းဆိုသလို ကိုမြတ်ထူးလည်း မြန်မာပြည် ပြန်သွားခဲ့တယ်လို့ ကြားသိရပါတယ်။ ကြားပြီးနောက်ပိုင်းမှာ အခု ရက်ပိုင်းအတွင်းမှာ ကိုမြတ်ထူးဆီက ဆောင်းပါးလေးတပုဒ်၊ အကြံပြုချက် ဆောင်းပါးလေးတပုဒ် မြန်မာပြည် အနာဂတ်ဖွံ့ဖြိုးရေးနဲ့ ပတ်သက်လို့ အကြံပြုချက် ဆောင်းပါးလေးတပုဒ် ရေးလာတာကို တွေ့ရပါတယ်။ ကိုမြတ်ထူး ရေးထားတဲ့ ဆောင်းပါးထဲမှာ အင်္ဂလိပ်လို Exciting and Challenging Environment - ဗမာလိုတော့ တော်တော်လေးကို စိတ်လှုပ်ရှား တက်ကြွစရာနဲ့ စိမ်ခေါ်မှုတွေ အပြည့်ရှိနေတဲ့ အခြေအနေ။ အဲဒါ ဘာကို ဆိုလိုတာလဲ။



ဒေါက်တာမြတ်ထူးရာဇတ် ။ ။ စိတ်လှုပ်ရှားမှု ကောင်းမွန်တယ်ဆိုတာ အခုအချိန်မှာ ပြန်ကြည့်ကြမယ်ဆိုရင် အရင်ကဆိုရင် အခုလို ကိုယ်ရေးချင်တာလည်း မရေးနိုင်ခဲ့ပါဘူး။ တချိန်တည်းမှာပဲ ကိုယ်ပြောချင်တာကိုလည်း ပြောလို့မရပါဘူး။ ဒေါ်စု ဆိုရင်လည်း လွတ်လွတ်လပ်လပ် သွားခွင့်လာခွင့် မရှိပါဘူး။ အခုဆိုရင် ကျနော့်ရဲ့  သူငယ်ချင်း အသိုင်းအဝိုင်းကအစ သူတို့ ပြောချင်တာကို ပြောလို့ရလာပါပြီ။ ဒါပေမဲ့ လုပ်ချင်တာကို လုပ်လို့မရသေးပါဘူး။ အပြည့်မရသေးတဲ့ အချိန်။ ဒါပေမဲ့ တချိန်တည်းမှာပဲ သူတို့က သူတို့ရဲ့  လုပ်နိုင်ခွင့် တိုးလာအောင် လုပ်ကြည့်ဖို့ ကြိုးစားနေချိန်မှာ သူတို့ရဲ့  စိတ်လှုပ်ရှားမှုနဲ့ စိတ်တက်ကြွမှုကို ကျနော် မြင်ရတော့ ကိုယ်တိုင် စိတ်တက်ကြွမှု ရှိလာပါတယ်။



ဦးသန်းလွင်ထွန်း ။ ။ အဲဒါက စိတ်တက်ကြွမှု။ နောက်တခုက challenging - စိမ်ခေါ်မှု။



ဒေါက်တာမြတ်ထူးရာဇတ် ။ ။ စိမ်ခေါ်မှုကတော့ ကိုသန်းလွင်ထွန်း သိတဲ့အတိုင်း - ဘယ်လောက်ပဲ လွတ်လပ်တယ်ပြောပြော မလွတ်လပ်တာတွေ အများကြီးပါ။ မလွတ်လပ်တာတွေ အများကြီးမှာ ရေးချင်တာ ရေးလို့ရတယ်ဆိုပေမယ့် အားလုံးလည်း ရေးလို့ မရသေးပါ။ ကိုသန်းလွင်ထွန်းတို့ဆို ပိုသိတာပေါ့။ ဆင်ဆာဆိုတဲ့ကိစ္စ။ တချိန်တည်းမှာပဲ စိမ်ခေါ်မှုက အားလုံးဖွင့်ပေးလိုက်တာနဲ့ ဗမာပြည်ကြီး ချက်ချင်းတိုးတက်လာမလားဆို မတိုးတက်နိုင်ပါဘူး။ ဘာကြောင့်လည်းဆိုရင် အိမ်နီးချင်းနိုင်ငံတွေပဲ ပြန်ကြည့်လိုက်။ ဗိယက်နမ်၊ ကမ္ဘောဒီးယား၊ လားအို၊ မလေးရှား၊ ထိုင်း ကအစ တဖြည်းဖြည်းနဲ့ တက်လာအောင် လုပ်ကြရပါတယ်။ လုပ်လာကြတဲ့အခါမှာ တိုင်းပြည်လူထုအားလုံးရဲ့  ပူးပေါင်းပါဝင်မှုနဲ့ အပြည်ပြည်ဆိုင်ရာ အဖွဲ့အစည်းတွေရဲ့  ပံ့ပိုးမှုတွေ အရေးကြီးပါတယ်။ အဲဒီလို အချိန်ကို မရောက်သေးဘူးလို့ ကျနော်မြင်ပါတယ်။ အဲဒီလို အခြေအနေရောက်အောင် အားလုံးက ဝိုင်းဝန်လုပ်ဆောင်ကြရမှာ ဖြစ်ပါတယ်။ အဲဒါက အဓိက စိမ်ခေါ်ချက်ပါ။



ဦးသန်းလွင်ထွန်း ။ ။ ကျနော် ဖတ်ရတဲ့ ကိုမြတ်ထူး ရေးထားတဲ့ နောက်ဆုံး ဆောင်းပါးထဲမှာ အကြံပြုချက် () ခု လုပ်ထားတာကို တွေ့ရတယ်။ သုံးခုမှာ ပထမတခုကတော့ မြန်မာနိုင်ငံ ဘယ်လမ်းသွားမလဲဆိုတာ။ ကျနော် မှားရင်လည်း ပြင်ပါ။ ကျနော် နားလည်းလိုက်တဲ့အချက်။ မြန်မာနိုင်ငံ ဘယ်လမ်းကို သွားမလဲဆိုတာကို လက်ရှိ အတိုက်အခံခေါင်းဆောင်တွေ၊ အားလုံး ဘက်ပေါင်းစုံကပါပြီးတော့ ဘယ်လမ်းသွားကြမလဲဆိုတာကို ကျေကျေလည်လည် သိထားအောင် လုပ်ကြရမယ်ဆိုတဲ့ အချက်မျိုး ပါတယ်လို့ထင်တယ်။ အဲဒါ ဟုတ်သလား။ နည်းနည်းရှင်းပြပါ။



ဒေါက်တာမြတ်ထူးရာဇတ် ။ ။ ဟုတ်ပါတယ်။ ကျနော့်တို့အနေနဲ့ ကိုယ့်ကြမ္မာ ကိုယ်ဖန်တီးရေး။ ပြည်သူလူထုက ကိုယ့်ကြမ္မာ ကိုယ်ဖန်တီးရေးမှာ ခေါင်းဆောင်တွေကပဲ လုပ်လို့ မရပါဘူး။ ကျနော်ဆိုရင် ကျောင်းသားဘဝမှာ ခရီးတွေ တော်တော်သွားခဲ့ပါတယ်။ သွားခဲ့တဲ့အချိန်မှာ ပြည်နယ်နဲ့ တိုင်းတွေ ရောက်တဲ့အခါမှာ တချို့  ပြည်နယ်နဲ့တိုင်းတွေမှာဆိုရင် ရန်ကုန်နဲ့ မန္တလေးတို့မှာ ရှိတာတွေ လုံးဝမရှိပါဘူး။ သူတို့ရဲ့  ကံကြမ္မာကို ဖန်တီးပိုင်ခွင့်လည်း နည်းပါတယ်။ ကျနော့်အနေနဲ့ ဖြစ်စေချင်တာက ပြည်နယ်အသီးသီး၊ နယ်ပယ်အသီးသီးမှာ လူတိုင်းလူတိုင်း တယောက်နဲ့တယောက် ခင်ခင်မင်မင် မဖြစ်ရင်တောင်မှ နားလည်းမှု တည်ဆောက်လာဖို့ အရေးကြီးပါတယ်။ နားလည်းမှု တည်ဆောက်လာခဲ့ပြီးအချိန်မှာ တိုင်းပြည်ရှေ့ ရေးကို ဘယ်လိုသွားကြမလဲ။ မြန်မာပြည် ရှေ့ ရေးကို ဘယ်လိုဖြစ်စေချင်သလဲဆိုတာ ပြည်သူလူထုရဲ့  ပူးပေါင်းပါဝင်မှုက အင်မတန် အရေးကြီးပါတယ်။ ခေါင်းဆောင်တွေကပဲ ဆုံးဖြတ်နေလို့ မရပါဘူး။ တချိန်တည်းမှာပဲ စီးပွားရေးသမားနဲ့ ပညာရှင်တွေမှာ အတိုက်အခံတွေ ရှိလာပါတယ်။ အဲဒီတော့ အားလုံးကနေပြီး လူတိုင်း စိတ်တိုင်းကျဖြစ်တဲ့ တိုင်းပြည်တခု ဖြစ်ပေါ်လာဖို့က ဘယ်တိုင်းပြည်မှ မရှိခဲ့ပါဘူး။ တကမ္ဘာလုံးမှာ မရှိပါဘူး။ ဒါပေမဲ့ အားလုံးကနေ ထိထိရောက်ရောက် ရှေ့ ဘယ်လို သွားနိုင်မလဲဆိုတာကို ပူးပေါင်းပါဝင်မှု ရှိမယ်။ ပွင့်ပွင့်လင်းလင်း ပြောဆိုနိုင်မယ်။ ခင်ခင်မင်မင်နဲ့ ယုံယုံကြည်ကြည် ဆွေးနွေးလာနိုင်မယ်ဆိုရင်တော့ ကျနော်ထင်တယ် ရေရှည်မှာ တိုင်းပြည်တည်ဆောက်တဲ့အချိန်မှာ အားလုံးရဲ့  ပူးပေါင်းပါဝင်မှုက အင်မတန် အရေးကြီးပါတယ်။ အားလုံး သဘောတူချင်မှတူမယ်။ လူအများစုက သဘောတူတယ့် တိုင်းပြည်ကို ဖန်တီးပေးနိုင်မယ်ဆိုရင် နောင်လာနောင်သားတွေအတွက် အများကြီး အကျိုးရှိနိုင်ပါတယ်။



ဦးသန်းလွင်ထွန်း ။ ။ ဆိုလိုတာက ကိုယ်ဘယ်လမ်းသွားမလဲဆိုတာကို ရှင်းရှင်းလင်းလင်း သိဖို့။ ဒါကတချက်။ ဒုတိယတချက် ကျနော် မြင်တာက အထူးသဖြင့် မြန်မာပြည်တွင်းမှာရှိတဲ့ လူထုလူတန်းစား အဖွဲ့အစည်းတွေ၊ နောက်ပြီးတော့ institutions လို့ ခေါ်တဲ့ ဌာန၊ အစိုးရဌာနတွေ၊ ပုဂ္ဂလိကဌာနတွေ၊ ယန္တရားတွေ အကုန်လုံးကို လုပ်ကိုင်ရည် စွမ်းရည်ပြည့်လာအောင် ပိုပြီး ပံ့ပိုးပေးဖို့လိုတယ်ဆိုတဲ့ အချက်။ ဒါတွေက ဘယ်လိုဘယ်နည်းနဲ့ ပံ့ပိုးပေးနိုင်မလဲဆိုတာကို ဘယ်လို အကြံပြုထားတာ ရှိသလဲ။



ဒေါက်တာမြတ်ထူးရာဇတ် ။ ။ အင်မတန် အရေးကြီးပါတယ်။ တိုင်းပြည်ရှေ့ ရေးကို ဘယ်လို တိုင်းပြည်ဖြစ်ချင်သလဲဆိုတာကို ကိုယ့်ဘာသာ ဆုံးဖြတ်တဲ့အချိန်မှာ လူတိုင်းက သူတို့ရဲ့  အရည်အချင်းကို တိုးတက်လာအောင် လုပ်ရပါမယ်။ ဘာလုပ်ချင်သလဲဆိုတာကို သိဖို့ဆိုရင် ကိုယ်က ကိုယ့်မှာ အတတ်ပညာ၊ အတန်းပညာကို ပြောတာ မဟုတ်ပါဘူး။ အတက်ပညာနဲ့ အသိပညာ ရှိလာမယ်ဆိုရင် လူထုက ပိုပြီး ထိထိရောက်ရောက် ဆုံးဖြတ်နိုင်ခွင့် ရှိလာပါမယ်။ ဗမာပြည်တွင်းမှာရှိတဲ့ လူတွေက ဘယ်လို လုပ်ရမလဲ။ တိုးတက်မလဲဆိုတာ သိကြပါတယ်။ ဒါပေမဲ့ အခွင့်အရေး မရကြတာ ရှိကြပါတယ်။ နိုင်ငံခြားကနေ အခွင့်အရေး ပေးကြမယ်ဆိုရင် နိုင်ငံခြားကလူတွေ လာပြီးတော့ အလုပ်လုပ်သွားမယ့်အစား ကိုယ့်တိုင်းပြည်မှာရှိတဲ့ လူတော်အားလုံးကို မြှင့်တင်နိုင်အောင်ဆိုရင် ကိုယ့်အရည်အချင်းနဲ့ ကိုယ့်ခြေထောက်ပေါ် ရပ်တည်နိုင်အောင် ဖြစ်စေချင်တယ်။ ကျနော်ပြောတဲ့ ပံ့ပိုးမှုဆိုတာ ကိုယ့်ကို တိုးတက်လာမှု၊ အရည်အချင်းရှိဖို့ဆိုတာ နိုင်ငံခြားက လာလုပ်ပေးလို့ မရပါဘူး။



ဦးသန်းလွင်ထွန်း ။ ။ ကျနော် သတိထားမိတာတခု ရှိတယ် ကိုမြတ်ထူး ရေးထားတဲ့အထဲမှာ။ လာမယ့် နှစ်တွေအတွင်းမှာ မြန်မာနိုင်ငံဟာ နိုင်ငံတကာရဲ့  ကူညီမှုတွေကိုပဲ မှီခိုနေရမယ့် နိုင်ငံမဖြစ်သွားအောင်ဆိုတဲ့ အချက်ကလေးပါတယ်။ ဥပမာအားဖြင့် တချို့  အာဖရိကနိုင်ငံတွေမှာ ဖြစ်ခဲ့ရတဲ့ အတွေ့အကြုံတွေ ရှိပါတယ်။ နိုင်ငံတကာက အမြဲတမ်း လာပြီးပံ့ပိုးပေးနေပြီ၊ ကိုယ့်ရှိမှာ အတတ်ပညာ မကျန်ခဲ့ဘဲနဲ့ တချိန်လုံး သူများပေးတာ၊ သူများထောက်ပံ့တာတွေပဲ မှီခိုရတဲ့ အနေအထားမျိုး ရောက်သွားတဲ့ အခြေအနေမျိုး။ ကိုမြတ်ထူး ရေးထားတဲ့အထဲမှာ မြန်မာနိုင်ငံကို ဒါမျိုး မဖြစ်သွားစေချင်ဘူးဆိုတဲ့ တိုက်တွန်းချက်ကလေးလည်း ကျနော် တွေ့ပါတယ်။ အဲဒါလေးနဲ့ ပတ်သက်ပြီး နည်းနည်းလေး ရှင်းပြပါလား။ တခြား ဥပမာတွေ ဘာတွေရှိသလဲ။



ဒေါက်တာမြတ်ထူးရာဇတ် ။ ။ ကျနော်တို့ အိမ်နီးချင်းနိုင်ငံတွေကို ပြန်ကြည့်ပါ။ ကမ္ဘောဒီးယားမှာဆိုရင် အပြည်ပြည်ဆိုင်ရာက ပံ့ပိုးမှုတွေ အများကြီးပါ။ ပံ့ပိုးမှု ပေးလာတဲ့တချိန်တည်းမှာ အဖွဲ့အစည်းတွေနဲ့လာပြီး နိုင်ငံခြားသား၊ နိုင်ငံခြားသူတွေက သူတို့ရဲ့  အဓိကနေရာတွေကို ထိထိရောက်ရောက် လုပ်ကြပါတယ်။ သူတို့ စေတနာနဲ့ လုပ်ကြတာပါ။ ဒါပေမဲ့ တချိန်တည်းမှာပဲ ကမ္ဘောဒီးယားလူမျိုးတွေကြတော့ အပေါ်ကို ခေါင်းဆောင်ဘက်ကို တက်လာဖို့ အင်မတန် နည်းလာပါတယ်။ ကျနော်တို့ ဖြစ်စေချင်တာက နိုင်ငံခြားသား နိုင်ငံခြားသူတွေပဲ အားလုံးဝိုင်းလုပ်ပေးကြမယ့်အစား ကိုယ့်တိုင်းပြည်မှာရှိတဲ့ လူအသီးသီးကို အရည်အချင်း ပိုတိုးတက်လာရုံတင်မကပဲ သူတို့ကို နေရာ၊ ခေါင်းဆောင်မှုပေးဖို့ အရေးကြီးပါတယ်။



ဦးသန်းလွင်ထွန်း ။ ။ ကိုမြတ်ထူး ရေးထားတဲ့ ဆောင်းပါးထဲက တတိယအချက် ကျန်သေးတယ်။ အဲဒီ တတိယအချက်က ပိုပြီး စိတ်ဝင်စားဖို့ ကောင်းတယ်လို့ ထင်တယ်။ အဲဒါကတော့ ကိုမြတ်ထူး အကြံပြုထားတာက မြန်မာနိုင်ငံအတွင်းမှာ ပေါ်လာမယ့် ဘက်ပေါင်းစုံက ခေါင်းဆောင်တွေကို အခုလက်ရှိ အာဏာရှိနေတဲ့ ခေါင်းဆောင်တွေ၊ အဲဒါအပြင် နိုင်ငံတကာ ခေါင်းဆောင်တွေနဲ့ ထိတွေ့ခွင့် ဆက်ဆံခွင့်တွေ ရလာအောင် အားပေးရမယ်။ ထောက်ပံ့မှုတွေ ပေးရမယ်ဆိုတဲ့ အချက်မျိုး အကြံပြုထားတယ်။ ဘယ်အဖွဲ့အစည်းတွေက ဘယ်လိုမျိုး လုပ်နိုင်မလဲ။ သဘောက ဒီလူတွေကို နိုင်ငံတကာကို လွတ်ပြီးတော့ လေ့လာမှုတွေ လုပ်ခိုင်းရမှာလား။ ဘာကို ဆိုလိုတာလည်းဆိုတာကို တချက်လောက် ရှင်းပြပါလား။



ဒေါက်တာမြတ်ထူးရာဇတ် ။ ။ အင်မတန် ကောင်းတဲ့မေးခွန်းပါ။ ကျနော်တို့အနေနဲ့ ပြန်ကြည့်တဲ့အခါမှာ အပြည်ပြည်ဆိုင်ရာနဲ့ ဆက်ဆံတယ်ဆိုတဲ့အချိန်မှာ အစိုးရတခုတည်း မဟုတ်ပါဘူး။ စီးပွားရေးသမားတွေလည်း အပြည်ပြည်ဆိုင်ရာနဲ့ ဆက်ဆံရပါတယ်။ တက္ကသိုလ်တွေလည်း အပြည်ပြည်ဆိုင်ရာနဲ့ ဆက်ဆံရပါတယ်။ အဲဒီတော့ ဘယ်အဖွဲ့အစည်းဖြစ်ဖြစ်၊ ဘယ်သူပဲဖြစ်ဖြစ် အပြင်လူနဲ့ ဆက်ဆံတဲ့အခါမှာ ဘယ်လို ထိထိရောက်ရောက် ဆက်ဆံမလဲ။ ဥပမာ ကိုယ်ကနေ ထိထိရောက်ရောက် မဆက်ဆံနိုင်ဘူးဆိုရင် သူတို့ရဲ့  အမြတ်ထုတ်မှုကို ခံရပါတယ်။ စီးပွားရေးသမားဆိုရင် ပိုသိသာပါတယ်။ ဘယ်နေရာမှာမဆို အဖွဲ့အစည်းအတိုင်း၊ အသေးအကြီးအားလုံးက ပြည်ပနဲ့ဖြစ်ဖြစ် အပြင်လူနဲ့ ဆက်ဆံတဲ့အချိန်မှာ ထိထိရောက်ရောက် ဆက်ဆံနိုင်ဖို့ဆိုရင် ဘာသိဖို့ လိုလာသလဲဆိုတော့ အပြင်လူတွေက ဘယ်လို တယောက်နဲ့တယောက် စကားပြောကြသလဲ။ သူတို့ရဲ့  ဈေးကွက်တွေက ဘယ်လိုရှိသလဲ။ သူတို့ရဲ့  စီးပွားရေးလုပ်ငန်းကို ဘယ်လိုလုပ်ကြသလဲ။ တချိန်တည်းမှာ ပညာရှင်တွေကို ပြန်ပြောမယ်ဆိုရင် ဒီလိုပါပဲ။ အဲဒီတော့ ကျနော်တို့အဖို့ ဘာအရေးကြီးလာသလဲဆိုရင် ဒီလူတွေရဲ့  စနစ်က ဘယ်လိုရှိသလဲ။ သူတို့ရဲ့  စနစ်ကို ပြောင်းဖို့ပြောတာ မဟုတ်ပါဘူး။ သူတို့စနစ်ကို သိထားတဲ့အချိန်ကြရင် ကိုယ်က ဒီဥစ္စာကို အကျိုးရှိ အသုံးချလို့ ရမလဲဆိုတာကို ပိုသိလာမှာပါ။ တချိန်တည်းမှာ အဲဒီလို ဖြစ်လာမယ်ဆိုရင် ကိုယ့်တိုင်းပြည် ကိုယ့်တက္ကသိုလ်၊ ကိုယ့်ရဲ့  အဖွဲ့အစည်းတိုးတက်လာအောင် အများနဲ့ ဆက်ဆံတဲ့အချိန်မှာ အဓိကတော့ အညာခံရတာ မခံရတာကို ပြောတာမဟုတ်ပါဘူး။ ထိထိရောက်ရောက် အကျိုးရှိရှိ၊ နှစ်ဦးနှစ်ဖက်မျှဖို့ အရေးကြီးပါတယ်။ တချိန်တည်းမှာ ကျနော်တို့ကပဲ အမြတ်ထုတ်လို့ မရဘူး။ နိုင်ငံသားတွေအနေနဲ့ အမြတ်ထုတ်ဖို့ ပြောတာမဟုတ်ပါဘူး။ နှစ်ဦးနှစ်ဖက် မျှမျှတတနဲ့ ထိထိရောက်ရောက် လုပ်နိုင်မယ်ဆိုရင် နှစ်ဦးနှစ်ဖက် အကျိုးရှိနိုင်ပါတယ်။ ဒါကို ကျနော် အဓိက ပြောတာပါ။



ဦးသန်းလွင်ထွန်း ။ ။ ဒီ ဆောင်းပါးရဲ့  ခေါင်းစဉ်ကလည်း ဗမာလို ပြန်ရင်တော့ ကိုယ့်ကြမ္မာ ကိုယ်ဖန်တီးပြီးတော့ ကိုယ်ထူကိုယ်ထ လုပ်ကြရမယ်ဆိုတဲ့ သဘောမျိုး။ ဒီလို သဘောမျိုး ပြန်ရမယ်လို့ ကျနော်ထင်တယ်။ အဲဒီတော့ ဒီဆောင်းပါးက အဲဒီလို တိုက်တွန်းချက်တွေနဲ့ဆိုရင် ဘယ်လိုဘယ်ဌာနကို ရည်စူးပြီးရေးတာလဲ။ ဥပမာအားဖြင့်ဆိုရင် ကျနော်တို့ ရှိနေတဲ့နေရာက အမေရိကန်ပြည်ထောင်စု။ ကိုမြတ်ထူး ရှိနေတာကလည်း အမေရိကန်ပြည်ထောင်စု။ အမေရိကန်ပြည်ထောင်စုကလည်း မြန်မာနိုင်ငံနဲ့ ပတ်သက်ပြီး ပိတ်စို့အရေးယူမှုတွေကို ဖွင့်ပေးပြီးတော့ ရင်းနှီးမြုပ်နှံမှုတွေကို နောက်ပိုင်းမှာ အားပေးလာဖို့ နည်းပညာ အကူအညီတွေ ထောက်ပံ့လာဖို့ တာဆူနေတဲ့ အချိန်ကလာဆိုတော့ ဒီအချိန်ကာလမှာ ကိုမြတ်ထူးရဲ့  ဒီ တိုက်တွန်းချက် ဆောင်းပါးမျိုး ထွက်လာတယ်ဆိုတော့ ရည်ရွယ်ရင်းက ဒီလို အဖွဲ့အစည်းတွေကို ရည်ရွယ်သလား။ အထူးသဖြင့် အမေရိကန်ပြည်ထောင်စု မူဝါဒအတွင်းမှာ ဘာတွေလုပ်လာဖို့ သင့်သလဲဆိုတာမျိုး ဦးဆောင်လမ်းပေး ရည်ရွယ်တဲ့သဘောမျိုးနဲ့ ရေးတာလား။



ဒေါက်တာမြတ်ထူးရာဇတ် ။ ။ ဟုတ်ပါတယ်။ အဓိက ကျနော်ပြောရမယ်ဆိုရင် ကျနော် ပြန်သွားတဲ့အချိန်မှာ ဘာမြင်ရသလဲဆိုတော့ ကိုယ့်တိုင်းပြည်မှာ လိုအပ်ချက်တွေမြင်တယ်။ တချိန်တည်းမှာ နိုင်ငံခြားမှာရှိတဲ့အချိန်မှာ နိုင်ငံခြားအဖွဲ့အစည်းတွေက အားလုံး သူတို့သုံးစွဲမှုကဏ္ဍအနေနဲ့ များတာတွေ တွေ့ရတဲ့အခါကြတော့ မမျှတဘူး။ မမျှတဲ့အချိန်မှာတော့ ကျနော်အနေနဲ့ နှစ်ဖက်စလုံးက လူဖြစ်နေတဲ့အတွက်ကြောင့် ဒီဥစ္စာကို ထိထိရောက်ရောက် နှစ်ဦးနှစ်ဖက် အကျိုးရှိအောင် ဘယ်လိုလုပ်ကြမလဲဆိုတာကို ကျနော်အနေနဲ့ အမြဲတမ်း စဉ်းစားမိပါတယ်။ အရင်ကတည်းကလည်း စဉ်းစားမိခဲ့ပါတယ်။ ဒါပေမဲ ဒီဆောင်းပါးလေးကို ရေးဖြစ်လိုက်တာ ဘာကြောင့် ရေးဖြစ်ခဲ့တာလည်းဆိုတော့ ပြန်လာပြီးတဲ့အချိန်မှာ အန်တီစုနဲ့ စကားပြောရတဲ့အချိန်၊ သူငယ်ချင်းတွေနဲ့ စကားပြောဖြစ်တဲ့အချိန်။ တချိန်တည်းမှာ ဆေးရုံတွေ သွားကြည့်ခဲ့တဲ့အချိန် - အဲဒီလိုမြင်ရတဲ့အချိန် ဘာလုပ်လို့ ရမလဲ။ အထဲမှာ သွားပြီးကူညီကြမယ့် လူတွေကလည်း ဘာတွေသိသလဲ။ ပြီးတော့ ပြည်တွင်းကလည်း အထဲကနေ အပြင်ကလာမယ့် လူတွေကို စကားပြောတဲ့အခါမှာ ဘယ်လိုပြောသင့်သလဲဆိုတာမျိုး ကျနော့်အနေနဲ့ နှစ်ဖက်စလုံးကို မျှပြီးကြည့်မြင်ချင်လို့ ပြောမိတာပါ။ ကျနော့်အနေနဲ့ ပြောရမယ်ဆိုရင် ဒါထက်ပိုပြီးတော့လည်း ရေးမယ်ဆိုရင် ရေးနိုင်ပါတယ်။ ဒါပေမဲ့ ကျနော့်အနေနဲ့ မျှမျှတတလေး ရေးကြည့်တာပါ။



ဦးသန်းလွင်ထွန်း ။ ။ လုပ်မယ်ဆိုရင် ဒါထက်ပိုပြီး ဘာတွေများ လုပ်ချင်သလဲ။



ဒေါက်တာမြတ်ထူးရာဇတ် ။ ။ ကျနော် လုပ်ချင်တာကတော့ ကျနော်ကို လူဖြစ်အောင် ပြုစုပျိုးထောင်ပေးခဲ့တဲ့ တိုင်းပြည်။ ကျနော့်အနေနဲ့ အခု အပြင်မှာ (၂၃) နှစ်ရှိပေမယ့် ဘယ်နေရာက လုပ်ရလုပ်ရ၊ ကျနော်အနေနဲ့ ထိထိရောက်ရောက် လုပ်ပေးချင်ပါတယ်။ ကျနော့်ရဲ့  လုပ်ခွင့် ရချင်ပါတယ်။



ဦးသန်းလွင်ထွန်း ။ ။ အထူးသဖြင့် ကျန်းမာရေးနဲ့ သက်ဆိုင်တဲ့ ဖွံ့ဖြိုးမှုလုပ်ငန်းဆိုင်ရာတွေကို ပြောချင်တာလား။



ဒေါက်တာမြတ်ထူးရာဇတ် ။ ။ ဟုတ်ပါတယ်။ ကျန်းမာရေး ဖွံ့ဖြိုးရေးပေါ့။ ကိုသန်းလွင်ထွန်း သိတဲ့အတိုင်းပဲ ကျန်းမာရေးက တော်တော်များများ ဖြစ်ကြတာ ဆင်းရဲတာကြောင့် ဖြစ်ကြတာ။ ကြည့်ကြမယ်ဆိုရင် ရောဂါတော်တော်များများက ဆင်းရဲတာကြောင့် ဖြစ်တယ်။ ပံ့ပိုးမှုမရှိတာကြောင့် ဖြစ်တယ်။ အခု အရမ်းချမ်းသာတဲ့လူတွေတော့ ဝတာတို့၊ နှလုံးရောဂါတို့ ဖြစ်ကြတာပေါ့။ ဒါပေမဲ့ အရေးကြီးတာကတော့ ဘယ်တိုင်းပြည်မှာမဆို အာဖရိကမှာဖြစ်ဖြစ်၊ အာရှမှာဖြစ်ဖြစ် တိုင်းပြည်ဖွံ့ဖြိုးမှု မရှိဘူးဆိုရင် ပိုပြီးတော့ ကျန်းမာရေး ချို့ တဲ့သွားတယ်။ ဒါကြောင့်မို့ ကျန်းမာရေး နဲ့ ဖွံ့ဖြိုးရေး နှစ်ခုစလုံးကို ထိထိရောက်ရောက် လုပ်ချင်ပါတယ်။ ကျနော့်အနေနဲ့ ဘာလုပ်ရမလဲဆိုရင် ဘယ်နေရာကပဲ လုပ်ရလုပ်ရ ကျနော်အနေနဲ့ ထိထိရောက်ရောက်ဖြစ်အောင် အတတ်နိုင်ဆုံး ကြိုးစားသွားမှာပါ။ နေရာရသည်ဖြစ်စေ၊ မရသည်ဖြစ်စေ ဘယ်နေရာမှာဖြစ်စေ ဖြစ်အောင်လုပ်မှာပါ။



ဦးသန်းလွင်ထွန်း ။ ။ ဖြစ်လာမယ်လို့လည်း မျှော်လင့်ပါတယ်။

No comments:

Post a Comment