သတင်းတွေ ဖတ်ဖို့ ခေါင်းစဉ် သို့ မဟုတ် Read More ကိုသာ လိုက်ရှာပြီး နှိပ်ပါလေ

Friday, February 17, 2012

Feb 17



 
ကာတွန်း စောငို



 
ခရိုနီကြီး .... မိုနိုပိုလီ .. လုပ်တာ ချစ်လို့ ချစ်လို့
ကာတွန်း - ကူမိုးကြိုး




ဖေဖော်ဝါရီ ၁၇ သတင်းများ
မိုးမခက စုစည်း၏

ရွှေညဝါဆရာတော်နှင့် သံဃာများ ဆွမ်းခံအလှူပစ္စည်း မီးဘေးဒုက္ခသည်များကို စွန့်ကြဲ
Published on February 17, 2012 by အေးနိုင် DVB
အဲကမ္ဘောဇလေယာဉ် ရှေ့ဘီးချွတ်ယွင်း၊ ၀မ်းဗိုက်ဖြင့် ဆင်းသက်ခဲ့ရ
Published on February 17, 2012 by ကိုထွေး DVB
လှိုင်သာယာ အလုပ်သမားသပိတ် တရားရုံး ရောက်မည်
Published on February 17, 2012 by နေသွင် DVB
ဒေါ်အောင်ဆန်းစုကြည် ဖျာပုံအားကစားကွင်းတွင် ဟောပြောခွင့် မရ
Published on February 17, 2012 by မင်းလွင် DVB


ဂက်စ်ပိုက်လိုင်း လျော်ကြေးငွေ လက်မခံသည့် တောင်သူများကို စွမ်းအင်အရာရှိ ကြိမ်းမောင်း
ကြာသပတေးနေ့၊ ဖေဖေါ်ဝါရီလ 16 သျှမ်းသံတော်ဆင့်သတင်း
USDP အကြီးအကဲများက ပါတီဝင်များထံ ပိုက်ဆံကျပ်သန်းချီ စုကြေးကောက်
သောကြာနေ့၊ ဖေဖေါ်ဝါရီလ 17 သျှမ်းသံတော်ဆင့်


ရေဒီယို၊ ရုပ်သံ ဟောပြောမှု ကန့်သတ်ချက် ပါတီများ ဝေဖန်
By featured, ခင်ဦးသာ on February 17 ဧရာဝတီ
ကမ္ဘာ့ဘဏ်က မြန်မာနှင့် ဆက်ဆံရေး ပြန်လုပ်မည်
By featured, ရန်ပိုင် on February 17 ဧရာဝတီ
Air KBZ သံတွဲ၌ ဘီးချော်
By featured, ရန်ပိုင် on February 17 ဧရာဝတီ
မြန်မာ့နိုင်ငံရေး ပိုကောင်းနိုင်ဟု နမ်ဘီယာ ပြောဆို
By featured, လင်းသန့် on February 17, ဧရာဝတီ
မြန်မာ့စီးပွားရေးနှင့် လျှပ်စစ်စွမ်းအင် လိုအပ်ချက်
By featured, WILLIAM BOOT / ဧရာဝတီ
ပြန်ကြားရေး ညွှန်ချုပ် ဦးရဲထွဋ်နှင့် တွေ့ဆုံခြင်း ()
By featured, ဧရာဝတီ on February 16 အင်တာဗျူး


မဏိပူရ် ရေကာတာအပေါ် ချင်းပြည်သူများ မျှော်လင့်ချက်
သောကြာနေ့၊ ဖေဖေါ်ဝါရီလ 17 ခိုနူမ်းထုန် သတင်းဌာန


စစ်ရေးအသုံးစရိတ်အတွက် ၃၀% ပေးနေရတဲ့ မြန်မာ့စီးပွားရေးဦးပိုင်လီမိတက်မှ
ပါရမီတက္ကစီ အငှားကားသမားများရဲ့ ဒုက္ခ
စစ်ပြန်ဒရိုက်ဘာ၊ ဖေဖော်ဝါရီ ၁၇၊ ၂၀၁၂ (မိုးမခထံ ပေးစာ)
အဲကမ္ဘောဇ လေယာဉ်ပင်လယ်ထဲ မကျအောင် သဲပုံသို့ဝင်တိုးပြီးအရှိန်သတ်
ဖေဖေါ်ဝါရီ ၁၇၊ ၂၀၁၂ (Yangon Press International)မိုးမခ
မဲဆောက်မှာ လက်မှတ်မဲ့မြန်မာအလုပ်သမားများကို ရဲဖမ်း
မဲဆောက်သားလေး၊ ဖေဖော်ဝါရီ ၁၇၊ ၂၀၁၂ မိုးမခ
အညတရအကျဉ်းသားရဟန်းတော်များ (၁၃) အရှင်ကုမုဒ () ကျော်ဝင်း
အရှင်ပညာနန္ဒ
ဖေဖ၀ါရီ ၁၇၊ ၂၀၁၂ မိုးမခ


ပြည်ခိုင်ဖြိုး အနိုင်ရရေး ရပ်/ကျေး အုပ်ချုပ်ရေးမှူးများကို ဖိအားပေး
ကျော်ခ | သောကြာနေ့၊ ဖေဖေါ်ဝါရီလ ၁၇ မဇ္ဈိမ
လယ်ယာထွက်ကုန် လွတ်လပ်စွာ စိုက်ပျိုးရောင်းချနိုင်ရေး ဒေါ်စုပြော
မျိုးသန့် | သောကြာနေ့၊ ဖေဖေါ်ဝါရီလ ၁၇ မဇ္ဈိမ
နမ်ဘီးယား အချက်သုံးချက် ပြော
မဇ္ဈိမသတင်းဌာန | သောကြာနေ့၊ ဖေဖေါ်ဝါရီလ ၁၇ မဇ္ဈိမ
မန်းငြိမ်းမောင် အမှုတွင် ဝန်ကြီးဦးအောင်မင်းကို သက်သေခေါ်လို
ဖနိဒါ | ကြာသပတေးနေ့၊ ဖေဖေါ်ဝါရီလ ၁၆ မဇ္ဈိမ




သောကြာ, 17 ဖေဖော်ဝါရီ 2012
NLD ကို မဲပေးဖို့ ဖျာပုံလူထုကို ဒေါ်စု တိုက်တွန်း
By မသင်းသီရိ VOA
သောကြာ, 17 ဖေဖော်ဝါရီ 2012
မြန်မာအစိုးရခေါင်းဆောင်ပိုင်း အီးယူ ပြည်ဝင်ခွင့် ပိတ်ပင်မှု ရုပ်သိမ်း
By ဗွီအိုအေ (မြန်မာဌာန)
မြန်မာနိုင်ငံကို ပြန်ထောက်ပံ့တော့မယ် ကမ္ဘာ့ဘဏ် ပြော
2012-02-16 RFA
ထိုင်းကုမ္ပဏီနဲ့ မြန်မာ Forever Group ဖက်စပ်လုပ်မည်
2012-02-16 RFA
ရွှေည၀ါ ဆရာတော် တတိယနေ့ ဆွမ်းခံကြွ
2012-02-17 RFA
ဥပဒေ စိုးမိုးရေးအတွက် ရွေးကောက်ပွဲ ဝင်မယ်လို့ အမျိုးသား ဒီမိုကရေစီအဖွဲ့ချုပ် ကြေညာ
2012-02-16 RFA
================================

 

ရွှေညဝါဆရာတော်နှင့် သံဃာများ ဆွမ်းခံအလှူပစ္စည်း မီးဘေးဒုက္ခသည်များကို စွန့်ကြဲ
Published on February 17, 2012 by အေးနိုင် DVB
ရန်ကုန်တိုင်း ကြည့်မြင်တိုင်မြို့နယ် သာဓုပရိယတ္တိစာသင်တိုက်က ရွှေညဝါဆရာတော် ဘဒ္ဒန္တ ဦးပညာသီဟနဲ့ သံဃာ၊ သီလရှင် အပါး ၇၀၀ ခန့်ဟာ ဒီနေ့မနက် ဆွမ်းခံထွက်ပြီး ဘုန်းပေးလို့ ပိုလျှံတဲ့ အလှူခံပစ္စည်းတွေကို လှိုင်သာယာမြို့နယ် မီးဘေးဒုက္ခသည်တွေကို သွားရောက် စွန့်ကြဲပါတယ်။


၇၀၀ ဝန်းကျင်လောက် ရှိမယ်လို့ သီလရှင်တွေရော၊ သံဃာတော်တွေရော။ သီလရှင်တွေက ၁၉၀ ကျော်လောက်ရှိတယ်။ သံဃာက ၅၀၀ လောက် ရှိတယ်။ ကြည့်မြင်တိုင်၊ ကမာရွတ် အကုန်လုံးကို အလှည့်ကျနဲ့ ပုံမှန်အတိုင်းကြွတာလေ။ ဒီနေ့ ၇ ရက် ရှိသွားပြီလေ။ မီးဘေးဒုက္ခသည်တွေကိုလည်း သွားလှူတာ၊ ပြည် သွားလှူဦးမယ် ၇ ရက်မြောက်ပေါ့။”


ဒီလို ဆွမ်းခံကြွချီတာဟာ သီတင်းတပတ်ရှိပြီလို့ ဆရာတော်က မိန့်ပါတယ်။ ဒီလဆန်းပိုင်းက လှိုင်သာယာမီးဘေးကြောင့် အိမ်ခြေ ၃၅၀ နီးပါး မီးထဲပါခဲ့တာကို ဆရာတော်က လှူဒါန်းနေတာပါ။


တမြန်နေ့က တိုင်းသာသာနာရေး ဦးစီးဌာနတာဝန်ရှိသူတွေနဲ့ ခရိုင်အုပ်ချုပ်ရေးမှူးတို့က ဆရာတော်နဲ့ တွေ့ဆုံပြီး နိုင်ငံရေးအသုံးချခံမဖြစ်ဖို့ လျှောက်ထားကြတယ်လို့ ဆရာတော်က မိန့်ပါတယ်။


ဆွေးနွေးတာကတော့ ၈၈ မျိုးဆက်တွေ၊ အန်အယ်လ်ဒီပါတီက ဒကာတွေ၊ ဒကာမတွေ ပါဝင်လာတဲ့အပေါ်မှာ နိုင်ငံရေး အသုံးချမှုတွေ ပါသွားမှာစိုးလို့ဆိုပြီး ပြောတော့ ရှင်းပြလိုက်ပါတယ်။ သူတို့က ဗုဒ္ဓဘာသာဝင်တွေပါလို့။ ဆွမ်းခံကြွတယ် ကျုပ် ဝေယျာဝစ္စ တောင်းနိုင် ပို့နိုင်အောင် လာတာပါလို့။ သူတို့ကုသိုလ်ယူခွင့် မရှိဘူးလား။ ဗုဒ္ဓဘာသာတွေပဲ။ ဘာအပြစ်နဲ့ ဘာပုံချမှာလဲ။ အဲဒါကို ဆီလို အပေါက်မရှာနဲ့လေ။”


ဆရာတော်ဟာ နိုင်ငံတော်သံဃမဟာနာယကအဖွဲ့ရဲ့ ဆုံးဖြတ်ချက်အရ လာမယ့် ၁၉ ရက်နေ့ကျရင် သာဓုကျောင်းတိုက်ကနေထွက်မှာဖြစ်ပြီး ရန်ကုန်မြို့ပြင် မှော်ဘီဘက်က ခြံတခြံမှာ စာသင်သား ၁၀၀ ကျော်ကို ခေါ်ဆောင်ပြီး သီတင်းသုံးမှာ ဖြစ်ပါတယ်။


နိုင်ငံတော် သံဃမဟာနာယကအဖွဲ့က ရွှေညဝါဆရာတော်ကို တရားဟောခွင့် တနှစ်ပိတ်ထားတာ ဒီလ ၁၀ ရက်နေ့မှာ ပြည့်ပါတယ်။ ဒါပေမယ့် နောက်ထပ်တနှစ် ထပ်ပိတ်ခဲ့ပါတယ်။


အဲကမ္ဘောဇလေယာဉ် ရှေ့ဘီးချွတ်ယွင်း၊ ၀မ်းဗိုက်ဖြင့် ဆင်းသက်ခဲ့ရ
Published on February 17, 2012 by ကိုထွေး DVB


ရှမ်းပြည်နယ် တောင်ပိုင်း ဟဲဟိုးကနေ ရခိုင်ပြည်နယ် သံတွဲကို ထွက်ခွာလာတဲ့ အဲကမ္ဘောဇ လေယာဉ်ဟာ ဒီနေ့ နံနက်ပိုင်းက သံတွဲမြို့က လေယာဉ်ကွင်းမှာ ရှေ့ဘီးကျိုးသွားခဲ့ပြီးတော့ ၀မ်းဗိုက်နဲ့ ဆင်းသက်ခဲ့ရပါတယ်။


စီးနင်းသူ ၅၇ ဦး လိုက်ပါလာတဲ့ အဲကမ္ဘောဇ ဟာ ဒီနေ့ မနက် ၁၀ နာရီခွဲ ကျော်လောက်မှာ ဘီးချွတ်ယွင်းသွားပြီးတော့ လေယာဉ်ပြေးလမ်းကြောင်းပေါ်ကနေချော်ထွက်ကာ ကိုက် ၁၀၀ အကွာမှာ ၀မ်းဗိုက်နဲ့ ဆင်းသက်ခဲ့ရတယ်လို့ သံတွဲမြို့နယ် မီးသတ်ဌာနက အရာရှိတဦးက ပြောပါတယ်။


သံတွဲလေဆိပ်အဆင်းမှာ ရှေ့ဘီး ဒေါက်ကျိုးပြီးတော့ ပြေးလမ်းနဲ့ထိပြီး ကိုက် ၃၀မြောက်တတ်ပြီး ပြေးလမ်းဘေး ကိုက် ၁၀၀ လောက်ကို ၀မ်းဗိုက်နဲ့ ထိုးပြီး ဆင်းသွားတာပါ။ မီးတောက်တော့ မထွက်ခဲ့ဘူး။ မီးပွားပဲ အစလေး နည်းနည်း ရိုတ်ခတ်တာပါ။”


အေအိုင်တီ- ၇၂၅၀၀ အမျိုးအစား လေယာဉ်ပေါ်မှာ လေယာဉ်မှူးနဲ့ လေယာဉ်ဝန်ထမ်း ၅ ဦး၊ နိုင်ငံခြားခရီးသွား ၄၀ ဦး၊ မြန်မာ ခရီးသည် ၁၂ ဦး ပါဝင်တယ်လို့ ဆိုပါတယ်။


အဲကမ္ဘောဇကို ဆက်သွယ်မေးမြန်းရာမှာ တာဝန်ရှိသူတဦးက လေယာဉ်ရှေ့ဘီး ကျိုးသွားတဲ့ ကိစ္စကို အတည်ပြု ပြောဆိုခဲ့ပြီး ထိခိုက်ဒဏ်ရာရရှိတဲ့သူ တဦးတယောက်မှ မရှိခဲ့ဘူးလို့ ဆိုပါတယ်။


အခု ကျနော်တို့ဆီကနေ သံတွဲကို လေယာဉ်ပျံ တစင်းနဲ့ လိုက်ကြိုနေပါတယ်။ အခု လေယာဉ်ပျံကွင်းကို သွားမယ်ဆိုရင်လည်း လေယာဉ်ပျံကွင်းက ခွင့်ပြုမှ သွားလို့ရတာ။ အခုတော့ ခွင့်ပြုလို့ ကျနော်တို့ လေယာဉ်ပျံတတ်သွားပြီ။ ကျနော်တို့ ခရီးသည် ပြန်ခေါ်မယ်။ ပြန်ပါလာမယ့် ခရီးသည် စုစုပေါင်းကတော့ ဟဲဟိုးကနေပြီးတော့ ပြန်လာတဲ့ ခရီးသည်ပါမယ်။ သံတွဲကနေ ဒီကို ပြန်လိုက်လာတဲ့ ခရီးသည်ပါမယ်။ အားလုံး ၅၇ ယောက်ပါ။”


လှိုင်သာယာ အလုပ်သမားသပိတ် တရားရုံး ရောက်မည်
Published on February 17, 2012 by နေသွင် DVB


တပတ်ကျော် ပြေလည်မှု မရသေးတဲ့ ရန်ကုန်လှိုင်သာယာ အလုပ်သမားတွေရဲ့ ဆန္ဒပြမှုဟာ ဥပဒေကြောင်းအရ ကြိုးစားမယ့် ပုံစံပြောင်းလဲသွားပြီး နောက်ထပ် မရေမရာ အခြေအနေမှာ ရှိနေပါတယ်။


လုပ်အားခ တိုးမြှင့်ပေးရေးမှာ အလုပ်ရှင်နဲ့ အလုပ်သမားတွေအကြား ဆွေးနွေးညှိနှိုင်းလို့ မရတော့တာကြောင့် ဥပဒေကြောင်းအရ ဖြေရှင်းဖို့ ကြိုးစားတာလို့ တိုင်ရီဖိနပ်စက်ရုံမှာ ၈ နှစ်ကြာ အလုပ်လုပ်ခဲ့တဲ့ ဆန္ဒပြအလုပ်သမား ခေါင်းဆောင် တဦးဖြစ်တဲ့ ဒေါ်မိုးဝေက ပြောပါတယ်။


ဒီလိုမျိုး အရမ်းတာရှည်နေတာ ဘယ်သူ့အတွက်မှ မကောင်းဘူးလေ။ ဒါပေမယ့် တိုင်ပင်ညှိနှိုင်းရေး အဖွဲ့တွေ၊ သက်ဆိုင်ရာ အဖွဲ့အစည်းတွေကလည်း တကယ်တိကျတဲ့ ဆွေးနွေးပွဲဖြစ်အောင် ဖိအားပေးဖို့ လိုမယ်လို့ ကျမထင်တယ်။ သူတို့ပေးထားတဲ့ နှုန်းထားထက် တိုးမြှင့်မပေးနိုင်ဘူးဆိုတော့ အလုပ်သမားထု ကလည်း မကျေနပ်ဘူးပေါ့နော်။ အခု နောက်ဆုံး အခြေအနေကတော့ ဝါဏိဇ္စပဋိပက္ခမှုကော်မတီခုံရုံးကို တက်ဖို့ စီစဉ်နေပါတယ်။ ဘယ်လောက်ကြာမယ် ဆိုတာက ကန့်သတ်လို့ မရဘူးလေ။”


ပြီးခဲ့တဲ့ ရက်ပိုင်းကတော့ အလုပ်သမားသပိတ်ကို အလုပ်သမားရေးရာ ဝန်ကြီးဌာနက ညွန်ကြားရေးမှူးချုပ် ဦးချစ်ရှိန်၊ ရန်ကုန်တိုင်း အလုပ်သမား ညွန်ကြားမှူးဦးစီးဌာနက ဒု- ညွှန်ကြားရေးမှူး ဦးမျိုးအောင်တို့က ဝင်ရောက် ညှိနှိုင်းဖို့ ကြိုးစားပေမယ့် ပြေလည်မှု မရခဲ့ပါဘူး။


အလုပ်သမားတွေဘက်က တနာရီလုပ်အားခကို ၁၅၀ အထိ တောင်းဆိုတာကို အလုပ်ရှင်ဘက်က နဂို ၇၅ ကျပ် ပေးတာကို ၁၀၀ အထိပဲ တိုးမယ်လို့ ပြောပြီး၊ အလုပ်သမားတွေ တောင်းဆိုတဲ့ တလလုံး ရက်မှန်ကြေး ၈၀၀၀ ကျပ်ကိုလည်း အလုပ်ရှင်ဘက်က နဂိုအတိုင်း ၆၀၀၀ ကျပ်ပဲ ပေးမယ်လို့ တင်းခံနေတာကြောင့် ပြေလည်မှု မရတာပါ။


အလုပ်သမားတွေဘက်က ဥပဒေအကြံပေးဖြစ်တဲ့ ရှေ့နေကို ဖိုးဖြူကတော့ ဥပဒေကြောင်းအရ လုပ်ဆောင်တဲ့ တရားရုံးရဲ့ ဆုံးဖြတ်ချက်ချတဲ့အထိ ရက်သတ္တပတ် ၁ ပတ် ၂ပတ်ထက် ပိုမကြာသင့်ပေမယ့် အာဏာပိုင်တွေရဲ့ သဘောထားအပေါ်မှာ မူတည်တယ်လို့ ပြောပါတယ်။


လက်ရှိ အလုပ်သမား ဥပဒေတွေက အလုပ်သမားတွေအပေါ် အကာအကွယ် မပေးနိုင်မှာကိုလည်း စိုးရိမ်တယ်လို့ ရှေ့နေ ကိုဖိုးဖြူက ပြောပါတယ်။


၁၉၇၉ ခုနှစ် ဝါဏိဇ္စပဋိပက္ခမှု အက်ဥပဒေ အတိုင်း ပြဋ္ဌာန်းချက်ပါ အခွင့်အရေးတွေကိုတောင် အလုပ်သမားဝန်ကြီးဌာန၊ အလုပ်သမား ညွှန်ကြားမှုဌာနက အကောင်အထည် ဖော်ခြင်း မရှိတာကို တွေ့ရတယ်။ ရှေ့နေရှေ့ရပ်တွေနဲ့ ခုခံချေပမှုကို ရန်သူသဖွယ် ဆက်ဆံတာကို အလုပ်သမားတွေက ခံစားနေကြရတယ်။ အခု နောက်တခါ အလုပ်ရှင် အလုပ်သမားတွေ အငြင်းပွားမှု ဖြေရှင်းရေး ဥပဒေဟာ ဝန်ကြီးဌာနတွေ အလိုကျ ဝန်ကြီးဌာနစိတ်ကြိုက် ဖြေရှင်းခွင့်အရ ပြဋ္ဌာန်းတဲ့ ဥပဒေဖြစ်လာမှာကို ကျနော်တို့ အလွန်ပဲ စိုးရိမ်ပါတယ်။”


ရှေ့တပတ်ထဲမှာ လှိုင်သာယာမြို့နယ် အလုပ်သမားအမှုတွေကို ကြားနာစစ်ဆေးတဲ့ ဝါဏိဇ္စပဋိပက္ခမှုကော်မတီခုံရုံးကို တင်သွင်းမယ်လို့ ရှေ့နေ ကိုဖိုးဖြူက ပြောပါတယ်။


အလုပ်သမားအင်အား ၂၀၀၀ နီးပါးရှိတဲ့ တိုင်ရီ ဖိနပ်စက်ရုံကို တရုတ် လူမျိုးတယောက်နဲ့ မြန်မာလူမျိုးတယောက်တို့ ဖက်စပ်ပိုင်တာဖြစ်ပါတယ်။


အလုပ်ရှင်ဘက်က ဆန္ဒပြသမားတွေကို ပြီးခဲ့တဲ့ (စနေနေ့) နောက်ဆုံးထားပြီး အလုပ်ပြန်မဆင်းရင် မိမိဆန္ဒအလျှောက် အလုပ်ထွက်ပြီးသား ဖြစ်မယ်၊ ရန်ကုန်တိုင်း အလုပ်သမားရုံးမှာ လုပ်ခလစာတွေကို ကိုယ်တိုင် သွားယူဖို့ သတိပေးခဲ့ပေမယ့် အလုပ်သမားတွေက လခလည်းမထုတ်ဘဲ ဒီနေ့အထိ ဆက်လက် ဆန္ဒပြနေတာ ဖြစ်ပါတယ်။
ဒေါ်အောင်ဆန်းစုကြည် ဖျာပုံအားကစားကွင်းတွင် ဟောပြောခွင့် မရ
Published on February 17, 2012 by မင်းလွင် DVB


ဧရာဝတီတိုင်း ဖျာပုံမြို့ ဘောလုံးကွင်းမှာ ဒီကနေ့ ကျင်းပဖို့ ပြင်ထားတဲ့ ဒေါ်အောင်ဆန်းစုကြည်ရဲ့ မဲဆွယ်ဟောပြောပွဲကို ပြည်ထောင်စု အားကစားဝန်ကြီးက ခွင့်မပြုတဲ့အတွက် မြို့ကနေ နှစ်မိုင်အကွာက သဲကွင်းမှာ ပြောင်းရွှေ့ခဲ့ရပါတယ်။


ဖျာပုံမြို့နယ် အမျိုးသားဒီမိုကရေစီအဖွဲ့ချုပ်ဝင် ကိုသိန်းဆွေက “ဖျာပုံမြို့နယ် အမျိုးသားဒီမိုကရေစီ အဖွဲ့ချုပ်ရုံးမှာ ဒေါ်အောင်ဆန်းစုကြည်က တရားဟောတယ်။ တရားဟောတဲ့အခါကျတော့ ဒီက အဲဒီရုံးရှေ့မှာ လာပြီး နားထောင်တဲ့ လူတွေ ရှိတယ်လေ။ အဲဒီတော့ ဒီမှာ ပြီးသွားရင် ဟိုဘက် ကျနော်တို့ ဒီမှာလူထု ဟောပြောပွဲလုပ်ဖို့ ရှိတယ်။ မြောက်ပိုင်းဘက်မှာပေါ့ သဲကွင်းမှာပေါ့။ အဲဒီတော့ ဒီကလူထုကြီးက လိုက်ကြဦးမလားလို့ မေးတော့ အားလုံးက လိုက်ကြပါမယ်တဲ့။ ဟုတ်ပြီး အဲဒီတော့ မလိုက်မယ့်သူတွေလည်း ရှိတယ်။ အဲဒီ မလိုက်မယ့် သူတွေအတွက် နှုတ်ဆက်စကားလေး ပြောမယ်ဆိုပြီး နှုတ်ဆက် စကားပြောပြီးတော့ ကျနော်တို့ အဲဒီ သဲကွင်းကို သွားကြတာ။ အဲဒီတော့ လူထုကြီးက အဲဒီကနေပြီးတော့ အားလုံးက လိုက်ပါလာကြတယ်” လို့ ပြောပါတယ်။
ဒေါ်အောင်ဆန်းစုကြည်ရဲ့ မဲဆွယ်စည်းရုံးရေး ဟောပြောပွဲကို ဖျာပုံမြို့ပေါ်တင် မကဘဲ ကျေးရွာတွေလူထုတွေပါ တက်ရောက် နားထောင်ခဲ့ကြတယ်လို့ ဒေသခံတဦးက ပြောပါတယ်။


အုန်းအုန်းကျွက်ကျွက်ပဲ တမြို့လုံး စည်ကားနေတာ။ တမြို့လုံးလည်း ဒေါ်စုအလံတွေ ကိုင်ပြီး ချီတတ်သွားကြတာ ဟောပြောပွဲကိုလေ။ ဒေါ်စုမိန့်ခွန်း သွားနားထောင်ကြတာ။”


တခြားအနှောင့်အယှက်တွေ အရင်ကလို မတွေ့ရတော့ပေမယ့် မြို့နယ်အာဏာပိုင်တွေက အစိုးရဝန်ထမ်းတွေကို ဒေါ်အောင်ဆန်းစုကြည်ကို သွားရောက် ကြိုဆို နှုတ်ဆက်တာ မလုပ်ဖို့ ညွှန်ကြားမှုတွေတော့ ရှိသေးတယ်လို့ ဖျာပုံမြို့ ဒေသခံတွေက ပြောပါတယ်။


ဒေါ်အောင်ဆန်းစုကြည်ဟာ ဖျာပုံသဲကွင်းမှာ ပြောကြားခဲ့တဲ့ မိန့်ခွန်းမှာတော့ အာကစားကွင်းကို အသုံးပြုခွင့် မပေးတဲ့အပေါ်ကို ဝေဖန်လိုက်ပြီးတော့ လွတ်လွတ်လပ်လပ် စည်းရုံးခွင့်ကို တားဆီးပိတ်ပင်တဲ့ အပေါ်ကိုလည်း ထောက်ပြ ဝေဖန်သွားခဲ့တယ်လို့ ဒေါ်အောင်ဆန်းစုကြည်ရဲ့ ခရီးစဉ်မှာ လိုက်ပါသွားတဲ့ သတင်းထောက်တဦးက ပြောပါတယ်။


ဖျာပုံမှာ ပထမ သတင်းထွက်တာက ဝန်ထမ်းတွေ မသွားရဘူးပေါ့နော်။ အဲဒီအမိန့် ထုတ်ထားတာ ဟုတ်လောက်တယ်။ ဘာဖြစ်လို့တုန်းဆိုတော့ ရုံးရှေ့က ဖြတ်သွားတဲ့အခါမှာ ဝန်ထမ်းတွေ အကုန်လုံး ထွက်ကြည့်ကြတယ်။ နောက်ပြီးတော့ အန်တီပြောတဲ့ မိန့်ခွန်းထဲမှာလည်း ပါတယ်။ ကျောင်းသားလေးတွေပေါ့နော်။ ကျောင်းသားလေးတွေကို တံခါးပိတ်ထားတယ်။ ကျောင်းခန်းထဲက အပြင်မထွက်ရဘူး။ ဒါပေမယ့်လည်း ကျောင်းသားလေးတွေ အားလုံးဟာ စိတ်ဝင်တစားနဲ့ ကျောင်းခန်းပြင်ပကိုပဲ မျက်လုံးတွေက ကြည့်ပြီးတော့ လက်ပြနေကြတယ်။ အဲဒီအတွက် သူတို့ ပီတိ ဖြစ်တယ်ပေါ့နော်။ အဲဒီ့ ကျောင်းသားလေးတွေရဲ့ စိတ်ဓာတ်ကအစ ဒီမိုကရေစီဘက်မှာ ရှိတယ် ဆိုတာကအစ သိသိသာသာ ပြောသွားတယ်။ နောက်ပြီးတော့ အခုလိုမျိုး ဒီမိုကရေစီနည်း မကျဘဲနဲ့ ဘောလုံးကွင်းကို သုံးခွင့်မပေးဘူး။ ကျနော်တို့ လယ်ကွင်းထဲကို ထွက်ပြီးတော့ အခုလိုမျိုး အစည်းအဝေး လုပ်ရတဲ့အပေါ်မှာလည်း အန်တီက ဥပဒေ နည်းလမ်းကျကျ ရွေးကောက်ပွဲကော်မရှင်ကို တိုင်ကြားသွားမယ် ဆိုပြီးတော့လည်း မိန့်ခွန်းထဲမှာ ထည့်ပြောသွားတယ်။”


ဒေါ်အောင်ဆန်းစုကြည်ဟာ ဖျာပုံမြို့ကို မရောက်ခင် သူအရွေးခံမယ့် ရန်ကုန်တိုင်း ကော့မှူးမြို့နယ်က ကျိုက်ထော်ဆိုတဲ့ ရွာကိုလည်း ရောက်ရှိခဲ့ပြီးတော့ သူ့ကို စောင့်ဆိုင်းနေတဲ့ ဒေသခံတွေကိုလည်း စကားပြောခဲ့ပါတယ်။


ဂက်စ်ပိုက်လိုင်း လျော်ကြေးငွေ လက်မခံသည့် တောင်သူများကို စွမ်းအင်အရာရှိ ကြိမ်းမောင်း
ကြာသပတေးနေ့၊ ဖေဖေါ်ဝါရီလ 16 သျှမ်းသံတော်ဆင့်သတင်း


ဂက်စ်ပိုက်လိုင်းလျော်ကြေးငွေ လက်မခံသည့် သျှမ်းပြည် (မြောက်ပိုင်း) နမ့်ခမ်းမြို့နယ် မိုင်းဝီးကျေးရွာရှိ တောင် သူများကို စွမ်းအင်ဦးစီးအရာရှိ ဦးမျိုးမြင့်အောင်မှ ယခုလ ၁၃ ရက်နေ့ ည ရ နာရီခန့်တွင် ခေါ်ယူကြိမ်းမောင်းခဲ့ကြောင်း သိရသည်။
ရခိုင်ပြည်နယ် ကျောက်ဖြူမြို့မှ တရုတ်နိုင်ငံအထိ ဂက်စ်ပိုက်လိုင်းသွယ်သန်းရာတွင် မြေသိမ်းခံရသည့် မိုင်းဝီးရွာခံ တောင်သူများကို စွမ်းအင်နှင့်မြေစာရင်းဦးစီးအရာရှိများက သဘောတူကြောင်း လက်မှတ်ထိုးခိုင်းရာ လက်မှတ်မထိုး သည့် တောင် သူ ၈ ဦးခန့် ကျန်ရှိပြီး အဆိုပါတောင်သူများအား ခေါ်ယူကြိမ်းမောင်းခြင်း ဖြစ်ကြောင်း သိရသည်။


မရှင်းလင်းသည်များကို မေးမြန်းဆွေးနွေးနိုင်ရန်ဟု ဆိုကာ တောင်သူများကို မိုင်းဝီးရွာ ရယကစာရေး ဦးသန်းဦး နေအိမ်သို့ ခေါ်ယူခဲ့ကြောင်း မိုင်းဝီးရွာခံတောင်သူ တစ်ဦးက သျှမ်းသံတော်ဆင့်သို့ ပြောသည် ။


လက်မှတ်မထိုးသေးတဲ့တောင်သူ ၈ ဦးလောက်ရှိသေးတယ် အားလုံးဦးရေက အယောက် ၁၀၀ လောက်ရှိတယ်။ အဲဒါကို လက်မှတ်မထိုးသေးတာကို မရှင်းလို့လားဆိုပြီး စွမ်းအင်အရာရှိ ဦးမျိုးမြင့်အောင် ၊ မြေစာရင်းဦးစီးမှူး ဦးကျော်နိုင်တို့က ခေါ်တာပေါ့ တောင်သူတွေကမေးမြန်းကြတဲ့ အခါကျတော့ အဆူခံရ ၊ ရန်ရှာခံရတာပေါ့ ” သူက ဆိုသည် ။


တောင်သူများက ၎င်းတို့၏ လယ်မြေများကို မည်သည့်အတန်းအစားတွင် ထည့်သွင်းထားသနည်းဟု မေးမြန်းရာတွင် စွမ်းအင်ဦးစီးအရာရှိမှ ရှင်းလင်းစွာဖြေဆိုခြင်း မရှိကြောင်း သိရသည်။


တောင်သူတွေက သူတို့လယ်တွေကို ဒုတိယတန်းစားမှာ ထည့်မှာစိုးလို့ ဘယ်အတန်းအစားမှာ ထည့်သလဲလို့ မေးတော့ ဦးမျိုးမြင့်အောင်က ပြန်ဆဲဆိုဟိန်းဟောက်တယ် ” ဟု ဆိုသည်။


တစ်နှစ်အတွင်း စိုက်ပျိုးသည့် အကြိမ်အရေအတွက်ပေါ် မူတည်၍ သိမ်းယူခံရသည့် လယ်မြေများကို ပထမ ၊ ဒုတိယ နှင့် တတိယတန်းစား ဟူ၍ ခွဲခြားသတ်မှတ်ကာ လျှော်ကြေးငွေကို ပထမတန်းစား ကျပ်သိန်း ၃၀ ၊ ဒုတိယတန်းစား ကျပ် ၂၅ သိန်းနှင့် တတိယတန်းစား ၂၀ ပေးကြောင်း သိရသည် ။


တောင်သူများက မြေစာရင်းဋ္ဌာနမှ တိုင်းတာသည့် လယ်မြေအကျယ်အဝန်း မှန်ကန်မှုမရှိကြောင်း ပြောဆိုခဲ့ရာ မြေစာရင်း ဦးစီးအရာရှိ ဦးကျော်နိုင်မှ ဂရမ်မရှိသည့် မြေများဖြစ်၍ လျော်ကြေးအပြည့်မပေးနိုင်ကြောင်း ပြန်လည် ပြောဆိုခဲ့သည်ဟု ဆိုသည် ။


အဆိုပါမြေများမှာ မြေဂရမ်မရှိသော်လည်း ဘိုးစဉ်ဘောင်ဆက် လုပ်ကိုင်ခဲ့သည့် ဓါးမဦးချ မြေများဖြစ်ကြောင်း ဦးကျော်နိုင်မှတရား မဝင်သလို ခြိမ်းခြောက် ပြောဆိုနေကြောင်း အဆိုပါတောင်သူများက ဆိုသည်။


USDP အကြီးအကဲများက ပါတီဝင်များထံ ပိုက်ဆံကျပ်သန်းချီ စုကြေးကောက်
သောကြာနေ့၊ ဖေဖေါ်ဝါရီလ 17 သျှမ်းသံတော်ဆင့်


သံလွင်အရှေ့ပိုင်း ကျိုင်းတုံမြို့အရှေ့မြောက်ဖက် ၁၀၂ ကီလိုမီတာဝေးသည့် မိုင်းယန်းမြို့နယ် USDP အကြီးကဲများ က ပါတီဝင်များထံ စုကြေးငွေမထည့်မနေရဟုဆိုကာ ကျပ်ငွေသန်းချီ ကောက်ယူနေသောကြောင့် အခက်တွေ့နေရကြောင်း ပါတီဝင်မိသားစုများက ပြောပါသည်။


နှစ်တိုင်းနှစ်တိုင်း ပိုက်ဆံထည့်ရတယ်။ အတိုးပေးမယ်လို့ပြောပြီး ခုထိဘာအတိုးမှမရဘူး။ ခုလည်း ထပ်တောင်းလာ တယ်။ ၁၅ သိန်း။ မထည့်မနေရတဲ့။ ကျမယောက်ကျား ကြံ့ဖွံ့ပါတီဝင်ကတည်းကနေ ခုထိပိုက်ဆံထဲ့ရတာ သိန်း ၃၀ ကျော်ပြီ။ ကျမလဲမခံနိုင်တော့ဘူး။ အရမ်းကိုကျပ်တည်းနေပြီ” ဟု မိုင်းယန်းမြို့ ဟော်တိုက်ရွာနေ ကြံ့ဖွံ့ပါတီဝင် စိုင်းအွန် ကျောက်၏ ဇနီး နန်းနွန်းစယ့်က ပြောပြကြောင်း ကျိုင်းတုံဒေသခံ စိုင်းယီ့က သျှမ်းသံတော်ဆင့်အား ပြောပြသည်။


ယခုလ ၁၃ ရက်က ကြံ့ဖွံ့ပါတီ ကော်မတီဝင်တိုင်း တယောက်လျင် စုကြေးသဘောမျိုး ပိုက်ဆံ ကျပ် ၁၅ သိန်းထည့်ဝင်ရန် ပါတီဝင်များအား အစည်းအဝေးခေါ်ကာ ဆင့်ဆိုလာကြောင်း၊ ၂၀၁၅ ရွေးကောက်ပွဲ၌ အသုံးပြုရန် ဟုလည်းပြောကြောင်း ၎င်းတို့နှင့်နီးစပ်သည့် မိုင်းယန်းမြို့ခံများက ပြောပါသည်။


အစိုးရက သူတို့ကိုလစာမပေးလို့ ဒီစုကြေးငွေတွေနဲ့ လစာတွေပေးသွားမယ်လို့ပြောတယ်။ အတိုးရဖို့နေနေသာသာ အသားပါပျောက်သွားမှာစိုးရိမ်ရလို့ စားလဲမဝင် အိပ်လဲမပျော်ဘူး” - ဟု မိုင်းယန်းမြို့ ပြည်ခိုင်ဖြိုးပါတီဝင်တဦးက ပြောပြသည်။


၂၀၁၅ ရွေးကောက်ပွဲ၌လည်း မိုင်ယန်းမြို့နယ်အတွင်း ကြံ့ခိုင်ရေးပါတီကသာ အနိုင်ရအောင် လုပ်ဆောင်ရမည်ဟု အစည်းအဝေး၌ပြောကြောင်း ပါတီဝင်များက ပြော၏။ ကျားဖြူပါတီလည်း လာမည့် ၂၀၁၅ ရွေးကောက်ပွဲတွင် ဝင်ရောက်ယှန် ပြိုင်ရန်အတွက် မိုင်းယန်းမြို့၌ မကြာသေးခင် ရုံးဖွင့်ထားကြောင်း၊ မြို့နယ်ကော်မတီ မဖွဲ့စည်းရသေးသော် လည်း ၂၀၁၅ မတိုင်မှီ ပြင်ဆင်သွားမည်ဖြစ်ကြောင်း ကျားဖြူအသိုင်းဝိုင်းက ပြောပါသည်။


ရေဒီယို၊ ရုပ်သံ ဟောပြောမှု ကန့်သတ်ချက် ပါတီများ ဝေဖန်
By featured, ခင်ဦးသာ on February 17 ဧရာဝတီ


နိုင်ငံရေး ပါတီများ၏ မူဝါဒများကို ရေဒီယို၊ ရုပ်သံ အစီအစဉ်များမှ ဟောပြော တင်ပြခွင့်ပြုရာ၌ ကန့်သတ် ထားမှုများအပေါ် ပါတီများက ဝေဖန်လိုက်သည်။


ဧပြီလ ၁ ရက်နေ့ကြားဖြတ် ရွေးကောက်ပွဲ အတွက် ပြည်ထောင်စု ရွေးကောက်ပွဲ ကော် မရှင်၏ အချက် ၈ ချက်ပါ ကြေညာချက် ၌ ကန့်သတ်ထားခြင်း ဖြစ်သည်။


နိုင်ငံရေးပါတီ တခုခု၏ စည်းရုံးဟောပြောမှုသည် တပ်မတော်၏ ဂုဏ်သိက္ခာထိခိုက်ခြင်း၊ ဖွဲ့စည်းပုံ ဥပဒေနှင့်တည်ဆဲဥပဒေများအား လိုက်နာလေးစားမှု မရှိခြင်း၊ လူမျိုးရေး၊ ဘာသာရေး လူပုဂ္ဂိုလ် တဦးဦး၏ ဂုဏ်သိက္ခာ ထိခိုက်စေခြင်း၊ ငြိမ်းချမ်းစွာ ပညာ သင်ကြားရေးကို ထိခိုက်စေခြင်း စသည့်တို့အား တခုခု ကျူးလွန်ဖောက်ဖျက်ပါက တည်ဆဲ ဥပဒေအရ အရေးယူ ခံရမည်ဟု ယမန်နေ့ ရက်စွဲဖြင့် ထုတ်ပြန်သော ကြေညာချက် က ဆိုသည်။


သတ်မှတ်ချက်အား မလိုက်နာသည့် ပါတီသည် နိုင်ငံရေးပါတီများ မှတ်ပုံတင်ခြင်း ဥပဒေအရလည်း အရေးယူခံရမည်ဖြစ်ပြီး ပါတီ ဖျက်သိမ်း ခံရနိုင်သည်။ ထိုကြေညာချက်အရ ဟောပြောခွင့် ၁၅ မိနစ်အချိန်ရမည်ဖြစ်ပြီး ယခင် နအဖ စစ်အစိုးရ လက် ထက်၂၀၁၀ ရွေးကောက်ပွဲ ကြေညာချက် နှင့် ထပ်တူ ဖြစ်သည်။


လက်ရှိအစိုးရသည် ဒီမိုကရေစီ စနစ်သို့ ဦးတည်လုပ်ဆောင်နေပြီ ဖြစ်၍ ယခုကဲ့သို့ ကန့်သတ်မှုများ လုပ်ဆောင်ခြင်းသည် မသင့်လျော်သော လုပ်ရပ်ဟု အမျိုးသားဒီမိုကရေစီ အဖွဲ့ချုပ်(NLD) ၏ ဗဟို အလုပ်အမှုဆောင် အဖွဲ့ဝင် ဦးဝင်းတင်က ပြောဆို သည်။


ကျနော်တို့ပါတီအနေနဲ့တော့ ပြည်သူလူထုကို အကျိုးမပြုတာ မှန်သမျှကို ဖယ်ဖျက်ဖို့ ကိစ္စဟောပြောသွားမှာပါ၊ ဥပမာ-၂၀၀၈ ဖွဲ့စည်းပုံ ပြင်ဆင်ရေးကိစ္စဟာ ပါတီရဲ့ အဓိကမူဝါဒ ဖြစ်လို့ ကန့်သတ်ထားရင်လည်းပဲ ပြောရမှာပဲ”ဟု ဦးဝင်းတင် က ဧရာဝတီ ကို ပြောသည်။


NLD ပါတီ ဥက္ကဋ္ဌ ဒေါ်အောင်ဆန်းစုကြည်သည် ၎င်း၏ စည်းရုံးရေး ခရီးစဉ်များ၌ ၂၀၀၈ ဖွဲ့စည်းပုံ အခြေခံ ဥပဒေပြင်ဆင်ရေး၊ တရားဥပဒေ စိုးမိုးရေးတို့ကို အဓိကထား၍ ပြည်သူလူထုအား မဲဆွယ်စည်းရုံးလျက် ရှိသည်။


နိုင်ငံရေးပါတီများသည် မိမိတို့ဟောပြောလိုသည့် အကြောင်းအရာများကို စာမျက်နှာ ၇ မျက်နှာဖြင့် အနည်းဆုံး ၇ ရက် ကြိုတင် ၍ ပြည်ထောင်စု ရွေးကောက်ပွဲ ကော်မရှင်သို့ တင်ပြရမည်ဖြစ်သည်။ ထိုတင်ပြချက်အား ပြန်ကြားရေး ၀န်ကြီး ဌာနနှင့်ညှိနှိုင်း၍ ခွင်ြ့ပုခြင်း သို့မဟုတ် ပယ်ဖျက်ခြင်း ပြုနိုင်ကြောင်း ကြေညာချက်၌ ရေးသားထားသည်။


ရေဒီယို၊ ရုပ်သံများမှ ပြောဟောစည်းရုံးခွင့် ရခြင်းကို ကြိုဆိုသော်လည်း စိစစ် ပယ်ချမှုတို့ကြောင့် အချိန်ကုန်ပြီး အပြည့်အ၀ ဟောပြောခွင့်မရဟု ၂၀၁၀ ရွေးကောက်ပွဲ၌ ၀င်ရောက်ယှဉ်ပြိုင်ခဲ့သည့် ဒီမိုကရက်တစ်ပါတီ (မြန်မာ)၏ ဥက္ကဋ္ဌ ဦးသုဝေ က ပြော သည်။


၇ ရက် ကြိုတင်ရတော့ စိစစ်မှုများတယ်၊ ၂၀၁၀ ရွေးကောက်ပွဲ တုန်းကလည်းပဲ ပထမတကြိမ်တင်တာ မူဝါဒတွေနဲ့ မကိုက် ညီ ဘူး ဆိုပြီးတော့ ပယ်ချခံခဲ့ရတယ်၊ နေပြည်တော်ကို နောက်တခေါက် ထပ်သွား တင်ခဲ့ရတယ်”ဟု ဦးသုဝေ က ဆိုသည်။


စိစစ်ကန့်သတ်မှုများပြီး ငွေကုန်ကြေးကျ များပါက ရေဒီယို၊ ရုပ်မြင်သံကြားများမှ ဟောပြောမှု မလုပ်ဆောင်တော့ကြောင်း၊ ကြေ ညာချက် ကန့်သတ်ထားသော်လည်း ရွေးကောက်ပွဲသည် လွတ်လပ်ပြီး တရားမျှတရမည်ဟု ကော်မရှင် ဥက္ကဌ ဦးတင်အေး က ကတိပေးထားသည့် အတိုင်း ဆောင်ရွက်ကြမည်ဟု မျှော်လင့်ရကြောင်း ဦးသုဝေ က ပြောသည်။


တိုင်းရင်းသား စည်းလုံးညီညွတ်ရေး ပါတီ(တစည)ကမူ ထုတ်ပြန်ချက်အား ကန့်သတ်မှုဟု မယူဆဘဲ ရသည့် အခွင့်အရေး အပေါ်အခြေခံ၍ အများ ကောင်းစားရေး မူဝါဒ အတိုင်း စည်းရုံး ဟောပြောသွားမည်ဟု ပါတီ၏ ပြောခွင့်ရသူ ဦးဟန်ရွှေ က ဧရာဝတီ ကို ပြောသည်။


လယ်လုပ်သူ လယ်လုပ်ပိုင်ခွင့် အစား လယ်လုပ်သူ လယ်ပိုင်ဆိုင်ခွင့်ရရေး ကိစ္စ၊ လယ်သမားအဖွဲ့တွေ လွတ်လပ်စွာ ဖွဲ့စည်းခွင့် ရ ရေး ကိစ္စတွေကို အဓိက လုပ်ဆောင်ပေးဖို့ ဆိုတာတွေကို စည်းရုံးဟောပြော သွားမယ်”ဟု ဦးဟန်ရွှေ က ဆိုဟည်။


၂၀၀၈ ဖွဲ့စည်းပုံ အခြေခံရေးဆွဲထားသည့် လယ်ယာမြေဥပဒေကြမ်းအား လွှတ်တော်အစည်းအဝေးများ၌ ပြီးခဲ့သည့်လ အနည်း ငယ် က အတည်ပြုခဲ့ရာတွင် လယ်သမားတို့၏ ရပိုင်ခွင့်များကို ကန့်သတ်ထား၍ ကန့်ကွက်ဆန္ဒပြမှုများ ဖြစ်ပေါ်ခဲ့သေးသည်။


တစည ပါတီသည် ၂၀၁၀ ရွေးကောက်ပွဲ၌ အခက်အခဲ၊ အတာအဆီး ကန့်သတ်မှု မရှိဘဲ မူဝါဒသဘောထားများကို စည်းရုံး ဟော ပြောနိုင်ခဲ့ကြောင်း၊ ၎င်းတို့၏ အများကောင်းစားရေး မူဝါဒ၌ တောင်သူလယ်သမား၊ အလုပ်သမား၊ ကျောင်းသား လူငယ်များနှင့် အမျိုးသမီး ကဏ္ဍများကို ဦးစားပေး လုပ်ဆောင်မည်ဖြစ်ကြောင်း ဦးဟန်ရွှေ က ပြောဆိုသည်။


ကြားဖြတ်ရွေးကောက်ပွဲတွင် လစ်လပ်နေရာ ၄၈ နေရာရှိပြီး နိုင်ငံရေးပါတီ ၁၇ ပါတီမှ ၀င်ရောက်ယှဉ်ပြိုင်ကြမည်ဟု ကော်မရှင် ၏ ယနေ့ ထုတ်ပြန်ချက်တွင် ရေးသားထားသည်။


နအဖ စစ်အစိုးရ ဦးဆောင်ကျင်းပသည့်၂၀၁၀ ရွေးကောက်ပွဲ၌ ရေဒီယို၊ ရုပ်မြင်သံကြားများမှ ဟောပြောကြမည့် ဒီမိုကရက် တစ် ပါတီ အများစု၏ မူဒ၀ါဒများ၊ စည်းရုံး ဟောပြောမှုများ၊ တင်ပြခဲ့သည့် အချက်အလက် အများစုကို ပယ်ဖျက်ခြင်း ခံခဲ့ရကြောင်း သိရသည်။


ကမ္ဘာ့ဘဏ်က မြန်မာနှင့် ဆက်ဆံရေး ပြန်လုပ်မည်
By featured, ရန်ပိုင် on February 17 ဧရာဝတီ
မြန်မာနိုင်ငံတွင် ဖြစ်ပေါ်နေသည့် အပြောင်းအလဲများကို ထောက်ခံ အားပေးသည့် အနေဖြင့် ဆက်ဆံမှုများ ပြန်လည်ပြုလုပ်ရန် ကမ္ဘာ့ဘဏ်အဖွဲ့ကြီးက မကြာသေးမီက ထုတ်ပြန်လိုက်သည်။
ကမ္ဘာ့ဘဏ်အဖွဲ့ကြီး၏ အရှေ့အာရှနှင့် ပစိဖိတ်ဒေသဆိုင်ရာ ဒု ဥက္ကဋ္ဌ Ms. Pamela Cox က “မြန်မာနိုင်ငံရဲ့ တိုးတက်မှုတွေကို အားရပါတယ်။ ပြုပြင်ပြောင်းလဲရေးတွေအတွက် အထောက်အကူဖြစ်စေဖို့ မြန်မာ အစိုးရနဲ့ ဆက်ဆံရေးတွေ ပြန်လုပ်နေပါပြီ။ ဆင်းရဲသားတွေ၊ ဖူလုံမှုမရှိသူတွေ အပါအ၀င် မြန်မာပြည် သူတွေ အကျိုးရှိမှာပါ” ဟု ထုတ်ပြန်ချက်တွင် ပြောထားကြောင်း AP သတင်းဌာနက ဖော်ပြထားသည်။


ကမ္ဘာ့ဘဏ် အဖွဲ့ကြီးက စီးပွားရေး အခြေခံအဆောက် အအုံများ၊ ဘဏ္ဍာရေး ကဏ္ဍများနှင့် ပတ်သက်ပြီး လေ့လာ သုံးသပ်ပေးနိုင်ရန် ကျွမ်းကျင်သည့်ပညာရှင်များ စေလွှတ်အကူအညီ ပေးသွားမည် ဖြစ်သော်လည်း ငွေကြေး ထောက်ပံ့မှုများကိုမူ ပေးအပ်ဦးမည် မဟုတ်ကြောင်း သိရသည်။


စုစုပေါင်း ဒေါ်လာသန်း ရာပေါင်းများစွာနှင့် ချီနေသည်ဟု ယုံကြည်ရသည့် ကြွေးကျန်များကို မြန်မာနိုင်ငံက နိုင်ငံတကာ ငွေကြေးအဖွဲ့အစည်းများသို့ ပေးဆပ်ရှင်းလင်းပြီးမှသာ ငွေချေးငှားရေး ပြန်လည်စတင်နိုင်မည်ဟု ကမ္ဘာ့ဘဏ်က ပြောဆိုထားသည်။


ထို့အပြင် အစိုးရအသုံးစရိတ်များနှင့် ပတ်သက်၍ ရှင်းလင်းပြတ်သားမှု ရှိ မရှိ၊ ပြည်သူများအတွက် အကျိုးဖြစ်ထွန်းမှု ရှိ မရှိကို သုံးသပ်လေ့လာမည်ဖြစ်ပြီး လူမှုအဖွဲ့အစည်းများနှင့် လက်တွဲ၍ လူမှုကဏ္ဍဆိုင်ရာ တာဝန်ယူမှုများ၊ လွတ်လပ်သော လူထုဆက်ဆံရေးများ မြှင့်တင်ပေးနိုင်ရန် ဆောင်ရွက်မည်ဟုလည်း သိရသည်။


ကမ္ဘာ့ဘဏ်အဖွဲ့ကြီး၏ အဓိက အဖွဲ့ဝင်တနိုင်ငံဖြစ်သည့် အမေရိကန်ကလည်း ပြီးခဲ့သည့်လမှ စတင်ကာ နည်းပညာ၊ အတတ်ပညာများ အကူအညီပေးရေး အတွက် ပိတ်ဆို့အရေးယူမှု ဥပဒေတချို့ကို ရုပ်သိမ်းပေးခဲ့သည်။


ကမ္ဘာ့ဘဏ်နှင့် အာရှဖွံ့ဖြိုးရေးဘဏ်တို့သည် ကြွေးမြီများ ပြန်လည်ပေးဆပ်နိုင်ခြင်း မရှိသည့်အတွက် ၁၉၈၇ ခုနှစ်မှ စတင်ကာ မြန်မာနိုင်ငံအား ငွေချေးငှားခြင်းကို ရပ်တန့်ခဲ့သည်။


ကမ္ဘာ့ဘဏ်က ငွေချေးငှားခြင်း ရပ်တန့်ထားသော်လည်း တခါတရံတွင် မြန်မာနိုင်ငံနှင့် ပတ်သက်၍ တခြားအလှူရှင်များ၏ လုပ်ငန်းဆိုင်ရာတွင် အထောက်အပံ့ပေးခြင်း၊ နိုင်ငံတကာ ငွေကြေးရန်ပုံငွေအဖွဲ့ (IMF) ၏ နှစ်ပတ်လည် စီးပွားရေး စစ်ဆေးသုံးသပ်သည့် အဖွဲ့နှင့် ပူးတွဲလုပ်ဆောင်ပေးခြင်းများ ပြုလုပ်ခဲ့သည်။


IMF ကလည်း ပြီးခဲ့သည့်လအတွင်းက မြန်မာနိုင်ငံ၏ လက်ရှိ နိုင်ငံခြား ငွေလဲလှယ်နှုန်းစနစ်ကို ပြုပြင်ပြောင်းလဲမှုများ ပြုလုပ်ရန် လုပ်ထုံးလုပ်နည်းဆိုင်ရာ အကူအညီများပေးခဲ့သည်။


ပြီးခဲ့သည့် ရက်ပိုင်းက ဒေါ်အောင်ဆန်းစုကြည်နှင့် ဂျာမန်နိုင်ငံခြားရေးဝန်ကြီးနှင့် အတူပြုလုပ်သော သတင်းစာရှင်းလင်းပွဲ၌ လာမည့် ဧပြီ ကြားဖြတ် ရွေးကောက်ပွဲသည် သန့်ရှင်းလွတ်လပ်ပြီး တရားမျှတလျှင် ဥရောပသမဂ္ဂက မြန်မာနိုင်ငံအပေါ် ချမှတ်ထားသော စီးပွားရေးပိတ်ဆို့မှုများ ရုပ်သိမ်းရန် စတင်စဉ်းစား နိုင်ကြောင်း ပြောဆိုခဲ့သေးသည်။


Air KBZ သံတွဲ၌ ဘီးချော်
By featured, ရန်ပိုင် on February 17 ဧရာဝတီ
ကမ္ဘောဇ လေကြောင်းလိုင်း(Air KBZ)မှ ATR 72 အမျိုးအစား လေယာဉ်တစီး ယနေ့နံနက် ၁၀နာခွဲခန့်က ရခိုင်ပြည်နယ် သံတွဲမြို့မဇင် လေဆိပ် အဆင်းတွင် ဘီးချော်ပြီးဝမ်းဗိုက်ဖြင့် ဆင်းသက်ခဲ့ရကြောင်း သတင်းရသည်။


ရန်ကုန်-ညောင်ဦး- ဟဲဟိုး- သံတွဲ ပြေးဆွဲနေသည့် လေယာဉ်ဖြစ်ပြီး ငပလီ ကမ်းခြေတွင် လာရောက် အပန်းဖြေမည့် နိုင်ငံခြားသား ခရီးသွား ၃၀ ခန့်တင်ဆောင်ထားကြောင်း၊ လေယာဉ်ဆင်းသက်စဉ် ဘီးထိန်းစနစ် ချွတ်ယွင်းသည့်အတွက် ဖြစ်ကြောင်း လေဆိပ်မှ တာဝန်ရှိသူတဦးကပြောသည်။


ဟဲဟိုးကလာတာ အဆင်းမှာ ရှေ့ဘီးချလိုက်တော့ ဘီးပေါက်နေတယ်၊ အဲဒီတော့ကျိုးပြီး စိုက်ဆင်းသွားတာ၊ ဗိုက်နဲ့ဆင်းလိုက် ရ တယ်၊ လေယာဉ်မှူးက ဘရိတ်အုပ်ထိန်းပြီး ဘေးကိုဆွဲလိုက်တယ်”ဟု ၎င်းကဆိုသည်။


ထိုသို့ ပြေးလမ်းချော်သွားသော်လည်း ခရီးသည်များ ထိခိုက်ဒဏ်ရာရမှုမရှိကြောင်း၊ လတ်တလောတွင် တခြားသောလေယာဉ်များဆင်းသက်ရန်အတွက် လေယာဉ်ပြေးလမ်း ကို ပေ ၆၀၀၀ သာ အသုံးပြုခွင့် ပေးထားကြောင်း သိရသည်။


သွားရောက်ကြည့်ရှုသည့် သံတွဲမြို့ခံတဦးကလည်း ယင်းလေယာဉ်သည် ဘီးတချို့ပြုတ်ထွက်နေပြီး ပြေးလမ်းကြောင်း ဘေးရှိ သဲကျောက်များ ပုံထားသည့်နေရာတွင် တင်နေကြောင်း၊ မီးလောင်ကျွမ်းမှုမရှိသကဲ့သို့ လေယာဉ်အတောင်ပံလည်း ပျက်စီးသွားခြင်း မရှိကြောင်း ပြောပြသည်။


လေယာဉ်မောင်းတဲ့ ကပ္ပိတိန်က လေယာဉ်ကို ဆွဲလှည့်ထားပုံ ရတယ်၊ တည့်တည့် ဆက်သာသွားရင် ပင်လယ်ထဲကို ထိုးကျမှာ” ဟု ၎င်းက ဆိုသည်။


မဇင် လေယာဉ်ကွင်း ပြေးလမ်းသည် ပင်လယ်ကမ်းစပ်နှင့် အလွန်နီးကပ်လျက် ရှိသည်။


လက်ရှိ မြန်မာနိုင်ငံတွင် ဦးအောင်ကိုဝင်း ပိုင်ဆိုင်သည့် Air Kanbawza(Air KBZ) ၊ အပြည်ပြည်ဆိုင်ရာ မြန်မာ့လေကြောင်းလိုင်း (MAI) ၊ ဦးတေဇပိုင် Air Bagan Asian Wings Air Mandalay ၊ ဦးဇော်ဇော် ၏ Yangon Airways စသည့်လေကြောင်းလိုင်းများ ပြေးဆွဲနေသည်။
မြန်မာ့နိုင်ငံရေး ပိုကောင်းနိုင်ဟု နမ်ဘီယာ ပြောဆို
By featured, လင်းသန့် on February 17, ဧရာဝတီ
ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေး မစ္စတာ ဘီဂျေ နမ်ဘီယာက ဒေါ်အောင် ဆန်းစုကြည် ၀င်ရောက်ယှဉ်ပြိုင်မည့် ဧပြီလကြားဖြတ်ရွေးကောက်ပွဲနောက်ပိုင်း မြန်မာ့နိုင်ငံရေး ပိုမိုကောင်းမွန်လာနိုင်သည် ဟု ယမန်နေ့က ပြောကြားလိုက်သည်။


မစ္စတာ နမ်ဘီယာသည် ယမန်နေ့ညနေပိုင်းက မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် ၁ နာ ရီ ကျော်ကြာတွေ့ဆုံပြီးနောက် သတင်းစာရှင်းလင်းပွဲ၌ ထိုကဲ့သို့ ပြောကြားလိုက်ခြင်းဖြစ်သည်။


မစ္စတာ နမ်ဘီယာက လာမည့် ကြားဖြတ်ရွေးကောက်ပွဲသည် လွတ်လပ်ပြီး တရားမျှတမှုရှိသော ရွေးကောက်ပွဲ ဖြစ်စေရေးနှင့် ရွေးကောက်ပွဲ စောင့် ကြည့် လေ့လာသူများ လာရောက်ခွင့်ပြုရန် မြန်မာ အစိုးရ တာဝန်ရှိသူများနှင့်တွေ့ဆုံစဉ် အလေးအနက် ဆွေးနွေး တိုက်တွန်းခဲ့ကြောင်းလည်း သိရသည်။


ယမန်နေ့ နေ့လယ်ပိုင်းကလည်း မစ္စတာ နမ်ဘီယာသည် ရန်ကုန်မြို့ရှိ ကုလသမဂ္ဂ ဖွံ့ဖြိုးရေး အစီအစဉ်(UNDP)ရုံးတွင် ဦးခွန် ထွန်းဦး၊ ဦးအေးသာအောင်၊ ဦးပူကျင့်ရှင်းထန် အပါအ၀င် တိုင်းရင်းသားခေါင်းဆောင်များနှင့် တွေ့ဆုံခဲ့သေးသည်။


ထို့အပြင် ကရင်နှင့် မွန်ပြည်နယ် ဒေသများသို့လည်း ၎င်း၏ခရီးစဉ်အတွင်း သွားရောက်၍ တိုင်းရင်းသားများအရေး၊ ဒုက္ခသည်များအရေးကိုလည်း လေ့လာခဲ့ကြောင်း သိရသည်။


တိုင်းရင်းသားဒေသများတွင် စစ်ပွဲများ ချုပ်ငြိမ်းသွားစေရေး အတွက် ကုလသမဂ္ဂအနေနှင့် ဆောင်ရွက်သွားမည်ဖြစ်ပြီး ပြုပြင် ပြောင်းလဲမှု တိုးတက်စေရေးလည်း အလေးထားလုပ်ဆောင်သွားမည်ဟု မစ္စတာ နမ်ဘီယာက ဆိုသည်။


မစ္စတာ နမ်ဘီယာသည် အမျိုးသား ဒီမိုကရေစီ အင်အားစု ပါတီ(NDF)အပါအ၀င် နိုင်ငံရေးပါတီ ၁၁ ပါတီမှ ခေါင်းဆောင်များနှင့်လည်း UNDP ရုံးတွင် ယနေ့တွေ့ဆုံမည်ဖြစ်သည်။


ကျနော်တို့ကတော့ ဘာမှ ပြင်ဆင်ထားတာ မရှိပါဘူး။ သူကမေးလာတဲ့အပေါ် မူတည်ပြီး ဆွေးနွေးသွားကြမှာပါ”ဟု NDF ပါတီ ခေါင်းဆောင် ဒေါက်တာ သန်းငြိမ်းက ဧရာဝတီကို ပြောသည်။


မြန်မာနိုင်ငံရှိ သက်ဆိုင်ရာ နိုင်ငံရေးပါတီများက တာဝန်ရှိသူများ၊ အခြားသော အဖွဲ့အစည်းအသီးသီးမှ ပုဂ္ဂိုလ်များနှင့် တွေ့ဆုံ ဆွေးနွေးသည့် သတင်းအချက်အလက် စုဆောင်းထားချက်များကို ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်း ထံ အစီရင်ခံ တင်ပြသွားမည်ဖြစ်ကြောင်းလည်း နမ်ဘီယာက ဆိုသည်။


မစ္စတာ နမ်ဘီယာသည် ဖေဖော်ဝါရီ ၁၂ ရက်ကစတင်၍ ၅ ရက်ကြာခရီးစဉ်အဖြစ် မြန်မာနိုင်ငံသို့ ရောက်ရှိခဲ့ပြီး ဖေဖော်ဝါရီ ၁၄ ရက်တွင် နေပြည်တော်၌ သမ္မတ ဦးသိန်းစိန်၊ နိုင်ငံရေးခြားဝန်ကြီး၊ ပြည်ထဲရေးဝန်ကြီး အပါအ၀င် အစိုးရ ထိပ်ပိုင်း တာဝန်ရှိသူများနှင့် တွေ့ဆုံခဲ့ သည်။


ထို့အပြင် လွှတ်တော် တာဝန်ရှိသူများနှင့်လည်း တွေ့ဆုံခဲ့ပြီး ဖွံဖြိူးတိုးတက်မှုဆိုင်ရာ မူဝါဒ ညီလာခံကိုလည်း တက်ရောက်ခဲ့ သည်။ ယနေ့ညနေပိုင်းတွင် မစ္စတာ နမ်ဘီယာသည် မြန်မာနိုင်ငံမှ ပြန်လည် ထွက်ခွာမည်ဖြစ်သည်။


မစ္စတာ နမ်ဘီယာသည် ၂၀၁၂ ခု ဇန်န၀ါရီလ ၂၆ ရက်တွင် ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်း၏ မြန်မာနိုင်ငံဆိုင်ရာ အထူးအကြံပေး အဖြစ် စတင် ဆောင်ရွက်ခဲ့သည်။၂၀၀၇ ခုနှစ်က စတင်၍ ဘန်ကီမွန်း၏ ရုံးအဖွဲ့မှူး တာဝန် ထမ်းဆောင်သည်။


မြန်မာ့စီးပွားရေးနှင့် လျှပ်စစ်စွမ်းအင် လိုအပ်ချက်
By featured, WILLIAM BOOT / ဧရာဝတီ
မြန်မာနိုင်ငံတွင် အထူးစီးပွားရေး ဇုန်များ၊ ဆိပ်ကမ်းများ၊ မီးရထားလမ်းများ၊ စက်ရုံများ၊ ပြည်တွင်းဝင်လာမည့် နိုင်ငံခြားခရီးသွား ဧည့်သည် ၅ သိန်းကျော် အစရှိသည်ဖြင့်အောင်မြင်သော စီးပွားရေးတခုစီသို့ အရောက် လှမ်းမည့်အရေး တွင်တွင် ကျယ်ကျယ် ဆွေးနွေးပြောဆို နေကြချိန်တွင် အလွန်အရေးကြီးသော အရာတခု ကျန်နေသေးသည်။ ထိုအရာသည်ကား လျှပ်စစ်စွမ်းအင်ပင် ဖြစ်သည်။
မြန်မာနိုင်ငံ လူဦးရေသည် ထိုင်းနိုင်ငံ လူဦးရေနှင့် မတိမ်းမယိမ်း ဖြစ်သော်လည်း လျှပ်စစ်စွမ်းအား ထုတ်လုပ်မှုမှာတွင် ထိုင်း၏ ၁၃ ရာခိုင်နှုန်းထက် ပိုနည်းနေသည်။


မြန်မာနိုင်ငံတွင် မဂ္ဂါဝပ် ၂၀၀၀ သာ ထုတ်လုပ်နိုင်ပြီး ထိုင်းနိုင်ငံမှာမူ မဂ္ဂါဝပ် ၂၆၀၀၀ ထုတ်လုပ်နိုင်သည်။ လူဦးရေ ၆ သန်းသာရှိပြီး ကျေးလက်ဒေသအများဆုံးရှိသည့် လာအိုနိုင်ငံ၏ လျှပ်စစ်ထုတ်လုပ်နိုင်စွမ်းသည် မြန်မာနိုင်ငံနှင့် အတူတူပင်ဖြစ်သည်။ သို့ဖြစ်၍ ယခုနှစ်နှင့် လာမည့်နှစ်များတွင် ဆောင်ရွက်ရန် စီစဉ်ထားသည့် ဖွံ့ဖြိုးရေး လုပ်ငန်းများအားလုံးအတွက် မည်သို့ စွမ်းအင်ဖြည့်ဆည်းပေးမည်နည်း။


ထိုမေးခွန်းနှင့် ပတ်သက်၍ စွမ်းအင်ဝန်ကြီး ဦးသန်းဌေးက ဤကိစ္စသည် ပုဂ္ဂလိကလုပ်ငန်းများ၏ လက်အတွင်း ရှိပါလိမ့်မည်ဟုသာ ပြောကြားနိုင်ရုံမှအပ တခြား အဖြေရှိဟန်မတူပေ။


မဂ္ဂါဝပ် ၇၆၀၀ ခန့်ထုတ်နိုင်မည့် ဆောက်လက်စ စီမံကိန်းနှစ်ခုကိုလည်း မြန်မာအစိုးရက မကြားသေးမီက ရပ်နားခဲ့သည်။ တရုတ်က ဆောက်လုပ်ပေးမည့် မဂ္ဂါဝပ် ၃၆၀၀ ထုတ်နိုင်သော မြစ်ဆုံရေအားလျှပ်စစ်စီမံကိန်းနှင့် အရှေ့တောင်ပိုင်းကမ်းရိုးတန်း၊ ထားဝယ်စီးပွားရေးအထူးဇုန်ကို မဂ္ဂါဝပ် ၄၀၀၀ စွမ်းအင်ဖြည့်ဆည်းပေးနိုင်မည့် ကျောက်မီးသွေးစက်ရုံစီမံကိန်းတို့ ဖြစ်သည်။


မြန်မာနိုင်ငံသည် လျှပ်စစ်မီး မကြာခဏ ပြတ်တောက်ခြင်းကြောင့် နာမည်ပျက်နေသည့် တုိုင်းပြည်တခုဖြစ်သည်။ အသေးစား စီးပွားရေးလုပ်ငန်း ရာပေါင်းများစွာမှသည် ဟိုတယ်ကြီးများ၊ စက်ရုံကြီးများအထိ နိုင်ငံခြားမှ ဈေးကြီးပေးဝယ်ယူရသော ဒီဇယ်နှင့်မောင်းနှင်ရသည့် မီးစက်များကိုသာ အားထား အသုံးပြုနေရသည်။


စွမ်းအင်ဝန်ကြီးက Reuters သတင်းဌာနကို ပြောကြားချက်အရ မြန်မာနို်င်ငံ၏ အိုမင်းရင့်ရော်နေသော အသေးစား လောင်စာဆီချက်စက်ရုံများက တိုင်းပြည်တပြည်လုံး လိုအပ်သော ဓါတ်ဆီနှင့် ဒီဇယ်ပမာဏ၏ သုံးပုံတပုံကိုသာ ထောက်ပံ့ပေးနုိုင်သည်ဟု သိရသည်။


မြန်မာနုိုင်ငံ စုစုပေါင်းလူဦးရေ၏ ၂၅ ရာခုိုင်နှုန်းနီးပါးသည်သာ ထိန်းသိမ်းပြင်ဆင်ထားခြင်းမရှိ၊ ယိုယွင်းပျက်စီးနေသော လျှပ်စစ်ဓာတ်အား လိုင်းနှင့် ချိတ်ဆက်ထားသည်။ ယခုနှစ်အကုန်တွင် ဓာတ်အားလိုင်းသစ်များ အပြီးသတ် တပ်ဆင်ပြီးဖြစ်ရမည် ဖြစ်သော်လည်း ၎င်းလုိုင်းသစ်များသည် ရန်ကုန်၊ မန္တလေးမြို့ကြီးနှစ်မြို့ကြားတွင်သာ အဓိက တပ်ဆင်သွားမည်ဖြစ်သည်။


မြန်မာနိုင်ငံမှာ နာတာရှည် လျှပ်စစ်စွမ်းအင်ပြဿနာ ရှိနေတဲ့အပြင် စွမ်းအင်ထောက်ပံ့ပေးဖုို့နဲ့ လိုင်းကြိုးတွေ ချဲ့ထွင်ဖို့အတွက်က အချိန်ရော၊ ငွေပါ သုံးရမှာပါ” ဟု ထိုင်းနိုင်ငံ ဘန်ကောက်အခြေစိုက် စွမ်းအင်လုပ်ငန်း အကြံပေးနှင့် လေ့လာအကဲဖြတ်သူ ကောလင်း ရေးနိုးစ်က ဧရာဝတီ၏ မေးမြန်းမှုတခုတွင် ပြောကြားခဲ့သည်။


မဂ္ဂါဝပ် ၉၀၀၀ ကျော် ထုတ်လုပ်နိုင်ဖို့ ရေအားလျှပ်စစ်ထုတ် ရေကာတာကြီးတွေ များစွာကို တည်ဆောက်ဆဲ၊ တည်ဆောက်ပြီး ဖြစ်ပါတယ်။ ဒါပေမယ့်လည်း အဲဒီလုပ်ငန်းရဲ့ ကံကြမ္မာက မြစ်ဆုံရေကာတာ တည်ဆောက်မှုကို ယာယီ ရပ်ဆိုင်းခဲ့ပြီးနောက်မှာ အခြေမလှဖြစ်ခဲ့ရတယ်။ အဲဒီလုပ်ငန်းတွေကရ ရမယ့် စွမ်းအင်စုစုပေါင်းရဲ့ ၈၅ ရာခိုင်နှုန်းကုိုလည်း တရုတ်နုိုင်ငံနှင့် ထိုင်းနိုင်ငံကို တင်ပို့ရောင်းချမှာပါ” ဟု ၎င်းက ထောက်ပြသည်။


လူမှုရေးအရရော၊ သဘာဝပတ်ဝန်းကျင်အရပါ ထိခိုက်မှုများတဲ့ ရေကာတာကြီးတွေကို ရပ်ဆိုင်းတာ နားလည်ပေးနုိုင်ပါတယ်။ ဒါပေမယ့် အဲဒီလောက် သက်ရောက်မှုမရှိတဲ့ ထားဝယ်ကျောက်မီးသွေးစက်ရုံကိုလည်း ရပ်ဆိုင်းလိုက်တယ်” ဟု ရေးနိုးစ်က ပြောဆိုခဲ့သည်။


ကျောက်မီးသွေးက ဖောချင်းသောချင်းပဲ။ ပြီးတော့ လောင်စာဆီလိုမျိုး ဈေးနှုန်းအတက်အကျလည်း မရှိလောက်ဘူး။ မြန်မာနိုင်ငံမှာ သဘာဝဓာတ်ငွေ့တွေ အများကြီးရှိပေမယ့်လည်း အများစုကို ပြည်ပနှစ်ရှည် စာချုပ်တွေနဲ့ ပို့ပေးဖို့ သဘောတူထားပြီးပြီ” ဟု ၎င်းက ဆိုသည်။


ထိုင်းနုိုင်ငံ၊ တရုတ်နိုင်ငံနှင့် ချုပ်ဆိုထားတဲ့ အဆုိုပါစာချုပ်များကို အကောင်အထည်ဖော် ဆောင်ရွက်ပေးပါ မည်ဟု စွမ်းအင်ဝန်ကြီး ဦးသန်းဌေးက ပြီးခဲ့သည့် ဇန်န၀ါရီလက ပြောဆိုခဲ့သည်။ မြန်မာနုိုင်ငံတွင် အရံ သဘာဝဓာတ်ငွေ့ ၂၂.၅ ထရီလီယံကုဗပေ ရှိသည်ဟု စွမ်းအင်ဝန်ကြီးက Reuters သတင်းဌာနသို့ ပြောကြားခဲ့သော်လည်း ထိုပမာဏ ရှိ မရှိကို သီးခြားအတည်ပြုနိုင်ခြင်း မရှိပါ။ ၂၀၁၃ ခုနှစ်မှစ၍ ပြည်တွင်း စွမ်းအင်ထုတ်လုပ်မှုအတွက် သဘာဝဓာတ်ငွေ့ကို ပိုမိုသုံးစွဲမည်ဟုလည်း ၀န်ကြီးက ပြောဆိုခဲ့သည်။


အရှေ့တောင်အာရှသည် လောင်စာဆီအသုံးပြုမှုကို လျှော့ချနိုင်သည့် နည်းလမ်းကို ရှာဖွေနေပြီး သဘာဝဓာတ်ငွေ့ အလုံအလောက်မရှိသည့် ပြဿနာကို ရင်ဆိုင်နေရသောကြောင့် ကျောက်မီးသွေး အားနှင့် လျှပ်စစ်ထုတ်လုပ်ရန် စုိုင်းပြင်းနေကြသည်။ ထားဝယ်ကျောက်မီးသွေးစက်ရုံ ရပ်ဆိုင်း လိုက်ခြင်းသည် အရှေ့တောင်အာရှ၏ လက်ရှိ စွမ်းအင်ထုတ်လုပ်မှု လားရာနှင့် ကွဲလွဲနေသည်။ ထားဝယ် တွင် မဂ္ဂါဝပ် ၄၀၀၀ အားသုံး စက်ရုံကို စွမ်းအင်ပေးနိုင်ရန် လုံလောက်သည့် ဓာတ်ငွေ့ပမာဏရမည်ဟု မည်သူကမှ တထစ်ချ မပြောနိုင်ပေ။


၂၀၁၁ နောက်ပိုင်းတွင် သဘာဝဓာတ်ငွေ့ ဆက်လက်ရရှိနိုင်မှု ပြဿနာရှိလာနုိုင်ပြီး လျှပ်စစ်ထုတ်လုပ်မှု အားနည်းလာနိုင်သောကြောင့် မလေးရှားနုိုင်ငံက မဂ္ဂါဝပ် ၁၀၀၀ ထုတ်နိုင်သော ကျောက်မီးသွေးအားသုံး စက်ရုံနှစ်ရုံ တည်ဆောက်နေသည်။


လတ်တလောအခြေအနေတွင် မလေးရှားနိုင်ငံနှင့် ထိုင်းနုိုင်ငံ နှစ်နိုင်ငံစလုံးသည် စုစုပေါင်း လျှပ်စစ်ဓါတ်အား ထုတ်လုပ်မှု၏ ၇၀ ရာခုိုင်နှုန်းအတွက် ပြည်တွင်းနှင့် ပြည်ပမှ တင်သွင်းသော သဘာဝဓာတ်ငွေ့ကို မှီခိုနေရသည်။ ထိုင်းနိုင်ငံဆိုလျှင် လျှပ်စစ် ဓာတ်အား ထုတ်လုပ်မှုအတွက် လိုအပ်သော လောင်စာသုံးပုံတပုံကို မြန်မာ့ဓာတ်ငွေ့နှင့် ထုတ်လုပ်နေခြင်း ဖြစ်သည်။


လုံလုံလောက်လောက် ထုတ်ယူနုိုင်ခြင်းမရှိသော ပြည်တွင်းဓာတ်ငွေ့ကိုသာ အဓိက မှီခိုနေရသည့် အိမ်နီးချင်း ဘင်္ဂလားဒေ့ရ်ှနိုင်ငံတွင်လည်း စွမ်းအင်ပြတ်လပ်မှုပြဿနာ ရင်ဆိုင်နေရသည်။ သို့သော် အစိုးရအပေါ် မကျေနပ်ဖြစ်နေသော စက်ရုံလုပ်သားများ၏ ဆန္ဒပြမှုများ၊ လျှပ်စစ်ပြတ်တောက်၍ ဒုက္ခရောက်နေရသော ချည်ထည်စက်ရုံများ၏ ဖိအားများကြောင့် ဘင်္ဂလားဒေ့ရှ် အစိုးရအတွက် မဖြစ်မနေ အရေး တယူ လုပ်ဆောင်ရတော့မည့် အခြေအနေ ရောက်ရှိနေသည်။ မြန်မာနယ်စပ်အနီး ကောက်ဘဇားမြို့တွင် ကျောက်မီးသွေးစွမ်းအင်သုံး ၁၄၀၀ မဂ္ဂါဝပ် ဓာတ်အားထုတ် စက်ရုံတရုံဆောက်ရန် စီစဉ်နေခြင်းသည် လျှပ်စစ်ဓာတ်အား ပြတ်တောက်မှုပြဿနာကို ဖြေရှင်းခြင်း၏ တစိတ်တဒေသဖြစ်သည်။ အမေရိကန် ဒေါ်လာ ၂.၅ ဘီလီယံတန် ဓာတ်အားပေးစက်ရုံကို မလေးရှားနုိုင်ငံပိုင် လျှပ်စစ် ကုမ္ဗဏီတခုဖြစ်သည့် Tenaga Nasional Berhad က တည်ဆောက်သည်။
ထားဝယ်စီမံကိန်းအပြင် နောက်ထပ် အထူးစီးပွားရေးဇုန်ု ၃ ခု တည်ဆောက်ရန် မြန်မာအစိုးရက လေသံပစ်နေသည်။ ထို ၃ ခုမှာ ရန်ကုန်တောင်ဘက်ခြမ်းရှိ သီလ၀ါ အပါအ၀င် ကျောက်ဖြူဝန်းကျင်တ၀ိုက်တွင် ဖြစ်သည်။ ကျောက်ဖြူတွင် ရေနံတင်သင်္ဘောဆိပ်ကမ်းတခုကို တရုတ်နိုင်ငံက လက်ရှိဆောက်လုပ်နေဆဲ ဖြစ်သည့်အပြင် မြန်မာနိုင်ငံကို ဖြတ်ပြီး တရုတ်နုိုင်ငံ အနောက်တောင်ဘက်ခြမ်းဆီသို့ ရေနံစိမ်းများ ဖြတ်သန်းသယ်ယူမည့် ပိုက်လိုင်းများပါ တည်ဆောက်နေသည်။


ထားဝယ်စီးပွားရေးဇုန်ုအတွက် နေပြည်တော်က တာဝန်ပေးထားသည့် အဓိက ဆောက်လုပ်ရေးကုမ္ဗဏီမှာ ဘန်ကောက်အခြေစိုက် အီတလီ-ထိုင်း ဖွံ့ဖြိုးတိုးတက်ရေး ကုမ္ပဏီဖြစ်သည်။ အီတလီ-ထိုင်း ဖွံ့ဖြိုး တိုးတက်ရေး ကုမ္ပဏီက လောင်စာဆီမှ ထုတ်လုပ်သော တခြားကုန်ကြမ်းပစ္စည်းများ ထုတ်လုပ်ခြင်း လုပ်ငန်းနှင့် သံရည်ကျို စက်ရုံအတွက် ရင်းနှီးမြုပ်နှံသူများ ရရှိရန် ယခုလအကုန်တွင် တောင်ကိုးရီးယား တွင် လုပ်ငန်းတခုလုံးနှင့်ပတ်သက်ပြီး ရှင်းလင်းပြသရတော့မည်။ လျှပ်စစ်စွမ်းအင် ရရှိမည်ဟူသော အာမခံချက် မပေးနိုင်ပါက စီးပွားရေးလုပ်ငန်းကြီးများထံမှ စိတ်ဝင်စားမှုရရန် ခက်ခဲမည်။


ကမ္ဘာ့အခင်းအကျင်းတွင် အထီးကျန် အကျဉ်ခံရခြင်းနှင့် အဆိုးအဆင့် သတ်မှတ်ခံရခြင်းမှ မြန်မာနိုင်ငံ ကင်းလွတ်လာပြီဟူသော ပျော်ရွှင်ခြင်း၏ နောက်ကွယ်တွင် နိုင်ငံခြား စီးပွားရေးကုမ္ဗဏီများက မြန်မာနိုင် ငံတွင် မည်သို့ လုံလုံခြုံခြုံ ရင်းနှီးမြုပ်နှံနိုင်မည် ဆိုသည်နှင့်ပတ်သက်၍ သံသယ ရှိနေဆဲပင်ဖြစ်သည်။
ပြီးသည့်အပတ်တွင် ထုတ်ပြန်ခဲ့သည့် မြန်မာနိုင်ငံဆိုင်ရာ စီးပွားရေးလေ့လာချက် တခုကလည်း သတိပေးချက်တခု ဖော်ပြခဲ့သည်။


နှစ်ပေါင်းများစွာကြာ အထီးကျန်မှုနှင့် စစ်အုပ်ချုပ်မှုတို့ကြောင့် အခြေခံ အဆောက်အဦများနှင့် အင်စတီကျူးရှင်းများ၏ ဖွံ့ဖြိုးမှု နောက်ကျကျန်ခဲ့သည်” ဟု စီးပွားရေးလုပ်ငန်းများ ကြုံတွေ့နိုင်သည့် ဆိုးကျိုးများ လေ့လာသုတေသနပြုသော ဗြိတိန်နိုင်ငံမှ Maplecroft ကုမ္ဗဏီက ပြောဆိုခဲ့သည်။


လာဘ်ပေးလာဘ်ယူမှုတွေရှိနေတာ၊ အားနည်းတဲ့ ဥပဒေနှင့် တရားရေးစနစ်၊ ဆက်လက်ဖြစ်ပေါ်နေတဲ့ လူ့အခွင့်အရေး ချိုးဖောက်မှုအပြင် ရင်းနှီးမြုပ်နှံသူတွေအတွက် ဥပဒေကြောင်းအရ အကာအကွယ်ပေးမှု အားနည်းနေတာတွေကြောင့် စီးပွားရေးလုပ်ငန်းတွေအတွက် အန္တရာယ်ဖြစ်စေနုိုင်တဲ့အပြင် အဲဒီပြဿနာတွေ အပြည့်အ၀ ဖြေရှင်းနိုင်ဖို့ မြန်မာနိုင်ငံဟာ အချိန်အတန်ကြာ ယူရဦးမှာဖြစ်ပါတယ်” ဟု Maplecroft ကုမ္ဗဏီ အမှုဆောင်အရာရှိချုပ် Alyson Warhust က ပြောဆိုခဲ့သည်။
စီးပွားရေးလုပ်ငန်းတွေအနေနဲ့ ပွင့်ထွက်လာတော့မယ့် အခွင့်အလမ်းတွေကို အသေအချာ အသုံးချနိုင်ဖို့အတွက် တုိုင်းပြည်အတွင်းမှာ ဖြစ်ပေါ်နေတဲ့ အန္တရာယ်ရှိမှုတွေကို စောင့်ကြည့်နေဖို့၊ စနစ်တကျ စီမံကုိုင်တွယ်တတ်ဖို့ လိုပါလိမ့်မယ်” ဟုလည်း ၎င်းက ဆက်လက်ပြောဆိုခဲ့သည်။


ပြန်ကြားရေး ညွှန်ချုပ် ဦးရဲထွဋ်နှင့် တွေ့ဆုံခြင်း ()
By featured, ဧရာဝတီ on February 16 အင်တာဗျူး
မြန်မာအစိုးရ၏ ပြန်ကြားရေးဝန်ကြီးဌာနမှ ဦးစီးပြီး မီဒီယာ ဥပဒေ တရပ် ပေါ်ထွက်ရေးကို ကြိုးစားလျှက်ရှိကြောင်း သိရသည်။ ယခုအချိန်တွင် ယခင် နအဖ အစိုးရလက်ထက်ထက် မီဒီယာ တင်းကျပ်မှုများကို ဖြေလျှော့ ပေးနေသည်၊ စိစစ်တင်းကျပ်မှုများ နည်းပါးသွားသည်ဟု ဆိုရမည်။ ထို့ကြောင့် လာမည့် အနာဂတ် မြန်မာ မီဒီယာလောက ဖြစ်နိုင်ခြေ၊ ပြည်ပ အခြေစိုက် မီဒီယာ များအပေါ် လက်ရှိ ပြန်ကြားရေး ဝန်ကြီး ဌာန၏ သဘောထား စသည်တို့နှင့် ပတ်သက်၍ ပြန်ကြားရေးဝန်ကြီးဌာန ညွှန်ကြားရေးမှူးချုပ် ဦးရဲထွဋ်အား ဧရာဝတီမဂ္ဂဇင်းမှ တွေ့ဆုံမေးမြန်းထားပါသည်။


မေး။ ။ အခုဆိုရင် မီဒီယာ ဥပဒေတခု ပေါ်ထွက်လာအောင် ဦးရဲထွဋ်တို့ဘက်က ကြိုးစားနေပြီ ဆိုတော့ ဒီဟာ ပေါ်ပေါက် လာဖို့ ဘယ်အချိန်ကတည်းက စီစဉ်ခဲ့တာလဲ၊ ဘာတွေကို ဘယ်လို ဆက်ထိန်းချုပ်သွား မလဲ။
ဖြေ။ ။ တကယ်တော့ ကျနော်တို့ ဒီ မီဒီယာဥပဒေနဲ့ ပတ်သက်လို့ စတာ ၂၀၀၈ ကတည်းကပဲ။ ဖွဲ့စည်းပုံ အခြေခံဥပဒေကို အတည်ပြုလိုက်တဲ့ အချိန်၊ နိုင်ငံသားတိုင်းရဲ့ မူလအခွင့်အရေးနဲ့ တာဝန်များ ဆိုတဲ့ အခန်းမှာ ကြည့်လိုက်ရင် စာပေစိစစ်ရေး ဆိုတာ လုံးဝ ရှိလို့ မရတော့ဘူး၊ သူက ဥပဒေနဲ့ အညီ လွတ်လပ်စွာ ရေးသားခွင့်၊ ထုတ်ဖော်ပြောဆိုခွင့်၊ စည်းရုံးဖွဲ့စည်းခွင့် ရှိရမယ် ဆိုတာပါပြီးသား။ အဲဒီမှာကတည်းက ဥပဒေထွက်လာဖို့အတွက် ဘာတွေလုပ်မလဲ ဆိုတာကို ကျနော်တို့ စဉ်းစားတယ်။ အဲဒီအတွက် ကျနော်တို့ ဘယ်ကနေ အကူအညီယူသလဲ၊ အကူအညီရသလဲ ဆိုတော့ ဂျာမနီက ဖောင်ဒေးရှင်းတခုက အကူအညီပေးတယ်၊ နောက် စင်ကာပူက အဖွဲ့တွေနဲ့ ပေါင်းပြီး ဒီက ဒုတိယ ညွှန်ကြားရေးမှူး ဦးတင့်ဆွေတို့ကို လွှတ်တယ်။ အလုပ်ရုံ ဆွေးနွေးပွဲတွေ လုပ်တယ်။ အဲဒီမှာ အနောက်နိုင်ငံတွေမှာ ဘယ်လိုရှိတယ်၊ အာဆီယံတွေမှာ ဘယ်လိုရှိတယ် ဆိုတာကနေစပြီး မြန်မာပြည်မှာဆို ဘယ်လိုလုပ်သင့်တယ် ဆိုတာနဲ့ ကျနော်တို့ စခဲ့တယ်။
နောက်တခုကတော့ အဲဒီဘက်ကို မသွားနိုင်ခင်မှာ ၁၉၆၂ ဥပဒေထဲကပဲ မီဒီယာလွတ်လပ်ခွင့်ကို လူတွေကို ဖြည်းဖြည်းချင်း သိအောင်၊ အလေ့အကျင့် ဘယ်လို လုပ်ပေးမလဲလို့ စဉ်းစားတယ်။ ကျနော်တို့ လုပ်တာ ၂ ခုပေါ့။ တခုက ကျနော်တို့လူတွေ သွားလေ့လာတယ်၊ နောက်တခု ကတော့ ၆၂ ဥပဒေထဲကနေပဲ လွတ်လပ်ခွင့်ကို ဆွဲထုတ်ပြီး လူတွေကို ကျင့်ပေးတယ်။ ဝန်ကြီးက ဘာပြောလဲ ဆိုတော့ ၆၂ ခုနှစ် ဥပဒေထဲကပဲ ဝန်ကြီးကိုပေးထားတာထဲကနေ ဖြေလျှော့ပေးနိုင်တာတွေ ရှိတယ်။ အဲဒါကို လုပ်မယ်ပေါ့။ ဒါကြောင့် ၂၀၀၈ မှာ စပြီး အပြုသဘောဆန်တဲ့ ဝေဖန်မှုတွေကို ဖြည်းဖြည်းချင်း ခွင့်ပြုပြီ ဆိုတဲ့သဘော ပြောခဲ့တယ်။ အဲဒီတုန်းက ဂျာနယ်တွေ ခင်ဗျားတို့လည်း တွေ့မှာပါ။ ဖြည်းဖြည်းချင်း ပေးလာခဲ့တာ။
တဘက်မှာလည်း ဂျာနယ်ထုတ်ခွင့်တွေလည်း ပိုပြီး ချထားပေးခဲ့တယ်။ သဘောကတော့ တိကျတဲ့ အလေ့အကျင့်တွေ မလုပ်ပေးနိုင်ခင်မှာ ဂျာနယ်တွေကို ဒီအလေ့အကျင့် ရစေချင်တဲ့ သဘောပေါ့။ New Generation တွေက ဒီအလေ့အကျင့် တွေ ရပြီး ဒါတွေကို ဖြည်းဖြည်းချင်း ကျင့်သုံးနိုင်ဖို့ ရည်ရွယ်တာပါ။ နောက်ပိုင်း အစိုးရသစ်ပေါ်လာမယ်၊ မီဒီယာ ဥပဒေ ထွက်ပေါ်လာမယ် ဆိုရင် ဘာပဲပြောပြော ကျနော်တို့ဆီမှာ Formal Training တွေ မရှိခဲ့ရင်တောင်မှ ဟာမိုနီ ဖြစ်ဖြစ်နဲ့ သွားနိုင်လိမ့်မယ်လို့ မျှော်လင့်ပြီး လုပ်တာပါ။
နောက်တခုကတော့ တတ်နိုင်သမျှ ဝန်ကြီး ဌာနတွေကို သတင်းတွေ ထုတ်ပေးကြပါ၊ ဂျာနယ်တွေနဲ့ ရင်းရင်းနှီးနှီးရှိကြပါ ဆိုတာမျိုးတွေပေါ့။ ဒါကတော့ အရင်အစိုးရ လက်ထက်က အတတ်နိုင်ဆုံး ကြိုးစားခဲ့တာတွေပဲ။


ဒီဘက် အစိုးရသစ် လက်ထက်မှာတော့ အခြေခံဥပဒေက အသက်ဝင်ပြီ၊ သမ္မတကြီးကလည်း သူ့ရဲ့ ပထမဆုံး မိန့်ခွန်းမှာပဲ Democratic Society မှာ မီဒီယာ လွတ်လပ်ခွင့် မရှိလို့ မရဘူးဆိုပြီး ပြောခဲ့တယ် ဆိုကတည်းက ကျနော်တို့ ဒီကိစ္စကို အမြန်ဆုံး အကောင်အထည်ဖော်ဖို့ လုပ်ကြတာပါ။


အခု လွှတ်ပေးလိုက်ပြီ ဆိုရင် ရေးကြတော့မှာ။ အရင်က စာပေစိစစ်ရေးက ထိန်းခဲ့တယ်။ တချို့ အနုပညာရှင်တွေဆို မူးယစ်ဆေးကြောင့် ပြဿနာတက်တာတွေ၊ သေဆုံးတာတွေ ရှိတယ်။ အဲဒါတွေကို အရင်က ရေးခွင့်မပေးခဲ့ဘူး။ ဒါက တဘက်လူကို ကာကွယ် ချင်တာကော၊ နောက်တခုက အသရေဖျက်မှုနဲ့ ပတ်သက်ပြီး ကျနော်တို့ဆီမှာ ဂျာနယ်လစ်တွေက နားမလည်တာတွေရှိတယ်။ ဘယ်ဟာက အသရေဖျက်မှုမြောက်တယ် ဆိုတာက အစ ကျနော်တို့ဆီမှာ မသိကြဘူး။ ဒါကြောင့် ကျနော်တို့ရှာနေတာက တရားရုံးမသွား ဘဲနဲ့ ကြားမှာ ဖြေရှင်းပေးနိုင်တဲ့ Mechanism တခုကို ကျနော်တို့ ရှာနေတယ်။ ဥပမာ အနုပညာရှင် တယောက်က သူ့ကို အသရေ ဖျက်တယ်လို့ ယူဆပြီး တရားစွဲချင်တယ်ဆိုရင် ကျနော်တို့က ကြားထဲက ခေါ်ညှိပေးတာမျိုး လုပ်ပေးချင်တယ်။ စာနယ်ဇင်းသမားလည်းလာ ညှိကြ ဆိုတာမျိုး လုပ်ပေးချင်တယ်။


မေး။ ။ အခု စီစဉ်ထားတဲ့ မီဒီယာဥပဒေထဲမှာ အခန်း ၁၀ ခန်းပါတာတွေ့ရတယ်။ အဲဒီထဲမှာ စာနယ်ဇင်းသမားတွေရဲ့ ရပိုင်ခွင့် ဆိုတာလည်းပါတယ်။ အိမ်နီးချင်းနိုင်ငံတွေကိုလည်း လေ့လာထားတယ်ဆိုတော့ ဒီမီဒီယာလောကနေ ကျနော်တို့ ဘာတွေများ မျှော်လင့်လို့ရမလဲ။
ဖြေ။ ။ ဘာမျှော်လင့်သလဲ ဆိုတော့ ပထမဆုံး အားလုံး မျှော်လင့်နေတဲ့ စာပေစိစစ်ရေး ဆိုတာကြီး မရှိတော့ဘူး။ စာပေစိစစ်ရေးသည် စောင့်ကြည့်တဲ့ အဖွဲ့ပဲ ဖြစ်တော့မယ်။ စောင့်ကြည့်မယ်၊ မူပိုင်ခွင့်နဲ့ ပတ်သက်တဲ့ ပြဿနာတွေ ဖြစ်လာရင် ဖြေရင်းပေးမယ်။ ဆိုလိုတာက စာစောင်တစောင်၊ စာအုပ်တအုပ် ထုတ်လိုက်ရင် ကျနော်တို့ဆီကို သတ်မှတ် ထားတဲ့ စောင်ရေ ပို့ပေးရမယ်။ ကျနော်တို့ဆီကနေမှ တဆင့် ဟိုဘက်မှာလုပ်နေတဲ့ National Library Law ဆိုတာရှိတယ်။ အဲဒီထဲမှာက အမျိုးသားစာကြည့်တိုက်တို့၊ တက္ကသိုလ် စာကြည့်တိုက်တို့၊ မှော်ကွန်းတိုက်တို့ကို သွားမယ်၊ တချို့က ကျနော်တို့ ဆီမှာ ကျန်ခဲ့မယ်။ ကျနော်တို့က တနှစ်တာ ထုတ်ခဲ့တဲ့စာအုပ်စာရင်းကို ပြုစုမယ်။ ဒါက အခုလည်း လုပ်နေပါတယ်။ နောက်ကို ပိုပြီး စနစ်တကျ လုပ်မယ်ပေါ့။ စာရင်းလုပ်ပြီး ထုတ်မယ်။ ဘယ်စာမူကို ဘယ်သူကရေးတယ် ဆိုတာ အတိအကျ ပြုစုမယ်။ နောင်တချိန်မှာ ဘယ်သူ့ဟာကို ဘယ်သူက ကူးချပါတယ် ဆိုတာမျိုး ဖြစ်လာရင် ကျနော်တို့က ဒါနဲ့ ရှင်းမယ်။


သူ့ရဲ့ နောက်တာဝန် တခုကတော့ အင်္ဂလန်မှာရှိတဲ့ Press Complaints Commission ဆိုတာကို ကျနော်တို့ အတုယူ ထားတယ်။ အဲဒီမှာက ဒီစာမူသည် တစုံတယောက်ကို ထိခိုက်တယ်၊ တရားစွဲချင်တယ် ဆိုရင် ကျနော်တို့ ပထမဆုံး အဲဒီကော်မတီက ညှိပေးမယ်၊ ဒါကြောင့်မို့လို့ ဒီကော်မတီ နာမည်ကိုတောင် စာနယ်ဇင်း လွတ်လပ်ခွင့်နှင့် ကျင့်ဝတ်မြှင့်တင်ရေး ကော်မတီ ဆိုပြီး သုံးထားတယ်။ ဆိုလိုတာက စာပေစိစစ်ရေး အဖွဲ့သည် တားဖို့ ပိတ်ဖို့ မဟုတ်တော့ဘူး၊ သူသည် ထိန်းကျောင်းပေးဖို့ အဖွဲ့ ဖြစ်သွားပြီ။ ခုနကလို ကွန်ပလိန်းတွေ လာမယ်ဆိုရင် ဖြေရှင်းပေးမယ်။ အရင်တုန်းကလို ကိုတင့်ဆွေ တယောက်တည်းရဲ့ သဘောနဲ့ လုပ်လို့ရတဲ့ ကော်မတီ မဟုတ်တော့ဘူး။ ဒါကျနော်ပြောတာက မူကြမ်းကိုတင် ပြောတာနော်။ လွှတ်တော်မှာ အတည်ပြုပြီးရင်တော့ ပိုပြီးတော့ ကောင်းသွားမှာပေါ့။ ဒီကော်မတီထဲမှာ စာနယ်ဇင်းကလူတွေပါမယ်၊ လူသိထင်ရှားတဲ့ ဥပဒေ ပညာရှင်တွေပါမယ်၊ ကျနော်တို့ဘက်က ကိုယ်စားပြုသူတွေပါမယ်။


မေး။ ။ စိစစ်ရေး မရှိတော့ဘူးဆိုတော့ သဘောက သတင်းတွေကို စာဖတ်သူတွေက ၁ ပတ်စောင့်စရာ မလိုတော့ဘူး ဆိုတဲ့ သဘောလား။
ဖြေ။ ။ ဘာမှ စောင့်စရာ မလိုတော့ဘူးလေ။ ကိုယ့်တာဝန်ယူကိုယ်ထုတ်ရုံပဲ။


မေး။ ။ ဒါဆို နေ့စဉ်သတင်းစာတွေကော ထွက်လာနိုင်စရာ ရှိမလား။
ဖြေ။ ။ သတင်းစာတွေ ထွက်လာနိုင်တာပေါ့။ ပြောရရင် ထုတ်ဝေစာ မှန်သမျှကို ကျနော်တို့က သတင်းစာလည်း မခွဲဘူး၊ ဂျာနယ်လည်း မခွဲဘူး။ ထုတ်ဝေစာသည် ထုတ်ဝေစာပဲ။ ဒါက ဖြစ်သွားမှာပါ။ ဖြစ်လာတော့မှာပါ။ အခုဟာက ရှေ့နေချုပ်ရုံးကို ပို့တယ်၊ ရှေ့နေချုပ်ရုံးက လိုတာတွေဖြည့်မယ်။ အဲဒါကိုမှ ဒုတိယအကြိမ် မူကြမ်းထပ်ရေးမယ်။ ဒီဘက်က အလုပ်ရုံ ဆွေးနွေးပွဲတွေက အကြံပြုချက်တွေကိုလည်း ထပ်ပေါင်းမယ်။ ပြီးမှ အစိုးရအဖွဲ့ရဲ့ အတည်ပြုချက်ကို ယူရမှာပေါ့။ တချို့ကတော့ ပြောကြတယ်။ ဒီမီဒီယာဥပဒေကြီးကို ရေးတဲ့နေရာမှာ စာနယ်ဇင်းသမားတွေရဲ့ အကြံပြုချက်တွေကို မယူဘူး ဆိုတာမျိုးပေါ့။ တကယ်ကတော့ ကျနော်တို့ ၂၀၀၈ ကစပြီး နိုင်ငံခြားတွေမှာ သွားလေ့လာတာ ရှိသလို ပြည်တွင်းမှာလည်း လွတ်လပ်ခွင့် တချို့ပေးလိုက်တော့ စာအုပ်တွေ အများကြီး ထွက်လာတာတွေ့ရတယ်။ ဆရာမောင်ဝံသတို့၊ ဒေါက်တာ ခင်မောင်ညို၊ ဆရာကြီးဖိုးသောကြာ တို့ရေးခဲ့တဲ့ မီဒီယာနဲ့ ပတ်သက်တဲ့၊ သတင်းစာပညာနဲ့ ပတ်သက်တဲ့ ဆောင်းပါးတွေ အကုန်လုံးကို ကျနော်တို့က စုဆောင်းတယ်။ ပြီးမှ ကျနော့်ရဲ့တာဝန်က နောင်မှာ သုံးသင့်တယ် ဆိုတာတွေကို ထုတ်နုတ်ပြီး ဝန်ကြီးကို တင်ပြတယ်။ ဝန်ကြီးက ဒါကို ပြန်သုံးသပ်တယ်။ ပြီးတော့ ဒီဥပဒေကို ပြည်ထောင်စုလွှတ်တော်ကို တင်တဲ့နေရာမှာ ပြည်ထောင်စုလွှတ်တော်ကနေပြီး အတည်ပြုပြီးရင် ဒါကို အပြည့်အစုံ နိုင်ငံတော်ပြန်တမ်းထဲကို ထည့်ပေးရတယ်။ ဒီပြန်တမ်းကို ဘယ်သူမဆို ဝယ်လို့ရတယ်။ မဝယ်နိုင်ရင်လည်း ပြန်ကြားရေးက စာကြည့်တိုက်တွေမှာ ဘယ်သူမဆို ဖတ်လို့ရတယ်။


ဒီတော့ ဒီဥပဒေကြမ်းအဆင့်မှာတင် လူတွေအားလုံး လေ့လာနိုင်တယ်။ ပြီးရင် ကိုယ်ပြင်ချင်ရင် ကိုယ့်ရဲ့ လွှတ်တော် ကိုယ်စားလှယ်ကနေ တဆင့် နိုင်ငံခြားတွေမှာလိုပေါ့ဗျာ … ပြင်ဆင်ဖို့ တင်သွင်းနိုင်တယ်။ ဘာလို့ ဒါတွေကို ပြောသလဲ ဆိုရင် ဒီဥပဒေကြမ်းကို ကျနော်တို့ဟာ ဘယ်သူ့ကိုမှ မတိုင်ပင်ဘဲ လုပ်တာမဟုတ်ဘူး ဆိုတာ သိစေချင်လို့ပဲ။ ဒါပေမယ့် အခု အချိန်မှာ ဒီဥပဒေကြမ်းကို အားလုံးသိအောင်ချပြလို့ မရသေးဘူးဆိုတာက အခု လွှတ်တော်ကို မတင်ခင်မှာ၊ ဒီ Process မှာ ကျနော်တို့ ပြောလို့မရဘူး။ တင်ပြီးသွားတဲ့အချိန်ကျရင် မီဒီယာသမားတွေလည်း ဖတ်ကြည့်ပေါ့ဗျာ။ အဲဒီမှာ ပြင်ချင်ရင် သူတို့နဲ့ တွေ့နေတဲ့ ရေးရာကော်မတီတွေကနေ တဆင့် ပြောလို့ရတာပဲ။ ဥပဒေကြမ်း ကော်မတီတွေကို စာရေးပြီး ပြောလို့ရတယ်။


မေး။ ။ နိုင်ငံပိုင် သတင်းစာတွေနဲ့ ပတ်သက်လို့ကော ဘာတွေ လုပ်ဖို့ ရှိလဲ။
ဖြေ။ ။ အဲဒါတွေလည်း ပြင်နေပါတယ်။ အခုဆိုလည်း တွေ့ပါလိမ့်မယ်။ အခုအချိန်မှာ သူတို့ရဲ့ အယ်ဒီတာ့အာဘော်တွေ ကအစ တဖြည်းဖြည်း ပြောင်းနေပါပြီ။ ဆိုလိုတာက အရင်ကလိုပဲ အစိုးရရဲ့ အာဘော်ကိုပဲ တဖက်သက်ပြောမနေဘဲ ပြည်သူတွေသိချင်တာတွေ၊ လိုလားချက်တွေကိုပါ တင်ပြတဲ့ အမြင်တွေလည်း ဒီပေါ်မှာ ပါလာရမှာပါ။


မေး။ ။ တကယ်လို့သာ နေ့စဉ်သတင်းစာတွေ ချပေးမယ်ဆိုရင် ဘယ်လိုလူတွေကို ချပေးမှာလဲ။ ကြားရတဲ့ သတင်းတွေ အရတော့ ဟိုလူ့တော့ ချပေးလိမ့်မယ်၊ ဒီလူတော့ မချပေးဘူး ဆိုတာမျိုး ရှိမလား။ ဥပမာ – Printer ရှိတဲ့သူပဲ ပေးမယ်၊ ဘယ်လောက် အဆင့်အတန်းရှိတဲ့သူပဲ ပေးမယ်၊ ဘယ်လို Capacity ရှိတဲ့သူ ပေးမယ် ဆိုတာမျိုးပေါ့။
ဖြေ။ ။ အဲဒီလိုတော့ မဟုတ်ပါဘူး။ လွှတ်တော်က အတည်ပြုပေးလိုက်တဲ့ ပုံနှိပ်ဥပဒေထဲမှာ ပါလာမယ့် အချက်အလက် တွေနဲ့ ကိုက်ညီအောင် လုပ်နိုင်မယ် ဆိုရင် ထုတ်ဝေခွင့်ရမှာပါ။ ကျနော်တို့သွားနေတာက ဒီမိုကရက်တစ် လူ့အဖွဲ့အစည်းကို သွားနေကြတာ ဆိုတော့ ဟိုလူ့ကိုမှ ပေးမယ်၊ ဒီလူ့ပဲ ပေးမယ်ဆိုရင် ကျနော်တို့ ခရိုနီ ဖြစ်သွားမှာပေါ့။ စာအုပ်တအုပ်ကို ထုတ်ချင်တယ် ဆိုရင် ဘယ်လိုအချက်အလက်တွေ လိုက်နာရမယ် ဆိုတာမျိုးပဲ သတ်မှတ်မှာပါ။


မေး။ ။ ဒါဆိုရင် ကျနော်တို့ ဧရာဝတီက လာလျှောက်ချင်တယ်ဆိုရင်လည်း ရတယ်ပေါ့။
ဖြေ။ ။ ရတာပေါ့။ ဒါပေမယ့် လွှတ်တော်မှာ ဘယ်လိုဆုံးဖြတ်မယ်၊ ဥပမာ – ပြည်တွင်းနိုင်ငံသား ဖြစ်ရမယ် ဆိုတာမျိုးတော့ ထွက်မလာသေးဘူးပေါ့လေ။ ဒါပေမယ့် သေချာတာကတော့ လက်သင့်ရာပေးမယ် ဆိုတာမျိုးတော့ မရှိသေးပါဘူး။ ဒါက ကျနော်တို့ သွားမယ့် စနစ်နဲ့လည်း မကိုက်ဘူးလေ။ ဟိုတုန်းကတော့ဗျာ လိုင်စင်ထုတ်ပေးတာကို အရမ်း တင်းကျပ်ထား တာကိုး။ တကယ်ကျတော့ လိုင်စင်ကို ကန့်သတ်ထားတာကကို ဆင်ဆာ တမျိုး ဖြစ်နေတယ်ဗျ။ ဒါကြောင့်လည်း လူတွေက လိုင်စင်ငှားရတာတွေ ဘာတွေ ဖြစ်ခဲ့တယ်။ ၂၀၀၈ နောက်ပိုင်းမှာတော့ လိုင်စင်ငှားတာ သိပ်မရှိတော့ပါဘူး။ ကိုယ့်ဘာသာ လုပ်ကြတာများတယ်။ ဝန်ကြီးရဲ့ ရည်ရွယ်ချက်ကိုက တကယ်လုပ်တဲ့သူပဲ တကယ်ရ ဆိုတဲ့မူကို သွားချင်တာလေ။ ဒါကြောင့် တခြားသူရဲ့ နာမည်နဲ့ဆိုရင်လည်း ခေါ်ပြီး နာမည်ပြောင်းခိုင်းလိုက်တယ်။ ဒါကတော့ ၆၂ ခုနှစ်ဥပဒေအရ ဒီလောက်ပဲ လုပ်လို့ရတယ်လေ။ လွှတ်တော်ထဲမှာ ဒါတွေပြီးသွားပြီ ဆိုရင်တော့ မီဒီယာ Environment ကော၊ မီဒီယာ Landscape ကော လုံးဝ ပြောင်းသွားတော့မှာပါ။ အဲဒီမှာ ကျနော်ထင်တယ် ပြဿနာက ကျနော်တို့ဆီမှာ မရှိတော့ဘူး။ အခု ပြည်တွင်းက စာနယ်ဇင်းသမားတွေ ဆီမှာ ရောက်သွားတော့မယ်။ သူတို့ ပြိုင်ကြရတော့မယ်။ ဒါကို သူတို့ ရင်ဆိုင်ရမယ်။ သူတို့ရေးတာကို သူတို့ တာဝန်ယူကြရ တော့မယ်။
ဆက်လက်ဖော်ပြပါမည်…
မဏိပူရ် ရေကာတာအပေါ် ချင်းပြည်သူများ မျှော်လင့်ချက်
သောကြာနေ့၊ ဖေဖေါ်ဝါရီလ 17 ခိုနူမ်းထုန် သတင်းဌာန


ဇလပ်၊ ခိုနူမ်းထုန် – ချင်းကျေးလက်ပြည်သူများသည် နွေရာသီ ချောင်းရေနည်းချိန်တွင် အုပ်စုလိုက် ချောင်းရေကို တမံပိတ်ပြီး တမံ အောက် ရေ နည်းသည့် အခါ ချောင်းငါးများကို ဖမ်းလေ့ရှိကြသည်။ ၄င်းသည် ချင်းတို့၏ မရိုးင်္နိုင်သော ငါးဖမ်း ဓလေ့ ဟု လည်း ဆိုရ မည်။ ရေကာတာ ဆိုသည်မှာလည်း ၄င်းနှင့် ထပ်တူပင်ဖြစ်သည်။ သို့သော် ချင်းရိုးရာ တမံပိတ်ငါး ဖမ်းခြင်းနှင့် ရေလှောင်တမံ တည်ဆောက်ခြင်း၏ အကျိုးကျေးဇူးမူကားတူချင်မှ တူပေမည်။
စစ် အစိုးရတက်လာပြီးနောက်ပိုင်း ၂၀၀၀ ခုနှစ် ၀န်းကျင်လောက်တွင် ချင်းပြည်နယ်အတွင်း ရေ လှောင်တမံ စီမံကိန်းများ ကို အကောင်အထည်ဖော်လာခဲ့ဖြစ်သည်။ အပေါ်ယံစီး အားဖြင့် ကြည့် မည်ဆိုပါက ဒေသဖွံ့ဖြိုးရေးဟု သုံးနှုန်းထား သော် လည်း တကယ့်လက်တွေ့ ဖြစ်လာ မလာကိုမူ စောင့်ကြည့် ရအုံးမှာပါ။


အကယ်၍ ရေကာတာကြောင့် လျှပ်စစ်မီးများရရှိမည်ဆိုရုံမျှနှင့်တော့ ချင်းပြည်သူများ ကျေနပ် နိုင်မည် လော၊ အကြောင်း မှာ ရေကာတာမှ ရရှိမည့် အကျိုးရလဒ်အားလုံးထဲက မည်၍မည်မျှ ချင်းပြည်သူများ ခံစား ရသလဲ ဆိုသည့် အချက်ကို ချင်းပြည်သူများ သိရှိဖို့လိုအပ်နေလို့ပါ။


အစိုးရသည် ချင်းပြည်နယ်တွင် မဏိပူရ် ရေလှောင်တမံဘက်စုံစီမံကိန်း၊ လေမျို ရေကာတာ စီမံကိန်းများကို အကောင် အ ထည်ဖော်နေပါသည်။
ရေကာတာ ( ရေလှောင်တမံ) ဆောက်လုပ်ရခြင်း၏ အဓိက ရည်ရွယ်ချက်မှာ မြစ်ချောင်းကို ကန့်လန့်ဖြတ် ပြီးတမံ ပိတ်ရေလှောင်ပြီး လှောင် ရေကို လျှပ်စစ် စွမ်းအင် ထုတ်လုပ်ရေး သောက်သုံးရေ ဖြန့်ဝေရေး၊ ဆည်မြောက်စိုက်ပျိုးရေး၊ ရေကြောင်း သွားလာရေး၊ ရေလွှမ်း မိုး မှုကို ထိန်းသိမ်း ရေးအတွက် အဓိက အသုံးပြခြင်း ဖြစ်သည်။ သို့သော် ရေကာတာ တခု တည်ဆောက် အောင်မြင်ရေး အတွက် ရေကာတာ ပမာဏ အပေါ် မူတည်ပြီး အချိန်ကာလ သည် နှစ်ရှည် ကြာမြင့်သည့် အပြင် သန်း ပေါင်းများစွာသော ငွေပမာဏ ကုန်ကျတတ်သည်။


ဆိုထားသည်နှင့် အညီ မဏိပူရ် ရေလှောင်တမံ ဘက်စုံစီမံကိန်းကိုလည်း လျှပ်စစ် စွမ်းအင် ထုတ်လုပ်ရေး သောက်သုံး ရေဖြန့်ဝေရေး၊ ဆည်မြောက်စိုက်ပျိုးရေး၊ ရေကြောင်း သွားလာရေး၊ ရေလွှမ်းမိုးမှုကို ထိန်းသိမ်း ရေးအတွက် တည် ဆောက်သည်ဟု ကြားသိရသည်။


တည်နေရာမှာ ချင်းပြည်နယ် ဖလမ်းမြို့နယ် နှင့် ဟားခါးမြို့နယ် နယ်နိမိတ်မျဉ်းဖြစ်သည့် မဏိပူရ်မြစ်ပေါ် မြောက် လတ္တီတွဒ် ၂၂့ ၄၈ ဒီဂရီ ၃၇့ ၇၈ မိနစ်၊ အရှေ့လောင်တီတွဒ် ၉၃့  ၅၇ ဒီဂရီ ၄၂့  ၆၁ မိနစ် အကြား တွင် တည်ရှိပြီး အမှတ် () လျှပ်စစ် စွမ်းအင် ၀န်ကြီး ဌာန နှင့် လယ်ယာ စိုက်ပျိုးရေး နှင့် ဆည် မြောင်း ၀န်ကြီး ဌာန တို့က ၂၀၀၄ ခုနှစ်မှ စတင် တည်ဆောက်ခဲ့တာဖြစ်သည်။


စီမံကိန်းကာလကို ၂၀၀၄ မှ ၂၀၁၁ ခုနှစ်အကြားသတ်မှတ်ထားပြီး ကျန်ကျစရိတ်အဖြစ် ကျပ်သန်းပေါင်း ၁၃၄၉၀၀ ( ဒေါ်လာသန်းပေါင်း ၁၅၂ ) သတ်မှတ်သည်။ ရေကာတာမှ လျှပ်စစ်တပ်ဆင်ဓါတ်အား ၃၈၉ မဂ္ဂ၀ပ်၊ လျှပ်စစ်ဓါတ်အား ၁၉၀၃ ကီလိုဝပ် နှင့် ဧက ၅၀၀၀ ခန့်လယ်မြေများ ရေပေးဝေနိုင်မည်ဖြစ်သည်။


ဒေသခံပြည်သူများအနေဖြင့် ရေကာတာမှ ရရှိမည့် လျှပ်စစ်ဓါတ်အား၊ စိုက်ပျိုးလယ်ယာများအတွက် မျှော်လင့်ချက်များစွာ ထားရှိနေကြသည်။ သို့သော် အဆိုပါ မဏိပူရ် ရေကာတာဆောက်လုပ်ရေး စီမံကိန်းသက်တမ်းသည် ယနေ့တွင် ကုန် ဆုံးပြီဖြစ်သော်လည်း ရေကာတာ ပြီး စီးမှု တ၀က်တောင် မကျိုးသေးခြင်းအတွက် ပြည်သူများ၏ ရေကာတာအပေါ် မျှော်လင့်ချက်သည် ကင်းမဲ့လုဖြစ်နေပါပြီ။


နောက်တချက်အနေဖြင့် အဆိုပါ ရေကာတာမှ ရရှိမည့် လျှပ်စစ်စွမ်းအင်အနက် ၇၃ ရာခိုင်နှုန်းသည် စစ်တပ်၊ လေကြောင်း အတတ်သင်ကျောင်းရှိရာ မိတ္တီလာ စက်မှုဇုံအတွက် အသုံးပြုကြမည့်ကိစ္စသည် ပြည်သူများ အတွက် မျှော်လင့်ချက် ပိုမို ကင်းဝေးစေခဲ့သည်။


အလားတူ လေမျိုမြစ်ရေကာတာမှ ရရှိမည့် လျှပ်စစ်ဓါတ်အား မဂ္ဂ၀ပ် ၆၀၀ ကိုလည်း ဘင်္ဂလားဒေ့ရ်ှနိုင်ငံကို ရောင်းချမှာ ဖြစ်သည်။ သို့သော် လုပ်ငန်း ခေတ္တရပ်တန့်ထားသည်။


မဏိပူရ် ရေကာတာစီမံကိန်း လုပ်ငန်း စတင်အကောင်အထည်ဖော်သည်နှင့် ပြည်သူများ၏ လယ်ယာမြေ ဧက ၃၀ ခန့် သိမ်း ပိုက်ခံရပြီး တစုံတရာ လျှော်ကြေး မရရှိခဲ့ကြပါ။ မြစ်အောက်ပိုင်း လယ်ပိုင်ရှင်များကို ဆည်ရေ ပေးသွင်းပေးမည်ဟု ဂတိခံ ထားကာ ငွေကြေးများ ကောက်ခံနေကြသည်။


အဆိုးဆုံးမှာ ရေကာတာ အနီးပါတ်ဝန်းကျင်ရှိ အဖိုးတန်ကျွန်းတောကြီးသည် ရွာဖုန်းဆိုးပမာ သက်သက် ပြောင်စင် သွား ခဲ့ပြီဖြစ်သည်။ ဒေသခံများသည် ဘိုးဘွားပိုင်မြေမှ အဖိုးတန်သစ်များ၏ အဆီအနှစ်၊ အကျိုးများကို တစုံတရာ ခံစား ခွင့် မရကြချေ။


သတိထားရမည့်အချက်မှာ ရေကာတာ ထုတ်လုပ်သည့် လျှပ်စစ်နှင့် ရေစွမ်းအင်များသည် စက်ရုံများ၊ မြို့ပေါ်နေလူထုများ၊ ကုပ္မဏီများအတွက်သာ အကျိုးပြုတတ်ပြီး ရေကာတာ ၀န်ကျင်းရှိ ကျေးလက်နေ ပြည်သူများ၊ ဌာနေတိုင်းရင်း သားများ ကမူ ၄င်းတို့၏ သဘာဝ အရင်းအမြစ်နှင့် ရိုးရာ လူမှုနေမှုဘ၀များကို ဆုံးရှူံးလေ့ရှိကြသည်။ ရေကာတာ ပိတ်ဆို့ လိုက် သည်နှင့် တဆက်တည်း အောက်ပိုင်းရေများ လျှော့နည်းလာမှာ ဖြစ်ပြီး ရေထွက်ပစ္စည်းများ လျှော့နည်းလာ မည်ဖြစ်သည်။ ထိုအခါ ရေလုပ်ငန်းဖြင့် အသက်မွေးဝမ်းကျောင်းပြုနေသူများသည် ဆင်းရဲဒုက္ခနှင့် မလွဲမသွေ ကြုံတွေ့ ရမည်ဖြစ်သည်။


အတွေ့အကြုံ၊ ဗဟုသုတ၊ ငွေကြေးဆင်းရဲသူ ဌာနေ တိုင်းရင်းသားများသည် ရေကာတာကြောင့် ထိခိုက်နစ်နာမှုများ ကြုံ တွေ့နေကြရသော်လည်း ရေကာတာနှင့် ပါတ်သက်ပြီး ဆန္ဒဖော်ထုတ်ခွင့်၊ ၄င်းတို့၏ ဆုံးရှူံးမှုအတွက် တောင်းဆိုခွင့် ကိုပင် မရရှိကြပါ။ ရေကာတာ အနီးအနားတွင် နေထိုင်ကြရသော်လည်း ဆည်ရေ နှင့် လျှပ်စစ်ဓါတ်အား ကို ခံစားခွင့် ရရှိကြမည်မဟုတ်ပေး။


အဆိုးဆုံးမှာ မဏိပူရ် ရေကာတာမှ ရရှိမည့် လျှပ်စစ်စွမ်းအင် ၇၃ ရာခိုင်နှုန်းသည် မိတ္တီလာမြို့ စက်မှု ဇုံအတွက်ဖြစ်ပြီး ကျန် ၂၇ ရာခိုင် နှုန်းသည် ဒေသခံများအတွက် မျှော်လင့်စရာဟု ဆိုနိုင်သည်။ မဟုတ်ရပါ။ ဒေသအတွက် ကုန်သည်များ၊ ပွဲရုံများ၊ အစိုးရ အရာရှိများ၊ အစိုးရရုံးများ၊ ရေကာတာ ဆောက်လုပ်ရေး ၀န်ထမ်းများ ဒေသအခြေစိုက် တပ်မတော် အရာ ရှိများ အတွက်သာ ဖြစ်ပါလိမ့်မည်။


စိုးရိမ်စရာတခုမှာ ရေကာတာ ကျိုးပေါက်မည့် အရေးကြောင့် ရေကာတာ အောက်ပိုင်းရှိ ဒေသခံများ၏ ရပ်တည်နေထိုင်မှု ပြသာနာပင်ဖြစ်ပေသည်။ ထို့ကြောင့် ရေကာတာ တည်ဆောက်မှုကြောင့် ရေကာတာ အောက်ပိုင်းရှိ ဒေသခံများ၏ ဘ၀ လုံခြုံမှု မည်မျှ ထိခိုက်သည်ကို ဒေသခံပြည်သူများအား အသိပညာပေး ခြင်း၊ ရေကာတာ ကြောင့် ဖြစ်ပေါ်လာမည့် အကျိုး ဆက်များအား ဆွေးနွေး ဖလှယ်ခြင်းများကို ပြုလုပ်ပေးသင့်ပေသည်။


စစ်ရေးအသုံးစရိတ်အတွက် ၃၀% ပေးနေရတဲ့ မြန်မာ့စီးပွားရေးဦးပိုင်လီမိတက်မှ
ပါရမီတက္ကစီ အငှားကားသမားများရဲ့ ဒုက္ခ
စစ်ပြန်ဒရိုက်ဘာ၊ ဖေဖော်ဝါရီ ၁၇၊ ၂၀၁၂ (မိုးမခထံ ပေးစာ)
ဖေဖော်ဝါရီလအတွက် လစာငွေ လေးသိန်း ကြိုသွင်းရန် (၁၅) ရက်နေ့ နောက်ဆုံးထား သွင်းပေးကြရန်၊ မသွင်းနိုင်သူအား ကားသော့သိမ်းပါသည်။ ကားသော့လိုချင်လျှင် (၁၆)ရက်နေ့ ပါရမီတက္ကစီ အုပ်ချုပ်ရေး ဒါရိုက်တာ (ဗိုလ်မှူးကြီး သိန်းထွန်းဝင်း) နှင့် တွေ့ပြီး နေ့တစ်ဝက်စောင့်နေကာ ငွေ နှစ်သိန်း သွင်း၍ ကားသော့ ပြန်ပေးပါသည်။ ကျန်ငွေ နှစ်သိန်းကို (၁၇) ရက်နေ့ မပေးလျှင် ကားသော့ပြန်သိမ်းဦးမည်ဟု ဆိုပါသည်။ မပေးသွင်းနိုင်သူများက ကားပြန်အပ်ကြသော်လည်း လက်မခံပါ။


မဟာဗန္ဓုလသယ်ယူပို့ဆောင်ရေးအသင်း ဒုဥက္ကဌ (ဗိုလ်ချုပ် လှအောင်သိန်း) က အကျိုးမပေးရင် ကား ဒီနေ့ပြန်အပ်ရင်၊ ဒီနေ့ စပေါ်ငွေ (၁၅)သိန်း ပြန်ပေးမည်ဟု ပြောခဲ့သော်လည်း ယခုအခါ ကြိုတင်ငွေ ()သိန်း မပေးနိုင်ကြ၍ ကားပြန်အပ်မည်ဆိုလျှင် စပေါ်ငွေ (၁၅)သိန်းမှ ()သိန်းပဲ ချက်ချင်းပြန်အမ်းကာ ကျန်ငွေ ()သိန်းကို ၂-လ စောင့်ရ ပါသည်။ ၂-လ အတောအတွင်းမှာ အကူယာဉ်မောင်း (စပေါ် ဆယ်သိန်း ပေးသွင်းထားကာ ကားမောင်းရန် စောင့်နေရသူ) အား တစ်လ လေးသိန်းဖြင့် ၂-လ မောင်းစေကာ ရရှိသော ငွေ ()သိန်းကို ပြန်ပေးမှာဖြစ်သည်။ စပေါ် (၁၅)သိန်း သွင်းစဉ်ကလည်း မူအရ (+++++) လစဉ် အရစ်ကျသွင်းရမည်ဟု ပါရှိသော်လည်း တစ်ပေါင်းတည်း (၁၅)သိန်း ပေးသွင်းခဲ့ရပါသည်။
တပ်မတော်စစ်ထွက် အငြိမ်းစားတစ်ယောက်အနေဖြင့် လစာ လေး ငါးထောင်ဖြင့် စစ်မှုထမ်းသက် အနှစ် (၂၀) (၃၀) တာဝန်ထမ်းဆောင်ခဲ့ရပြီး အငြိမ်းစားယူခဲ့ရာ လက်ထဲတွင် ကိုယ်ပိုင်ငွေ အလွန်ဆုံး ငါးသိန်းလောက်သာ ရှိကြ ပါသည်။ ပါရမီ ကားကောင်းလေးများ မောင်းနိုင်ရန် စပေါ်ငွေ (၁၅)သိန်းမှ လိုငွေ (၁၀)သိန်း ကို (၂၀) တိုးဖြင့် အလွတ်ချေး၍ ပေးရပါသည်။ လစာငွေကလည်း သုံးသိန်းမှ လေးသိန်း မြှင့်သွားပါသည်။ ကားများမှာလည်း နှစ်ရှည်လများ ဖြစ်သဖြင့် ငါးရက်နှစ်ကြိမ် ဝပ်ရှော့ပို့ ကားပြင်နေရပါသည်။ ကားရပ်နားခြင်း၊ ပြင်ဆင်နေရခြင်း၊ ကားပစ္စည်းဝယ်ထည့်ရခြင်း၊ လက်ခ ပေးရခြင်း တို့ကြောင့် အကြွေးယူပြီး အတိုးများ သတ်နေရသည်မှာ အိမ်က မိသားစုများပင် အငတ်နေ နေရပါသည်။


ကားယာဉ်စစ်ဆေးသည့်နေ့တွင် ညနေ ၃ နာရီထိုးမှ စ၍ ကားသန့်ရှင်းခ ငါးထောင်ပေးကာ ကား ရေဆေး ရပါ သည်။ ကားဖုန်တင်နေရင်လည်း အပြစ်ဖြစ်ပါသေးသည်။ ညနေ ၆ နာရီထိုးအထိ ထိုင်စောင့် ရ ပါ သည်။ ကားသမားများအဖို့ ယာဉ်ရပ်ထားစဉ် ဆုံးရှုံးသွားသောငွေ၊ သန့်ရှင်းရေးစရိတ်၊ အော်ဒါခေါ်သော မိတ်ဆွေ အပေါင်းအသင်း၊ အားလုံး ဆုံးရှုံးရပါ သည်။ ပါရမီတက္ကစီ ယာဉ်မောင်းများသည် စပီကင် (Eng+Chinese) တက်ရပါသည်။ သင်တန်းတက်ရသည့် နေ့တွင် တစ်နေကုန် အော်ဒါငှားသူကို လက်ခံ၍ မရပါ။ နေ့လည် ၁၁နာရီမှ ၂ နာရီအတွင်း ထမင်းအငတ်ခံကာ ကားလိုက်ကြရပါသည်။ “ဒါဘာ” တက်၍ တင်ပြ စရာများ တင်ပြသော်လည်း ပဲခူးလို ခရီးမျိုးများ မသွားရတော့ပါ။(၂၀၁၁ ခုနှစ်၊ ဒီဇင်ဘာလ ၂၆ ရက်က အင်တာနက်တွင်ရေးထားသော ပါရမီတက္ကစီသတင်းမှာလည်း သူတို့အထဲက ရေးထားသော သတင်းပါ)
တစ်ချို့ယာဉ်မောင်းများမှာ မိမိနာမည်ပေါက် ရထား၍ သိန်းပေါင်းများစွာ အကုန်အကျခံကာ ကားထဲသို့ ထည့်ပါ သည်။ ထိုယာဉ်မောင်းများမှာ မိမိတို့အား ပထမဦးစားပေး ရောင်းပေးမည်ဟု ပြောထားသဖြင့် တစ်နေ့ အပိုင် ရနိုးနိုး၊ စောင့်စားသည်းခံ အကြွေးတင်ကာ ရှိနေပါသည်။ ပါရမီတက္ကစီမောင်းသူများ၏ ဘဝသည် ယခုအခါ အကြွေးသံသရာ လည်၍ ဒုက္ခရောက်နေရပါသည်။ ပါရမီတက္ကစီမောင်းသူများသည် (တပ်မတော်ကြီးကို အင်အားရှိဖို့ အရာရာမှာကူညီ…) သီချင်းထဲကလို ဖြစ်နေရပါတော့သည်။


အဲကမ္ဘောဇ လေယာဉ်ပင်လယ်ထဲ မကျအောင် သဲပုံသို့ဝင်တိုးပြီးအရှိန်သတ်
ဖေဖေါ်ဝါရီ ၁၇၊ ၂၀၁၂ (Yangon Press International)မိုးမခ
ယနေ့နံနက် ၁၀နာရီ ၄၅ မိနစ်တွင် သံတွဲလေဆိပ်သို့ ဆင်းသက်လာသည့် အဲကမ္ဘောဇပိုင် ဖေါ်ကာလေယာဉ်သည် ပြေးလမ်းအရှိန်လွန်ပြီးနောက် ပင်လယ်ထဲ မကျအောင် လေယာဉ်ပြေးလမ်းအလွန် လက်ဝဲဘက်ရှိ သဲပုံသို့ဝင်တိုးပြီး ရပ်တန့်သွားခဲ့သည်။
ပြေးလမ်းအရှိန်လွန်ခြင်းကြောင့် ထိခိုက်ဒဏ်ရာရသူတဦးမှ မရှိကြောင်း နှင့် လေယာဉ်၏ ရှေ့ဘီးကျိုးသွားခဲ့သည်ဟု လေဆိပ်လုံခြုံရေး တာဝန်ခံတဦးက ပြောကြားသည်။
ယခုခရီးစဉ်မှာ ရန်ကုန်- ညောင်ဦး-ဟဲဟိုး-သံတွဲ ခရီးစဉ် ဖြစ်ရာ ဟဲဟိုးမှ သံတွဲသို့ဆိုက်ရောက်အလာတွင် ဖြစ်ပွားခြင်းဖြစ်သည်။


လေယာဉ်ပေါ်တွင် ခရီးသည် ၅၂ ဦးပါရှိကာ ၃၀ ကျော်မှာ နိုင်ငံခြားသားခရီးသည်များ ဖြစ်သည်ဟု သိရသည်။ လေယာဉ်အား ယခုကဲ့သို့ ထိန်းသိမ်းလိုက်နိုင်သည့်အတွက် အဖြစ်အပျက်ဖြစ်ပြီးပြီးချင်း နိုင်ငံခြားသား ခရီးသည်များက လေယာဉ်မှူးအား လက်ဆွဲနှုတ်ဆက်ကာ ချီးကျူးခဲ့သည်ဟု ယင်းတာဝန်ခံက YPI သို့ပြောသည်။
လေဆိပ်အနီးနေထိုင်သူ ဒေသခံတဦးကမူ “လေယာဉ်ဆင်းလာပြီးတော့ ဖောင်းဖောင်းဖောင်း ဆိုတဲ့ အသံ ၃၊ ၄ ချက်လောက်ကြားလိုက်ရတယ် ၊ နောက်တော့မှ လေယာဉ်ပြေးလမ်းချော်သွားတာလို့ သိလိုက်ရတာ” ဟုပြောသည်။
သံတွဲလေယာဉ်ကွင်းမှာ ပေအရှည် ၈၀၀၀ ရှိပြီး ဆင်းသက်သည့် လေယာဉ်များအနေဖြင့် ပြေးလမ်း အစအဆုံးအသုံးပြုပါက လုံလောက်သည့် ပြေးလမ်းအရှည်ဟု လေဆိပ်ဝန်ထမ်း တဦးကပြောသည်။
အဖြစ်အပျက်ဖြစ်ဖြစ်ချင်း လေဆိပ်ရှိ အရေးပေါ် မီးသတ်ကား၊ လေဆိပ် ဆောက်လုပ်ရေး စီမံကိန်း မှ ရေသယ်ကားများ အသင့်အနေအထားဖြင့် လေယာဉ်အနီးတွင် အသင့်စောင့်ဆိုင်းနေကြသည်ဟု လုံခြုံရေး တာဝန်ရှိသူက ပြောသည်။
ယခုလေယာဉ် အရှိန်သတ်လိုက်သည့် သဲပုံမှာ မကြာသေးမီရက်အနည်းငယ်ကမှ ပုံထားခြင်းဖြစ်၍ ယခုသဲပုံရှိနေခြင်းကြောင့် အန္တရာယ် လျော့နည်း သွားရသည်ဟုလည်း လုံခြုံရေး တာဝန်ရှိတို့က သုံးသပ်ကြသည်။


လေယာဉ်ပြေးလမ်းချော်ခြင်းကြောင့် လေဆိပ် ပုံမှန်လုပ်ငန်းများ ထိခိုက်ခြင်းမရှိပဲ သံတွဲလေဆိပ်သို့ ယနေ့ဆင်းသက်လာရန်ရှိသည့် ခရီးစဉ်များ ပုံမှန်အတိုင်း ဆင်းသက်နိုင်မည်ဟု သိရှိရသည်။ ။


မဲဆောက်မှာ လက်မှတ်မဲ့မြန်မာအလုပ်သမားများကို ရဲဖမ်း
မဲဆောက်သားလေး၊ ဖေဖော်ဝါရီ ၁၇၊ ၂၀၁၂ မိုးမခ
ယမန်နေ့ နံနက်ပိုင်းက မဲဆောက်ဈေးအတွင်း ထိုင်းလုံခြုံရေးတာဝန်ရှိသူများ က ဈေးရဲ့ နေရာတော်တော်များများမှာ အဖွဲ့များခွဲပြီး တစ်ပြိုင်တည်း ၀င်ရောက်၍ နေထိုင်ခွင့်နှင့် ပတ်စ်ပို့များကို စစ်ဆေးခဲ့ပါတယ်။ ဒီလိုစစ်ဆေးရာမှာ နေထိုင်အလုပ်လုပ်ခွင့်လက်မှတ် မရှိသူများနှင့် သက်တမ်းကုန် ဆုံးနေသူများကို ဖမ်းဆီးသွားပြီး ယခုလ (၂၈) ရက်နေ့တွင် သက်တမ်းကုန်ဆုံးတေ့ာမည့် လက်မှတ်ကိုင်ဆောင်ထားသူများကိုလည်း ပတ်စ်ပို့လျှောက်ထားသော အထောက်အထားပြခိုင်းပြီး မပြနိုင်ပါက သက်ဆိုင်ရာသို့ ခေါ်ဆောင်သွားကြတယ်လို့ ဈေးအတွင်းက မျက်မြင်သက်သေတစ် ဦးက ပြောပါတယ်။
ဒီနေ့မနက်ဖမ်းဆီးတာဟာ နေရာတော်တော်များများကို ပိတ်ပြီး ဖမ်းတာမို့ မလွတ်ကြဘူးလို့လည်း ပြောပြပါတယ်။ ဖေဖော်ဝါရီ ၁၆ ရက်နေ့ဟာ မဲဆောက်စက်ရုံများ လ၀က်လစာ ထုတ်ရက်လည်းဖြစ်လို့ ဈေးအတွင်း လူစည်ကားတဲ့ရက်ဖြစ်ကြောင်းလည်း သိရပါတယ်။
မဲဆောက်က အလုပ်သမားအရေးဆောင်ရွက်သူတစ်ဦးကတော့ ဘန်ကောက်မြို့မှာ အီရန်နိုင်ငံသားဗုံးခွဲသည့်ကိစ္စနှင့်များ ပတ်သက်သလား မသိဘူးလို့ ပြောဆိုသုံးသပ်နေပါတယ်။ သက်ဆိုင်ခြင်းရှိ/ မရှိကိုမူ မသိရပါ။
မဲဆောက်ကအလုပ်သမားတစ်ဦးကလည်း “ပတ်စ်ပို့လည်းလုပ်ရ၊ ဘတ်လည်းလုပ်ရ ဆိုတဲ့အတွက် ငွေက သောင်းချီကုန်တယ် မလုပ်နိုင်ဘူး အခုဖမ်းတော့လည်း ရက်ရက်စက်စက်ပဲ” လို့ ပြောပြပါတယ်။


အညတရအကျဉ်းသားရဟန်းတော်များ (၁၃) အရှင်ကုမုဒ () ကျော်ဝင်း
အရှင်ပညာနန္ဒ
ဖေဖ၀ါရီ ၁၇၊ ၂၀၁၂ မိုးမခ
အမည်- အရှင်ကုမုဒ () ကျော်ဝင်း
မွေးဖွားရာဒေသ - (---) စဥ့်ကူးမြို့ နယ်၊ မန္တလေးတိုင်း။
မွေးသက္ကရာရာဇ် - ၁၉၆၂
အဖမ်းခံရသည့်နေ့စွဲ - ၁၉၈၉
ပုဒ်မ - () ၁ ၀/၁၄ () (က) ()
စီရင်ချက်ချနေ့ နေ့စွဲ - ဇန်န၀ါရီ ၂၂၊ ၁၉၉၁
ချမှတ်ခံရသည့်ထောင်ဒဏ် - (၁၁) နှစ်။
နေခဲ့ရသည့်ထောင်များ - ပြည်၊ သာယာဝတီ၊ လွိုင်ကော်ရေအားလျှပ်စစ်စီမံကိန်း (လုပ်အားပေးစခန်း) ရှေ့တန်းစစ်မျက်နှာ။
လွတ်မြောက်သည့်နေ့ - ၁၉၉၄ ခုနှစ်။


ရှစ်လေးလုံးအရေးအခင်းကာလ
၁၉၈၈ အရေးအခင်းဖြစ်တော့ ပြည်မြို့ ဇောတိကာရုံပါဠိတက္ကသိုလ်မှာ ပရိယတ္တိစာပေသင်ကြားဘို့ ရောက်ရှိနေပါတယ်။ အရေးအခင်းဖြစ် တာနဲ့ကြုံတော့ အခြားသံဃာတော်တွေနဲ့အတူ လူသတ်သမားအစိုးရ အလိုမရှိဆိုတဲ့ ဆိုင်းဘုတ်ကိုင်ဆောင်ပြီး ရှေ့ဆုံးကနေ ပါဝင်လှုပ်ရှား ခဲ့ပါတယ်။ အခြားသံဃာတော်တွေနဲ့အတူ လူထုလှုပ်ရှားမှုတွေမှာပါဝင်ဆောင်ရွက်ရင်း ၁၉၈၉ ခုနှစ်မှာ အခြားသံဃာတော် () ပါးနဲ့အတူ အဖမ်းခံရပြီး ပြည်မြို့ရဲစခန်းမှာ လေးပတ်ကြာ ချုပ်နှောင်ထားခြင်းခံခဲ့ရပါတယ်။ ညဘက်အချိန်တွေမှာ ဦးခေါင်းကိုအိပ်နဲ့စွပ်တာခံရပြီး အရက်မူးမူးနဲ့ ရဲတွေရဲ့ရိုက်နှက်တာ၊ ဆဲဆိုတာတွေကို ပြည်မြို့ကရဲစခန်းမှာ လေးပတ်ကြာ နေ့စဉ်ခံခဲ့ရပါတယ်။ အဲဒီနောက် ဘုန်းကြီး ()ပါးလုံးကို ပြည်ထောင်ကိုပို့လိုက်ပါတယ်။


စစ်ကြောရေးအတွေ့ အကြုံများ
ထောင်ရောက်တာနဲ့ ရဟန်းသိက္ခာချဘို့ ထောင်မှူး ထောင်ပိုင်တွေနဲ့  ထောက်လှမ်းရေးကအမိန့်ပေးပါတယ်။ သိက္ခာချဘို့ ဘုန်းကြီးတွေက ငြင်းဆန်ခဲပေမဲ့ အတင်းအဓမ္မ ကိုယ့်သဘောနဲ့ကိုယ် သိက္ခာချကြောင်းလက်မှတ်ထိုးခိုင်းတဲ့အတွက် လူဝတ်လဲပေးလိုက်ရပါတယ်။ လူဝတ် လဲလိုက်ပေမဲ့လဲ ဦးဇင်းတို့ဟာ သိက္ခာမချရသေးတဲ့အတွက် ရဟန်းဘ၀မှာဘဲရှိပါသေးတယ်။ ဘုန်းကြီးတွေကို ထောက်လှမ်းရေးလား ဘာ လားတေ့မသိဘူး နေ့လည်ပိုင်းတွေမှာ မေးခွန်းတွေမေးပြီးပြန်သွားကြတယ်။ ညဘက်မှာတော့ ရဲတွေက စစ်ဆေးမေးမြန်းတာကိုခံရပါ တယ်။ တချို့က ယူနီထောင်းတွေဝတ်ထားပြီး တချို့ကတော့ အရပ်ဝတ်တွေနဲ့ပါ။ သူတို့မေးတဲ့မေးခွန်းကတော့ “မင်းတို့ကို ဘယ်သူက ခိုင်းတာလဲ? မင်းတို့ ခေါင်းဆောင်ကဘယ်သူလဲ? အခြားဘယ်သူတွေပါသေးလဲ?” နဲ့ ထပ်ခါ ထပ်ခါ မေးကြပါတယ်။


ထောက်လှမ်းရေးလို့ယူဆရသူတွေက ဘုန်းကြီးတွေကိုမတ်တပ်ရပ်ခိုင်းပြီး လက်တွေကို ဘေးဘက်ဆီထုတ်ထားခိုင်းပြီး မနားတမ်း လေ ယာဉ်ပျံ စီးခိုင်းပါတယ်။ သူတို့ရိုက်တာလည်း ခံရပါတယ်။ နောက်ဘုန်းကြီးတွေကို ခြေထောက်တချောင်းထဲနဲ့ မတ်တတ်ရပ်ခိုင်းပြီး သံဆူး တွေပေါ်မှာ ခြေထောက်ကို အတင်းအဓမ္မထောက်ခိုင်းပါတယ်။ အသည်းခိုက်အောင်နာကျင်လှပါတယ်။ တခါတလေ မျက်နှာကိုအိပ်နဲ့စွပ်ပြီး
မင်းတို့က ဘာလို့ဘုန်းကြီးဘ၀နဲ့ အေးအေးဆေးဆေးမနေချင်ကြတာလဲ? ဘာလို့ နိုင်ငံရေးလုပ်တာလဲ? နိုင်ငံရေးနဲ့ မင်းတို့နဲ့ ဘာမှမ ဆိုင် ဘူးလို့ပြောပြီး ရင်ဘတ်တွေ၊ ကျောတွေက ထောင်လှမ်းရေးတွေရဲ့ စစ်ဖိနပ်နဲ့ ဝိုင်းပြီးကန်တာကိုခံရပါတယ်။ ဘုန်းကြီးတွေမို့လား မသိဘူး။ အခြားသူတွေထက် အရိုက်ခံရ၊ အဆဲခံရပါတယ်။


သူတို့နားမလည်တာက လက်ရှိစစ်အစိုးရက ပြည်သူတွေကိုညှဉ်းဆဲသတ်ဖြတ်နေတာတွေ၊ ဗိုလ်ကြအနိုင်ကျင့်နေတာတွေကြောင့် ဘုန်း ကြီးတွေက အေးအေးဆေးဆေးမနေဘဲ တရားမျှတမှုအတွက် ပါဝင်ဆောင်ရွက်နေတယ်ဆိုတာကို နားမလည်တာပါဘဲ။ ဒါကြောင့် ဘုန်း ကြီးတွေက မတရားတဲ့စစ်အစိုးရကို ဆန့်ကျင်တော်လှန်နေတာပါ။ အာဏာပိုင်တွေက ဘုန်းကြီးတွေနဲ့ ပြည်သူတွေရဲ့ခံစားချက်ကို နားမ လည်ကြဘူး။ အကျဉ်းထောင်တွေထဲမှာ ဘုန်းကြီးတွေကို ဗုဒ္ဓဘာသာဝန်းထမ်းတွေကဘဲ ဆဲဆို ရိုက်နှက် ကန်ကျောက်နေတာတွေဟာ အတော်လေး စိတ်မချမ်းမြေ့စရာကောင်းလှပါတယ်။


အဲဒီလိုနဲ့ ဇန်န၀ါရီ ၂၂၊ ၁၉၉၁ ခုနှစ်မှာ စစ်ခုရုံးက ဦးဇင်းကို ထောင်ဒဏ် (၁၀) နှစ်နဲ့ ဒဏ်ငွေငါးသောင်း ချမှတ်လိုက်ပါတယ်။ ဒဏ်ငွေ မဆောင်နိုင်လို့ တနှစ်ထပ်တိုးပြီး (၁၁) နှစ်ပြစ်ဒဏ်ချမှတ်တာခံခဲ့ရပါတယ်။ ပြစ်ဒဏ်ချမှတ်တာခံရပြီး မကြာခင် သာယာဝတီထောင်ကို ပို့ လိုက်ပါတယ်။ သာယာဝတီထောင်မှာ ဘုန်းကြီးခြောက်ပါးလောက်နဲ့ ဆုံတွေ့ခဲ့ရပါတယ်။ သာယာဝတီထောင်မှာ နှစ်ပတ်လောက်ထားပြီး ဦးဇင်းကို အလုပ်ကြမ်းစခန်းကိုပြောင်းရွှ့ပြီး အလုပ်ကြမ်းလုပ်ခိုင်းတာခံရပါတယ်။


အဓမ္မလုပ်အားပေးစခန်း
ပထမဆုံး လှည်းကူးအဝေးပြေးလမ်းမစီမံကိန်းအတွက် ကျောက်ထုရပါတယ်။ အဲဒီမှာ (၁၅) ရက်လောက်နေခဲ့ရပြီး ကယားပြည်နယ်၊ လွိုင်ကော်မြို့နားက မထောင်ပိုလုပ်အားပေးစခန်းကို ပို့ဆောင်ခဲ့ပြီး သံခြေကျင်းတွေ တနေ့လုံးအခတ်ခံထားရပြီး ရေအားလျှပ်စစ်စီမံကိန်း အတွက် ပင်ပန်းဆင်းရဲစွာ အလုပ်ကြမ်းလုပ်ခိုင်းတာခံရပါတယ်။


အဲဒီမှာ ဘုန်းကြီး () ပါးလောက်နဲ့ တွေ့ ဆုံခဲ့ရပါတယ်။ သူတို့လည်း ၈၈ အရေးခင်းမှာပါဝင်ခဲ့လို့ ထောင်ကျနေတာဆိုတာ သိခဲ့ရပါတယ်။ အဲဒီရေအားလျှပ်စစ်စီမံမံကိန်းမှာ ဂျပန်အင်ဂျင်နီယာတွေ ရှစ်ယောက်လောက်ရှိပါတယ်။ ဦးဇင်းတို့ ခြေကျင်းတန်းလန်းနဲ့ အလုပ်လုပ်နေတာ တွေ့ပေမယ့် ဘာမှမေးမြန်းခြင်းမရှိပါ။


မနက် () နာရီကနေ (၁၁)၊ ၃ နာရီခွဲအထိ အလုပ်လုပ်ရပြီး၊ နေ့လည် () နာရီကနေ ညနေ () နာရီအထိ အလုပ်လုပ်ရပါတယ်။ နွားတွေ လို အလုပ်လုပ်ခိုင်းတာခံရပြီး အရိုက်ခံရပါတယ်။ ပင်ပန်းလို့ အနားယူလို့မရ။ တခါတလေစခန်းအာဏာပိုင်တွေက သူတို့ကိုယ်တိုင် မရိုက် တော့ဘဲ ထောင်တန်းစီးတွေကို ရိုက်ခိုင်းပါတယ်။


နေ့စဉ်ကျွေးတဲ့ထမင်းကတော့ ပဲဟင်းလို အရည်တမျိုးဖြစ်ပြီး နေပူရင် ထမင်းဟင်းတွေက သိုးကုန်ပါတယ်။ အဲဒီလို ထမင်သိုး ဟင်းသိုး တွေ နေ့စဉ်ရက်ဆက် စားသုံးရတာတွေကြောင့် တချို့ ၀မ်းလျောဝမ်းပျက်ဖြစ်ပြီး အကျဉ်းသားအချို့ သေဆုံးခဲ့ရပါတယ်။ အဲဒီအလုပ်ကြမ်း စခန်းမှာ ၁၉၉၃ ခုနှစ်အထိ နေခဲ့ရတယ်။


ပေါ်တာ (အထမ်းသမားဘ၀)
အလုပ်ကြမ်းစခန်းကနေ ဦးဇင်းအပါအ၀င် အကျဉ်းသာ (၅၀) ကျော်လောက်ကို စစ်တပ်ပေါ်တာအနေနဲ့ ဖားဆောင်းမြို့နယ်နားက စစ် စ ခန်းတခုကိုပို့ဆောင်တာခံရပြန်ပါတယ်။ အလုပ်ကြမ်းစခန်းမှာမသေဘဲ ရှေ့တန်းစခန်းမှာ အထမ်းသမားဘ၀နဲ့ စစ်သားတွေသတ်လို့သေ မလား၊ ကျည်ဆံမှန်ပြီးသေမလားဆိုတာ စိုးရိမ်ခဲ့ရပြန်ပါတယ်။ စောထစခန်းနဲ့ ထီးထစခန်းကို အမြောက်ကျည်ဆံတွေကို ခုနှစ်ရက် သယ် ပေးရပါတယ်။


ကရင်ပြည်နယ်၊ ဖားဆောင်းနားက ထောင်းလှဆိုတဲ့တောင်ကုန်းတခုမှာ ခုနှစ်ရက်နေပြီး ဦးဇင်းတို့ကို ဖားဆောင်းပြန်ပို့ပြီး ရဲစခန်းမှာချုပ် ထားပြန်ပါတယ်။ အဲဒီကနေ ခလ၇ (၄၂၈) ခလရ (၄၂၉) လက်ထဲကိုပြန်လွှဲပြီး ပေါ်တာအဖြစ်နဲ့ ကျည်ဆံသေတ္တာတွေထမ်းပြီး ရှေ့တန်းစခန်း တွေ သယ်ပေးရပြန်ပါတယ်။ နေ့ည မနားတမ်းကျည်ဆံသေတ္တာတွေထမ်းခိုင်းတာကြောင့် ဦးဇင်းနဲ့အတူ အချို့ပေါ်တာတွေ မထမ်းနိုင်ဘဲ လဲကြကုန်ပါတယ်။ အချို့ပေါ်တာတွေ အာဟာရပြတ်ပြီး သေဆုံးကုန်ပါတယ်။ မြေမြှုပ်မိုင်းဒဏ်ကြောင့် စစ်သားတွေနဲ့ ပေါ်တာတွေ သေ ဆုံးရတာတွေလည်းရှိပါတယ်။ လမ်းမလျှောက်နိုင်တော့တဲ့ပေါ်တာတွေကို စစ်သားတွေက ပစ်သတ်လိုက်ကြပါတယ်။ စစ်သားတွေပြော တာက ငါတို့ကမသတ်လည်း ကေအဲန်ယူကမိရင် မင်းတို့ကိုသတ်မှာဘဲတဲ့။


ဒါကြောင့် သူတို့အစား မင်းတို့ကို ငါတို့ဘဲသတ်မယ်လို့ပြောတယ်။ ဦးဇင်းကိုယ်တိုင် ပေါ်တာတယောက်ရဲ့အသက်ကို အသက်နဲ့ရင်းပြီး ကယ်ဆယ်ဘူးတယ်။ ဦးဇင်းနဲ့အတူပါလာတဲ့ ရန်ကုန်က ကိုဇော်ထွန်းဆိုတဲ့အကျဉ်းသားပေါ်တာကို မထမ်းနိုင်လို့ လမ်းပေါ်လဲအကျမှာ စစ်သားတယောက်က ပစ်သတ်မယ်လုပ်ပါတယ်။ ကိုဇော်ထွန်းကိုမသတ်ဘို့ ဦးဇင်းက အနူးအညွတ်တောင်းပန်တယ်။ သူ့ကိုမသတ်ပါနဲ့။ သူလမ်းမလျောက်နိုင်ရင်ထားခဲ့ပါ။ သူကောင်းချင်လည်းကောင်းလာမှာပါ။ ကေအဲန်ယူကမိလို့သတ်ရင်လည်း သူကံပေါ့လို့ပြောမှ မသတ် ဖြစ်တော့ဘဲ လမ်းပေါ်မှာ ဒီအတိုင်းပစ်ထားခဲ့ရတယ်။ သူ အသက်ရှင်လား သေလားဆိုတာလည်းခုချိန်ထိသတင်းမရခဲ့ပါ။ ကိုယ့်ရှေ့မှာ လူတွေအများကြီးအသတ်ခံထားရတာကိုတွေ့နေရလို့ အရမ်းလည်းကြောက်နေပြီ။ ကိုယ့်အလှည့်ဘယ်တော့လာမလဲဆိုတာ စိုးရိမ်နေရပြီ ဖြစ်တဲ့အတွက် ထွက်ပြေးဖို့ ဆုံးဖြတ်လိုက်ပါတယ်။


ဒုတိယတခေါက် ခြောက်လလောက်အကြာ ရှေ့တန်းစခန်းမှာရောက်နေတုန်း ၁၉၉၄ နိုဝင်ဘာလမှာ သံလွင်မြစ်ကိုဖြတ်ကူးပြီး ထွက်ပြေး လွတ်မြောက်ခဲ့တယ်။ ABSDF တပ်ရင်း (၁၀၉) က ကျောင်းသားတပ်မတော်ကရဲဘော်တွေက အကူအညီပေးလို့ အသက်ရှင်ခွင့်ရခဲ့ပါတယ်။ ဦးဇင်းရဲ့ အတွေ့ အကြုံတွေကတော့တကယ့်ငရဲခန်းတွေပါဘဲ။ကံကောင်းလို့ မသေခဲ့တာပါ။


ပြည်သူဘက်ကရပ်တည်ခဲ့လို့ ထောင်ချခံရမယ်၊ အလုပ်ကြမ်းစေခိုင်းခံရမယ်၊ ပေါ်တာအဖြစ် ရှေ့တန်းစခန်းတွေကိုသွားရမယ်ဆိုတာမသိခဲ့ ပါဘူး။ ပြည်သူတွေဒုက္ခရောက်နေတဲ့ချိန်မှာ ကိုယ်နိုင်တာတခုခုလုပ်ပေးချင်တယ်။


ဘာမှမလုပ်ဘဲမနေနိုင်ဘူး။ အဲဒါကြောင့် ဒကာ ဒကာမတွေကိုကို ဘယ်ဟာကတော့ မှန်တယ် ဘယ်ဟာကတော့ မှားတယ်ဆိုတာကို သင် ကြားပေးခဲ့တာပါ။ ဒီမိုကရေစီနဲ့ လူ့အခွင့်အရေးအတွက် တတ်နိုင်သလောက်ဆက်လုပ်သွားရဦးမှာပါ။ ။
ရင်းမြစ်- AAPP
ပြည်ခိုင်ဖြိုး အနိုင်ရရေး ရပ်/ကျေး အုပ်ချုပ်ရေးမှူးများကို ဖိအားပေး
ကျော်ခ | သောကြာနေ့၊ ဖေဖေါ်ဝါရီလ ၁၇ မဇ္ဈိမ
ချင်းမိုင် (မဇ္ဈိမ) ။ ။ မြောင်းမြမြို့နယ်ရှိ ရပ်ကွက်နှင့်ကျေးရွာအားလုံးတွင် လာမည့် ကြားဖြတ်ရွေးကောက်ပွဲ၌ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ မဲအနိုင်မရပါက အဆိုပါ ရပ်/ကျေး အုပ်ချုပ်ရေးမှူး များကို ရာထူးမှ အနားယူဖို့ ပြင်ထားရန် မြောင်းမြမြို့နယ်အုပ်ချုပ်ရေးမှူး က ပြောဆိုကြောင်းသိရသည်။
ဧရာဝတီတိုင်း၊ မြောင်းမြမြို့ အမှတ် ၄ ရပ်ကွက်ရှိ မြရွှေဝါ ခန်းမကြီးတွင် ကြာသာပတေးနေ့က ပြုလုပ်သော ရပ်/ကျေး အုပ်ချုပ်ရေးမှူးများ အစည်းအဝေးတွင် မြို့နယ်အုပ်ချုပ်ရေးမှူး ဦးကိုကိုလတ် က တက်ရောက် လာသော ရပ်/ကျေး အုပ်ချုပ်ရေးမှူး တရာကျော်ကို ယင်းသို့ပြောဆိုကြောင်း တက်ရောက်ခဲ့သူများထံမှ သိရသည်။


လာမယ့် ကြားဖြတ်ရွေးကောက်ပွဲမှာ ကြံ့ခိုင်ရေးမနိုင်ရင် မနိုင်တဲ့ ရပ်ကွက်၊ ကျေးရွာက လူတွေ ဖျာလိပ်ဖို့ ပြင်ထားလို့ ဦးကိုကိုလတ် က အစည်းအဝေးမှာ ဗြောင်ပြောသွားတယ်” ဟု အစည်းအဝေးတက်ရောက်ခဲ့သူ ကျေးရွာစု အုပ်ချုပ်ရေးမှူး တဦးက မဇ္ဈိမကို ပြောသည်။


အဆိုပါ ရပ်/ကျေး အစည်းအဝေးကို NLD ဥက္ကဋ္ဌ ဒေါ်အောင်ဆန်းစုကြည် ၏ ပထမအကြိမ် ဧရာဝတီတိုင်း စည်းရုံးရေး ခရီးအဖြစ် ဖေဖေါ်ဝါရီလ ၈ ရက်နေ့က မြောင်းမြမြို့ကို ရောက်ရှိခဲ့အပြီး တပါတ်အကြာတွင် ကျင်းပခဲ့ခြင်းဖြစ်သည်။


အစည်းအဝေးသို့ မြောင်းမြမြို့ပေါ်ရှိ ရပ်ကွက် ၁၄ ရပ်ကွက်လုံးမှ ရပ်ကွက် အုပ်ချုပ်ရေးမှူးများနှင့် မြို့နယ်အတွင်းရှိကျေးရွာ အုပ်စု ၁၁၆ စုမှ ကျေးရွာအုပ်ချုပ်ရေးမှူးများ တက်ရောက်ခဲ့ကြသည်။


ဦးကိုကိုလတ် ၏ အဆိုပါ စကားကို မကျေနပ်သူ ကျေးရွာအုပ်ချုပ်ရေးမှူး ၅ ဦးက ရာထူးမှ နှုတ်ထွက်ရန် ပြင်ဆင်နေကြပြီး မြောင်းမြမြို့ပေါ်ရှိ NLD ရုံးတွင် အဖွဲ့ဝင်လျှောက်လွှာများ သွားရောက်တင်ထားခဲ့ကြောင်း ကာယကံရှင်များ က ပြောသည်။
လာမယ့် ဖေဖေါ်ဝါရီ ၂ဝ ရက်နေ့ကျရင်တော့ ကျနော်တို့ ဒီကျေးရွာ အုပ်ချုပ်ရေးမှူး ရာထူးကနေ နှုတ်ထွက်ကြမှာပါ NLD ရုံးမှာတော့ သွားတင်ထားတာပဲ။ သူတို့ကလည်း မေးမြန်းစုံစမ်းပြီးတော့ ကျနော်တို့ ဖေါင်(ပုံစံ)တွေ ဖြည့်ခဲ့ပြီးပါပြီ” ဟု အခြား ကျေးရွာ အုပ်ချုပ်ရေးမှူး တဦးက ပြောသည်။
မြောင်းမြမြို့ NLD ရုံးအဖွဲ့မှူး ဦးဝင်းဆွေ ကလည်း “ဟုတ်တယ် အစည်းအဝေးပြီးတာနဲ့ သူတို့ ဒီမှာလာပြီး အဖွဲ့ဝင်ဖို့ဖောင်လာ ဖြည့်တယ် ကျနော်တို့ လုပ်ပေးလိုက်ပါတယ်။ ဒီရုံးက ထောက်ခံချက်လည်း ယူသွား တယ်။ နောက်တပတ် ရုံးဖွင့်ရက်မှာ အဲဒါကိုပြပြီးတော့ နှုတ်ထွက်စာ တင်မလို့တဲ့” ဟု သူက မဇ္ဈိမကို ပြောသည်။
ဖေဖေါ်ဝါရီ လဆန်းပိုင်းက မြောင်းမြမြို့သို့ ရွေးကောက်ပွဲအောင်နိုင်ရေး စည်းရုံးရေး ခရီးစဉ်ဖြင့် ရောက်ရှိလာသည့်ဒေါ်အောင်ဆန်းစုကြည် က NLD ပါတီ၏ မူဝါဒများဖြစ်သည့် တရားဥပဒေ စိုးမိုးရေး၊ ပြည်တွင်းငြိမ်းချမ်းရေးနှင့်ပြည်သူများအကျိုးအတွက် ပြင်ဆင်ရန်လိုအပ်နေသည့် ၂ဝဝ၈ အခြေခံဥပဒေ တချို့ကို ပြင်ဆင်ရေး စသည့် ရည်ရွယ်ချက်များကို မြောင်းမြမြို့ခံများကို ရှင်းလင်းပြောဆိုခဲ့သည်။
ထို့အတူ ဆင်းရဲမွဲတေမှု တိုက်ဖျက်နိုင်ရေးအတွက် ပြည်သူလူထု အလုပ်အကိုင်ရရှိရေး၊ ပညာရေးနှင့် ကျန်းမာရေး ဖွံ့ဖြိုးမှုများ လုပ်ဆောင်ပေးရန် ပါတီအနေဖြင့် ရည်ရွယ်ထားကြောင်း ဒေသခံတွေမိန့်ခွန်းပြောကြားရာတွင် ထည့်သွင်းပြောဆိုခဲ့သည်။


NLD က မြောင်းမြမြို့နယ်တွင် ၁၉၉ဝ ရွေးကောက်ပွဲတွင် ဝင်ရောက်ယှဉ်ပြိုင်ခဲ့သည့် အမတ်ဟောင်း ဦးဂျော်နီက ပြန်လည်၍ ဝင်ရောက်ယှဉ်ပြိုင်မှာဖြစ်ပြီး မြို့နယ်နှင့် ကျေးရွာမဲအောင်နိုင်ရေး အဖွဲ့များ ဖွဲ့စည်းကာ နယ်လှည့် မဲဆွယ် စည်းရုံးမှုများ လုပ်ဆောင်နေလျက်ရှိကြောင်း မြောင်းမြ မြို့နယ် NLD ရုံးမှ သိရှိရသည်။
လယ်ယာထွက်ကုန် လွတ်လပ်စွာ စိုက်ပျိုးရောင်းချနိုင်ရေး ဒေါ်စုပြော
မျိုးသန့် | သောကြာနေ့၊ ဖေဖေါ်ဝါရီလ ၁၇ မဇ္ဈိမ
ချင်းမိုင် (မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က တောင်သူ လယ်သမားများ အတွက် လယ်ယာထွက်ကုန်များကို လွတ်လပ်စွာ စိုက်ပျိုး ရောင်းချခွင့်ရရှိရန် ကြိုးပမ်း
ဆောင်ရွက်သွားမည်ဖြစ်ကြောင်း စည်းရုံးရေးခရီးစဉ်အတွင်း ဖျာပုံလူထုသို့ ပြောဆိုသွားသည်။


ဧရာဝတီတိုင်းသို့ ဒုတိယအကြိမ် ရွေးကောက်ပွဲအောင်နိုင်ရေး ခရီးစဉ်ဖြစ်သည့် သောကြာနေ့ ဖျာပုံခရီးစဉ် အတွင်း လူထုပရိသတ် လေးသောင်းခန့်ကို မိန့်ခွန်း ပြောကြားရာတွင် စိုက်ပျိုးရေးအတွက် အထောက်အကူ
ဖြစ်စေမည့် နည်းလမ်းများကို အကောင်အထည် ဖေါ်ပေးမည်ဟုလည်း ဒေါ်အောင်ဆန်းစုကြည် က ထည့်သွင်း ပြောကြားသွားသည်။
"မလိုအပ်တဲ့ ကန့်သတ်မှုတွေ ချုပ်ချယ်မှုတွေကို ဖယ်ရှားပေးဖို့ လိုပါတယ်။ ဒါတွေကို လွတ်လွတ်လပ်လပ် စိုက်ပျိုးရောင်းချချင်တဲ့ တောင်သူလယ်သမားများ အားလုံး နားလည်မှာ ဖြစ်ပါတယ်။ မလိုလားအပ်တဲ့ အကန့်အသတ် အချုပ်အချယ်တွေကို ဖယ်ရှားပေးရုံနဲ့ မလုံလောက်သေးပါဘူး။ အထောက်အကူဖြစ်မယ့် စည်းမျဉ်း စည်းကမ်းတွေ၊ အထောက်အကူဖြစ်မယ့် လုပ်ငန်းတွေကိုလည်း အကောင်အထည် ဖေါ်ပေးရမှာ
ဖြစ်ပါတယ်။ ဒီဟာတွေ အားလုံးဖြစ်ဖို့ ကျမတို့ ကြိုးစားပါမယ်" ဟု ပြောကြားသွားသည်။


ထို့အပြင် စစ်မှန်သည့် ဒီမိုကရေစီ စနစ်ကို ဖေါ်ဆောင်နိုင်မည်ဆိုပါက ပြည်ပနိုင်ငံများနှင့် အဖွဲ့အစည်းများမှ အထက်ပါအချက်များ အကောင်အထည် ပေါ်ရေးအတွက် ကူညီပေးရန်လည်း အသင့်ရှိနေသည်ဟုလည်း သူက ပြောကြားသွားသည်။
ဖေဖေါ်ဝါရီလ ၁ဝ ရက်နေ့ ပြည်ထောင်စုလွှတ်တော် အစည်းအဝေးတွင်လည်း ဝန်ကြီး ဦးမြင့်လှိုင်က
တောင်သူလယ်သမားများ စိုက်ပျိုးလိုသည့် သီးနှံများကို စိုက်ပျိုးခွင့် ပေးမည်ဖြစ်ပြီး နိုင်ငံတကာ ဈေးကွက် ရရှိရေး အတွက် အကူအညီပေးကာ လယ်သမားများ ဝင်ငွေတိုးတက်အောင် ဆောင်ရွက်ပေးမည် ဖြစ်ကြောင်းပြောကြားသွားသည်။


သို့သော် တဘက်တွင်လည်း ဒေသ ရာသီဥတုနှင့် ကိုက်ညီမှုမရှိသည့်အပြင် တောင်သူလယ်သမားများ မစိုက်ပျိုးလိုသည့် နွေစပါးကို ရှမ်းပြည်နယ်အတွင်းရှိ ကျေးရွာအုပ်ချုပ်ရေးမှူးများမှ စိုက်ပျိုးခိုင်းစေမှုများ ရှိနေကြောင်း ထိုနေ့လွှတ်တော်တွင် လွှတ်တော်ကိုယ်စားလှယ် ဦးရဲထွန်းကထည့်သွင်း ဆွေးနွေးသွားသည်။


ထို့အပြင် ပြည်သူ့လွှတ်တော်ဥက္ကဋ္ဌ သူရဦးရွှေမန်းက ယခုလ ၇ ရက်နေ့ ပြည်ထောင်စုလွှတ်တော် အစည်းအဝေးအတွင်း "ဒေသဝမ်းစာဖူလုံရေးအတွက် နွေစပါးနှင့်မိုးစပါးများကို အမိန့်ညွှန်ကြားချက်ဖြင့် စိုက်ပျိုးစေခြင်းသည် သက်ဆိုင်ရာဒေသ ရေမြေရာသီဥတုနှင့် မကိုက်ညီပါက အဘက်ဘက်မှ ဆုံးရှုံးမှုများ ရှိလာနိုင်ပါတယ်" ဟု ထောက်ပြ ပြောဆိုသွားခဲ့သည်။


"ယနေ့ တောင်သူ လယ်သမားများ၊ မွေးမြူရေးသမားများ၊ အခြေခံကုန်ထုတ်လုပ်သူများ ကြုံတွေ့နေရတဲ့ စပါးနှင့်သီးနှံများ ဈေးနိမ့်ကျ၍ အရှုံးပေါ်နေမှု၊ ငါးမွေးမြူထုတ်လုပ်သူများ အရှုံးပေါ်နေမှုများ ရှိပါတယ်" ဟု ဦးရွှေမန်း က ဝန်ခံပြောဆိုသွားခဲ့သည်။


နမ်ဘီးယား အချက်သုံးချက် ပြော
မဇ္ဈိမသတင်းဌာန | သောကြာနေ့၊ ဖေဖေါ်ဝါရီလ ၁၇ မဇ္ဈိမ
နယူးဒေလီ (မဇ္ဈိမ) ။ ။ ကုလသမဂ္ဂ အတွင်းရေးမှူးချုပ်၏ အထူးအကြံပေး ဗီဂျေး နမ်ဘီးယား က သူ၏ ငါးရက်တာ မြန်မာနိုင်ငံ ခရီးစဉ်အတွင်း အစိုးရခေါင်းဆောင်များ အပါအဝင် တွေ့ဆုံဆွေးနွေးမှုများစွာ
ပြုလုပ်ခဲ့ရာတွင် အဓိကအားဖြင့် အချက်သုံးချက် တွေ့ခဲ့ကြောင်း ခရီးစဉ်အပြီး သောကြာနေ့က ထုတ်ပြန်ပြောဆိုသည်။
ကြားဖြတ်ရွေးကောက်ပွဲ၊ ငြိမ်းချမ်းရေး ဆွေးနွေးမှုနှင့် စီးပွားရေး ပေါ်လစီကိစ္စများမှာ ပြုပြင်ပြောင်းလဲရေး အတွက် ပြည်တွင်း/ပြည်ပ သဘောထားအမြင်များအဖြစ် ခရီးစဉ်အပြီး ၎င်း၏ကြေညာချက်တွင် ဖော်ပြ ထားသည်။


ဧပြီ ၁ ရက် ကြားဖြတ်ရွေးကောက်ပွဲအတွက် ပြင်ဆင်မှုများနှင့် ကျင်းပမှု နှစ်ရပ်စလုံး ယုံကြည်စိတ်ချရမှု မဖြစ်မနေ လိုအပ်ကြောင်း “ဒီအစိုးရရဲ့ဒီမိုကရေစီလမ်းကြောင်းအပေါ် အများယုံကြည်မှု တိုးမြှင့်လာစေရေး အတွက် ကြားဖြတ် ရွေးကောက်ပွဲများဟာ အရေးကြီးတဲ့ စမ်းသပ်မှု ဖြစ်ပါတယ်” ဟု ဖော်ပြပါရှိသည်။


ငြိမ်းချမ်းရေးနှင့် အမျိုးသားပြန်လည်သင့်မြတ်ရေးမှာ တတိုင်းပြည်လုံး တည်ငြိမ်ရေးနှင့် ဖွံ့ဖြိုးတိုးတက်ရေး အတွက် ဗဟိုချက်မ ကျသည်ဟုလည်း မစ္စတာနမ်ဘီးယား က ပြောဆိုသည်။


လတ်တလော အပစ်ရပ်ရေးနဲ့ ငြိမ်းချမ်းရေး သဘောတူညီချက်များမှာ သမိုင်းတွင်မည့် အောင်မြင်မှု ရရန် မကြုံစဖူး နီးစပ်လာနေသော်လည်း ကချင်ပြည်နယ်လို အခြေအနေမျိုးမှာ တိုးတက်ဖြစ်ထွန်းမှုတွေ လိုအပ်
နေပါသေးကြောင်း မစ္စတာနမ်ဘီးယား က “ဆယ်စုနှစ်များစွာကြာ ပဋ္ဋိပက္ခနဲ့ အယုံအကြည် ကင်းမဲ့မှုတွေကို
အောင်နိုင်ဖို့ နိုင်ငံရေးဆွေးနွေးမှုတွေကတဆင့် အရေးကြီးတဲ့ ခြေခံလိုအပ်ချက် ရရှိဖို့ ကျန်ရှိနေပါသေး တယ်”ဟု ပါရှိသည်။


တိုင်းပြည်ဖွံ့ဖြိုးရေးနှင့် ကြီးထွားတိုးတက်မှုအတွင်း ပြည်သူများ သာတူညီမျှ ပြည့်ဝစွာ လိုက်ပါနိုင်ရေးအတွက် ပညာရေး၊ ကျန်းမာရေးနှင့် အလုပ်အကိုင် ဖန်တီးရေးများမှာ ဗဟိုနှင့် ဒေသအာဏာပိုင်များ၌ အဓိက တာဝန်ရှိကြောင်း ထောက်ပြပြောဆိုထားသည်။


ကြံ့ခိုင်တဲ့ စီးပွားရေးပေါ်လစီတွေကို ချမှတ်အကောင်အထည်ဖော်မှသာ ဒီပြောင်းလဲမှုတွေဟာ ပြည်သူ တရပ်လုံး အကျိုးစီးပွားကို အရှိန်မြှင့်နိုင်မှာ ဖြစ်ပါတယ်” ဟုလည်း ဖော်ပြပါရှိသည်။


သမ္မတ ဦးသိန်းစိန်အစိုးရဖွဲ့ပြီး နိုင်ငံရေးနှင့် စီးပွားရေး ပြုပြင်ပြောင်းလဲမှုများ ပြုလုပ်ခဲ့သည့် တနှစ်အကြာတွင်နိုင်ငံရေး အင်အားစု အမျိုးမျိုးတို့၏ အသိအမှတ်ပြုမှုဖြင့် ပြောင်းလဲမှုများမှာ အစပြုမှု၏ မကြုံစဖူး အဆင့်သို့ ရရှိလာနေကြောင်း မစ္စတာနမ်ဘီးယား က မှတ်ချက်ချသွားခဲ့သည်။


ဖေဖေါ်ဝါရီလ ၁၂ ရက်နေ့က မြန်မာနိုင်ငံသို့ ရောက်ရှိလာသည့် မစ္စတာဘန်ကီမွန်း၏ မြန်မာနိုင်ငံဆိုင်ရာ အထူးအကြံပေး မစ္စတာနမ်ဘီးယားသည် နေပြည်တော်တွင် သမ္မတ ဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ နိုင်ငံခြားရေးဝန်ကြီး ဦးဝဏ္ဏမောင်လွင့် အပါအဝင် အစိုးရခေါင်းဆောင်များနှင့် တွေ့ဆုံခဲ့ပြီး
ပြည်ထောင်စုငြိမ်းချမ်းရေး ကော်မတီ၊ ရွေးကောက်ပွဲ ကော်မရှင်၊ ကြံ့ခိုင်ရေးပါတီတို့နှင့်လည်း တွေ့ဆုံဆွေးနွေး ခဲ့သည်။
ထို့ပြင် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နှင့် ကြာသပတေးနေ့ ညနေက တွေ့ဆုံခဲ့သေးသည်။


မန်းငြိမ်းမောင် အမှုတွင် ဝန်ကြီးဦးအောင်မင်းကို သက်သေခေါ်လို
ဖနိဒါ | ကြာသပတေးနေ့၊ ဖေဖေါ်ဝါရီလ ၁၆ မဇ္ဈိမ


ချင်းမိုင်(မဇ္စျိမ) ။ ။ နိုင်ငံတော် ပုန်ကန်မှုအပါအဝင် ပြစ်မှုကြီးများဖြင့် တရားစွဲဆိုခံနေရသည့် ကရင်အမျိုးသား အစည်းအရုံး KNU ဗဟိုကော်မတီဝင် ပဒိုမန်းငြိမ်းမောင် အမှုအတွက် ပြည်ထောင်စုအဆင့် ငြိမ်းချမ်းရေး အဖွဲ့ခေါင်းဆောင် မီးရထားဝန်ကြီး ဦးအောင်မင်းကို သက်သေအဖြစ် ခေါ်ဆိုပေးရန် ပဒိုမန်းငြိမ်းမောင်၏ ရှေ့နေက တရားရုံးသို့ ကြာသပတေးနေ့က လျှောက်ထားလိုက်သည်။


ဝန်ကြီး ဦးအောင်မင်း နှင့်တကွ နေပြည်တော်မှ စစ်ဘက်ရေးရာလုံခြုံရေး(စရဖ)မှ ထိပ်တန်း အရာရှိကြီးများ၊ တပ်မှူးများ စုစုပေါင်း ၈ ဦးတို့အား အင်းစိန် အထူးတရားရုံးသို့ ဆင့်ခေါ်ပေးရန် ကြာသပတေးနေ့ ရုံးချိန်းကြားနာမှု အတွင်း လျှောက်ထားခြင်းဖြစ်သည်ဟု မန်းငြိမ်းမောင်၏ ရှေ့နေ ဦးကြီးမြင့် က မဇ္ဈိမကို ပြောသည်။


ကျနော်တို့တင်ပြထားတဲ့ သက်သေတွေကို ခေါ်မပေးဘူးဆိုရင် နောက်တပတ်မှာ နှစ်ဖက်အပြီးသတ် အမိန့်ချမယ်။ခေါ်ပေးတယ် ဆိုရင်တော့ စောင့်ရမှာပေါ့” ဟု ဦးကြီးမြင့် က ပြောသည်။


ရန်ကုန်တိုင်း မြောက်ပိုင်းခရိုင် အင်းစိန် အထူးတရားရုံး၌ ကြာသပတေးနေ့က ကြားနာစစ်ဆေးခဲ့ရာတွင် ပဒိုမန်းငြိမ်းမောင်ကို တရားလို ရှေ့နေများက ၃ နာရီခန့်ကြာ စစ်ဆေး မေးမြန်းခဲ့သည်ဟု ပဒိုမန်းငြိမ်းမောင်၏ရှေ့နေက ပြောသည်။


ပဒိုမန်းငြိမ်းမောင်က သူသည် KNU ဗဟိုကော်မတီဝင် ဖြစ်ကြောင်းနှင့် အမျိုးသားရေး၊ ငြိမ်းချမ်းရေး၊ ပြည်သူလူထု လူ့အခွင့်အရေးအတွက် တိုက်ပွဲဝင်ခဲ့သည်ဟု ထွက်ဆိုခဲ့ကြောင်း သိရသည်။


သူက ငြိမ်းချမ်းရေးကိစ္စတွေကို နိုင်ငံတော်ကို အကူအညီပေးခဲ့တယ်။ အစိုးရက လက်နက်ပဲ အချခိုင်းနေတယ်။ အခွင့်အရေးတွေကို တကယ်မပေးဘူး။ တကယ်လို့ သူတို့ အခွင့်အရေး ပေးမယ်ဆိုရင် သူတို့လည်း ငြိမ်းချမ်းရေး လိုလားတယ်။ တိုက်ခိုက်စရာ မလိုဘူး။ ငြိမ်းချမ်းရေး ပေးမယ်ဆိုရင် အစိုးရနဲ့ လက်တွဲသွားဖို့ လုပ်လို့ရတယ်လို့ ထွက်ဆိုပါတယ်” ဟု မဒိုမန်းငြိမ်းမောင်၏ ရှေ့နေက ပြောသည်။


ပဒိုမန်းငြိမ်းမောင်အား ၂ဝ၁၁ ခုနှစ် ဇူလိုင်လ ၂၄ ရက်နေ့ လေကြောင်းလိုင်းဖြင့် တရုတ်နိုင်ငံ ကူမင်းမြို့မှ မြန်မာနိုင်ငံ ရန်ကုန်မြို့သို့ ရောက်ရှိလာစဉ် နိုင်ငံကူးလက်မှတ် တံဆိပ်တုံးအတု ရိုက်နှိပ် ထားသည်ဟုဆိုကာ အစိုးရ အာဏာပိုင် များက ဖမ်းဆီးခဲ့ခြင်း ဖြစ်သည်။


ယင်းနောက် စက်တင်ဘာလ ၂ ရက်နေ့တွင် ပြစ်မှုဆိုင်ရာ ဥပဒေပုဒ်မ ၄၆၈ နှင့် လူဝင်မှု ကြီးကြပ်ရေး အက်ဥပဒေ ပုဒ်မ ၁၃/၁ တို့အရ ထောင်ဒဏ် ၆ လစီကို တပေါင်းတည်း ကျခံစေရန် ရန်ကုန်တိုင်း မင်္ဂလာဒုံ တရားရုံးမှ ပြစ်ဒဏ် ချမှတ်ခဲ့သည်။


မူလစွဲဆို အမှုများမှ လွတ်မြောက်ရန် ၂၂ ရက် အလို ဇန်နဝါရီလ ၂ ရက်နေ့တွင် မတရားအသင်း ပုဒ်မ ၁၇()နှင့်နိုင်ငံတော် ပုန်ကန်မှု ပုဒ်မ ၁၂၂()တို့ဖြင့် ထပ်မံ တရားစွဲ ဆိုထားခြင်း ဖြစ်သည်။


သူ့ကို တရားစွဲတာကို သူက တော်တော်ကို စိတ်ထိခိုက်ပြီးတော့ စိတ်မကောင်းဘူးပေါ့ဗျာ။ ရှင်းရှင်းပြောရင် သူပြောတဲ့အတိုင်း ပြောရင် သူ ‘အလိမ်ခံရတာပဲ’လို့ ပြောတယ်ဗျ”ဟု ဦးကြီးမြင့်က မန်းငြိမ်းမောင်၏ ပြောစကားကိုပြန်ပြောပြသည်။


ပြီးခဲ့သည့် ဇန်နဝါရီလ ၁၂ ရက်နေ့က အစိုးရနှင့် KNU တို့ ပဏာမ တွေ့ဆုံ၍ အပစ်အခတ် ရပ်စဲရေး သဘောတူ လက်မှတ်ရေးထိုးခဲ့စဉ် ပဒိုမန်းငြိမ်းမောင် အပါအဝင် ဖမ်းဆီးထားသူများကို လွှတ်ပေးရန် KNU ဘက်မှ တောင်းဆိုခဲ့ သည်။


သောကြာ, 17 ဖေဖော်ဝါရီ 2012
NLD ကို မဲပေးဖို့ ဖျာပုံလူထုကို ဒေါ်စု တိုက်တွန်း


By မသင်းသီရိ VOA
မြန်မာနိုင်ငံ ဖွံဖြိုးတိုးတက်ဖို့ အတွက် ပညာရေးကဏ္ဍ တိုးတက်ဖို့ဟာ အန်မတန် အရေးတကြီး လိုအပ်တယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒီကနေ့ ပါတီစည်းရုံးရေးအဖြစ် ဖျာပုံမြို့ကို သွားစဉ်အတွင်း လူထုကို ပြောခဲ့တဲ့ မိန့်ခွန်းထဲမှာ ဒေါ်အောင်ဆန်းစုကြည်က အခုလို ထည့်သွင်း ပြောကြားသွားတာ ဖြစ်သလို လုံခြုံလွတ်လပ်တဲ့ ဘ၀တွေကို ပေးနိုင်မယ့် ဒီမိုကရေစီစနစ် ကြိုးပမ်းမှုတွေမှာ လူထုအားလုံး ပါဝင်ဖို့ကိုလည်း တိုက်တွန်းခဲ့ပါသေးတယ်။ ဒီခရီးစဉ်အကြောင်း အပြည့်အစုံကို မသင်းသီရိက တင်ပြထားပါတယ်။


NLD ပါတီရဲ့ ရွေးကောက်ပွဲ စည်းရုံးရေး ခရီးစဉ်အဖြစ် ဒေါ်အောင်ဆန်းစုကြည်ဟာ ဒီကနေ့ ဖေဖော်ဝါရီလ ၁၇ ရက် သောကြာနေ့က ဧရာဝတီတိုင်းထဲက ကျိုက်ထော်နဲ့ ဖျာပုံမြို့တွေကို သွားခဲ့တာပါ။ ကျိုက်ထော်မှာ တထောက်နားပြီး လူထုကို စကားပြောခဲ့သလို နေ့လယ်ပိုင်း ဖျာပုံကို ရောက်ခဲ့ပြီး မြို့ခံလူထုတွေကို ဒေါ်အောင်ဆန်းစုကြည်က မိန့်ခွန်းပြောခဲ့ပါတယ်။ ဒေါ်အောင်ဆန်းစုကြည်ရဲ့ မိန့်ခွန်းထဲမှာ မြန်မာပြည် တိုးတက်လာဖို့အတွက် ပညာရေးကဏ္ဍဟာ အထူး အရေးကြီးသလို တရားဥပဒေ စိုးမိုးရေး အရေးကြီးပုံတွေကို ပြောသွားပါတယ်။


ကျမတို့ မြန်မာနိုင်ငံ တိုးတက်ဖို့ဆိုတာ ပညာရေးအရ တိုးတက်ဖို့ အင်မတန်မှ လိုအပ်တယ် ဆိုတာ ကျမ ထူးထူးထွေထွေ ပြောပြစရာ မလိုဘူးလို့ ထင်ပါတယ်။ ကျမတို့ လမ်းမ ဖြတ်ခဲ့တဲ့အခါကျတော့ မူလတန်း ကျောင်းကလေးတွေကို တွေ့ခဲ့တယ်။ တံခါးတွေကတော့ ပိတ်ထားပါတယ်။ ဒါပေမဲ့ တံခါးတွေ နောက်ဘက်က ကျမတို့ကို ကြိုဆိုနှုတ်ဆက်ကြတယ် ကလေးတွေက။ အဲဒီတော့ ဒီဟာ ဟာ ကလေးတွေရဲ့ စိတ်ဓါတ်ကို ဖော်ပြတာ၊ ကောင်းမွန်တဲ့ စိတ်ဓါတ်။ ကလေးတွေ ဆိုတာလည်း လွတ်လွတ်လပ်လပ် နေချင်တယ်။ ကလေးတွေ ဆိုတာလည်း သူတို့ဘ၀ကို အဓိပ္ပါယ် ရှိစေချင်တယ်။ ကလေးတွေ ဆိုတာဟာ ကလေးမိုလို့ လူကြီးစကားနဲ့ မဖော်ပြတတ်ပေမဲ့ မတရားတာ တရားတာကိုလည်း နားလည်တယ်။ ကလေးတိုင်း ကလေးတိုင်းမှာလည်း ဒီလိုစိတ်ဓါတ်ရှိတယ်လို့ ကျမ ထင်တယ်။ ကျမတို့ ပြည်သူတွေဟာ တရားမျှတမှုကို တန်ဖိုးထားတယ်၊ လေးစားတယ် ဆိုတာ ကျမတို့ ယုံကြည်တယ်။ တရားမျှတမှု ဆိုတာလည်း အင်မတန်မှ လိုအပ်ပါတယ်။ နိုင်ငံတစ်နိုင်ငံမှာ တရားဥပဒေ စိုးမိုးမှ ပြည်သူတွေရဲ့ ဘ၀ဟာ လုံခြုံမှာပါ။ လုံလည်း လုံခြုံရမယ်၊ လွတ်လည်း လွတ်လပ်ရမယ်လို့ ကျမတို့ အမြဲ ပြောပါတယ်။ ဒီနှစ်ခုစလုံးကို ချိန်ခွင်လျှာ ညီမျှစွာနဲ့ အပေးနိုင်ဆုံးစနစ်က ဒီမိုကရေစီစနစ်လို့ ကျမတို့ ယုံကြည်လို့ အမျိုးသား ဒီမိုကရေစီအဖွဲ့ချုပ်ကို ထူထောင်ခဲ့တာ။”


မြန်မာနိုင်ငံမှာ လွတ်လပ်ရေးရဖို့ ကြိုးပမ်းခဲ့ကြသူတွေရဲ့ မျှော်မှန်းချက်တွေဟာ အခုချိန်ထိ မရှိသေးတာမို့ အခုခေတ်မှာ ကြိုးစားကြရမယ် လို့လည်း ပြောပါတယ်။
ဒီနိုင်ငံရဲ့ အဓိက ပြဿနာတွေလို့ ပြောခဲ့တာတွေဟာ ဘာတွေလဲ ဆိုတော့ ကုန်ဈေးနှုန်း မြင့်မားတဲ့ကိစ္စတွေ၊ အလုပ်လက်မဲ့ ကိစ္စတွေ၊ ကျန်းမာရေး၊ ပညာရေး လုံလုံလောက်လောက် ပြည်သူအတွက် မလုပ်ပေးနိုင်တာတွေ။ ဒီတော့ ဘာအဓိပ္ပါယ် ပေါက်သလဲ၊ အနှစ် ၆၀ အတွင်း ကျမတို့ နိုင်ငံရဲ့ တိုးတက်မှုဟာ မလုံလောက်ဘူး ဆိုတာကို ကွက်ကွက်ကွင်းကွင်း ပေါ်လွင်ပါတယ်။ ဒီဟာတွေ အကောင်အထည် ဖော်ဖို့ဟာ ကျမတို့တွေရဲ့ တာဝန်ဖြစ်ပါတယ်။”
ဒါ့အပြင် ကြားဖြတ် ရွေးကောက်ပွဲကို ဘာကြောင့် NLD ပါတီ ၀င်ရတာလဲ ဆိုတာနဲ့ ပတ်သက်ပြီးတော့လည်း ဒေါ်အောင်ဆန်းစုကြည်က ရှင်းပြသွားပါတယ်။
ဒီ ၄၈ နေရာဟာ ကျမတို့ ဒီမိုကရေစီ လိုလားတဲ့သူတွေအတွက် အများကြီးပဲ အရေးကြီးပါတယ်။ ဒီ ၄၈ နေရာဟာ ဒီမိုကရေစီစနစ်ကို အနှစ် ၂၀ ကျော် ကျင့်သုံးပြီးတော့ ဒီမိုကရေစီစနစ်အတွက် အနှစ် ၂၀ ကျော် တိုက်ပွဲဝင်ခဲ့တဲ့ ကျမတို့ အမျိုးသား ဒီမိုကရေစီအဖွဲ့ချုပ်ကို ပြည်သူလူထုရဲ့ တာဝန်တွေ အတိုင်းအတာတစ်ခုအထိ ထမ်းဆောင်ဖို့ အခွင့်အရေးကြုံတဲ့ ရွေးကောက်ပွဲတွေ ဖြစ်ပါတယ်။”
လူထုဟာ မှန်ကန်ရဲရင့်စွာနဲ့ မမျှတမှုတွေကို တွန်းလှန်နိုင်တဲ့ စိတ် မွေးမြူကြဖို့လည်း တိုက်တွန်းသွားပါတယ်။
မမျှမတ လုပ်လို့ရှိရင် ကျမတို့ ပြည်သူတွေက မခံချင်ကြဘူး။ ကောင်းတဲ့ မခံချင်တဲ့စိတ်၊ မတော်မတရား လုပ်လို့ မမျှမတလုပ်လို့ မခံချင်တာဟာ ကောင်းတဲ့ မခံချင်စိတ်။ ဒီကောင်းမွန်တဲ့ မခံချင်စိတ်နဲ့ ပြည်သူတွေက ကျမတို့ကို ဒီနေ့ ပိုပြီးတော့တောင် အားပေးသလားလို့ ကျမ ထင်မိပါတယ်။”


ဖျာပုံ မြို့ခံလူထုကို ဒေါ်အောင်ဆန်းစုကြည် ပြောခဲ့တဲ့မိန့်ခွန်းထဲက တချို့ကို ကောက်နုတ်တင်ပြခဲ့တာ ဖြစ်ပါတယ်။ ဒါ့အပြင် လယ်ယာကဏ္ဍကို အားထားနေကြရတဲ့ ဒေသခံတွေရဲ့ လယ်သမားအရေး ကိစ္စတွေ၊ လယ်ယာကဏ္ဍ ဖွံ့ဖြိုးရေးကိစ္စတွေကိုလည်း NLD ပါတီက တတ်နိုင်သလောက် ဆောင်ရွက်သွားမယ် ဆိုတာကိုလည်း ထည့်သွင်း ပြောကြားသွားတယ်လို့ ဖျာပုံမဲဆန္ဒနယ်မှာ ၀င်ရောက် ယှဉ်ပြိုင်မယ့် NLD ပါတီ ကိုယ်စားလှယ်လောင်း ဦးသိန်းဆွေက ပြောပါတယ်။ ဒါ့အပြင် ဒေါ်အောင်ဆန်းစုကြည်ရဲ့ ဒီကနေ့ ဖျာပုံစည်းရုံးရေး ခရီးစဉ် အတွက် စီစဉ်ရာမှာ အာဏာပိုင်တချို့နဲ့ အဆင်မပြေတာတွေ ရှိခဲ့တယ်လို့ ဖျာပုံမဲဆန္ဒနယ်မှာ ၀င်ရောက် ယှဉ်ပြိုင်မယ့် NLD ပါတီ ကိုယ်စားလှယ်လောင်း ဦးသိန်းဆွေက ပြောပါတယ်။


ဒေါ်အောင်ဆန်းစုကြည်က ပြည်သူ့အားကစားကွင်းကို လာမယ်။ ပြည်သူ့အားကစားကွင်းမှာ တရားဟောဖို့ ကျမတို့ သွားတင်တယ်။ အဲဒီတော့ ပြည်သူ့အားကစားကွင်းကို ပေးဖို့ အဲဒီအတွက် ကျနော်တို့က ဖျာပုံမြို့အ၀င် သဲကွင်းဆိုတဲ့ နေရာကို လူထုဟောပြောပွဲလုပ်ဖို့ ပြင်ဆင်ရပါတယ်။ အဲဒီနေရာမှာပဲ ဟောပြောရပါတယ်။ နောက်တခါ သူတို့အခု ဒေါ်အောင်ဆန်းစုကြည် လာတဲ့အခါမှာ သူတို့ကလည်း ကြားတာက သာစည်ဘုရားဘက်ကို ဘုရားလာဖူးမယ်၊ ဘုရားလာဖူးရင် အဲဒီမှာ မဏ္ဍပ် အဆင်သင့်ရှိလို့ အဲဒီမဏ္ဍပ်ပေါ်တက်ပြီး တရားဟောမယ် ဆိုပြီးတော့ မဏ္ဍပ်ကို လှန်ခိုင်းပါတယ်။ အဲဒီတော့ မဏ္ဍပ်ကို လာပြီး ဖျက်ကြတယ်ပေါ့လေ။ အမှန်တော့ ကျနော်တို့ကတော့ အဲဒီ အစီအစဉ် သွားဖို့မရှိပါဘူး။”
ဒေါ်အောင်ဆန်းစုကြည်ဟာ ဒီကနေ့ ဖျာပုံကို နေ့ချင်းပြန် ခရီးအဖြစ် သွားခဲ့တာဖြစ်ပြီး ဒီခရီးမှာ ဖျာပုံမြို့ လူထု အများအပြား ကြိုဆိုခဲ့သလို အနီးဝင်းကျင်မြို့တွေ ဖြစ်တဲ့ ဘိုကလေး၊ ဒေးဒရဲနဲ့ ကျိုက်လတ်မြို့ခံ လူထုတွေလည်း လာရောက်ခဲ့ကြပါတယ်။ ဒါ့အပြင် NLD ပါတီရဲ့ ရွေးကောက်ပွဲ စည်းရုံးရေး အတွက်ရော ပါတီစည်းရုံးရေး အတွက်ပါ ဒေါ်အောင်ဆန်းစုကြည်ဟာ ကချင်ပြည်နယ်၊ ရှမ်းပြည်နယ်နဲ့ မန္တလေးတိုင်း အပြင် သူ ၀င်ရောက်ယှဉ်ပြိုင်မယ့် ကော့မှူးမြို့ကိုလည်း ဒီလထဲမှာပဲ ထပ်သွားဖို့ စီစဉ်ထားတယ်လို့ NLD ပါတီက ပြောပါတယ်။
သောကြာ, 17 ဖေဖော်ဝါရီ 2012
မြန်မာအစိုးရခေါင်းဆောင်ပိုင်း အီးယူ ပြည်ဝင်ခွင့် ပိတ်ပင်မှု ရုပ်သိမ်း
By ဗွီအိုအေ (မြန်မာဌာန)
အထီးကျန်ဖြစ်နေတဲ့ မြန်မာနိုင်ငံထဲမှာ နိုင်ငံရေး ပြုပြင်ပြောင်းလဲမှုတွေ ဖြစ်ပေါ်နေတဲ့ အတွက်ကြောင့် ဥရောပသမဂ္ဂ ကနေ အရေးယူ ပိတ်ဆို့ထားမှု တချို့ကို သောကြာနေ့မှာ ပြန်လည် ရုပ်သိမ်းလိုက်ပါတယ်။


နိုင်ငံတော်သမ္မတ၊ ဒုတိယ သမ္မတတွေ၊ လွှတ်တော်အမတ်တွေနဲ့ သူတို့ရဲ့ မိသားစုဝင် ၈၇ ယောက်အပေါ် ပြည်ဝင်ခွင့် ပိတ်ပင် တားဆီးထားမှုကို ရုပ်သိမ်းလိုက်တယ်လို့ ဥရောပသမဂ္ဂ ကောင်စီကနေ သောကြာနေ့မှာ ထုတ်ပြန်လိုက်တဲ့ သတင်း ထုတ်ပြန်ချက်မှာ ဖော်ပြထားပါတယ်။


ဒီလို ရုပ်သိမ်းလိုက်တယ် ဆိုပေမဲ့ ဥရောပမှာရှိတဲ့ သူတို့ရဲ့ ပိုင်ဆိုင်မှုတွေ အပေါ် ထိန်းချုပ်ထားတာတွေကတော့ ဆက်ပြီး ရှိနေဦးမှာ ဖြစ်တယ်လို့ ကြေညာချက်က ဆိုပါတယ်။


မြန်မာနိုင်ငံအပေါ် ချမှတ်ထားတဲ့ အရေးယူ ပိတ်ဆို့မှုတွေ အပေါ် ဥရောပသမဂ္ဂ အနေနဲ့ ပြန်လည် သုံးသပ်နေဆဲ ဖြစ်ပါတယ်။ အဲဒီအရေးယူ ပိတ်ဆို့ထားမှုတွေရဲ့ သက်တမ်းဟာ အခုလာမယ့် ၂၀၁၂ ဧပြီလမှာ ကုန်ဆုံးမှာ ဖြစ်ပါတယ်။


မြန်မာနိုင်ငံကို ပြန်ထောက်ပံ့တော့မယ် ကမ္ဘာ့ဘဏ် ပြော
2012-02-16 RFA
မြန်မာနိုင်ငံရဲ့ ပြုပြင် ပြောင်းလဲရေးတွေကို အားပေးကူညီဖို့ ပြန်လည်ထိတွေ့ ဆက်ဆံတော့မှာဖြစ်ပြီး ထောက်ပံ့ကူညီမှုတွေ ပြန်ပေးတော့မယ်လို့ ကမ္ဘာ့ဘဏ်က ပြောလိုက်ပါတယ်။
ကမ္ဘာ့ဘဏ် အရှေ့အာရှနဲ့ ပစိဖိတ်ဒေသဆိုင်ရာ ဒု ဥက္ကဋ္ဌ Mrs. Pamela Cox က တိုင်းပြည်ရဲ့ အခြေခံစီးပွားရေး အဆောက်အအုံတွေနဲ့ ဘဏ္ဍာရေး ကဏ္ဍအခြေအနေကို လေ့လာသုံးသပ်ဖို့ ကျွမ်းကျင်သူတွေ စေလွှတ်မှာဖြစ်ကြောင်း၊ လူထုအတွက် သုံးစွဲတဲ့ငွေတွေ လိုရာရောက်မရောက်၊ ထိရောက်မှုရှိမရှိ စတဲ့ အစိုးရ အသုံးစရိတ်တွေကို လေ့လာဆောင်ရွက်သွားမှာ ဖြစ်ကြောင်း ကြာသပတေးနေ့က ပြောဆိုပါတယ်။
ဒါပေမယ့် ကမ္ဘာ့ဘဏ်အနေနဲ့ မြန်မာအစိုးရကို ဘဏ္ဍာရေး ထောက်ပံ့မှုတွေ ပေးဦးမှာတော့ မဟုတ်ဘဲ နိုင်ငံတကာ ငွေကြေးအဖွဲ့အစည်းတွေအပေါ် မြန်မာပြည်က တင်ရှိနေတဲ့ အကြွေးတွေ အပြေအလည် ပေးဆပ်ပြီးမှသာ နောက်ထပ် ငွေချေးနိုင်မှာလို့ ဆိုပါတယ်။
မြန်မာအစိုးရရဲ့ နိုင်ငံရေး ပြုပြင်ပြောင်းလဲမှုတွေအပေါ် တုံ့ပြန်တဲ့အနေနဲ့ အမေရိကန် ပြည်ထောင်စုက ပိတ်ဆို့အရေးယူမှုတချို့ကို ပြန်ဖွင့်ပေးလိုက်ရာမှာ နိုင်ငံတကာ ငွေကြေးအဖွဲ့အစည်းတွေရဲ့ နည်းပညာ ထောက်ပံ့မှုတွေလည်း ပါဝင်ခဲ့ပါတယ်။


ထိုင်းကုမ္ပဏီနဲ့ မြန်မာ Forever Group ဖက်စပ်လုပ်မည်
2012-02-16 RFA
ထိုင်းနိုင်ငံရဲ့ မီဒီယာနဲ့ ဖျော်ဖြေရေး လုပ်ငန်းကြီး တစ်ခုဖြစ်တဲ့ BEC-Tero ကုမ္ပဏီဟာ မြန်မာနိုင်ငံက Forever Group နဲ့ ဖက်စပ်လုပ်ကိုင်ဖို့ စီစဉ်နေကြောင်း ဘန်ကောက်ပို့စ် သတင်းစာက ဒီကနေ့ ဖော်ပြပါတယ်။
Forever Group ဟာ လက်ရှိ MRTV- 4 ရုပ်မြင်သံကြားလိုင်းကို ထုတ်လွှင့်နေပါတယ်။


BEC-Tero ကုမ္ပဏီရဲ့မဟာဗျူဟာ စီမံရေး ညွှန်ကြားရေးမှူးက ကုမ္ပဏီအနေနဲ့ မြန်မာနိုင်ငံကို လုပ်ငန်းတိုးချဲ့ဖို့ နှစ်နှစ်လောက် လေ့လာ စောင့်ကြည့်ခဲ့ကြောင်း၊ မြန်မာနဲ့ ပူးတွဲဖက်စပ် လုပ်ကိုင်ရာမှာ နည်းပညာ ပံ့ပိုးမှုတွေ ပေးသွားမှာဖြစ်ပြီး ရုပ်သံလိုင်းအသစ် လိုင်းအမှတ် ၇ အတွက် ရုပ်မြင်သံကြား ဇာတ်လမ်းတွေ၊ မနက်ခင်း သတင်းအစီအစဉ်တွေ ပူးတွဲ ဆောင်ရွက်သွားမှာ ဖြစ်ကြောင်း၊ လာမယ့် ဧပြီလ အလယ်ပိုင်းလောက်မှာ စတင်နိုင်မယ်လို့ မျှော်လင့်ကြောင်း ပြောဆိုပါတယ်။


ဖက်စပ်ဆောင်ရွက်ရာမှာ BEC-Tero ကုမ္ပဏီက အစုရှယ်ယာ ၄၉ ရာနှုန်း၊ Forever Group က ၅၁ ရာနှုန်း ပါဝင်မှာဖြစ်ပါတယ်။ စုစုပေါင်းဖက်စပ်ပမာဏကိုတော့ မသိရပါဘူး။


BEC-Tero ကုမ္ပဏီဟာ ထိုင်းနိုင်ငံ BEC World ကုမ္ပဏီကြီးရဲ့ လုပ်ငန်းခွဲတစ်ခုဖြစ်ပြီး ရေဒီယို၊ ရုပ်မြင်သံကြား၊ စင်တင်ဇာတ်ပွဲတွေ ထုတ်လွှင့် ပြသနေပါတယ်။ မနှစ်က ထိုင်းဘတ်ငွေ သန်း နှစ်ထောင့်ရှစ်ရာ ၀င်ငွေရရှိခဲ့ပြီး ဒီနှစ်မှာ သန်း သုံးထောင် ရမယ်လို့ ခန့်မှန်းထားပါတယ်။


ရွှေည၀ါ ဆရာတော် တတိယနေ့ ဆွမ်းခံကြွ
2012-02-17 RFA
ရန်ကုန်မြို့ ကြည့်မြင်တိုင် သာဓုကျောင်းတိုက်က ရွှေည၀ါ ဆရာတော် ဦးပညာသီဟနဲ့ သံဃာတော်တွေဟာ ဒီကနေ့ တတိယမြောက်အဖြစ် ကျောင်းတိုက် အနီးက ရပ်ကွက်တွေမှာ ဆွမ်းခံကြွခဲ့ပြီး ရရှိတဲ့ ဆွမ်းကွမ်းတွေကို လှိုင်သာယာမြို့နယ်က မီးဘေး ဒုက္ခသည်တွေကို ပြန်လည် လှူဒါန်းခဲ့ပါတယ်။


အခုလို နေ့စဉ် ရွှေညဝါ ဆရာတော် ဆွမ်းခံကြွတဲ့ကိစ္စမှာ တခြားသံဃာတော်တွေ ဝင်ရောက် ကြွချီခြင်း မပြုစေဖို့ တိုင်း သာသနာရေး ဦးစီးဌာန တာဝန်ရှိသူတွေက ရွှေညဝါ ဆရာတော်ကို မနေ့က လျှောက်ထားခဲ့ပါတယ်။ အဲဒီလို အတားဆီးခံရတဲ့ထဲမှာ မိမိလည်း ပါဝင်တယ်လို့ ဒဂုံမြို့သစ် မကွေး ပရိယတ္တိကျောင်း ဆရာတော် ဦးပါမောက္ခက အာအက်ဖ်အေကို မိန့်ပါတယ်။


သံဃာ့ မဟာနာယကက မိန့်ကြားချက်အတိုင်း ရွှေည၀ါ ဆရာတော်ဟာ သန်ဘက်ခါ ၁၉ ရက်မှာ ကြည့်မြင်တိုင် ရွှေည၀ါ ကျောင်းတိုက်ကနေ ထွက်ခွာမယ်လို့ ဆိုပါတယ်။ ၁၉ ရက် မနက်ပိုင်းမှာ ဒါယကာ ဒါယိကာမတွေနဲ့ နောက်ဆုံး တွေ့ဆုံပြီး နေ့လယ်ပိုင်းမှာ ကျောင်းတိုက်က ထွက်ခွာကာ မှော်ဘီမြို့နယ်က ခြံတစ်ခုမှာ သွားရောက် သီတင်းသုံးမယ်လို့ သိရပါတယ်။


ဥပဒေ စိုးမိုးရေးအတွက် ရွေးကောက်ပွဲ ဝင်မယ်လို့ အမျိုးသား ဒီမိုကရေစီအဖွဲ့ချုပ် ကြေညာ
2012-02-16 RFA


ဧပြီ ၁ ရက်မှာ ကျင်းပမယ့် ကြားဖြတ် ရွေးကောက်ပွဲကို အမျိုးသား ဒီမိုကရေစီအဖွဲ့ချုပ်အနေနဲ့ ဥပဒေစိုးမိုးရေး၊ ပြည်တွင်း ငြိမ်းချမ်းရေးနဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်နိုင်ရေး ဆိုတဲ့ ရည်ရွယ်ချက် သုံးခုနဲ့ ၀င်ပြိုင်မှာဖြစ်ကြောင်း ကြေညာချက် ထုတ်ပြန်လိုက်ပါတယ်။
တရားဥပဒေ စိုးမိုးမှသာ ဥပဒေရဲ့ အကာအကွယ်ကို အမှန်တကယ်ရနိုင်ပြီး လွတ်လပ်မှုအရသာကို ပြည်သူတွေ အမှန်တကယ် ခံစားနိုင်မှာဖြစ်တယ်လို့ အန်အယ်လ်ဒီအနေနဲ့ လက်ခံယုံကြည်ကြောင်း ပါတီရဲ့ အတွင်းရေးမှူးအဖွဲ့ဝင် ဦးအုံးကြိုင်က ပြောပါတယ်။


ဒါအပြင် ပြည်တွင်းစစ် အမြန်ဆုံးရပ်ဆိုင်းပြီး ငြိမ်းချမ်းအောင်လုပ်နိုင်မှသာ တိုင်းပြည်ကို ဖွံဖြိုးတိုးတက်အောင် တည်ဆောက်နိုင်မယ်လို့ အန်အယ်လ်ဒီက ယုံကြည်ကြောင်း၊ ၂၀၀၈ ဖွဲ့စည်းပုံအခြေခံဥပဒေ ပြင်ဆင်နိုင်ရေးအတွက် လွှတ်တော်တွင်း ညှိနှိုင်းအဖြေရှာပြီး ပြင်ဆင်နိုင်ဖို့ အန်အယ်လ်ဒီ အနေနဲ့ ကြိုးစားဆောင်ရွက်သွားမှာဖြစ်ကြောင်းလည်း ဦးအုံးကြိုင်ကပြောပါတယ်။


လွှတ်တော်ပြင်ပသာမက လွှတ်တော်တွင်း ဒီမိုကရေစီ တည်ဆောက်ရေး လုပ်ငန်းတွေ တိုးမြှင့်လုပ်ဆောင်သွားနိုင်ဖို့ အန်အယ်လ်ဒီအနေနဲ့ တရားဝင် နိုင်ငံရေးပါတီအဖြစ် ပြန်လည်မှတ်ပုံတင်ပြီး အခု ကြားဖြတ်ရွေးကောက်ပွဲကို ၀င်ရောက် ယှဉ်ပြိုင်ရတာဖြစ်တယ်လို့ ဒီကနေ့ရရှိတဲ့ ကြေညာချက်မှာ ဖေါ်ပြထားပါတယ်။
================================



No comments:

Post a Comment